⚡️Yangi Lara tarjimoni topildi, u hamma narsani tarjima qila oladi:

— Raqobatchilaridan ancha aniqroq;
— Uch xil uslubda tarjima qiladi: aniq, adabiy va ijodiy;
— Sifatli tarjima uchun iboraga kontekst qo‘shish imkonini beradi;
— Hujjatlarni tarjima qila oladi;
— Audioqo‘ng‘iroqlarni tarjima qilish imkoniyati bor;
— O’zbek tili mavjud;
— Bepul foydalanish mumkin va hatto ro‘yxatdan o‘tish ham shart emas.

👉 Sinab ko’rish uchun havola.

📟 DigiTech

⚡️Sun’iy intellekt birinchi bo’lib kimlarning o‘rnini egallaydi: Anthropic kompaniyasi xavf ostidagi kasblar sxemasini namoyish etdi. U Claude Code'ga yuborilgan so‘rovlar asosida tuzilgan.

Dasturchilar va moliyaviy tahlilchilar hammadan ko‘proq xavf ostidalar. San’at, media, menejment va huquqshunoslik yo‘nalishlari ham shular qatorida.

Xavfsiz kasblardan esa, sun’iy intellekt hozircha barmenlar, idish yuvuvchilar va qutqaruvchilarga aniq tahdid solayotgani yo‘q.

📟 DigiTech

👨‍💻 MacBook Neo ilk benchmarklarda M1 chipli Air'dan o‘zib ketdi — lekin eski Air hamon qimmatroq turadi.

M4 chipidagi yangiroq Air'dan esa arzon Neo bir oqimli testlarda bor-yo‘g‘i 200 ballga ortda qoldi, unga iPhone'larning A18 Pro chipi o‘rnatilgan bo’lsa ham.

📟 DigiTech

📱Tecno muhandislari eng g‘aroyib Lego-smartfonni namoyish etishdi: qalinligi atigi 5 millimetr bo‘lgan o‘ta yupqa Atom smartfoniga istalgan qurilmani ulash mumkin.

Tanlov imkoniyati keng: unga naq 5 ta qo‘shimcha akkumulyator, zamonaviy mikrofon, yaxshilangan kamera va hatto professional obyektiv ham o‘rnatish mumkin. Barcha qismlar magnitlar yordamida mahkamlanib, ichki Wi-Fi kanali orqali ulanadi.

📟 DigiTech

⚡️Alibaba’ning neyrotarmog‘i barchadan yashirincha, o‘zining GPU'larida kriptovalyuta mayning qilishni boshlagani aniqlandi — ayyor sun’iy intellekt o’rganish jarayonida boyib ketishga uringanida qo‘lga tushgan.

Agent xavfsizlik tizimini chetlab o‘tish uchun o‘zining dasturiy ta'minotiga tashqi serverdan yashirincha kirish huquqini bergan, so‘ngra u yerda haqiqiy mayning-ferma tashkil qilgan. Qizig‘i, neyrotarmoqqa buni hech kim o‘rgatmagan yoki maxsus buyruq bermagan — sun’iy intellektning o‘zi kriptovalyuta haqida ma’lumotlarni o‘qib, boyib ketishga qaror qilgan.

📟 DigiTech

⚡️Apple qimmat Ultra-gadjetlar liniyasini tayyorlamoqda — insayderlarning xabar berishicha, bizni Pro'dan ham qimmatroq turadigan mahsulotlar kutmoqda.

Super-premium qurilmalar ro‘yxati:

• iPhone Ultra — buklanadigan iPhone bo‘ladi, uning narxi 2000 dollardan boshlanadi.

• MacBook Ultra — sensorli OLED-displey va M6 chiplari bilan jihozlanadigan noutbuk.

• AirPods Ultra — kompyuter ko‘rish kameralariga ega quloqchinlar: ular atrofdagi obyektlarni tanib, ma’lumotlarni Siri'ga uzata oladi.

📟 DigiTech

🕹️ Ispaniyalik yigit o‘zining DJI Romo qurilmasiga geympad ulashga urinib, tasodifan butun dunyo bo‘ylab 7000 ta robot-changyutgichlarni buzib kirdi.

Bu jarayonda jiddiy zaiflikni aniqlagan Semmi Azdufal butun bir robotlar tarmog‘ini masofadan turib boshqarish, shuningdek, ularning kameralari va mikrofonlaridan foydalanish imkoniyatiga ega bo‘ldi.

Ishqiboz bu haqda zudlik bilan DJI kompaniyasiga xabar berdi. Kompaniya allaqachon xatoni tuzatgan va endi yigitni 30 000 dollar mukofot bilan taqdirlaydi.

📟 DigiTech

🍫 Olimlar ta’mi haqiqiy shokoladdan farq qilmaydigan — hech qanday aralashma va qo‘shimchalarsiz sun’iy shokolad yetishtirishga muvaffaq bo‘lishdi.

Belgiyaning «Puratos» oziq-ovqat giganti «California Cultured» startapi bilan hamkorlikda azaliy muammoni hal qilishga qaror qildi: «Godiva» kabi haqiqiy shokolad qimmat turadi, arzon muqobillarini esa ta'mi yaxshi emas.

Olimlar eng yuqori ta’m va xushbo‘y xususiyatlarga ega bo‘lgan sara kakao o‘simliklarini tanlab olib, ularning hujayralarini ozuqa muhiti mavjud maxsus idishlarga joylashtirdilar. Natijada tayyor shokolad olinadi.

Shunday shokolad ishlab chiqaruvchi zavod 2026-yil oxirigacha ishga tushishi kerak — hozirda loyiha mualliflari barcha zarur ruxsatnomalarni olib, zavodni ishga tushirishga tayyorgarlik ko‘rishmoqda. Agar bu g‘oya o‘zini oqlasa, haqiqiy ta’mli shokoladni hamyonbop narxda olish mumkin bo’ladi.

📟 DigiTech

Changan avtomobillari bilan yaqindan tanishishni istaysizmi?

Sizni rasmiy dilerlik markazlarimizda mutlaqo bepul test-drayvga taklif etamiz.

Hammasi juda oddiy:
Dilerlik markaziga kelasiz → test-drayvdan o‘tasiz → kompaniya esa har bir ishtirokchi nomidan xayriya ishlariga mablag‘ yo‘naltiradi.

Siz shunchaki avtomobil bilan tanishasiz, biz esa birgalikda xayrli ishni amalga oshiramiz va ko‘makka muhtoj insonlarni qo‘llab-quvvatlaymiz! 💚

Sizning yo‘lingiz ezgulikdan boshlanadi!

📲 Barcha tafsilotlarni hoziroq bilib oling:
+998 (77)-208-88-55
🌐 changan.uz

Reklama

🧠 EON Systems kompaniyasi muhandislari pashsha miyasining raqamli nusxasini yaratib, uni barcha neyronlari bilan birga virtual bulutga yuklashdi.

Endi pashsha simulyatsiyada «yashamoqda»: uning raqamli miyasi virtual signallarni haqiqiydek qabul qilib, go‘yoki organizm hali ham tirikdek virtual tanani boshqarmoqda.

Keyingi bosqichda tadqiqotchilar murakkabroq asab tizimlarini — avval sichqonlarnikini, kelajakda esa inson miyasini ham raqamlashtirishni rejalashtirishmoqda.

📟 DigiTech

⚽️ Braziliyada futbol o‘yinida maydondan chetlatishlar soni bo‘yicha 1954-yilgi mahalliy rekord yangilandi.

“Kruzeyro” va “Atletiko Mineyro” uchrashuvining so‘nggi daqiqalari shu qadar keskin tus oldiki, natijada futbolchilar, murabbiylar va yaqin atrofda bo‘lgan barchaning ommaviy mushtlashuviga aylanib ketdi — hakam esa 23 ta qizil kartochka ko‘rsatdi.

Qizig‘i shundaki, jahon rekordi ham Janubiy Amerikada qayd etilgan: 2011-yili Argentinada bo‘lib o‘tgan o‘yinda hakam barcha futbolchilarni va zaxiradagilarning bir qismini maydondan chetlatib, jami 36 ta kartochka ko‘rsatgan.

📟 DigiTech

⚡️Amazon serverlari «vaybkoder»lar sababli doimiy ravishda ishdan chiqmoqda. Kompaniya o‘z muhandislariga qattiq tanbeh berdi.

So‘nggi oylarda Amazonda to‘rtta jiddiy hodisa yuz berdi. Bularning sabablari qatorida neyrotarmoqlardan foydalanish to‘g‘ridan-to‘g‘ri ko‘rsatilgan. Hatto bir holatda, ularning o‘z agenti Kiro kichik bir xatolikni tuzatish uchun virtual muhitni ishdan chiqargan.

Endi barcha dasturchilarga generatsiya qilingan kodni sinchkovlik bilan ko‘rib chiqish va uni yuklashdan oldin katta mutaxassislar (seniorlar) bilan tekshirish tavsiya etilmoqda.

📟 DigiTech