وأكتب قصيدة من عدم حزن وندم
وأنثرك في ليل الموادع .. وأجمعك

فمان الشوق والذكرى واماني لمّة الاحباب
‏فمان الله و خذ حبك معاد الصدر يتّسعه

من بعد اخذتك حياه اقفيت مدري لـ وين
‏ضاعت خطاوي الطريق و ضعتك و ضعت بي

جيتني والعمر ماعاد به زهرة شباب
‏وما معي إلا قلب يوم أنت يبغالك قلوب

وأنا مثل البحر صدره يهوج وظاهره ساكن
‏خوافي ظلمته ما فيه من يقدر يخمنها

ترفق على قلبٍ تلوع بك ولا تاب
تعذب ولامنه نوى البعد مايمديه

أنا ما اقدر أكون أني حبيبٍ في بعض الأحوال
أنا كلي أجي ولا أروح بعزتي كلي

وانا قبلك من دروب الحب عايف
‏لين شفتك واخلف القلب ظنونه

‏سقاك الحبّ وأحياك الوصل يا خيرة الأحباب
‏وعلى ذكرك شريط الذَّاكره يمشي على هونه

على البال ماغابت طواريك لأجل تعود
‏مثل كل ليلة ذنب مرت على .. تايب

بحت سدي لك وانا سدي ماتكشفه المجاهر
مثل ما ليّنت لك قلبي وهو ماهوب ليّن

بدايتها تراني معتبرها رحلة استكشاف
ولا أدري كيف وصلنا الطريق لوضعنا الحالي

على الله يوم زلاته ماهي تحتاج للتوضيح
و اجنّبها عن لسان الملام المرّ و المنّة

ذكرى سعيده ليا مرّت على البال
‏توجعني أكثر من الذكرى الحزينه

عرفتك مثل أجمل قصيدة تمر البال
‏وذكرتك مثل جرحٍ جعل ماهو بيبرى

‏يوم مرتني حياتي كلها ماشفت غيرك
‏انت صورة كل مشهد وانت قصة كل ليلة

مرحبا والله إن لك في الضمير شي ماتهقواه
‏خلك كذا بين مشكك وبين ما أنت بداري

توقعت الغياب و لا توقعته بدون أسباب
وعدتيني زمانك ما يغيّرك و تغيّرتي