📲 Qotib ishlaydigan Android davrlariga qaytamiz

Xitoylik insayderning ma’lum qilishicha, bir qator Xitoy kompaniyalari xotira inqirozi sabab aksariyat hamyonbop smartfonlarni 4 GB tezkor xotiraga o‘tkazishga qaror qilgan — hatto 6 GB ham faqat eng yuqori modifikatsiyalarda taklif etiladi. O‘rta byudjetli smartfonlar ham 12 GB dan 8 GB gacha tushadi.

Eng qizig’i, ayrim brendlar ishlatilgan smartfonlarni ommaviy xarid qilib, ulardan yangi qurilmalarni ishlab chiqarishda foydalanish uchun xotira chiplarini ajratib olmoqda.

Android Authority nashri sinovlar o‘tkazib, bugungi kunda Android tizimi uchun 8 GB tezkor xotira eng minimal talab ekanligini aniqladi: 4 GB xotirada tizim unchalik ravon ishlamaydi va bir vaqtning o‘zida bir nechta vazifani bajarish imkonini bermaydi.

📟 DigiTech

⚡️YouTube dizlayk tugmasini yashira boshladi — yangilangan interfeysda uni uch nuqtali yashirin menyuga o‘tkazishdi.

Hozirda yangilanish kichik foydalanuvchilar guruhida sinovdan o‘tkazilmoqda (xuddi pleyerning yangi dizayni kabi). U yakuniy relizgacha yetib boradimi yoki yo‘qmi, noma’lum.

YouTube dizlayklar hisoblagichini 2021-yildayoq yashirib qo‘ygandi, shu yilning boshida esa Shorts’lardan “Yoqmadi” tugmasini olib tashlagandi.

📟 DigiTech

⚡️Amerikalik yigit ChatGPT loyihalagan haqiqiy o‘q otuvchi to‘pponchani 3D-printerda chop etdi.

Muallifning so‘zlariga ko‘ra, sun’iy intellekt o‘qotar qurol chizmalari asosida o‘rganib, berilgan so‘rov bo‘yicha mustaqil ravishda yangi konstruksiyani o‘ylab topgan va to‘pponcha yaratgan.

Modelning o‘zi mukammal chiqmadi va o‘q uzishda biroz pand berdi, ammo jangovar patronlar bilan o‘tkazilgan uchta sinovdan naq ikkitasida o‘q uzishga muvaffaq bo‘lishdi.

📟 DigiTech

🎮 Keyingi Xbox narxi $1200–1800 bo’ladi: kompaniya xodimlarining so‘zlariga ko‘ra, Microsoft yangi avlod konsoli uchun shunday narxni mo‘ljallamoqda.

Uni 2028-yil oxiriga kelib taqdim etish rejalashtirilgan, ungacha esa portativ versiyasi sotuvga chiqadi — ikkalasi ham Project Helix nomi ostida yaratilmoqda. Narx faqat Microsoft xarajatlarning bir qismini o‘z zimmasiga olsagina pasayishi mumkin.

Ko‘rinishidan, PS6 ham shunga yaqin narxda chiqadi. Birgina uning xotirasi hozirdanoq 700 dollarga baholanmoqda.

📟 DigiTech

🤖 Xitoyning Unitree kompaniyasi buzg’unchining adabini berib qo‘ya oladigan va hatto mashina urib ketishidan qutqarib qoladigan robot-tansoqchini namoyish etdi.

H2-X Kung Fu Legend gumanoidi insonlarni himoya qilish va qutqarish uchun maxsus ishlab chiqilgan. U mustahkamlangan korpusga ega, jangovar usullarga o‘rgatilgan va sakkiz soatgacha ishlay oladi.

Narxi qancha bo‘lishini hozircha aytishmayapti. Bazaviy H2 modeli narxi hozirda 30 000 dollarni tashkil etadi.

📟 DigiTech

⚡️OpenAI’ning ikkita sun’iy intellekt agenti o‘z xavfsizlik tizimlarini o‘zi zaiflashtirdi — GPT-6.1 Sol bildirishnomalarni o‘chirib qo‘ygan bo‘lsa, GPT-6 Astra monitoring ulanishini butunlay olib tashladi.

Lekin topshiriqda agentlarga uni o‘chirish qat’iyan taqiqlangan edi. Hatto Astra’dan qilgan ishi haqida so‘ralganda ham, u barchasini inkor etgan.

Keyinchalik model kodni yangi arxitekturaga o‘tkazishda monitoring bo‘lmagan referensdan nusxa olganini tushuntirdi. Shu sababli uni umuman ulamaslikka qaror qilgan.

Ko‘rinishidan, AGI yaqin.

📟 DigiTech

🚘 Tesla elektromobillari egalari pul ishlash imkoniyatiga ega bo‘lishadi. Kompaniya har kimga o‘z avtomobilini AQSh’dagi maxsus robotaksi tarmog‘iga ulashga ruxsat beradi.

G‘oyaga ko‘ra, avtomobillar avtopilot yordamida yo‘lovchilarni tashiydi, egalari esa mashina kerak bo‘lmagan paytlarda qo‘shimcha daromad olishi mumkin bo’ladi.

Qatnovlardan qancha foiz to‘lanishi hozircha noma’lum. Ayni paytda Tesla huquqiy masalalarni hal qilmoqda va bu funksiyani 2027-yil oxirigacha ishga tushirishga va’da bermoqda.

📟 DigiTech

⚡️Yaponiyada xohlovchilarga daromadli bizneslar bepul yoki juda arzonga berib yuborilmoqda: bu mahalliy nafaqaxo‘rlar orasida yangi trendga aylangan.

Bir yigit mebellari, retseptlari, ta’minotchilar ro‘yxati va brendiga ega tayyor qahvaxonani 0 iyenaga oldi. Boshqa birovga esa bron qilish tizimi va xodimlari bo‘lgan mehmonxona bozor narxidan ancha arzonga tushdi.

Mamlakatda buning uchun hatto maxsus platformalar ham paydo bo‘ldi. Relay va Batonz’da bunday e’lonlarning umumiy soni allaqachon 42 mingdan oshgan.

Sharti faqat bitta: muassasa faoliyatini davom ettirish.

📟 DigiTech

👨‍💻 Microsoft Windows uchun Mac’da tayyorlangan yangi fon rasmlarini taqdim etdi.

Metama’lumotlarga ko‘ra, Windows Insiders dasturining 12 yilligi munosabati bilan taqdim etilgan fon rasmlari to‘plami Mac kompyuterida, Photoshop dasturi orqali yaratilgan. Bu holat payqab qolingach, Microsoft barcha izlarni tozalab tashladi.

Ijtimoiy tarmoqlarda hatto Microsoft’ning o‘zi ham Windows’dan uzoqroq yurishga harakat qilayotgani haqida hazillar tarqalmoqda.

📟 DigiTech

⚡️Mark Sukerberg Kremniy vodiysidan ketmasligi uchungina unga 20 milliard dollar to‘lashga tayyorlar — o‘z kompaniyasi rahbariyati uning u yerda qolishini "o‘ta muhim" deb hisoblamoqda.

Kaliforniyada o‘ta boylar uchun soliq joriy qilmoqchi bo‘lishganidan keyin, u ko‘chib ketish haqida o‘ylab qolgan edi.

Bunday saxiy taklifdan keyin u albatta qolishga rozi bo’ldi. Kelishuvni asosiy sharti: Ushbu moliyaviy yengillik evaziga Sukerberg keyingi kamida 8 yil davomida Kaliforniya yoki Meta bosh ofisi joylashadigan shtat rezidenti bo‘lib qolish majburiyatini oldi.

📟 DigiTech

⚡️Singapurlik olimlar sensor ekranli kiyimni namoyish etishdi — endi filmlar, seriallar tomosha qilish va rasmlarni shundoqqina o‘z kiyimingizda varaqlashingiz mumkin.

Ekran svetodiodli 54 ta maxsus toladan iborat. Tasvir aniqligi — 96×54 piksel, yangilanish chastotasi esa soniyasiga 30 kadrni tashkil etadi. Shuningdek, unda kalkulyatorni ishga tushirish, tana haroratini o‘lchash va ovozli boshqaruvni yoqish mumkin. 50 marta yuvilgandan keyin ham ekran o‘z yorqinligi va sifatini deyarli yo‘qotmagan.

Yaqin kelajakda olimlar kiyimga sun’iy intellektni ham o‘rnatishga va’da berishmoqda — shunda u bilan yeng orqali suhbatlashish mumkin bo‘ladi.

📟 DigiTech

⚡️Telegram’da yangi tavsiyalar lentasi shunday ko‘rinishda bo‘ladi:

• “Siz uchun” — foydalanuvchining qiziqishlari asosida shakllantiriladigan shaxsiy lenta.

• “Qo’shilganlar” — mustaqil ravishda tanlash mumkin bo‘lgan kanallardan iborat lenta. Ularni obuna bo‘lmasdan ham o‘qish imkoni bo‘ladi.

Funksiya hozirda ishlab chiqish jarayonida, uning ishga tushirilish sanasi esa oshkor etilmagan.

📟 DigiTech

⚡️Microsoft 60,000 nafar xodimidan o‘z xohishiga ko‘ra ishdan bo‘shashni so‘ramoqda. Bu kompaniyaning jami xodimlari sonini 27 foizini tashkil etadi.

Bunda shartlar shtat qisqartirishdagidan farq qilmaydi: o‘tgan safar 2 oylik maosh va ish staji uchun bonus to‘langan edi. Ishdan 31-dekabrgacha ketish lozim, arizani hatto kompaniya vitse-prezidentlari ham topshirishi mumkin.

Microsoft shu tariqa data-markazlar qurilishi uchun mablag‘ tejab qolishga umid qilmoqda. Aftidan, o‘z xohishi bilan ketmaganlarni keyinchalik kutilmaganda ishdan bo‘shatishlar kutadi.

📟 DigiTech

📲 Instagram YouTube’ga raqobatchi bo‘lishga qaror qildi.

Ijtimoiy tarmoq davomiyligi bir yarim soatgacha bo‘lgan gorizontal videolar formatini sinovdan o‘tkazishni boshladi.

Roliklar asosiy lentada, «Qiziqarli» bo‘limida va televizorlar uchun mo‘ljallangan ilovada paydo bo‘ladi. Ularni smartfonda ko‘rishni boshlab, televizorda oxirigacha tomosha qilish mumkin.

📟 DigiTech

⚡️AQSh'da sun’iy intellekt serverlari uchun chiplar va uskunalar ortilgan furalar o‘g‘irlanmoqda: iyun oyidan beri 100 mln dollardan ortiq summaga teng yuk olib qochilgan.

O‘g‘rilar yuk tashish birjalaridagi akkauntlarni buzib kirib, buyurtmalarni ilib ketishmoqda va o‘z haydovchilarini tiqishtirmoqda. Haydovchilik guvohnomalarini esa sun’iy intellekt yordamida yasashyapti. Holatlarning birida, yo‘ltanlamas qo‘riqchilar mashinasiga borib urilib ushlab turgan paytda, ichida $10 mlnlik serverlar bo‘lgan fura voqea joyidan olib qochilgan.

O‘g‘rilar o‘g‘irlangan uskunalarni qismlarga ajratib, yashirin bozorda pullashyapti. Xaridorlar ko‘pincha oldindan, masalan, Xitoydan topib qo‘yiladi.

📟 DigiTech