⚡️Binance birjasi xakerlik hujumiga uchradi. Bu tarixdagi eng yirik kriptobirja buzib kirilishi bo‘ldi.

Xakerlar hujumga oldindan tayyorlanib, DevOps-muhandisning buzib kirilgan noutbuki orqali Binance’ning tranzaksiyalarni imzolash tizimini o‘zlarining nazoratidagi manzillarga pul o‘tkazmalarini tasdiqlashga majbur qilishgan.

Zarar 6,36 milliard dollarga baholanmoqda, biroq pullarning bir qismini saqlab qolishga muvaffaq bo‘lingan. Hozirda birja mablag‘ kiritish va chiqarishni vaqtincha to‘xtatib qo‘ygan.

📟 DigiTech

⚡️Claude sichqon miyasida operatsiya o‘tkazdi: agent epilepsiyaga qarshi dori tanladi, ukol qilinadigan nuqtani hisoblab chiqdi va preparatni yubordi.

Operatsiyani Sonnet 5 o’tkazdi — unga 19 ta gen preparati va Arduino‘da ishlaydigan jarrohlik stendi taqdim etildi. Agent ilmiy maqolalar asosida ukol joyini o‘zi tanladi va kameralar yordamida mo‘ljal oldi.

Muolajalarning bir qismini haqiqiy jarroh bajardi, veterinar esa ehtiyot shart favqulodda to‘xtatish tugmasini nazorat qilib turdi. Hammasi muvaffaqiyatli o‘tdi, sichqon tuzalib ketdi.

Ana endi sun’iy intellekt tirik organizmlarni operatsiya qilishni ham biladi)

📟 DigiTech

⚡️Claude 53 daqiqada Linux yadrosini buzib kirdi — operatsion tizimda xavflilik darajasi 10 balldan 9,8 ga baholangan yangi jiddiy zaiflik aniqlandi.

Hujum qilish uchun na akkaunt, na foydalanuvchi harakati talab etiladi: server bilan TCP-ulanishni o‘rnatishning o‘zi kifoya. Ushbu tuynuk orqali tizim ustidan to‘liq nazoratni qo‘lga kiritish mumkin.

Zaiflikni bartaraf etuvchi patch allaqachon chiqdi. Linux foydalanuvchilariga tizimni yangilab olish tavsiya etiladi.

📟 DigiTech

⚡️Kompaniyalar sun’iy intellekt sababli ishdan bo‘shatilgan xodimlarni qaytarishni boshladi: bu trend uchun hatto "SI-bumerang" degan atama ham o‘ylab topildi.

Ayrim misollar:

– Ford neyrotarmoqlar vazifani eplay olmayotganini aniqlagach, 350 nafar muhandisni qayta ishga oldi yoki lavozimini ko‘tardi;
– Klarna (Shvetsiya fintex kompaniyasi) "chat-botga tayanib qolish haddan oshib ketgani" sababli qo‘llab-quvvatlash xizmatiga yana odamlarni ishga olmoqda.

Ma’lum bo‘lishicha, sun’iy intellekt ustidan kimdir nazorat qilib turishi, ba’zida esa his-tuyg‘ularni ilg‘ay olish va muammoning jiddiyligini baholash muhim. Bundan tashqari, odamlar ketishi bilan odatda hech qanday yo‘riqnomada yozilmaydigan ulkan ko‘rinmas ishlar ham to‘xtab qoladi.

Eng qizig‘i: xodimlar qaytayotganda ko‘proq maosh va kafolatlar talab qilishni boshlashyapti)

📟 DigiTech

⚡️Fransiyada deputatlar internet-trafik uchun soliq joriy etilishini ma’qulladi — har bir gigabayt uchun 0,055 yevro. Mazkur soliqqa Google, Netflix kabi yirik IT korporatsiyalar ham, kichik kompaniyalar ham tortiladi.

To‘lovni kompaniyalar amalga oshirishi kerak, biroq xarajatlar yakuniy foydalanuvchilar zimmasiga yuklanishi mumkin. Misol uchun: GTA VI ni yuklab olishga taxminan 12 yevro olinishi mumkin.

Ushbu soliq byudjetga yiliga 10 milliard yevro atrofida daromad keltirishi mumkin deb hisoblashmoqda. Tashabbus hozircha muhokama qilinyapti va yil oxirigacha hali rad etilishi ham mumkin.

Umid qilamizki, bu butun dunyoda trendga aylanib ketmaydi :(

📟 DigiTech

⚡️AQSh Kongressi mamlakatni aslida kim boshqarayotganini aniqlash maqsadida Trampdan barcha promptlarni saqlab qolishni talab qildi.

Bunga Time nashrining maqolasi sabab bo‘ldi: Venesuelaga bostirib kirishdan oldin Tramp Grok bilan maslahatlashgan. Endi Kongress uning Grok, ChatGPT va Claude’ga yuborgan barcha so‘rovlarini tekshirmoqchi.

Vayb-prezident uchun so‘nggi muddat 11-noyabr etib belgilandi.

📟 DigiTech

🏭 Google o‘zining eng yirik ma’lumotlar markazini... Claude shahrida quradi. Bu nomdagi shahar Texasda joylashgan bo‘lib, u yerda 1,1 mingga yaqin kishi istiqomat qiladi.

Ma’lumotlar markazini “Goodnight” deb nomlashadi. Aftidan, kompaniyadagilar joy tanlash ustida uzoq bosh qotirishmagan)

📟 DigiTech

⚡️Yevropada muzlatkichlarga kiberhujumlar to‘lqini avj oldi: bugun xakerlar bir vaqtning o‘zida yettita mamlakatdagi yuzlab supermarketlar tizimini buzib kirishdi.

Xakerlar Spar va Carrefour kabi yirik tarmoqlarga masofadan ulanish imkonini qo‘lga kiritib, muzlatkichlar haroratini 50ºC gacha ko‘tarib yuborishgan.

Niderlandiyada hujumga uchragan tizimlar oddiy parol parol bilan himoyalangan bo’lgan. Bir oy muqaddam Fransiyadagi yuzlab do‘konlar tizimi buzib kirilganida, ularni internetdan uzib qo‘yish so‘ralgan edi.

Hujum oqibatida savdo tarmoqlari o‘n minglab yevrolik mahsulotlarni chiqindiga tashlashga majbur bo‘ldi. Buzib kirish ortida kim turgani noma’lum, tovon puli ham talab qilishmadi. Xakerlarning maqsadini hatto tergovchilar ham tushunmayapti.

📟 DigiTech

⚡️Yosh matematiklar sun’iy intellekt sababli kasbini o‘zgartirish haqida o‘ylashmoqda: MIT so‘rovnomasiga ko‘ra, ularning qariyb 76 foizi ilmiy tadqiqotlar va umuman matematika bilan shug‘ullanishga bo‘lgan ishtiyoqi so‘nganini tan olgan.

Aspirantlar o‘z ta’limining istiqboli tobora so‘nib borayotganini ko‘rishmoqda. Ular sun’iy intellektning ilmiy kashfiyotlari, xususan, mingyillik masalalarning yechilishi tufayli so‘nggi ikki oyni «ayniqsa charchatadigan» davr deb atashmoqda.

Buning ustiga matematika hamjamiyati va universitetlarga nisbatan g‘azab ham qo‘shilmoqda.

📟 DigiTech

👨‍💻 Anthropic kompaniyasida o‘rtacha oylik maosh — 107,300 dollarga yetdi. Taqqoslash uchun, bu AQSHdagi o‘rtacha ko‘rsatkichdan ~18 barobar ko‘pdir.

Iyul-sentyabr oylarida kompaniya 5,3 ming kishilik jamoasi uchun $1,7 milliarddan ortiq mablag‘ sarflagan. Lekin bu xarajatlarning uchdan ikki qismi aksiyalar hissasiga to‘g‘ri keladi.

Aftidan, IPOdan so‘ng Anthropic’ning yuzlab xodimlari multimillionerga aylanishadi.

📟 DigiTech

⚡️Yirik texnologik kompaniyalar rahbarlari AQShdagi saylovlar fonida to‘nini teskari kiyib oldimi? Sem Altman butun OpenAI nomidan sun’iy intellekt insonlar nazorati ostida bo‘lishi tarafdori bo‘lib chiqdi. Eng qizig’i, yaqindagina u taraqqiyot yo‘lida qurbonliklar muqarrar, deb yozgan edi.

Bu o‘zgarish kecha Kongress saylovlarida demokratlar g‘alaba qozonishi bilanoq yuz berdi. So‘nggi ikki yil davomida uni Tramp partiyasi nazorat qilib kelgan, biroq endi vaziyat o‘zgardi.

Texnogigantlar Tramp ma’muriyatini «yaxshi do’st» deb bilishardi — ularga soliq imtiyozlari, data-markazlarni qurishga ruxsat va davlat shartnomalari taqdim etilgan. Endi esa ular demokrat strateglarga birma-bir qo‘ng‘iroq qilib, kelishish yo‘llarini izlashmoqda.

Kompaniyalarga allaqachon surishtiruvlar, sun’iy intellektni qat’iy tartibga solish va ma’lumotlar markazlari uchun cheklovlar bilan tahdid qilinmoqda. Hozir hatto Ilon Mask asosiy qarorgoh qilib olgan Texas ham demokratlar nazorati ostiga o‘tdi.

Barcha bosh direktorlarga hozirdanoq advokat yollash maslahat berilmoqda.

📟 DigiTech

⚡️Binance soxta suhbat va fishing havolasi tufayli 6,3 milliard dollar yo‘qotdi — kompaniya hujum sxemasini oshkor etdi.

Kompaniya muhandisi internetdagi reklama ustiga bosgan va ish kompyuteriga Homebrew dasturining zararlangan versiyasini yuklab ogani. Binance buni payqab qolib, o‘chirib tashlagan, ammo xakerlar bu muhandisning kimligini va kompaniyada hamyonlarni yana kimlar boshqarishini aniqlashga ulgurishgan;

Keyin xakerlar LinkedIn’da boshqa bir xodimni topib, ikki bosqichli soxta suhbat o‘tkazishgan va uni «sinov topshirig‘i»ni yuklab olishga ko‘ndirishgan;

U ham zararlangan bo‘lib chiqdi, u orqali xakerlar kompaniya tizimlariga kirib, pullarni yechib olishgan.

📟 DigiTech

⚡️Oq xakerlar eng kuchli Lockdown himoya rejimiga ega iPhone 18 Pro'ni buzib kirishdi — buning uchun shunchaki… AirDrop orqali PDF fayl yuborish kifoya bo’ldi.

Hujum zararli fayl qabul qilinganidan so‘ng ishga tushadi, jeylbreyk esa tizim iOS 27.2 gacha yangilanganda va qurilma qayta o‘chirib-yoqilganda ham saqlanib qoladi.

Apple bu rejimni siyosatchilar, jurnalistlar va muhim ma’lumotlarga ega bo‘lgan boshqa insonlar uchun maxsus yaratgan edi. Bu mazkur himoyani chetlab o‘tishga muvaffaq bo‘lingan ilk ma’lum holatdir.

📟 DigiTech