معالج نفساني
211 subscribers
21 photos
4 videos
1 file
8 links
نقطة دعم نفسية يومية هنواجه ضغوط الحياة بعقل واعٍ وقلب متزن.
نصائح عملية، حلول نفسية مبسطة، ومساحة آمنة للتفريغ.
معكم: حسين مطر – معالج نفساني
D Mtr
Download Telegram
معالج نفساني
Photo
السؤال ده مهم جدا وبيجي من ناس كتير بتتخانق مع نفسها كل يوم هل أنا ضعيف ولا أنا إنسان طبيعي وبحتاج حد يكون جنبي خليني أقولك حاجة بصراحة فيه فرق كبير بين إنك تكون شخصية اعتمادية وبين إنك تكون بني آدم بيمر بوقت صعب وبيحتاج دعم لأن الحقيقة إننا كلنا بنحتاج دعم والدعم مش رفاهية ولا علامة ضعف ده احتياج إنساني أساسي تحس إن في حد جنبك بيسمعك بيحتويك بيسندك وده جزء من التركيبة البشرية إنك تتكلم وتشارك وتطلب حضن أو كلمة تطمنك ده مش معناه إنك ماينفعش تمشي لوحدك... ده معناه إنك مش لازم تمشي لوحدك طول الوقت لكن الاعتمادية بقى... دي شكل تاني. دي لما تكون مش قادر تعمل خطوة من غير ما حد يطمنك أو ياخد القرار عنك لما تحس إنك ولا ليك قيمة ولا أمان من غير وجود شخص معين في حياتك لما تبقى حياتك كلها متعلقة بشخص ومينفعش تبعد عنه أو تغيره انت بتنهار تماما
الاعتمادية بتخليك تفقد نفسك عشان تحافظ على وجود حد تاني حتى لو كان بيوجعك
السؤال اللي فعلا لازم تسأله لنفسك
هل أنا بحتاج الدعم كشريك في الحياة ولا بحتاج حد يشيل عني كل حاجة؟
هل بفرح لما بكون لوحدي ساعات ولا الوحدة بتخليني أعمل أي حاجة عشان أهرب منها؟
هل بعرف أقرر لوحدي حتى لو طلبت رأي الناس ؟ ولا بحس إني مش قادر أعيش من غير رأي حد تاني؟
لو إجابتك إنك بتحتاج دعم وإنك رغم التعب لسه بتقدر تفكر وتتحرك وتعيش فإنت كدا طبيعي وكلنا كدا دا العادي مفيش انسان معندوش مشاكل
لكن لو حسيت إنك بتضيع من غير وجود حد معين وإنك نسيت نفسك من كتر ما علقت وجودك بحد غيرك فده معناه إنك محتاج ترجع لنفسك وتبني علاقتك بيها من الأول لأن ببساطة الدعم حقك لكن لازم تبقى عارف إمتى الدعم بيقويك وإمتى بيعطلك ويمسحك من جواك
معالج نفساني
Photo
عشان تعرف إنك في علاقة سامة محتاج تبص لنفسك قبل ما تبص للشخص التاني محتاج تسأل نفسك انت بقيت مين وانت في العلاقة دي بقيت أهدى وحاسس بالأمان ومرتاح نفسيا ولا بقيت متوتر وقلقان للشخص دا سيبك وخايف تغلط غلطه صغيرة او تواجه بقله اهتمام ليبعد عنك
لو كل مرة بتحاول تعبر عن نفسك بتتقل عليك إنك درامي أو حساس زيادة أو بتتقالك كلمة تخليك تشك في نفسك أو تلوم نفسك دايما أو تحس إنك غلطان حتى وانت مش غلطان فده أول علامة العلاقة دي مش مبنية على احترام
لو الشخص اللي قدامك بيحسسك إنك قليل مهما عملت لو عمرك ما بتحس إنك كفاية لو على طول مطلوب منك تثبت إنك تستحق الحب والاهتمام فده استنزاف بطيء ده مش حب
ولو بتحس إنك متراقب أو متحكم فيك أو بيتم عزلك عن صحابك أو أهلك أو حياتك اللي بره العلاقة فده علامة واضح عشان تفضل لوحدك وسهل يسطير عليك
ولو كل حاجة بتبقى غلطتك حتى لما هو اللي يغلط ويقلب الترابيزة ويخليك انت تعتذر وانت تايه مش فاهم ازاي الموضوع اتقلب كده فده اسمه (تلاعب بالعقل - gaslighting) وده نوع من أنواع العنف النفسي
ولو بقيت دايما حزين ومش عارف ليه ولو كل طاقتك بتروح على محاولة تراضيه أو تفهمه أو تتفادى خناق معاه ولو كل تفكيرك بقى عنه ومش عن نفسك فده معنى إنك فقدت جزء كبير من نفسك (نسيت تقدر قيمتك لنفسك بمعني أصح)
العلاقات السامة مش شرط يكون فيها ضرب أو صريخ ممكن تكون هادية بس سامة في صمت بتاكلك من جوا وحدة وحدة لحد ما تبقى مش عارف انت مين أو ازاي ليه بيحصل كدا ممكن تغلط نفسك وتفقد ثقتك في نفسك
اسأل نفسك سؤال بسيط هل أنا بقيت نسخة أحسن من نفسي وأنا في العلاقة دي ولا أنا كل يوم ببعد عن نفسي أكتر (أهملت تبسط نفسك)
ولو لقيت إنك بتتألم أكتر ما بتفرح وإنك بتتغير للأسوأ مش للأحسن فده كفاية جدا تقول لنفسك إن العلاقة دي مش صحية
والحقيقة المؤلمة اللي لازم تتقال إنك طول ما انت مكمل في علاقة مؤذية فده معنى إنك بتسمح بالأذى وإنك في حتة جواك حاسس إنك تستحق المعاملة دي ومش قادر تشوف إنك تستحق أحسن
ولما توصل للوعي ده ساعتها تقدر تبدأ تاخد خطوة تبعد وتفوق وتبني نفسك من تاني
مفيش حب حقيقي بيأذي مفيش حب حقيقي بيكسرك المعيار بسيط هل العلاقة دي بتكبرك ولا بتصغرك بس
👌1
معالج نفساني
Photo
الندم بعد الغلط إحساس طبيعي جدا  ومفيهوش عيب المشكلة بتحصل لما الإحساس ده بيتحول للشعور بضيق داخلي يخليك واقف في نفس النقطة مش عارف تتحرك قدام لأنك عمال تعيد المشهد في دماغك وتجلد نفسك عليه

أول حاجة محتاج تعترف بيها إن الغلط حصل خلاص ومش هينفع تغيره  الماضي خلاص فات  كل اللي في إيدك إنك تغير الطريقة اللي هتتعامل بيها مع نفسك بعد كدا ولو فضلت ماسك في اللوم هتفضل مربوط بالغلط وهتعيش وكأنك لسه جوه اللحظة دي ومش هتعرف تتعلم منها نهائي ومش هتخرج من الدايرة دي

تاني حاجة محتاج تشوف الغلط على إنه معلومة مش حكم بالإعدام على شخصيتك المعلومة دي بتقولك إنت كنت فين وإيه اللي كان ناقصك وقتها من وعي أو خبرة أو نضج والمعلومة دي هي اللي هتخليك تعرف تاخد قرار مختلف المرة الجاية

تالت حاجة لازم تبص لنفسك بإنك إنسان بيغلط زي أي حد وإنك مش محتاج تبقى مثالي علشان تستحق تحب نفسك لكن محتاج تبقى صادق مع نفسك وتشوف بوضوح أنت ليه عملت كده مش علشان تبرر لنفسك لكن علشان تفهم

رابع حاجة متحاولش تهرب من الإحساس أو تدفنه لأن ده بيخليه يفضل شغال جواك (في العقل اللاواعي)  اعترف بغلطك عيشه شوية وبعدين حوله لطاقة حركة بدل ما يبقى طاقة شلل

في الاخر محتاج تسأل نفسك سؤال بسيط أنا هافضل أعاقب نفسي على حاجة حصلت ولا هستعملها كدرس يخليني أبقى إنسان أحسن المرة الجاية لأن الحقيقة إنك لو فضلت غرقان في مشاعر  الندم فإنت كده بتكرر نفس الغلط وهو إنك بتسيب   الماضي يتحكم فيك بدل ما إنت اللي تتحكم فيها
جروب دكتور نفسي مجانا علي الفيسبوك
https://www.facebook.com/groups/1331037578634787/?ref=share&mibextid=NSMWBT
معالج نفساني
Photo
احنا ساعات بنفشل نفرح لأننا من جوا مش مصدقين إننا نستحق الفرح وكأن في صوت في عقلك طول الوقت بيقولك إن أي لحظة سعادة هتضيع أو إنك مش كفاية علشان تحس بيها فإنت حتى لو جتلك حاجة كويسة دماغك بتقلبها لقلق أو توتر أو توقع الأسوأ

أوقات بنكون مربوطين بأحداث قديمة علمتنا إن الفرح دايمًا بييجي وراه ألم أو خسارة فبقينا (بدون وعي- Subconsciously) بنبعد عنه أو بنقلل منه عشان نحمي نفسنا من الصدمة بعدين

وفي ناس بتربط الفرح بالظروف المثاليه وبتقعد تستنى اللحظة اللي كل حاجة فيها تبقى مظبوطة عشان تسمح لنفسها تفرح وده عمره ما بيحصل لأن الحياة دايماً فيها نقص وعيوب فإنت تفضل مؤجل إحساسك بالسعادة لحد ما تكتشف إنك ضيعت سنين

واحياناً كتير بيبقى دماغنا مشغول باللي ناقص اكتر من اللي موجود فحتى لما الحاجة الحلوة تحصل إنت مش شايفها لأن عينك بتدور على العيب أو الحاجة اللي لسه ما اتحققتش

كمان في عامل تاني إننا بنحط نفسنا تحت ضغط إن الفرح لازم يكون إحساس ضخم ومستمر مع إن الفرح ساعات بيكون لحظات صغيرة وبسيطة لو ما دربناش نفسنا نشوفها مش هنعرف نعيشها

الحقيقة إنك لو ما تعلمتش تعيش اللحظة وتتقبل إن السعادة مش كاملة وإنها ممكن تيجي مع شوية قلق أو مشاكل هتفضل كل مرة تتجاهل الفرح اللي قدامك وتفتكر إنك لسه ما وصلتش له
للمتابعة والتواصل ⬇️
https://direct.me/hmtr 💥
❤2
معالج نفساني
Photo
الطيبة الزيادة عن اللزوم ساعات بتكون مش حاجة حلوة زي ما الناس فاكره لأنك لما تبقى طيب زيادة بتبدأ تخسر جزء كبير من نفسك بتدي من غير ما تحط حدود بتشيل اكتر من حملك حاجات مش بتستحقها وبتنسى إنك ليك حق في الراحة والسعادة

السبب في الطيبة دي بيكون جواك خوف مش ظاهر من رفض أو من خيانة أو من الوحدة فجواك فيه جزء بيخاف إنك لو قلت لأ أو لو حطيت حدود هتتجرح أو هتخسر العلاقة فالطريقة الوحيدة اللي بتعرف تحمي نفسك بيها هي إنك تكون طيب وتستحمل علشان تفضل العلاقه موجودة ومحبوب

كمان ساعات الطيبة دي بتيجي من إحساس جواك إنك محتاج تثبت لنفسك أو للناس إنك كويس وإنك تستحق المحبة فبتبقى بتدي كتير عشان تاخد شوية تقدير أو قبول حتى لو مش بتاخد حاجه معنويه منهم بصراحة في ناس بتربط الطيبة بالهوية بتاعتهم وبيعتقدوا إنهم لو مش طيبين مش هيبقوا ناس كويسة وده بيخليهم يتجاهلوا احتياجاتهم ومشاعرهم وده بيأثر عليهم بالسلب

النتيجة إن الطيبة الزيادة بتخليك تحس بالإرهاق والغضب الداخلي لأنك مش واخد حقك وده بيطلع في صورة استياء من نفسك ومن اللي حواليك حتى لو مش بتعبر او بتكلم مع حد

لازم تفهم إن الطيبة مش معناها إنك تبقى دايماً موجود أو متاح أو متسامح مع كل حاجة لازم يكون في توازن بين طيبتك وبين حقك في الحدود والاحترام

لو ما حطيتش حدود هتفضل في دوامة تعبتك النفسية وانت مش عارف ليه حاسس إنك دايماً تعبان ومش مبسوط رغم إنك طيب مع الكل

شكرا لوقتك الجميل 🌹

للمتابعة والتواصل ❤️
اضغط هنا ⬅️ https://direct.me/hmtr
❤4
❤2💔2
مش دايماً لازم تسامح عشان ترتاح لأن الراحة الحقيقية مش بس في فكرة إنك تقول أنا مسامح الراحة بتيجي لما تحط مشاعرك في مكانها الصح وتعرف إنت اتأذيت إزاي وتدي لنفسك الحق تحس بالغضب أو الحزن من غير ما تحكم على نفسك إنك شخص وحش لو ما سامحتش

المسامحة ساعات بتكون قرار داخلي إنك تبطل تخلي الموقف أو الشخص يسيطر على تفكيرك ومشاعرك وساعات بتكون خطوة جاية بعد ما تعدي مرحلة الألم وفهم اللي حصل لكن لو حاولت تسامح بسرعة وإنت لسه موجوع إنت كده بتضغط على نفسك وبتتجاهل احتياجاتك

في ناس بتسامح لأنهم اتربوا على فكرة إن الغضب غلط وإن الكرم النفسي معناه إنك تسيب حقك وده بيخليهم يدفنوا مشاعرهم ويبانوا قدام نفسهم وأي حد إنهم ارتاحوا لكن جواهم بيكون فيه مرارة بتفضل مكبوتة

المسامحة مش واجب فوري ولا معيار لكونك إنسان كويس هي خيار شخصي بيتاخد لما تبقى جاهز ولو ما حصلتش مش معناها إنك هتفضل تعبان للأبد المهم إنك تشتغل على إنك تفصل طاقتك عن اللي أذاك وتحط حدود تحميك

أوقات الراحة بتيجي من القبول إن اللي حصل حصل وإنك دلوقتي بتختار تحمي نفسك حتى لو مش قادر تسامح الشخص اللي أذاك

شكرا لوقتك الجميل 🌹

للمتابعة والتواصل ❤️
اضغط هنا ⬅️ https://direct.me/hmtr
❤3
💔3❤2
إحساس إنك مش كفاية بيجي من جواك مش من بره حتى لو في ناس حواليك دايماً بينتقدوك أو بيقارنوا بينك وبين غيرك لأنك في لحظة معينة من حياتك صدقت الفكرة دي وخليتها قاعدة جوة دماغك وبنيت عليها نظرتك لنفسك

أول خطوة عشان تتخلص من الإحساس ده إنك تبقى واعي إنه مش حقيقة مطلقة ده رأي عن نفسك اتكون من تجارب أو تربية أو مواقف بس انت كبرت ولسه شايله معاك وكأنك مجبر تمشي بيه

مهم إنك تبتدي تلاحظ إزاي دماغك بتكلمك وإزاي النقد الذاتي شغال من غير ما تحس كل مرة تسمع الصوت اللي بيقولك إنك مش كفاية لازم توقف لحظة وتسأل نفسك هو دا كلام حقيقي بيوصفني؟ هو أنا ليه بصدقه؟ هو إيه الدليل الحقيقي اللي بيأكد الكلام ده؟

بعد كده محتاج تبدأ تشوف نفسك من منظور أوسع وتشوف إنك اكبر من غلطاتك واكبر من الحاجات اللي لسه ما حققتهاش وإن قيمتك مش مربوطة بأداء او شكل او مقارنة مع حد

الخطوة اللي بعد كده إنك تبدأ تعمل حاجات صغيرة تثبت لنفسك إنك (بتعمل شيء) وإنك متكفي حتى لو الدماغ لسه مش مصدقة ده ومع الوقت ومع تكرار التجارب هتبتدي الفكرة الذاتيه القدميه (انك غير كأفئ) تضعف

ولو هتكون صريح مع نفسك لازم تقبل إن إحساس الكفاية هيتبني واحدة واحدة كل ما توقف نفسك من جلد الذات وكل ما تدي لنفسك التقدير اللي طول عمرك كنت مستنيه من غيرك

وحاجه كمان طول ما انت بتدور على الإحساس ده بره مش هتلاقيه لأنه مش هيجي غير من جوة لما تختار إنك تشوف نفسك بعيون أرحم وأعدل

شكرا لوقتك الجميل 🌹

للمتابعة والتواصل ❤️
اضغط هنا ⬅️ https://direct.me/hmtr
❤3😢1👌1
الهستيريا ليست تمثيلاً كما يظن البعض بل صرخةُ جسد اختار أن يتكلم بدل النفس التي عجزت عن التعبير.
😢3
تقييم محتوي القناه لمساعدتنا علي التطوير والاستمرار 🌹
Anonymous Poll
88%
ممتاز
8%
جيد جداً
0%
جيد
4%
مقبول
https://t.me/SWGXxLK0viSExYjhk
كل ما يخص روائع الشعر، ولطائف الأدب العربي، والاقتباسات العميقة.
❤3
Media is too big
VIEW IN TELEGRAM
التفكك النفسي ليس ضعف في الشخصية هو استجابة لا إرادية من الجهاز العصبي عند التعرض لضغوط كبيرة متراكمة بدون تفريغ أو احتواء
عندما يصل الإنسان إلى الحد الأقصى من قدرته على تحمل الضغط يحدث نوع من الانفصال أو الانهيار النفسي بيشعر بأن جسده أو عقلة خارج عن سيطرته
❤1😢1