‏سقاك الحبّ وأحياك الوصل يا خيرة الأحباب
‏وعلى ذكرك شريط الذَّاكره يمشي على هونه

على البال ماغابت طواريك لأجل تعود
‏مثل كل ليلة ذنب مرت على .. تايب

بحت سدي لك وانا سدي ماتكشفه المجاهر
مثل ما ليّنت لك قلبي وهو ماهوب ليّن

بدايتها تراني معتبرها رحلة استكشاف
ولا أدري كيف وصلنا الطريق لوضعنا الحالي

على الله يوم زلاته ماهي تحتاج للتوضيح
و اجنّبها عن لسان الملام المرّ و المنّة

ذكرى سعيده ليا مرّت على البال
‏توجعني أكثر من الذكرى الحزينه

عرفتك مثل أجمل قصيدة تمر البال
‏وذكرتك مثل جرحٍ جعل ماهو بيبرى

‏يوم مرتني حياتي كلها ماشفت غيرك
‏انت صورة كل مشهد وانت قصة كل ليلة

مرحبا والله إن لك في الضمير شي ماتهقواه
‏خلك كذا بين مشكك وبين ما أنت بداري

توقعت الغياب و لا توقعته بدون أسباب
وعدتيني زمانك ما يغيّرك و تغيّرتي

‏انت ما انت الغالي اللي لا رحل يتلاه غالي
‏وانت ما انت الغايب اللي غيبته نقدر عليها

‏تخيلتك مسارح شوق و إحساسك ولّه جمهور
‏و هقيت إني بلحظة شاعرك وعيونك أتباعي

‏تمادي وإن نويتي ذبحتي ما للبرا مردود
‏تحلويت المنيّة وأحتضنت السيف والسيّاف

أحس بقربك بـ أُلفه وأشوفك لي أعز أغراب
‏عجزت أفهم متاهات المشاعر بينك وبيني

عسى لي معك عمرٍ حاضره ماهو مثل ماضيه
كثر ما عاش قلبي في رجاك ومات من خوفه

‏أنا أدري إن القصيد العذب لي منّه قسم
‏وأنا أدري إنه متى ما مرّ وجهك ينهمر

⁣-