#دوبیتی_لکی

وِژِم هَر هونَه بیچارَه نِمَه کَم
یَخَه‌م وِل دَه مِ ای کارَه نِمَه کم

مِ إ چَمِت فِرَه گَزیامَه زُوی‌تِر
دَس إ نوم ای کُنا مارَه نِمَه کَم

ای چَمَل تَه اِ کو آوردیه یَه؟
دل ای مَردِمتَه تا کو بردیه یه؟

اَرا هَر سِیلی صد گیُونَه مَسینی
لوُی چَن لو حِساوِت کِردیَه یَه؟

وَ یَک بوشی و دو بوشی مَرقصِم
دوسُو بوشی، سِه سو بوشی مرقصم

دو دسماله، چَپی، اِ لا کَتی، راس
وَ هَر سازی که تو بوشی مرقصم

خِرَه ماری زمین اِ دورِ چَمِت
هُوَرِت ناسِه سیاتی قُورِ چمت

خدا دی تا قیامت دَس نِموری
بسازی چی تِرِک اِ طورِ چَمِت

نیاتَه داخی اَر دِل آ نِمَه چو
خَمِت بارِ کَجَه اِ جا نمه چو

مِن و دِل هَر دِکی لیوَه تونیمِن
ولی آومونَه یِه جورا نَمِه چو

#مرتضا_خدایگان
@Doroodfaraman

بوار وارون بینِم کی کَمهَ مارهِ
بینم کی بیشتر اَسرِ چَمهَ مارهِ

دِلـم هونهَ ستی و داخ پِرَسـی
گِـریـوَم دِل کـافر اِی رَمهَ مارهِ

#کامی_کر_بیرانوند
#دوبیتی لکی
@Doroodfaraman

#دوبیتی_لکی

پشیمونم دل ئر پا تو هدر بی
که رّی صاف تو اِ تئر کمر بی

نخون بیت وفاداری ارونم
که ساز شادیِ تو هم چمر بی


تو شیرینی کلومت کل درو بی
حرومت بو مرومت کل درو بی
درّک بین اِ نووا هر وا مرقصیاین
نزونستم مِقومت کل درو بی

#حشمت_آزادبخت


@Doroodfaraman

#دوبیتی_لکی

سر ار هفت آسمون کوتا نمارم
تمنا اژ کسی بی جا نمارم
مه آزادم که هر طوری حقم بو
ارا کس زلفلم شورا نمارم

#فرح_بساطی
@Doroodfaraman

#پروفایل لکی

مَنیشم ار دیار عی بخت تاره
عی بختِ بی امیدِ دویزه باره

تونیش عه نوو بو آ چومت بگیسن
بوری آگر بِنا ، صو تا ایواره

#فروزان_شهبازی
#غزل
#دوبیتی
#دوبیتی_لکی
#لکی_وش

👉👉 @Golvani_lak 👈👈

مجموعە چند:

#دوبیتی_لکی

از

#سیف_چراغی_بیسا

باسپاس از آقای:

#رضایی_چهری
@Doroodfaraman

#دوبیتی_لکی
دِلم تنگَ پَریشونِم نِمَم چام

وه سیلهِ چَمِه نازاری کَتِه دام

گِرفتارِ خَمِه گیسِ سیا می

توئه عشقی گِرو داسی سَرو پام

خوانش سرکارخانم شکری 🎙
🌻🍃🌻🍃
خاپورهَ لکی #میری✍️...
t.me/zone_laki
─═ঊঈ❀ঊঈ═

#دوبیتی_لکی

وِژِم هَر هونَه بیچارَه نِمَه کَم
یَخَه‌م وِل دَه مِ ای کارَه نِمَه کم

مِ إ چَمِت فِرَه گَزیامَه زُوی‌تِر
دَس إ نوم ای کُنا مارَه نِمَه کَم

ای چَمَل تَه اِ کو آوردیه یَه؟
دل ای مَردِمتَه تا کو بردیه یه؟

اَرا هَر سِیلی صد گیُونَه مَسینی
لوُی چَن لو حِساوِت کِردیَه یَه؟

وَ یَک بوشی و دو بوشی مَرقصِم
دوسُو بوشی، سِه سو بوشی مرقصم

دو دسماله، چَپی، اِ لا کَتی، راس
وَ هَر سازی که تو بوشی مرقصم

خِرَه ماری زمین اِ دورِ چَمِت
هُوَرِت ناسِه سیاتی قُورِ چمت

خدا دی تا قیامت دَس نِموری
بسازی چی تِرِک اِ طورِ چَمِت

نیاتَه داخی اَر دِل آ نِمَه چو
خَمِت بارِ کَجَه اِ جا نمه چو

مِن و دِل هَر دِکی لیوَه تونیمِن
ولی آومونَه یِه جورا نَمِه چو

#مرتضا_خدایگان
@Doroodfaraman