2ኛው ዙር የኮሪደር ልማት ወደ ትግበራ የገባው ከህብረተሰቡ ጋር በቂ ውይይት ተደርጎ ነው - የአዲስ አበባ ከተማ አስተዳደር
**************

2ኛው ምዕራፍ የኮሪደር ልማት ወደ ትግበራ ከመግባቱ በፊት ከልማት ተነሺ ነዋሪዎች ጋር ውይይት መደረጉን የአዲስ አበባ ከንቲባ ዋና አማካሪ ሞላ ንጉስ ገለፁ።

በልማቱ አንዱ የትኩረት ማዕከል ህብረተሰቡን ማወያየት እንደነበር የጠቀሱት ዋና አማካሪው፤ በዚህም የልማቱ አስተባባሪ ኮሚቴ አባላት የሆኑት የከተማዋ ከንቲባ፣ ምክትል ከንቲባ፣ የክፍለ ከተሞች ስራ አስፈፃሚዎች እና ሌሎች አመራሮች ከነዋሪዎች ጋር መወያየታቸውን ገልፀዋል።

በውይይቱ ህብረተሰቡ በልማቱ ላይ ጥያቄ እንዳላነሳ ገልፀው፤ ይህም በቀዳሚው የኮሪደር ልማት አመርቂ ውጤት በመገኘቱ መሆኑን ተናግረዋል።

በውይይቱ በነዋሪዎች የተነሱ ጥያቄዎች የእኛ መብት ምንድን ነው? የምትክ ቤት ጉዳይ እንዴት ይሆናል? የሚሉት መሆናቸውን ገልፀዋል።

ተነሺዎቹ በዕጣ ፍትሃዊ የሆነ እና ማህበራዊ አንድነትን የማያሳሳ ድልድል እንዲያገኙ መደረጉንም ተናግረዋል።

ከምትክ ቤት አሰጣጥ እና መሰል ጉዳዮች ጋር ተያይዞ የሚነሱ ቅሬታዎች ካሉ ይህንኑ የሚያስተናግድና ተገቢ ምላሽ የሚሰጥ አሰራር በወረዳዎች ስለመኖሩ ገልፀዋል።

የተሰሩ መሰረተ ልማቶች ውበታቸውን እንደጠበቁ እንዲቆዩ ከተለያዩ የመንግሥት ተቋማት ጋር በጋራ እየተሰራ ስለመሆኑም አንስተዋል።

በመጀመሪያው ዙር የተሰራው የኮሪደር ልማት ውጤታማነት ህብረተሰቡ ከልማቱ ጎን እንዲቆም እና መሰረተ ልማቱንም በባለቤትነት እንዲጠብቅ ማስቻሉንም የአዲስ አበባ ከንቲባ ዋና አማካሪ ሞላ ንጉስ ተናግረዋል።

በአፎምያ ክበበው

የኢትዮጵያ ንግድ ባንክ የዕለቱ የምንዛሬ ዋጋ

በ2017 ተቋማዊ ነፃነትን የጠበቀ የፍትህ ስርዓትን ለማጠናከር ይሰራል - የፌደራል ጠቅላይ ፍ/ቤት
*****************

የፌደራል ፍርድ ቤቶች የ2017 ዓ.ም መደበኛ የዳኝነት የስራ የማስጀመሪያ መርሀ ግብር በመከናወን ላይ ይገኛል።

በመርሀ ግብሩ ላይ ንግግር ያደረጉት የፌደራል ጠቅላይ ፍ/ቤት ፕሬዚዳንት ቴዎድሮስ ምህረቱ በ2016 በርካታ ሪፎርሞች መደረጋቸውን አስታውሰው፤ በተለይም በቴክኖሎጂ የተደራጀ አሰራር በሰፊው መተግበሩን አንስተዋል።

በአገልግሎት አሰጣጥ ላይ በተስተዋሉ ግድፈቶች ላይ እርምት መወሰዱን ያነሱ ሲሆን ከተለያዩ ተቋማት በጋራ ተሰርቷል ብለዋል።

በ2017 ዓ.ም ተቋማዊ ነፃነትን የጠበቀ የፍትህ ስርዓትን ማጠናከር፣ ለዳኞች ምቹ የስራ ሁኔታ መፍጠር፣ የተጠያቂነት ስርዓትን በአግባቡ መተግበር፣ የሽግግር ፍትህ ልዩ ችሎትን ማቋቋምና ሌሎችም የማሻሻያና አዳዲስ አሰራሮች በፍ/ቤቶች ይከወናሉም ነው ያሉት።

ይህን ለማሳካትም ሁሉም ባለድርሻ አካላት በትጋት እና በስነ-ምግባር ኃላፊነታቸውን እንዲወጡ ጠይቀዋል።

በሰለሞን ከበደ

#etv ዛሬ ምሽት ይጠብቁን . . .

የሰንደቅ ዓላማ ቀን የፊታችን ሰኞ ይከበራል - የሕዝብ ተወካዮች ምክር ቤት
*************

የሰንደቅ ዓላማ ቀን የፊታችን ሰኞ ጥቅምት 4 ቀን 2017 ዓ.ም እንደሚከበር የሕዝብ ተወካዮች ምክር ቤት ገልጿል፡፡

የዘንድሮው የሰንደቅ ዓላማ ቀን “ሰንደቅ ዓላማችን ለብሔራዊ አንድነታችን፣ ለሉዓላዊነታችንና ለኢትዮጵያ ከፍታ!” በሚል መሪ ሃሳብ ለ17ኛ ጊዜ በመላው ሀገሪቱ ለማክበር ዝግጅት እየተደረገ እንደሚገኝ ምክር ቤቱ አስታውቋል፡፡

በፌደራል፣ በክልሎችና በሁለቱም የከተማ አስተዳደር ከተሞች ከሰንደቅ ዓላማ መርሆዎች ጋር ተገናዝቦ በኢፌዲሪ የሕዝብ ተወካዮች ምክር ቤት መሪነት በመላው ሀገሪቱ እንደሚከበርም ምክር ቤቱ ጠቅሷል፡፡
https://web.facebook.com/EBCzena/posts/pfbid02UCyojVq27aobhzBoLg1DNu2AgLo2fnR2a5vqEzv7ZEfrmtHu2v4gtsHuSZZMzGCfl

ፕሬዝዳንት ቭላድሚር ፑቲን ለፕሬዝዳንት ታዬ አጽቀሥላሴ የእንኳን ደስ አልዎት መልዕክት አስተላለፉ
*******************

የሩሲያው ፕሬዝዳንት ቭላድሚር ፑቲን አዲስ ለተሰየሙት የኢ.ፌ.ዲ.ሪ ፕሬዝዳንት ታዬ አጽቀሥላሴ የእንኳን ደስ አልዎት መልዕክት አስተላልፈዋል፡፡

ፕሬዝዳንት ቭላድሚር ፑቲን በመልእክታቸው፤ አምባሳደር ታዬ አጽቀሥላሴ የኢትዮጵያ ፌዴራላዊ ዲሞክራሲያዊ ሪፐብሊክ ፕረዚዳንት ሆነው በመመረጦ እንኳን ደስ አልዎት ማለት እፈልጋለሁ ብለዋል።

የሩሲያ እና የኢትዮጵያ ግንኙነት በመልካም ወዳጅነት እና በመከባበር ላይ የተመሰረተ ነው ያሉት ፕሬዝዳንቱ፤ በአዲሱ ፕሬዝዳንት መሪነት የሁለቱ ሀገራት የሁለትዮሽ ትብብር እንደሚጎለብት እና ቀጣናዊ መረጋጋትም እንደሚጠናከር ተስፋ አደርጋለሁ ሲሉም ገልጸዋል።

ፕሬዝዳንት ቭላድሚር ፑቲን ለፕሬዚዳንት ታዬ አጽቀሥላሴ መልካም የስራ ዘመን እንዲሆንላቸው መመኘታቸውንም በኢትዮጵያ የሩሲያ ኤምባሲ መረጃ አመልክቷል፡፡