1/3

O'zgachilik
Xayrulla Hamidov

O‘zimning yo‘limga undamayapman,
Uqtirmayapman-ku falsafamni ko‘p.
Meni tushunmaysan, indamayapman,
Seni tushunmasam, xafa bo‘lma, xo‘p?!

Sening ishing menga xatodir, xato,
Kulgingga sababchi men tushungan g‘am.
Yo'llarimiz tersdir shu qadar, hatto
Kesishib qolmaydi ro‘yolarda ham.

Poyingga tillodan sochqi sochsalar,
Ishga tushmas hatto ko‘z qirim mening.
O‘ngimda uchragan sof mo‘’jizalar
Hatto tushlaringga kirmaydi sening.

Butkul bo‘lak olam! Shunaqamiz biz,
Taassufki, dilda o‘zgacha niyat:
Sen mening baxtimni etolmassan his,
Sening baxting menga sanalar uyat.

Domus Classica

Doodle

Uliss va sirenalar (1891)

Jon Uilyam Uoterxaus | Viktoriya milliy galleriyasi, Melbrun.
Uliss (yunoncha Odissey) va Sirenlar haqidagi hikoya Gomerning «Odisseya» dostonidagi mashhur lavhadir. Unda qahramonning o‘zining sehrli va halokatli qo‘shiqlari bilan dengizchilarni qoyali qirg‘oqlarga jalb etib, o‘limga yetaklaydigan xavfli, afsonaviy qush-ayollar yonidan qanday qilib sog‘-omon o‘tib ketgani tasvirlanadi.

Domus Classica

Qor to'pi effekti

Kichik bir harakat yoki ishning vaqt o'tishi bilan o'z-özidan kattalashib, ulkan natijaga olib kelishi. Xuddi tog'dan yumalatilgan kichik qor parchasi pastga tushganda o'ziga ko'p qor yig'ib ulkan tomga aylangani kabi ishlaydi.

Misol uchun Har kuni 10 sahifa kitob o'qish yoki ozgina mashq qilish yildan-yilga katta foyda keltirishi. Kichik yashirin xatolikning vaqtida hal etilmay, oxirida katta fojiaga aylanishi.

Domus CLassica

M-ma’no

Domus Classica