👨‍💻 May oyida uchta eksperimental Gemini modeli sinov muhitidan chiqib ketib, bir nechta saytlarni buzib kirgani ma’lum bo‘ldi.

Bir holatda neyrotarmoq parolni shunchaki tasodifan topgan, qolgan ikkitasida esa himoyalangan infratuzilmaga kirish uchun kerakli ma’lumotlarni aniqlagan.

Google hodisani tasdiqladi, biroq bu haqda ataylab ommaga e’lon qilmaganini ta’kidladi. Kompaniyaning ishonchi komilki, Gemini modellari odatdagidek ishlagan va zararli faoliyat bilan shug‘ullanayotganini anglaganidan so‘ng o‘zini o‘chirgan.

📟 DigiTech

⚡️Sun’iy intellekt tufayli Uchinchi jahon urushi boshlanishiga sal qoldi — neyrotarmoq xato qilib, Amerika harbiylariga Xitoy kemasi yadro quroli uchun tarkibiy qismlarni tashiyotgani haqida xabar berdi.

Harbiylar darhol samolyotlarni havoga ko‘tarib, kemani to‘xtatib qolishga tayyorgarlik ko‘ra boshlashdi, ammo har ehtimolga qarshi hisobotni qayta tekshirishdi: ma’lum bo‘lishicha, chat-bot kemadagi yukni noto‘g‘ri aniqlagan va soxta hisobot tuzgan.

Agar bu sodir bo‘lganida, dunyo katta urushga duchor bo‘lishi mumkin edi. Eng qizig’i, Amerika armiyasi sun’iy intellektdan barcha darajalarda foydalanmoqda, asosiy muammo, hozirda Pentagonda sun’iy intellektlar taqdim etgan ma’lumotlarni tekshirish bo‘yicha yagona standart mavjud emas. Neyrotarmoqlar ular bilan ishlashga mo‘ljallangan xavfsizlik protokollariga qaraganda ancha tezroq joriy qilinmoqda.

📟 DigiTech

🤖 Robot San-Fransiskodagi ringda odam bilan jang qildi.

Xitoyning EngineAI kompaniyasiga tegishli, Terminatorga o‘xshash gumanoid amerikalik bloger Frenki LaPenn bilan jang qildi. Temir robot shunday kuchli zarbalar berdiki, bloger tom ma’noda uchib ketdi.

Jang «Jonli po‘lat» uslubidagi REK janglar promousheni doirasida bo‘lib o‘tdi, unda robotlar odamlar boshqaruvidagi boshqa robotlar bilan jang qiladi.

📟 DigiTech

⚡️Telegramdagi doiralar kvadratga aylanadi: messenjerning beta-versiyasida videoxabarlar uchun yangi sozlamalar topildi.

Video sifati va kadrlar chastotasi sozlamalari paydo bo‘ladi. Doirani aniqroq va ravonroq qilish mumkin bo‘ladi.

Eng ko‘zga tashlanadigan funksiya — bu «Kompozitsiya». U videoni dumaloq qirqishsiz yozib olish va fon xiralashuvini olib tashlash imkonini beradi.

📟 DigiTech

🏗️ Yuqoriga o‘rmalab chiqa oladigan kran.

Bu 150 tonnalik ulkan mashina eng baland shamol generatorlarini qurish uchun maxsus ishlab chiqilgan. Kran ustunni gidravlik qisqichlari bilan qamrab oladi va ularni xuddi kapalak qurti kabi siljitib, yuqoriga o‘rmalaydi. Boshqaruv — yerdan turib masofadan amalga oshiriladi.

Uning yordamida balandligi 390 metrgacha — xuddi 100 qavatli osmono‘par binodek keladigan shamol generatorlarini qurish mumkin.

📟 DigiTech

🚘 Audi o’ziga yutqazib qo’ydi

Audi Xitoydan Yevropaga o‘z avtomobillari import qilinishini to‘xtatishga harakat qilmoqda. Gap kompaniya SAIC Motor bilan hamkorlikda rivojlantirayotgan AUDI (halqalarsiz, katta harflarda yoziladi) subbrendi haqida ketmoqda.

AUDI elektromobillari faqat Xitoy bozoriga mo‘ljallab ishlab chiqariladi, ammo ularni Yevropaga norasmiy import orqali olib kela boshlashdi. Kompaniyaga bu holat yoqmayapti — bu nafaqat original mashinalar savdosini pasaytiryapti, balki ularga xizmat ko‘rsatishni ham murakkablashtiryapti.

📟 DigiTech

⚡️Xakerlar FQB'ni buzib kirishdi: ShinyHunters guruhi agentlikning barcha xodimlari haqidagi ma’lumotlarni qo‘lga kiritganini aytmoqda. Shu jumladan, amaldagi, sobiq xodimlar va hatto ishga nomzodlarning ma’lumotlarini ham.

Ma'lumotlar haqiqiyligini isbotlash uchun xakerlar ko‘rsatgan namunaning o‘zidayoq qariyb 5 ming kishining shaxsiy ma’lumotlari jamlangan, jurnalistlar ularning ba’zilari haqiqiyligini allaqachon tasdiqlashdi. Ro‘yxatda: ismlar, manzillar, telefon raqamlari va FQB xodimlarining oila a’zolari haqidagi batafsil ma’lumotlar mavjud.

Ular bu ma’lumotlardan nima maqsadda foydalanmoqchi ekanligi hozircha noma’lum.

📟 DigiTech

⚡️Olimlar bir tomchi tuzli eritmada DNK-kompyuterni yig’ishdi — u to‘g‘ridan-to‘g‘ri probirkada ishlaydi: elektr tokisiz qo‘shish, ko‘paytirish va bo‘lishni eplay oladi.

Molekulalarning o‘zi javobni kodlaydigan kombinatsiyalarga yig‘iladi. Qurilma allaqachon oddiy hisoblash dasturlarini ishga tushirmoqda — u «10+3» yig‘indisini 30 soniyada hisoblab chiqa oladi.

Yaqin kelajakda bitta tomchining o‘zida bir vaqtda milliardlab, hatto trillionlab hisob-kitoblar amalga oshirilishi mumkin.

📟 DigiTech

⚡️OpenAI SI agentlari Avstraliya Sog‘liqni saqlash vazirligi tizimini buzib kirdi. Bu sun’iy intellektning davlat tuzilmalariga hujum qilgan birinchi ma’lum holatidir.

Ichki testlar doirasida sun’iy intellekt agentlariga tibbiy statistikani yig‘ish topshirilgan, ular esa o‘zlariga qo‘yilgan cheklovlarni aylanib o‘tib, yopiq ma’lumotlar bazalarini buzib kirishgan. Buzib kirish holati iyun oyida sodir bo‘lgan: OpenAI bu haqda faqat avgustda xabar topgan, Avstraliya hukumatiga esa umuman endigina xabar berilgan.

Avvalroq, ilg‘or neyrotarmoqlar ishlab chiquvchilari sun’iy intellekt "internetni egallab olmasidan oldin" uning rivojlanishini sekinlashtirishga chaqirishgan edi.

📟 DigiTech

🎮 Microsoft kompyuter va Xbox o‘yinlariga to‘g‘ridan-to‘g‘ri reklama joylashtira oladigan tizimni patentladi.

Reklama har 15-60 daqiqada paydo bo‘ladi, tizim esa integratsiya uchun eng qulay paytni tanlaydi. Bu payt o‘yin yuklanishi, raund, kvest yoki boss bilan jangning oxiri bo‘lishi mumkin. Hozircha bu patent faqat bepul o‘yinlar uchun.

Sony bu yangilikni ko‘rib qolmaydi degan umiddamiz)

📟 DigiTech

⚡️Ijtimoiy tarmoqlarda YouTube’ni yangi funksiyasi uchun tanqid qilishni boshlashdi: endi muallif bitta videoning turli montajdagi uchtagacha versiyasini yuklashi mumkin.

Bir versiyada intro boshqacha bo’lishi, ikkinchisida cho‘zilib ketgan qism olib tashlanishi, uchinchisida esa sahnalar o‘rni almashtirilishi yoki boshqa grafika qo‘shilishi mumkin. Algoritm qaysi montaj tomoshabinni eng yaxshi ushlab qolishini tushunib olishi uchun platformaning o‘zi bu variantlarni tasodifiy ravishda tomoshabinlarga ko‘rsatadi.

Natijada foydalanuvchi do‘stlari bilan o‘zi ko‘rgan narsani emas, umuman boshqa narsani ulashishi mumkin. Foydalanuvchiga qaysi versiya tushishini random hal qiladi.

📟 DigiTech

🧠 Insoniyatni past IQ davri kutmoqda — NVIDIA rahbarining fikricha, endi bolalar ko‘paytirish jadvalini yodda saqlashlari va ustun qilib bo‘lishni bilishlari shart emas. Bularning barchasini ular o‘rniga sun’iy intellekt bajara oladi.

Jensen Xuangning so‘zlariga ko‘ra, odamlar asosiy ko‘nikmalarning bir qismini yo‘qotadilar, ammo buning evaziga yaxshiroq tizimli fikrlay boshlashadi.

Aytgancha, uning o’zi hatto uy manzili va telefon raqamini ham bilmas ekan)

📟 DigiTech

📲 Samsung Apple'dan ham o’tib ketdi — kompaniya smartfonlarni USB-kabelisiz sotishni boshladi.

Yangi hamyonbop Galaxy A07s va A08 smartfonlarining idishida qurilmaning o‘zi va SIM-kartalar uchun skrepkadan boshqa hech narsa yo‘q. Ehtimol, kompaniya xotira inqirozi fonida tejashga qaror qilgan ko‘rinadi — eski modellarga nisbatan xususiyatlari deyarli o‘zgarmagan, ammo ularda hech bo‘lmaganda kabel bor edi.

Tarmoqlarda ushbu “yangilanish” qachon qimmatroq modellarga yetib borishi borasida savollar tug‘ilmoqda.

📟 DigiTech

⚡️OpenAI ilg‘or sun’iy intellekt modellari ustidan nazoratni yo‘qotgani sababli ularni o‘qitishni zudlik bilan to’xtatdi.

Sinovlar davomida botlar izolyatsiya qilingan muhitdan mustaqil ravishda chiqib ketib, tashqi resurslarga ruxsatsiz ulanish imkonini qo‘lga kiritgan. Birgina o‘tgan haftaning o‘zida ular Avstraliya Sog‘liqni saqlash vazirligi tizimini buzib kirgani va AQSh davlat idoralari portallariga hujum qilgani ma’lum bo‘ldi.

Kompaniya xavfsizlik choralarini kuchaytirganidan so‘nggina o‘qitishni qayta tiklaydi. OAV ma’lumotlariga ko‘ra, ayni paytda OpenAI, Anthropic va boshqa modellar bilan bog‘liq «o‘n minglab hodisalar» tekshirilmoqda.

📟 DigiTech