👨‍💻 Hamyonbop Mac yanada kuchliroq bo‘ladi: Apple MacBook Neo'ga A19 Pro chipini o‘rnatmoqchi.

Chipdan tashqari xotira ham yangilanadi — Neo'ning ikkinchi avlodi 8 GB o‘rniga 12 GB tezkor xotiraga ega bo‘lishi mumkin.

Qurilma 2027-yil bahorda chiqarilishi kutilmoqda.

📟 DigiTech

🎧 Skoda shovqinni pasaytirish funksiyasi yoniq turgan har qanday quloqchinni 22 metrgacha bo‘lgan masofadan «yorib o‘tadigan» velosiped qo‘ng‘irog‘ini yaratdi.

DuoBell hech qanday algoritm to’xtata olmaydigan maxsus chastotalarda tovush chiqaradi. Kompaniyaning o‘zi uni sotishni rejalashtirmayapti, lekin «hamkorlarga yordam berishi»ni aytdi va hatto hujjatlarni ochiq e’lon qildi.

📟 DigiTech

🎵 Italiyaliklar musiqachilar uchun ularni o‘zaro sinxronlashtiruvchi ekzoskeletni ishlab chiqishdi.

Qurilma «boshlovchi»ning harakatlarini yozib oladi va real vaqt rejimida sherigiga ohista uzatib, ma’lum harakat erkinligini saqlagan holda musiqa ritmiga mos ijro etishga yordam beradi.

Bu texnologiya, birinchi navbatda, ta’lim maqsadlarida qo‘llaniladi, shuningdek, sport va reabilitatsiya uchun ham foydali bo’lishi mumkin.

📟 DigiTech

⚡️Janubiy Koreyada hamma uchun bepul internet yo‘lga qo‘yildi: agar asosiy paket tugasa, odamlarga 400 Kbit/s tezlikda cheksiz internet beriladi.

Hukumatning fikricha, hozir internetsiz yashashni iloji yo‘q, bu endi insonning asosiy huquqidir. Shuningdek, nafaqaxo‘rlar yaqinlari bilan doim aloqada bo‘lishlari uchun ularning internet limitlari ham oshirildi.

📟 DigiTech

👨‍💻 GTA VI kompyuterlar uchun 2027-yilning fevralida, ya’ni konsollardagi relizidan atigi 4 oy o‘tib chiqishi mumkin. Bu haqda insayder DetectiveSeeds'ga Rockstar'ning uch nafar sobiq dasturchisi ma’lum qildi.

Agar ushbu ma’lumot tasdiqlansa, bu Rockstar o‘yinlarining barcha platformalardagi relizlari orasidagi eng qisqa vaqt oralig‘i bo‘ladi. RDR 2 kompyuterlar uchun bir yildan keyin, GTA V esa bir yarim yildan so‘ng chiqarilgan edi.

PS5 va Xbox Series egalari esa GTA VI'ni 19-noyabrdayoq o‘ynay olishadi.

📟 DigiTech

🚀 «Artemis II» ekipaji Yerga qaytdi — missiya Tinch okeaniga muvaffaqiyatli qo‘nish bilan yakunlandi.

Astronavtlar Rid Uaysmen, Viktor Glover, Kristina Kuk va Jeremi Hansen Yerdan 406 ming km masofaga uchgan tarixdagi birinchi odamlar bo‘ldi. Ular 10 kun davomida Oyni aylanib chiqib, koinotdan turib quyosh tutilishini kuzatishdi.

Endi NASA odamlarni Oy sirtiga qaytarishi ko‘zda tutilgan «Artemis III» va «Artemis IV» missiyalariga tayyorgarlik ko‘radi. Keyinchalik Oy bazasi qurilishini boshlash ham rejalashtirilgan.

📟 DigiTech

⚡️YouTube'da endi Shorts uchun o‘z raqamli qiyofadoshingizni yaratishingiz mumkin.

Raqamli avatar nafaqat foydalanuvchiga o‘xshaydi, balki uning ovozida ham gapira oladi — uni faollashtirish uchun ovoz namunasini yuklash kerak. Avatarlarni mavjud videolarga qo‘shish yoki ular asosida yangilarini yaratish mumkin bo‘ladi.

Bunday barcha videolar sun’iy intellekt tomonidan yaratilgan deb belgilanadi va tegishli Synth ID yorlig‘iga ega bo‘ladi. Ushbu funksiya bosqichma-bosqich joriy etilmoqda va hozircha barcha foydalanuvchilar uchun ochiq emas.

📟 DigiTech

⚡️Buklanadigan iPhone'ning 256 GB xotirali boshlang‘ich versiyasi 2300 dollardan qimmatroq turishi mumkin.

Eng top komplektatsiyasi esa taxminan 3000 dollar atrofida bo‘ladi. Qurilmalar narxini insayder Majin Bu oshkor qildi.

📟 DigiTech

📲 iPhone barcha bildirishnomalar matnini xotirasida saqlab qoladi — shu tariqa AQSh Federal Qidiruv Byurosi (FQB) iPhone'dan Signal messenjeridagi o‘chirib yuborilgan xabarlarni tiklay oldi.

Signalning o‘zi buzib kirilmagan. Gap shundaki, iPhone'ga xabar kelganida, iOS uni ekranga chiqarish uchun o'zining markaziy bildirishnomalar bazasiga (Notification database) yozib oladi.

Ya'ni kelgan xabarlarni o‘chirib tashlaganingizda ham, iPhone ularni saqlab qolaveradi.

📟 DigiTech

📱Android Authority: Samsung Galaxy S22 Ultra sozlamalari tiklangach «g‘isht»ga aylanib qolmoqda.

Ayrim smartfon egalari Knox tizimi orqali qurilmalari bloklanishiga duch kelishdi: ma’lumotlar o‘chirilgandan so‘ng, smartfon ekranida kutilmaganda noma’lum Numero LLC tashkilotiga tegishli ekanligi yozuvi chiqmoqda.

Bloklash Samsung serverlari tomonidan IMEI orqali amalga oshirilmoqda — qurilmani qayta proshivka qilish yoki sozlamalarini yana tiklash bilan ishga tushirib bo‘lmaydi. Samsung qo‘llab-quvvatlash xizmati hozircha bu muammoni hal qilmayapti.

📟 DigiTech

🤖 Xitoyning Unitree kompaniyasi dunyodagi eng tezkor robotni namoyish etdi — u soatiga 36 kilometr tezlikda yuguradi. Sayyoradagi eng yaxshi sportchilar kabi.

Rekordlarni ko‘zlagan boshqa sprinter-robotdan farqli o‘laroq, bu endi yordamga muhtoj emas. U 100 metrga yugurishni 10 soniyada bajara oladi va Useyn Boltning rekordidan (9.58 soniya) biroz ortda qoladi.

📟 DigiTech