Zamon sizniki

Hafta ajoyib oʻtdi.

20 yil koʻrishmagan tanishlarim bilan koʻrishdim.

Bir vaqtlar AT rivojlanishi davrida faol boʻlgan "Dinozavrlar" bilan koʻrishdim. Hozir Vatandan uzoqda yashayotgan boʻlsalar ham, Oʻzbekiston haqida, yurtdoshlarimizga foydali boʻlish haqida oʻylab kelishmoqda.

Hozir Oʻzbekiston internetida faol emas, lekin shu faollikni oshirish haqida gaplashdik. Nasib qilsa, yangilik boʻlishi kerak.

Shu bilan birga turli "Networking" (tanish orttirish) uchrashuvlari boʻldi. Bir biriga foydali boʻladigan tanishlarim koʻp ekan. Faqat bir joyda koʻrishishmagan ekan.

Falonchini tanisanmi, pistonchini bilasanmi?

degan gaplar boʻlar edi. Ancha esdan chiqqan edi. Shuni tiklanayotganini va ijobiy tomonga tiklanayotganini his qildim.

Tanishlaringiz koʻp boʻlsa - yaxshi,
Bir biriga foydali tanishlaringizni bir biriga tanishtirish - a'lo.

Yoshlarga

Har bir zamonning oʻz qahramonlari boʻladi.

Odatda biror kishi erishgan natijasi, amalga oshirgan loyihasi haqida gapiramiz. Ammo ular ham buni boshlaganda natija zoʻr boʻlib ketishini bilishmagan. Harakat qilishgan xolos.

Demak, bu zamon sizniki. Siz hozir boshlang, ertaga sizning qilgan ishlaringiz haqida gapirishadi.

Zamon sizniki.

Falonchiga oʻxshayman deb boshlang va ertaga undan-da koʻp natijaga erishasiz.

28.08.2026 Toshkent
@DrAlgorithm

Jet lag va 15 daqiqa qoidasi

Samolyot Toshkentga qo‘ndi, "Home, sweet home!" deb uyga kirdingiz. Lekin asl askiya ertasi kuni ertalab boshlandi... 😴

Chet davlatdan qaytgach miya butunlay boshqa vaqt mintaqasida yashashni davom ettiradi. Siz soat millariga qaraysiz - 08:00. Miya esa xotirjamgina: "E, do‘stim, hozir bizda erta tong-ku, kel, yana 4 soat uxlab olaylik" deydi.

Ushbu holatda ko‘pchiligimiz nima qilamiz?

Albatta, o‘zimizga "Vatandoshlik qasamyodi"ni beramiz: "Bo‘ldi, ertadan yangi hayot! Soat 06:00 da turib, yuguraman, nonushta qilaman va dunyoni zabt etaman!" deb 6:00 ga budilnik qo‘yamiz.

Natija esa hammaga tanish:
* 06:00 - Budilnik jiringlaydi.
* 06:15 - Budilnik jiringlaydi.
* 06:16 - Budilnikka nisbatan ichki nafrat va "Snooze" (yana 5 daqiqa) tugmasi.
* 09:00 - Ko‘zlar shishgan, kayfiyat "Nol", o‘zingizni xuddi tunda beton qorgandek his qilasiz.

Osiyo va Yevropa orasida qolib ketgan organizmni (va dangasalikni) bir kunda majburlab yengib bo‘lmaydi.

Buni yengish uchun esa "15 daqiqa qoidasi" yordam beradi

Taktika sodda: Har kuni uyg‘onish (va uxlash) vaqtini shunchaki 15 daqiqaga oldinga surasiz.

Qanday ishlaydi?
Bugun 09:00 da turgan bo‘lsangiz, ertaga 08:45 ga budilnik qo‘ying. Indinga 08:30.

Natija: Miya hech qanday stresssiz, bilmasdan yangi rejimga moslashib ketadi. Bir haftada sezdirmay 1.5-2 soat yutasiz!

Katta maqsadlarni kichik 15 daqiqalik qadamlar bilan zabt eting.

Angliyaga kelganda esa buning aksi.

Ertalab erta uyg‘onasiz, mo‘jiza. Ertalab soat 06:00 da uyquga to‘yib uyg‘ongansiz. "Barakalla, endi haqiqiy muvaffaqiyatli insonlar kabi yashayman, 6 da turadigan supermenman!" deb xursand bo‘lasiz. 🇬🇧☕️

Lekin xursandchilikka shoshilmang - bu shunchaki vaqt mintaqasi (Jet Lag) tuhfasi! Chunki Angliyada soat 06:00 bo‘lganda, O‘zbekistonda allaqachon tushki 10:00 bo‘lgan bo‘ladi. Yurtimizda choy ichib yuradigan vaqtingizda bu yerda uyg‘onayotganingiz tabiiy.

Haqiqiy sinov aynan 3-4 kundan keyin boshlanadi

Vaqt o‘tishi bilan organizm "Aha, biz Angliyadamiz-ku" deb vaziyatni tushunib yetadi. Dastlabki super-kuch yo‘qoladi, kechasi soat 1:00 uxlash odati qaytadi va natijada... Endi 06:00 da emas, tushga yaqin zo‘rg‘a boshingizni yostiqdan ko‘tarasiz. Toshkentda orttirilgan "ertalabki 6" sovg‘asi havoga uchadi.

Sayohat bergan bu super-kuchni (erta uyg‘onishni) boy berib qo‘ymaslik uchun "Inglizcha intizom" qoidalari:

Ertalabki oltin fursatni ushlab qoling: Dastlabki kunlardagi 06:00 dagi tetiklikni ko‘rib, "ozgina yana uxlab olay" demang. Darhol o‘rindan turing, derazani ochib kunni salqin London havosida qahva tayyorlashdan boshlang.

Kechqurun "O‘zbekcha vaqt"da uxlab qolmang: Angliyada soat 19:00 bo‘lganda Toshkentda 23:00 bo‘ladi va ko‘zingiz suzila boshlaydi. Hali kechasi bo‘lmadi deb sabr qiling, kamida soat 22:00 gacha chidang. Aks holda rejim butunlay rasvo bo‘ladi.

Sayohat taqdim etgan bu imkoniyatdan unumli foydalaning va erta turish odatini yo‘qotib qo‘ymang!

29.08.2026 London
@DrAlgorithm

Vatanimiz Mustaqilligining 35 yilligi muborak bo‘lsin.
Yurtimiz doim barakali, rivojlangan, erkin va ozod bo‘lsin.

Raqamli olamda o‘z o‘rni bilan e'tiborda tursin.

Barchani Mustaqillik bayramimiz bilan tabriklayman!

01.09.2026 London
@DrAlgorithm

Maktab + SI + Rasm

Bugun farzandim maktabidan maktub oldim.

Ajablantirgani uchun bu haqida yozishni ma’qul topdim.

Maktab har yili farzandingiz rasmini qayerda chop etish mumkin ekani haqida ruxsat so‘raydi. Siz uning rasmini veb sahifada, ijtimoiy tarmoqda va hatto devoriy gazetada chop etish mumkin ekaniga ruxsat/rad berasiz.

Bir tomondan bu qulay, farzandingiz rasmini ijtimoiy tarmoqda ko‘rmaysiz.
Ikkinchi tomondan esa, jamoa bo‘lib safarga chiqishganida tushgan rasmlarini hamma ko‘ra olmaydi.

Endi esa yangilik!

Maktab bolalar rasmlarini olishda ularning yuzini rasmga olmaslik, ijtimoiy tarmoqqa qo‘ymaslikka o‘zi qaror qildi.

Hozirgi kungi SI davrida Shaxsiy ma’lumotlar xavfsizligi muammo bo‘lib turgani uchun, DeepFace kabi narsalar chiqib ketgani uchun, farzandingiz rasmini ijtimoiy tarmoqqa chiqarmaslikni o‘zligi tavsiya qilishmoqda.

Maktab ma’muriyati esa, rasmlarni olishda imkon qadar yuz tushmaydigan yoki tanimaydigan qilib rasmga olishni yo‘lga qo‘ymoqda.

Texnologik yangilik Ta’limga juda kech kirib keladi, - deb o‘ylar edim.

Buni ko‘rib, hayratda qoldim. Ta’limga birinchilarga tatbiq qilishibdi.

04.09.2026 London
@DrAlgorithm

Akalar bilan uchrashuv 😎

O‘tgan hafta Saidolim aka dasturchi akalar yig‘ilishiga taklif qildilar.

U yerda Murodjon Normatov, Sardor o‘ga, Akrom Obidov, Hurshid Usmon, Amirbek Shomurodov va Saidolim Djurayev bilan to‘rtta fikr almashdik.

Uchrashuvda – oila, farzand tarbiyasi, ish joyidagi muammolar, kimning ofisida kofe mashinasi borligi, qariganda soch to‘kilishi mavzularini umuman gaplashmadik. 80% vaqtimizni o‘sha hamma hozir gaplashadigan SUN’IY INTELLEKT mavzusiga sarfladik. Bahs bo‘ldi, hamma fikrini bildirdi, sun’iy intellektni ish jarayoniga integratsiya qilish haqida gaplashdik.

Qiziq joylari:

🔸 Kompaniya egalari SI’ni o‘rganib olib, SI hammaning ishini qila oladi degan fikrda. Bu o‘z navbatida, xodimning tez ishdan charchashiga olib kelyapti, xodimdan 2–3 kishining ishini bir kishi qilish talab qilinyapti.

🔸 Hamma ichki ma’lumotlarni SI uchun jamlash bilan band. Kimdir RAG, kimdir kompaniyaning Wiki’si bilan, kimdir shunchaki o‘z tizimini quryapti. Maqsad – SI’da barcha ma’lumot bo‘lsin, hech kimni bezovta qilmasdan, bitta so‘rov bilan kerakli ma’lumotni olish. Undan tashqari, bitta xodimga bog‘liq bo‘lmaslik, ya’ni core jamoadan xodim ketsa, uning barcha tajribasi, qilgan ishlari ma’lumotlar bazasida tursin.

🔸 Kimgadir grill-me yoqadi, kimgadir superpowers.

🔸 Kimningdir kompaniyasida mahsulot menejeri “bottleneck”, kimdadir dasturlash. Bunga sabab SI kompaniyada pastdanmi yoki yuqoridan integratsiya boshlanganiga bog‘liq. Moneff’da mahsulot menejeri bottleneck, deb o‘ylayman. Ko‘p vazifalar mening yechim berishimga qarab turibdi.

Shunaqa gaplar, ish haftangiz mahsuldor o‘tsin.

-------

@farkhod_com

SI sabab .si ko‘tariladi

AI ni SI ga o‘zgarishi haqida eshitgan bo‘lsangiz kerak.

Shu vaqtgacha ko‘p SI loyihalari .ai domenida ishlab kelayotgan edi. Agar SI atamasi kirib kelsa, Slovenia uchun juda foydali bo‘ladi.

Bir vaqtlar Tuvalu ham shunday bo‘lgan edi (.tv)

Aytmoqchi bo‘lganim, agar siz ham SI sohasida loyiha qilayotgan bo‘lsangiz, .SI domenini ham olib qo‘ying. Ertaga qimmat bo‘lib ketmasin.

05.10.2026 London
@DrAlgorithm

SI davri - qiziq

Ajoyib zamonda yashavommiz.

Kimdir SI dan qo‘rqadi, kimdir bosib ishlatmoqda.

Bir vaqtlar Google endi chiqqanida izlash uchun so‘zlarni tanlashga qiynalar edik. Keyinchalik esa chala yozsa ham o‘zi to‘g‘rilaydigan, sizga mos narsa ko‘rsatadigan bo‘lgan edi.

SI bilan ham shunday bo‘lmoqda. Avval muxandislar ishlatishni boshladi, keyin huquqshunoslar va hujjatlar bilan ishlaydigan hodimlar.

Hozir esa hamma ishlata oladi. Qanday ishlashini bilishi ham shart emas. Ishini bajartira oldimi? - bo‘ldi.

~~~

Bir tanishim korxona yuritadi. Hali SI bilan juddiy kirishmagan edi.

Gap orasida ishini osonlashtirishi, falon SIni ishlatib ko‘rishini aytgan edim. Keyingi hafta oldiga o‘tsam qilgan ishlarini aytib berdi.

SIni web orqali CoWork rejimini ishlatib ko‘ribdi. Desktop bor ekanini bilmagan.
O‘zi qiladigan ba’zi hisobotlarni qildirib ko‘rdi. Hisoblab, ishlab beribdi.
Ma’lumotlar Odooda turadi. Ulana olsanmi? - desa, ha degan va ulanib ma’lumotlarni olib chiqishni boshlagan.

Odatda 1 oylik muddat hisobotini 7 kun qilishar ekan. Keyin kamchiliklar, mujozlar fikrlari (feedback)larni tahlil qilishga yana 10 kun. Bu degani agar ish sekinlarsa va 1 hafta cho‘zilsa, keyingi oyga o‘tib ketadi.

Shuni qilmaslik uchun SI yordamida shu 7 kunda qiladigan ishlarini birma-bir yozib chiqibdi. 2 soatda hammasini qilib berdi, - deydi.

$20 lik Pro paketini olgan. Agar $100 lik ni olsa, bilmadim qanchalik ish qildirib tashlar edi.

Keyin 6 oy orqaga qaytarib, eski hisobotlarni ham qayta hisoblatibdi.

Eng qizig‘i, SI eski oylarda xato kiritilgan muammolarni topib, tuzatishni taklif qilibdi:
- xodim bitta joyda 200 soat ishlagan (aslida 1 kunda 8 soat ishlaydi)
- mijoz loyihasini 3 oyda tugatilgan (aslida 15 kunda tugagan)
kabi.

1 kun o‘tirib olgan natijalaridan xursand bo‘lib, xodimlarini yig‘ibdi. Majlis qilib, ular bilan yangi rejalar, Si bilan tahlil usullarini gaplashib chiqqan.

~~~

Nima demoqchiman?

Agar siz sohangiz mutaxassisi bo‘lsangiz, siz SIni tez o‘rganasiz.
Sohangizni mukammal bilishingiz SI oddiy yordamchi bo‘lib qolishini bildiradi.
Fikrlash doim sizda bo‘ladi. SI siz uchun fikrlab bera olmaydi.

SI mening ishimni olib qo‘yadimi? - Yo‘q.
deyishga yaxshi misol bo‘ldi.

Xulosa

SIni ishlatishni boshlang. Tekini emas, pullik variantini ishlating, siz uchun juda katta ilm ochiladi.

08.10.2026 London
@DrAlgorithm