បទបង្ហាញស្តីពីការគ្រប់គ្រងការផ្សព្វផ្សាយពាណិជ្ជកម្មផលិតផលគ្រឿងស្រវឹង

រដ្ឋមន្រ្តីក្រសួងព័ត៌មាន អញ្ជើញធ្វើបទបង្ហាញស្តីពីការគ្រប់គ្រងការផ្សព្វផ្សាយពាណិជ្ជកម្មផលិតផលគ្រឿងស្រវឹងនៅកម្ពុជាជូនសន្និបាតបូកសរុបលទ្ធផលការងារឆ្នាំ២០២៤ និងលើកទិសដៅការងារឆ្នាំ២០២៥ របស់ក្រសួងមហាផ្ទៃ និងបូកសរុបចលនាប្រឡងប្រណាំងអនុវត្តគោលនយោបាយ “ភូមិ-ឃុំ-សង្កាត់មានសុវត្ថិភាព នៅព្រឹកថ្ងៃទី១៣ ខែកុម្ភៈ ឆ្នាំ២០២៥។

Connect with អង្គភាពសារព័ត៌មានដំរី

🌐  domreynews.com
🌐  សារព័ត៌មានដំរី   
🌐 សារព័ត៌មានដំរី－𝐃𝐎𝐌𝐑𝐄𝐘 𝐍𝐄𝐖𝐒 
🌐  domrey_newsសារព័ត៌មានដំរី
🌐 Telegram channel                   
🌐 Telegram Group
____
​#domrey_news     #𝐃𝐎𝐌𝐑𝐄𝐘_𝐍𝐄𝐖𝐒 #សារព័ត៌មានដំរី

អង់គ្លេសអនុគ្រោះពន្ធនាំទំនិញពីកម្ពុជាចូលទៅទីនោះរហូតដល់ជាង ៦២%

(ភ្នំពេញ): អង់គ្លេសអនុគ្រោះពន្ធនាំទំនិញពីកម្ពុជាចូលទៅទីនោះរហូតដល់ជាង ៦២% នេះជាខ្លឹមសារក្នុងពេលប្រធានគណបក្សជំនាន់ថ្មីជួបឯកអគ្គរាជទូតចក្រភពអង់គ្លេសប្រចាំកម្ពុជា នារសៀលថ្ងៃទី១៣ ខែកុម្ភ:នេះ។

តាមគណបក្សជំនាន់ថ្មី អះអាងថា លោក Dominic Williams អគ្គរាជទូតនៃចក្រភពអង់គ្លេសប្រចាំកម្ពុជា បានបង្ហាញពីការរាក់ទាក់ក្នុងឱកាសបានជួប និងចែករំលែកនូវបទពិសោធន៍ទៅវិញទៅមក ដើម្បីជាប្រយោជន៍គាំទ្រឱ្យមានការអភិវឌ្ឍនៅកម្ពុជា ដោយចង់ឃើញកម្ពុជា មានលំហលទ្ធិប្រជាធិបតេយ្យ និងការគោរពសិទ្ធិមនុស្ស ឱ្យបាននិងរឹតតែប្រសើរឡើង ហើយក៏ចង់ឃើញកម្ពុជា ជាប្រទេសរីកចម្រើនផ្នែកសេដ្ឋកិច្ច ប្រជាពលរដ្ឋខ្មែរ មានជីវភាពធូរធារល្អប្រសើរ ដូចប្រទេសអភិវឌ្ឍន៍នៅលើពិភពលោកផងដែរ។

ក្នុងជំនួបរយ:ពេលមួយម៉ោងនោះ លោក Dominic Williams អគ្គរាជទូតនៃចក្រភពអង់គ្លេសប្រចាំកម្ពុជា បានបន្ថែមថាចក្រភពអង់គ្លេស ក្រោយដកខ្លួនចេញពីសហភាពអឺរ៉ុបនៅថ្ងៃទី០៦ ខែមិថុនា ឆ្នាំ២០២៣ ចក្រភពអង់គ្លេសក៏បានចូលរួមផ្តល់នូវប្រព័ន្ធពាណិជ្ជកម្មដល់ប្រទេសកំពុងអភិវឌ្ឍន៍ Developing Countries Trading Scheme (DCTS ) ដល់ប្រទេសចំនួន៦៥លើពិភពលោក ក្នុងនោះក៏មានចំណែកដល់កម្ពុជានូវការអនុគ្រោះពន្ធនាំទំនិញចូលទៅអង់គ្លេសរហូតដល់ជាង៦២%ផងដែរ។

លោក មាជ សុវណ្ណារ៉ា បញ្ជាក់ថាលោកជាអតីតអ្នកទោសនយោបាយ ធ្លាប់ជាប់ពន្ធនាគារ២ដង ជិត៤ឆ្នាំ កាលលោកនៅជាអតីតបេក្ខជនតំណាងរាស្ត្រ នៃអតីតគណបក្សសង្គ្រោះជាតិមុនពេលត្រូវរំលាយកាលពីអំឡុឆ្នាំ២០១៧កន្លងទៅ។ ការបង្កើតគណបក្សជំនាន់ថ្មីនេះឡើង គឺជាចក្ខុវិស័យ ទស្សនៈវិស័យជាង១០ឆ្នាំមុនមកហើយ ដោយចង់ឃើញកម្ពុជាមានលទ្ធិប្រជាធិបតេយ្យពិត ប្រាកដ ដោយឈរលើគោលការណ៍អហិង្សា បង្រួបបង្រួមអ្នកស្រឡាញ់ប្រជាធិបតេយ្យ គោរពសិទ្ធិមនុស្ស សេរីភាព អព្យាក្រឹត មិនចូលបក្សសម្ព័ន្ធ៕

Connect with អង្គភាពសារព័ត៌មានដំរី

🌐  domreynews.com
🌐  សារព័ត៌មានដំរី   
🌐 សារព័ត៌មានដំរី－𝐃𝐎𝐌𝐑𝐄𝐘 𝐍𝐄𝐖𝐒 
🌐  domrey_newsសារព័ត៌មានដំរី
🌐 Telegram channel                   
🌐 Telegram Group
____
​#domrey_news     #𝐃𝐎𝐌𝐑𝐄𝐘_𝐍𝐄𝐖𝐒 #សារព័ត៌មានដំរី

កម្លាំងនាយកដ្ឋាននគរបាលព្រហ្មទណ្ឌ ដឹកនាំសហការបង្ក្រាបករណីឃា.ត.កម្មនៅស្រុកឈូក ខេត្តកំពត

នៅកាលពីថ្ងៃទី១១ ខែកុម្ភៈ ឆ្នាំ២០២៥ វេលាម៉ោង១២និង១០នាទី នៅភូមិតាព្រុំ ឃុំមានជ័យ ស្រុកឈូក ខេត្តកំពត មានករណី ឃា.ត.កម្មលើជនរងគ្រោះឈ្មោះ អឹម ទូច ភេទស្រី អាយុ៤៩ឆ្នាំ ជនជាតិខ្មែរ ស្នាក់នៅភូមិឃុំកើតហេតុ បង្កឡើងដោយជនមិនស្គាល់អត្តសញ្ញាណ។

សម្ភារៈបាត់បង់រួមមាន៖ ទូរស័ព្ទដៃចំនួន២គ្រឿង, ក្រវិលមាស ទម្ងន់១ជី, ចិញ្ចៀនមាសទម្ងន់២ជី, ខ្សែដៃប្លាទីន១តម្លឹង និងខ្សែ ក ប្លាទីន ទម្ងន់៣ជី។

ក្រោយពីមានហេតុការណ៍ខាងលើកើតឡើង ដោយអនុវត្តតាមបទបញ្ជារបស់ឯកឧត្តម ឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ, កម្លាំងជំនាញរបស់នាយកដ្ឋាននគរបាលព្រហ្មទណ្ឌ ដឹកនាំដោយលោកឧត្តមសេនីយ៍ត្រី ហ៊ុន មុន្នីរ័ត្ន, វរសេនីយ៍ឯក ហែម បូណា និងវរសេនីយ៍ឯក ឆាន់ គីមលី អនុប្រធាននាយកដ្ឋាន បានដឹកនាំសហការ ជាមួយស្នងការដ្ឋាននគរបាលខេត្តកំពត និងខេត្តតាកែវ បានធ្វើការស្រាវជ្រាវតាមនីតិវិធី និងជំនាញ រហូតកំណត់បានអត្តសញ្ញាណ និងទីតាំងលាក់ខ្លួនរបស់ជនសង្ស័យខាងលើ។

លុះនៅថ្ងៃទី១៣ ខែកុម្ភៈ ឆ្នាំ២០២៥ វេលាម៉ោង១៤និង៣០នាទី កម្លាំងជំនាញបានបន្តដឹកនាំសហការ ដោយបានធ្វើការឃាត់ខ្លួនជនសង្ស័យខាងលើមានឈ្មោះ ភុំ បុត្រ ភេទប្រុស អាយុ៤៥ឆ្នាំ ជនជាតិខ្មែរ ត្រង់ចំណុច ភូមិត្រពាំងខ្លូត ឃុំត្រាំកក់ ស្រុកត្រាំកក់ ខេត្តតាកែវ។

ជនសង្ស័យខាងលើបានសារភាពថា កាលពីថ្ងៃកើតហេតុខ្លួនបានទៅស្រលាញ់គ្នាជាមួយជនរងគ្រោះ បន្ទាប់មកជនរងគ្រោះបានដឹងថា ខ្លួនមានប្រពន្ធ ទើបឈានដល់ការឈ្លោះប្រកែកគ្នា ហើយខ្លួនយកដំបងវាយទៅលើជនរងគ្រោះបណ្តាលស្លាប់ រួចខ្លួនប្រមូលយកទ្រព្យសម្បត្តិរបស់ជនរងគ្រោះ រត់គេចខ្លួន។ បច្ចុប្បន្ន ជនសង្ស័យខាងលើ ត្រូវបាននាយកដ្ឋាននគរបាលព្រហ្មទណ្ឌ ប្រគល់ជូនស្នងការដ្ឋាននគរបាលខេត្តកំពត ជាម្ចាស់ករណី ដើម្បីកសាងសំណុំរឿងតាមនីតិវិធីបន្ត៕

Connect with អង្គភាពសារព័ត៌មានដំរី

🌐  domreynews.com
🌐  សារព័ត៌មានដំរី   
🌐 សារព័ត៌មានដំរី－𝐃𝐎𝐌𝐑𝐄𝐘 𝐍𝐄𝐖𝐒 
🌐  domrey_newsសារព័ត៌មានដំរី
🌐 Telegram channel                   
🌐 Telegram Group
____
​#domrey_news     #𝐃𝐎𝐌𝐑𝐄𝐘_𝐍𝐄𝐖𝐒 #សារព័ត៌មានដំរី