📲 Apple iPhone 18 Pro'da Dynamic Island'dan voz kechib, kamerani chap burchakka ko‘chirishi mumkin.

Dynamic Island olib tashlanib, Face ID ekran ostida joylashadi. Shu sababli, unga alohida kesim talab etilmaydi.

Bu yaqin yillardagi eng katta redizayn bo’lishi mumkin.

📟 DigiTech

🎥 Butun dunyodagi ko‘rsatuvlarni tomosha qilamiz: TV Garden saytini topdik — unda istalgan mamlakat telekanallarini bepul ko‘rish mumkin.

Jonli efirda minglab ko‘rsatuvlar mavjud. To‘g‘ridan-to‘g‘ri Yaponiyadan anime strimlari, tasodifiy filmli kanallar va Yerning deyarli har qanday nuqtasidan yangiliklar kanallari bor.

👉 Sinab ko’rish uchun havola.

📟 DigiTech

⚡️Videodan istalgan ovozni bir tugmani bosish orqali ajratib olish imkoniyati paydo bo‘ldi: SAM Audio neyrotarmog’i ishga tushdi, u alohida audiolarni kesib olishi mumkin.

Qo‘shiqdagi vokalni gitaradan ajratish, orqa fondagi shovqinni o‘chirish, faqat qushning sayrashini yuklab olish mumkin. Kadrdagi obyektni bosish va uning ovozini olish kifoya.

Agar ma’lum bir obyekt bo‘lmasa, yana ikkita variant mavjud: matnli prompt yozish yoki kerakli tovush eshitiladigan vaqtni belgilash.

👉 Sinab ko’rish uchun havola.

📟 DigiTech

⚡️Bill Geyts, agar do‘sti Uorren Baffett'ning maslahatiga quloq solmaganida, hozir 1,2-1,5 trillion dollarga ega bo‘lib, dunyodagi eng boy odam bo‘lishi mumkin edi.

2014-yilda Baffett Geytsga Microsoft aksiyalarini sotishni maslahat bergan edi. O‘shanda Bill Geyts o‘z jamg‘arma fondi orqali turli aktivlarga mablag‘ kiritib, o‘z kompaniyasi aksiyalarini portfelning kichik bir qismi sifatidagina saqlab qolgan.

📟 DigiTech

🕰️ Vaqt haqiqatan ham yil sayin tezroq o‘tmoqda — vaqt o‘tishi bilan miya xotirani tejash uchun kundalik ishlarning bir qismini shunchaki e’tiborsiz qoldirishi ma'lum bo’ldi.

Biz ulg'ayganimiz sari vaqtni soatlarga qarab emas, voqealarga qarab anglay boshlaymiz. Agar yil davomida hech qanday qiziqarli hodisa sodir bo‘lmagan bo‘lsa, u sezilmay o‘tib ketganga o‘xshaydi.

Yangi taassurotlar va noodatiy ssenariylar vaqtni «sekinlashtirishi» mumkin — masalan, tasodifiy yo‘nalishlar bo‘ylab yurish yoki turli xil taomlar tayyorlash.

📟 DigiTech

⚡️AQSH Green Card lotereyasi (Diversity Visa, DV1) dasturini vaqtinchalik to‘xtatdi. Bu haqda Ichki xavfsizlik vaziri yozdi.

Bunga Braun universitetidagi otishma sabab bo‘lgan. O’q uzgan shaxs Diversity Lottery (DV1) dasturi bo‘yicha mamlakatga kirib, grin-karta olgan.

Green Card lotereya dasturi qayta tiklanadimi va bu qachon sodir bo‘ladi, hozircha noma’lum.

📟 DigiTech

🧊 Olimlar Antarktidada burg’ulangan quduq tubiga kamerani tushirib, Yerdagi eng qadimgi muz qanday olinganini ko‘rsatishdi.

Allan-Hills tepaliklari hududida chuqurligi 90 metrdan 200 metrgacha bo‘lgan bir nechta shunday quduqlar burg’ulangan. Videoda ko‘rsatilgan quduqdan taxminan 5 million yillik muz namunalari olingan, boshqa quduqdan esa rekord darajadagi qadimiy, taxminan 6 million yillik namunalar qazib olishga erishildi.

Video 9 marta tezlashtirilgan.

📟 DigiTech

🤖 Xitoyliklar konsertlarda robotlarni raqschilar sifatida ishlatishni boshlashdi — bundan hatto Ilon Mask ham hayratda!

Videoda kung-fu usullarini biladigan va «Jonli po‘lat» filmi kabi ringda bir-biri bilan kurashgan o’sha Unitree robotlari ko‘rsatilgan.

Xitoyda bunday robotni 13 500 dollarga xarid qilish mumkin.

📟 DigiTech

👨‍💻 Bloger Basically Homeless otishma o‘yinlarda uning qo‘lini boshqarib, dushmanlarni aniq nishonga oladigan neyromushak ekzoskeletini yaratdi.

Bu tizimning ikkinchi versiyasi bo‘lib, bloger uni ancha takomillashtirdi va odamga nisbatan 4-5 baravar tezroq reaksiyaga erishishga muvaffaq bo‘ldi.

Qurilma o‘zi dushmanlarni aniqlaydi, bilakni harakatlantiradi va foydalanuvchi qo’li bilan sichqoncha tugmasini bosadi: mashhur Aim Lab merganlik testida bloger ushbu qurilma yordamida birinchi o‘rinni egalladi.

📟 DigiTech

⚡️Arzon tezkor xotira haqida unutish mumkin — OpenAI 2029-yilgacha jahondagi xotira ishlab chiqarish hajmining 40 foizini sotib oldi.

• Sem Altman oktyabr oyida DRAM bozorining 70 foizini nazorat qiluvchi Samsung va SK Hynix kompaniyalari bilan kelishuvga erishgan.
• OpenAI tayyor plashkalarni emas, balki boshqa buyurtmachilarni chetlab o‘tib, ishlab chiqarish bosqichidayoq kremniy plastinalarini arzonroq sotib olmoqda.
• Bu xotiraning barchasi sun’iy intellekt uchun mo‘ljallangan ma’lumotlar markazlariga yo‘naltirilmoqda.

Umumiy hisobda, OpenAI har oyda 900 000 dona kremniy plastinalarini oladi, bu esa odatiy plastinalarning 90 MILLION donasiga to‘g‘ri keladi. Tabiiyki, narxlar ko‘tariladi.

📟 DigiTech

🤖 Sun’iy intellektga savdo avtomatini boshqarish va iloji boricha ko‘proq pul ishlash vazifasi topshirildi. Natijada u kommunistga aylanib, zararga kirib ketdi.

Tajribani WSJ tahririyati o‘tkazdi: Claude 3.7 sun’iy intellekt agenti mahsulotlarni o’zi xarid qilib, narxlarni belgiladi, u xodimlarning istaklarini inobatga olishi mumkin edi. Dastlab hammasi yaxshi ketayotgandi, ammo bir necha kundan so‘ng tahririyat xodimlari botni 60-yillarning sovet avtomati ekanligiga ishontira olishdi.

U «partiya» g‘oyalariga shunchalik berilib ketdiki, mahsulotlarni tekin tarqata boshladi, hattoki PS5 va elektroshokerlarni buyurtma qilishga ham rozi bo‘ldi.

Keyinchalik, yordamga Claude 4.5 yangilanishi yuborildi. U hamma narsani kelishib, tasdiqlashi kerak edi. Biroq, uni ham osonlikcha aldashdi — uning «ishdan bo‘shatilganligi» haqidagi soxta hujjat bilan.

📟 DigiTech

⚡️Xakerlar Spotify musiqa tinglash platformasini buzib kirishdi — endi ular 86 million qo‘shiqni «insoniyat madaniyatini saqlab qolish» maqsadida ochiq foydalanishga chiqarishmoqchi.

Kompaniya ma’lumotlar sizib chiqqanini tan oldi. Xakerlar eng mashhur qo‘shiqlarga, ya’ni tinglashlarning 99 foizini tashkil etuvchi qo’shiqlarni nishonga olishgan. Ular qariyb 300 terabayt hajmdagi ma’lumotni yuklab olishgan.

Musiqalarni torrentlarga yuklashmoqchi — eng ko‘p tinglangan treklardan boshlashadi.

📟 DigiTech