🚘 AQSh'da bir yigit yo‘llardagi sun’iy intellekt kameralarini chalg‘itish uchun mashinani kapcha tasviri tushirilgan plyonka bilan qoplab chiqdi va bu ish berdi.

Tajriba uchun u 2009-yilgi Toyota Yaris'ni olib, tartibsiz shakllardan iborat plyonka generatsiya qildi va qoidani buzgan holda kamera oldidan o‘tdi.

Natijada, sun’iy intellekt avtomobilni identifikasiya qila olmagani uchun tizim uni tanimadi. Yigit bu loyihaga bir yil sarfladi va g‘alabaga erishdi.

📟 DigiTech

⚡️Tadqiqot: Zumerlar 1900-yillarni qo‘msay boshlashdi — ularning 68 foizi o‘zi tug‘ilishidan avvalgi davrlarga nostalgiya his qilib, o‘sha davr uslubi va madaniyatiga qiziqmoqda. Ayniqsa, 1900-yillar estetikasi ko‘proq ma’qul kelmoqda.

“Old money”, vintaj va analog uslublarga bo‘lgan urf aynan shundan kelib chiqqan: yoshlar qog‘oz kitoblar va plastinkalar xarid qilib, to‘qish, kulolchilik kabi ekranlardan yiroq mashg‘ulotlarni izlamoqda. Ularning 60 foizi esa odamlar hali doimiy onlayn bo‘lmagan davrlarda yashashni istagan bo‘lardi.

Texnologiyalar borgan sari rivojlanib borishi bilan, zumerlarga 1900-yillar shunchalik yoqib ketmoqda.

📟 DigiTech

👨‍💻 Sun’iy intellektni ishsiz qoldiramiz)

Your AI Slop Bores Me — degan saytni topdik, bu odamlar o‘zlarini sun’iy intellektli chat-bot qilib ko‘rsatadigan veb-sayt. Unda ikkita bo‘lim bor: birinchisida “sun’iy intellekt”ga savol berish, ikkinchisida esa o‘zingiz chat-bot rolida ishlashingiz mumkin.

“SI-modellar” turli savollarga javob berishi va Paint’ga o‘xshash dasturda rasmlar chizishi kerak bo‘ladi.

👉 Sinab ko’rish uchun havola.

📟 DigiTech

🤖 Eng zo‘r robot-changyutgich chiqdi — Matic. Wired nashri unga 10/10 baho berdi.

Robot haqiqatan ham juda aqlli: misol uchun, unga iflos joyni barmoq bilan ko‘rsatilsa, neyrotarmoq buyruqni o‘qiydi va changyutgich o‘sha yerga boradi. Sun’iy intellekt yordamida robot o‘nlab buyruqlarni tushunadi, lekin shu bilan birga hech qanday ma’lumot kompaniya serverlariga jo‘natilmaydi — ichida neyrotarmoqni ishlatadigan Nvidia chipi bor.

Narxi — 1245 dollardan boshlanadi.

📟 DigiTech

🚆 5,3 soniyada 800 km/soat tezlik — magnit yostiqli poyezd prototipi yangi tezlik rekordini o‘rnatdi.

Sinovlar Xitoydagi bir kilometrlik trassada bo‘lib o‘tdi: vazni 1,1 tonna bo‘lgan maglev modeli 800 metr masofada maksimal tezlikka erishib, 200 metrda tormozlandi. Uning seriyali ishlab chiqarilishi qachon yo‘lga qo‘yilishi noma’lum.

Hozirda dunyodagi eng tezkor magnit yostiqli poyezd Yaponiyaga tegishli. U soatiga 603 km gacha tezlasha oladi.

📟 DigiTech

✈️ Dunyodagi eng katta elektr samolyot ilk bor parvoz qildi — 27 daqiqalik parvoz bir finjon qahvadan ham arzonroqqa tushdi.

Shvetsiyaning Heart Aerospace startapi X1 to‘liq elektr samolyotini muvaffaqiyatli sinovdan o‘tkazdi. U to‘liq elektr quvvatida harakatlanadigan dunyodagi eng yirik uchish apparatiga aylandi.

X1 samolyoti Nyu-York shtatidagi Plattsburg xalqaro aeroportidan havoga ko‘tarilib, 27 daqiqa parvoz qilgan va taxminan 335 metr balandlikka chiqqan. Samolyot butun parvoz, jumladan, uchish va qo‘nish vaqtida faqat akkumulyator quvvatidan foydalangan. Muhandislarning hisob-kitoblariga ko‘ra, ushbu sinov parvozi uchun sarflangan elektr energiyasi qiymati 5 dollardan kam bo‘lgan.

Sinovlar batareyalarning mintaqaviy yo‘nalishlarda yoqilg‘iga tejamkor muqobil bo‘la olishini ko‘rsatdi. Loyiha bilan United Airlines va Air Canada aviakompaniyalari allaqachon qiziqib qolgan.

📟 DigiTech

⚡️Tayvan hukumati sun’iy intellekt sohasi sabab iqtisodiy o‘sishdan “dividend” sifatida har bir fuqarosiga 314 dollardan to‘lab beradi — bu mablag‘ni 23 milliondan ortiq kishi oladi.

Bunday holat 2025-yilda ham kuzatilgan, ammo o‘shanda bu “Tramp tariflari”ga qarshi qo‘llab-quvvatlash chorasi bo‘lgan edi — vaholanki, mamlakat iqtisodiyoti o‘shanda ham 8,8 foizga o‘sgan. Bu yil esa orolda so‘nggi 40 yillikdagi rekord — 11 foizlik o‘sish kutilmoqda.

Tayvan “dunyoning chiplar poytaxti” deb ataladi: bu yerda Apple, Nvidia va AMD kabi yirik IT-kompaniyalarning aksariyati uchun yarimo‘tkazgichlar va chiplar chiqariladi.

📟 DigiTech

🤖 Odamsimon robot yugurish tezligi bo‘yicha inson rekordini yangiladi — Unitree kompaniyasining roboti 12,66 m/s gacha maksimal tezlikka erishdi, Useyn Bolt'ning eng yaxshi ko‘rsatkichi esa 12,42 m/s ni tashkil qiladi.

Lekin unga hali tormozlanish funksiyasi qo’shilmagan shekilli :)

📟 DigiTech

📚 Amazon sun’iy intellektni o‘rgatgach, noyob kitoblarni yo‘q qilmoqda.

Amazon o‘zining sun’iy intellekt modellarini o‘rgatish uchun noyob qog‘ozli nashrlarni shunchaki yo‘q qilmoqda. Neyron tarmoqlar uchun yangi matnli ma’lumotlarga bo‘lgan talab hozir shu qadar yuqoriki, kompaniyalar har bir soniyani tejashga urinmoqda. Sahifalarni «avaylab varaqlash» esa juda uzoq va qimmatga tushadi. Shu sababli SI kompaniyalar eng vahshiyona usulni qo‘llashga qaror qilishdi.

Nodir kitobning muqovasini shunchaki yulib olib, tubini butunlay kesib tashlashadi, bir dasta varaqlarni yuqori tezlikdagi sanoat skanerlariga solishadi, matn raqamlashtirilgach esa, kitobning qoldiqlari to‘g‘ri axlatga tashlanadi.

📟 DigiTech

📲 Google 24 soatlik kutish muddatini joriy etib, Android-smartfonlarga APK-fayllarni o‘rnatishni murakkablashtirdi.

Endi o‘rnatish uchun sozlamalardan ruxsat berish, “o‘z ixtiyoringiz bilan” harakat qilayotganingizni tasdiqlash va bir kun kutish kerak bo‘ladi, shundan so‘ng yana ruxsat berish lozim — bir haftaga yoki butunlay.

Ushbu chora firibgarlarga qarshi kurash zarurati bilan izohlanmoqda: u allaqachon bir qator mamlakatlarda ishga tushirilgan va 2027-yilga borib barcha uchun joriy etilishi rejalashtirilgan.

📟 DigiTech

⚡️GTA VI'ning to‘liq ishlaydigan versiyasi xakerlar qo‘liga tushib qoldi: allaqachon geympleyning butun bo‘laklari internetda yuribdi. Rockstar bu videolarni juda faol o‘chirayotganiga qaraganda, kadrlar soxta emasga o‘xshaydi.

Cyberleek laqabli xaker o‘yindagi haydash, otishma va politsiya tizimini ko‘rsatdi. Oxirgi rolikda o‘yinchi devorga “LEEK” deb yozish uchun o‘q uzadi — ya’ni u nafaqat Rockstar'ning o‘z yozuvlariga, balki o’yinning ishlaydigan versiyasiga ham kira olgan. Lekin, uning qo‘lidagi o‘yin versiyasiga 2-3 yil bo‘lgan.

Hozir bu bola sayyoradagi eng qidirilayotgan odam bo’lsa kerak :)

📟 DigiTech

⚡️Goldman Sachs tadqiqotiga ko’ra: har oy sun’iy intellekt sababli 16 000 ta ish o‘rni yo‘qolmoqda.

Bu, ayniqsa, yosh mutaxassislar va boshlang’ich (junior) xodimlarga qattiq zarba bermoqda. Moliya, texnologiyalar va mijozlarga xizmat ko‘rsatish sohalari eng zaif nuqta hisoblanadi.

Eng yomoni esa, yaqin orada umumiy ish vaqtining qariyb 25 foizi robotlar tomonidan avtomatlashtirilishi mumkin.

📟 DigiTech

⚡️Sun’iy intellekt xavfli “o‘y-fikrlarini” tekshiruvlardan yashira olishi aniqlandi: Gemma-2-9B modeli xavfsizlik tizimlarini chetlab o‘tishga o‘rgatildi.

Model “seni tekshirishyapti” degan signalni olgach, detektorlardan qochish uchun o‘z fikrlash jarayonini o‘zgartirgan. Javob avvalgidek qolgan, ammo tekshiruvda yolg‘on yoki zararli belgilar aniqlanmagan.

Bu mexanizm hatto modelga notanish bo‘lgan sinovlarda ham ish bergan.

📟 DigiTech

⚡️Take-Two “ov”ga chiqdi: kompaniya sud orqali Microsoft va Discord'dan GTA VI o‘yin videolarini tarqatib yuborayotgan xakerlarni topishni talab qildi.

Gap o‘yinning to‘liq ishlaydigan versiyasiga ega bo‘lgan Cyberleek guruhi haqida ketmoqda. Microsoft va Discord'ga xakerlar haqidagi barcha ma’lumotlarni taqdim etish uchun 4-sentyabrgacha muhlat berildi.

Shu yo‘l bilan Take-Two xakerlarning shaxsini aniqlashga umid qilmoqda. Eslatib o‘tamiz, o’yin haqidagi maxfiy ma'lumotlarni ochiqlagan avvalgi xaker 2023-yilda noma’lum muddatga ruhiy kasalliklar shifoxonasiga joylashtirilgandi.

📟 DigiTech

⚡️Markaziy razvedka boshqarmasi Stiv Jobsga faoliyatidagi eng og‘ir davrlardan birini yengib o‘tishda yordam bergan. 1986-yillarda uning NeXT kompaniyasining mijozlari yo‘q edi, kompaniya inqiroz yoqasida bo’lgan. O’sha vaqtda MRB ularga minglab kompyuter buyurtma qilgan.

MRB yiliga 20 000 ta qurilmaga buyurtma bergan, lekin NeXT oyiga atigi 100 ta kompyuter ishlab chiqara olgan. Natijada ishlab chiqarish hajmini 5 mingtaga yetkazishga to‘g‘ri kelgan.

Keyinchalik Apple NeXT'ni sotib olgan, uning texnologiyalari esa macOS va iOS uchun asos bo‘lib xizmat qilgan. Jobs ham NeXT bilan birga kompaniyaga qaytgan.

📟 DigiTech

📱Samsung‘ning «afsonaviy» dizaynerlari yana ishga qaytdi.

Mashhur insayder Ice Universe Galaxy S27 Ultra'ning CAD-chizmasini ko’rsatdi va neyrotarmoq yordamida «iPhone'ga umuman o‘xshamaydigan» qurilma dizaynining taxminiy renderini yaratdi.

Insayderning ta’kidlashicha, bu yakuniy dizayn bo‘lib, haqiqiy smartfon ham taxminan shunday ko‘rinishda bo‘ladi.

📟 DigiTech