اِتحاد وَ سَربَرزی دورودفرامان🇮🇷

‍ 🔻 به نام خدای خرد 🍃
شعر #لکی
شماره 45
عنوان : گالَه ژِرَژ « نغمه کبک »
شاعر : منصور رضایی سرونوی
تخلص : #بهمــرد_هرمزدیار

🔺 #تقدیم_به_استاد_لک_امیر
#کیومرث_امیری_کله_جویی 🔻
ــــــــــــــــ👇👇👇👇

عذاوم نیه ، بِخوَن شعری وه سوزا
بِخوَن حامال بِکه وه ژیرِ توزا
وه گر تومه ! بلی نازارِ ایلم
#لک_امیر نام سنگین دودمان و خیلم
بِخون باکِت ناو ار تَش برقِ آسْمان
بِخوَن مَلْهم بِن اَر زَمَلِ دِلمان
بِخوَن نوینمِت کِز و بی دنگ براله
وه بی دنگ تو ژیاین ایمه محاله
بِخوَن تا چیو شِراو مس کین راوانم
چیو بازی طی بِکم هفت آسمانم
بِخوَن شعرت بوار وَی دیشتِ سانَ
شعورت داریِ ژان لکِ سانَ
ـــــــــــــــــــــ🍃
بی بَر و بی باره زمین وه بی آو
تونین واران ، تونین توف آوِ بی تاو
تونین دَلیا ، تونین اَورِ وهاران
تونین شَونِم ، تونین گل باخ و بوسان
تونین نغمه ، تونین یَی سر هناسی
بِپوش اَی لَش لکستان تو کِراسی
کِراسی خوَشرنگ و سوز و گل اَر قَی
دَسِت بَور اَر قِلَم ، دَلیای بی پی !
ــــــــــــــــــــ🍃
بیستوین کِز ، پَراو مات و گرین سرد
دامانِ دیشت لکستانه پِر اَژ درد
مخمل کوی رختِ سی پوشاسی اَر لَش
هاماری دیشت فیروزآباده بی بَش
کویَشت دس وه دوا ، دِلفان هر ایجور
سَرای سَر مِلک اَلیشتاره کِز و کور
عه بیرانشهر بِگر تا وه هُلیران
تا گر ایلامییَل ، خاکِ دلیران
هَره هواریر تا وه بان چیمه ریتِن
بِخوَن و خَم اَر دِلمان باریر اَر بِن
ــــــــــــــــــــــ🍃
وه لیو آوی اگر گاله ژِرَژ نای
خوَشی هویچوخت وه دل آیم نِمَزای
وه مِرخزاری اگر هَزار بی دنگ بو
تو بوش بهشته وه دِل تا نِمَچو
ژِرَژ و بلبل و آوای لکستان
تونین عمو کیو وه حقِ یزدان
ـــــــــــــــــــــــ🍃
منم جویی نیازم ها وه واران
بوار سیراوِم کَه چیو جار جاران
تو ناوارین منیژ حُشکِم بِراله
وه جا آو هام دَمم دِرِک دُواله
#بهمرد وه گَر لکمیرا زِنی یه
لکمیر ناو بهمردیژ دارِ وی یه !

ـــــــ مورخه ۲ / ۹ / ۱۳۹۷

دکلمه با صدای شاعر « بهمرد » 👇👇

attach 📎

60 views20:24