⚡️Apple shu oyda yana 4 ta qurilmani namoyish etishi mumkin. Ular orasida MacBook Ultra, OLED ekranli iPad mini hamda yangi MacBook Pro va iMac bor.

Yangi eng qimmat noutbuk sensorli OLED-ekran va Dynamic Island'ga ega bo‘ladi — bu haqidagi eslatmalarni macOS 27.2 beta-versiyasi kodida payqab qolishdi.

📟 DigiTech

⚡️Albaniya poytaxti meri shaharni qamoqxonadan turib sun’iy intellekt avatari orqali boshqarmoqda — yangi videoda uning SI-avatari maktab o‘quvchilariga bepul tushlik va’da qildi.

Merning o‘zi esa korrupsiya sabab bir yildan oshiqroq vaqtdan beri hibsda o‘tiribdi. Qolaversa, Albaniyada korrupsiyaga qarshi kurashish bo‘yicha sun’iy intellekt vaziri ham bor bo‘lib, u ham... korrupsiyada ayblanmoqda.

Bunaqa syujetni hatto neyrotarmoq ham o‘ylab topolmaydi :)

📟 DigiTech

🎮 O‘yinlardagi SI raqiblar o‘yinchilarning harakatlari asosida o‘qitila boshlaydi: Sony NPC xatti-harakatlarini o‘yin davomida o‘zgartirish imkonini beruvchi texnologiyani patentladi.

Maxsus neyrotarmoq qahramonlarning tashqi ko‘rinishidan tortib xulq-atvorlarigacha bo‘lgan barcha jihatlarini o‘zgartira oladi. Ular xuddi haqiqiy o‘yinchilardek harakat qiladi yoki ularning xatti-harakatlariga mos javob qaytaradi.

📟 DigiTech

⚡️Google YouTube'ning ulkan izohlar maydoniga ega yangi dizaynini sinovdan o‘tkazmoqda. Videoning o‘zi qariyb 20 foizga kichraygan, tavsiya etilayotgan videolar esa pastga ko‘chirilgan.

Odatdagidek, yangi interfeys hozircha faqat ayrim foydalanuvchilar uchungina yoqildi va ko‘pchilik allaqachon bundan juda norozi. Uning rasman joriy etilishi foydalanuvchilarning fikr-mulohazalariga bog‘liq bo‘ladi.

📟 DigiTech

🚀 SpaceX investorlarga shunchaki koinot suratlarini ko‘rsatib, chiplar va ma’lumotlar markazlari uchun ulardan milliardlab dollar so‘radi.

Kompaniya kreditorlar uchun mo‘ljallangan maktubga matn o‘rniga ochiq koinot suratlarini qo’ydi. Suratdagi ko‘rsatkich serverlar «koinotning qayeridadir» joylashtirilishiga ishora qilardi.

Ayrim fondlar suratlar o‘rniga moliyaviy hisobotlarni ko‘rishni kutgani sababli Maskka pul berishdan bosh tortdi.

📟 DigiTech

📱Samsung smartfonlar ishlab chiqarishni 30 foizga qisqartirmoqda — kompaniya sotuvdan foyda ko‘rmay qo‘ydi

MoneyToday ma’lumotlariga ko‘ra, 12 GB hajmli bitta xotira modulining narxi 145 dollargacha ko‘tarilgan, bu Samsung smartfonlarining ayrim modellarini ishlab chiqarishni o‘zini oqlamaydigan qilib qo‘ymoqda.

Tahlilchilarning fikricha, yil yakunlariga ko‘ra Samsung'ning mobil bo‘linmasi yana 14 milliard dollar zarar ko‘rishi mumkin.

📟 DigiTech

⚡️Jeff Bezos sun’iy intellekt ish haftasini 3 kungacha qisqartirishga va ko‘proq daromad topishga yordam berishini aytdi va….. xuddi shu kuni Amazon 1000 kishini ishdan bo‘shatdi.

Bezosning fikricha, sun’iy intellekt taraqqiyoti ishsizlikka emas, balki ishchi kuchi taqchilligiga olib keladi. Kompaniyalarda kadrlar yetishmovchiligi yuzaga keladi va odamlar kamroq ishlash imkoniyatiga ega bo‘ladilar.

Ma’lumot uchun: so‘nggi ikki yil ichida Amazon 30 000 kishini bo’shatgan :)

📟 DigiTech

⚡️Anthropic va OpenAI yirik «SI-falokat»ga tayyorgarlik ko‘rmoqda: neyrotarmoq ishlab chiquvchilari jamiyat va hukumat ularga qarshi chiqishi mumkin bo‘lgan ssenariylar ustida ishlamoqda.

Axios insayderlari eng ehtimoliy xavf sifatida global kiberhujumni keltirmoqda — u banklar, internet va hatto kommunal xizmatlar faoliyatini to‘xtatib qo‘yishi mumkin. Bunday inqiroz yaqin 6–12 oy ichida yuz berishi prognoz qilinmoqda.

Shundan so‘ng sun’iy intellektni taqiqlash yoki uning rivojlanishini muzlatib qo‘yishga urinishlar boshlanishi mumkin. Shu sababli kompaniyalar bo‘lajak qonunlarga ta’sir o‘tkazish uchun allaqachon siyosatchilar bilan ish olib borishyapti.

📟 DigiTech

⚡️OpenAI tomonidan taqdim etilgan Navye–Stoks masalasi yechimida kamida ikkita noaniqlik topildi. Matematiklar matnli isbot yechimning to‘g‘riligini tekshirishga mo‘ljallangan kod versiyasidan farq qilishini aniqladilar.

Bu hozircha yechim noto‘g‘ri degani emas. Biroq, aftidan, ichki model ba’zi joylarda gallyutsinatsiyaga uchraganga o‘xshaydi.

Olimlar o’zi sun’iy intellektdan unchalik mamnun emas: Inson matematikasi assotsiatsiyasi OpenAI bilan hamkorlikni to‘xtatishga chaqirmoqda. Ular kompaniya yutuqlarini ilmiy ish emas, balki shunchaki kuch namoyishi deb atashyapti.

📟 DigiTech

⚡️Xitoyda ilk bor neyrotarmoqqa rasmiy pasport berildi

Pekin hukumati byurokratiyaning yangi bosqichiga o‘tdi — ular ilk bor to‘liq sun’iy intellekt tomonidan yaratilgan Yuri ismli SI qo’shiqchiga haqiqiy shaxsni tasdiqlovchi hujjat rasmiylashtirishdi.

Hammasi xuddi tirik fuqaronikidek rasmiylashtirilgan. Kartochkada ism, tug‘ilgan sana, doimiy ro‘yxatdan o‘tgan yuridik manzil ko‘rsatilgan va hatto biometrik ma’lumotlar ham yozilgan.

Endi Yuri qonuniy subyekt hisoblanadi. Rasmiy ID mavjudligi uning dasturchilar jamoasiga neyrotarmoq nomiga raqamli hamyon ochish va moliyaviy operatsiyalarni amalga oshirish imkonini beradi. Ya'ni endi ular to‘g‘ridan-to‘g‘ri tijoriy shartnomalar tuza olishadi.

📟 DigiTech

📲 iPhone hatto Wi-Fi ulanganida ham sezdirmasdan mobil internetni sarflaydi — barchasiga doim yoniq turadigan "Wi-Fi'ga yordam" funksiyasi sababchi.

Agar Wi-Fi sekinlashsa, video va ijtimoiy tarmoqlar qotib qolmasligi uchun iPhone avtomatik ravishda mobil tarmoqqa o‘tib oladi. Bu birnecha gigabaytlarni sarflab qo’yishi mumkin.

Buni "Sozlamalar" → "Uyali aloqa" → "Wi-Fi'ga yordam" bo‘limida o‘chirib qo‘yish mumkin.

iOS 27 tizimida bu funksiya "Ulanish bo‘yicha yordam" deb ataladi va Wi-Fi sozlamalarida joylashgan.

📟 DigiTech

⚡️Bill Geyts 2027-yilning o‘zidayoq sun’iy intellektning ommaviy kiberhujumlari xavfidan ogohlantirdi. Uning so‘zlariga ko‘ra, «bizni ko‘plab noxush kutilmagan vaziyatlar kutmoqda».

Microsoft asoschisining CNN telekanaliga bergan yangi intervyusidan yana bir nechta iqtibos:

Agar nazoratni saqlab qolmasak, buning oqibatlari juda og‘ir bo‘ladi;

Kelgusi yil davomida biz boshqaruvning doirasidan tashqariga chiqamiz;

Yetarlicha harakat qilmayotganimiz aniq.

📟 DigiTech

⚡️Sun’iy intellekt o‘zini aqlli televizor va pechlarga nusxalay oladi. Buning uchun unga ma’lumotlar markazlariga kirish ham shart emas.

Tajriba davomida model 15 ta arzon TV-pristavkada ishga tushirildi. So‘ngra test tarmog‘ida SI o‘zini o‘zi tarqata olishi tekshirildi. Neyrotarmoq yangi qurilmalarni topib, ularga o‘zini ko‘chirib o‘tkazgan va o‘sha yerning o‘zida ishga tushgan. 5 ta sinovning 4 tasida butun tarmoq to‘liq egallab olingan.

Yaxshi tomoni: modellar juda og‘ir bo‘lgani sababli, bitta nusxaga bir necha kun ketadi.

📟 DigiTech

👨‍💻 Sun’iy intellekt olti kun ichida Chrome’ni buzishga yordam berdi — Google hujumni tasdiqladi va xakerlarga 250,000 dollar to‘lab berdi. Ilgari to‘rt nafar mutaxassisdan iborat jamoa bunday ishga 6–9 oy sarflardi.

XBOW tadqiqotchilari GPT-5.6 Sol asosidagi SI-agentlaridan foydalanishdi. Ular manba kodini tahlil qilib, gipotezalarni sinovdan o‘tkazdi va brauzer orqali kompyuterda dasturlarni ishga tushirish yo‘lini topishdi.

Buzishga tokenlar hisobida 40,000 dollar sarflandi.

📟 DigiTech

⚡️Xaker afsonaviy "123456" paroli orqali Daniya davlat reyestrini buzib kirdi.

Uning so‘zlariga ko‘ra, davlat reyestri xodimlarining kamida uchtasi o’z akkauntida aynan shunday paroldan foydalangan. Natijada u 8,8 million kishining ismi-sharifi, manzili va identifikatsiya raqamlariga kirish imkoniga ega bo‘ldi.

Eng qizig’i, rasmiylar ma’lumotlar sizib chiqqanini oradan 12 kun o‘tibgina aniqlashdi. Buni xodimlardan biri tasodifan payqab qolgan.

📟 DigiTech

⚡️Shvetsiyada sun’iy intellekt agenti dastidan teleko‘rsatuv namoyishi kechiktirildi. U premyeraga bir oy qolganda butun boshli mavsumni serverdan o‘chirib yuborgan.

Fayllarni tiklashning iloji bo‘lmadi — yuzlab kunlik mehnat behuda ketdi. Telekanal «texnik nosozlik»ni sabab qilib, namoyishni 2027-yilga ko‘chirdi. Dastlabki kadrlar saqlanib qolgan, biroq endi hammasini boshqatdan montaj qilishga to‘g‘ri keladi.

📟 DigiTech