⚡️Singapurda insonning 16 million tirik neyronlaridan iborat server ishga tushirildi.

Korporatsiyalar murakkab sun’iy intellekt modellarini ishlatish uchun vagonlab kremniy chiplarini xarid qilayotgan bir paytda, olimlar butunlay boshqa yo‘ldan ketishdi. Ushbu bio-protsessor inson qon hujayralaridan o‘stirilgan bo‘lib, ular qayta dasturlash orqali 16 millionta ishlovchi neyronga aylantirilgan. Unda hech qanday odatiy tranzistorlar yo‘q.

Biologik serverning asosiy afzalligi, u juda kam energiya sarflaydi. Oddiy ma’lumotlar markazlari megavattlab elektr energiyasi sarflasa, bu tirik hujayralar massivi atigi bitta Nvidia videokartasi iste’mol qiladigan quvvatni sarflaydi.

Ushbu organik serverni eng murakkab hisob-kitoblarga: yangi dori-darmonlar yaratish, ilg‘or robototexnikani o‘qitish va kiberxavfsizlik sohasidagi sinovlarga yo‘naltirish rejalashtirilgan.

📟 DigiTech

🤖 Pekinda “Robotlar olimpiadasi” bo‘lib o‘tmoqda. Odamsimon robotlar yugurish va balandlikka sakrash bo‘yicha Useyn Bolt hamda Xaver Sotomayorning rekordlarini yangiladi.

Lekin ular hali ham to‘xtashni o‘rganmagan. Musobaqalar, shuningdek, futbol, tennis, boks va boshqa yo‘nalishlar bo‘yicha ham o‘tkazilmoqda.

📟 DigiTech

🚨 O‘tkazib yubormang: startaplar uchun $125 minggacha investitsiya

Tayyor mahsulotga ega va endi investitsiya jalb qilish bosqichiga chiqqan startaplar uchun President Tech Award’ning “Eng yaxshi startap loyihasi” yo‘nalishiga arizalar davom etmoqda.

💰 Yo‘nalishning umumiy investitsiya jamg‘armasi — $2,5 mln. Jami 30 ta startap investitsiya olish imkoniyatiga ega bo‘ladi.

🏆 Har bir texnologik yo‘nalishda 1-o‘rin uchun $125 ming, 2-o‘rin uchun $75 ming, 3-o‘rin uchun esa $50 ming investitsiya ajratiladi.

💻 Loyihalar AI, FinTech, Enterprise, EdTech, GovTech, GameDev, HealthTech, DeepTech, Logistics & Mobility hamda Creative Industry & AdTech kabi 10 ta yo‘nalish bo‘yicha qabul qilinadi.

⏳ Deadline — 31-avgustgacha. Startapingiz tayyor bo‘lsa, arizani oxirgi kunga qoldirmang.

🔗 Ariza topshirish bepul — awards.gov.uz.

🍪 Plastikni vanil ta’mli yeyishga yaroqli pechenyega aylantirishni o‘rganishdi. Uni 3D-printerda chop etish ham mumkin.

Idishlar maxsus achitqilar yordamida yeyishga yaroqli oqsil va yog‘larga qayta ishlanadi, so‘ngra ularga kletchatka, kraxmal va shirinlashtiruvchi moddalar qo‘shiladi.

Bunday pechenyening bir kilogrammi taxminan 60 dollar turadi. Olimlar esa allaqachon uni tatib ko‘rishga ruxsat kutmoqda.

📟 DigiTech

🚘 Xitoyning Dreame kompaniyasi hali boshlanishga ulgurmagan avtomobil biznesini yopmoqda.

O‘tgan yili brend bir nechta shov-shuvli taqdimotlarni o‘tkazdi va eng tezkor avtomobil, Rolls-Royce nusxasi va hatto raketa tezlatgichli sportkar ishlab chiqarishni va’da qildi, ammo aslida bularning barchasi qog‘ozda qolib ketdi.

Ishdan bo‘shatilgan xodimlarning aytishicha, hatto konsepsiyalarni yig‘ishni ham boshqa firmaga buyurtma qilishgan. Bo‘limning qolgan qismi investorlar oldidagi qarzlar bilan shug‘ullanishi kerak.

📟 DigiTech

📲 Dunyodagi eng qimmat “g‘isht” — Google Pixel

Yangi Pixel 11 Pro smartfonining ilk foydalanuvchilari tarmoqlarda shikoyat qilishmoqda: ularning aytishicha, smartfonlar qisqa vaqt ishlatilgandan so‘ng, hatto batareyasi quvvatlangan holda ham, shunchaki o‘chib qolmoqda.

Android Authority nashri muharriri ham xuddi shunday muammoga duch kelgan — uning smartfoni ishga tushirilgach 1–2 daqiqadan so‘ng, sozlash bosqichidayoq o‘chib qolgan.

Xizmat ko‘rsatish markazlari esa chorasiz qolmoqda — smartfonlar hozircha ta’mirga qabul qilinmayapti, chunki ular bozorga yaqindagina chiqqan va mutaxassislar ular bilan qanday ishlashni hali bilmaydi.

📟 DigiTech

📲 Apple 9-sentyabr kuni taqdimot o‘tkazishini e’lon qildi

Jonli efir Toshkent vaqti bilan soat 22:00 da boshlanadi.

Taqdimotda tarixdagi ilk buklama iPhone, “pro”larning kuchli yangilanishi, kamerali yangi AirPods va yana ko‘plab yangiliklarni ko’rsatishadi. Va, albatta, Apple rahbari Tim Kuk bilan xayrlashamiz — aftidan, bu tadbirni endi Jon Ternus olib boradi.

📟 DigiTech

👨‍💻 Bir dasturchi o’z makbukining ustki qismida reklama sotishni boshladi: shu yo‘l bilan u allaqachon 3 200 dollar ishlab topdi.

Vinsent noutbukida 10 ta lotdan iborat auksion uyushtirdi. Brendlar logotipning o‘lchami va joyini o‘zlari tanlashadi. Joylashuvni hatto Kalshi kabi yirik kompaniyalar ham sotib olishga uringan, biroq ular auksionda yutqazishgan.

Eng qizig‘i, yigit hali makbukning o‘zini sotib olmagan ham — u aynan shu sxema orqali uni xarid qilish uchun pul ishlamoqda. Reklama beruvchilar fikridan qaytib qolmasligi uchun Vinsent ulardan taklif narxining 20 foizini komissiya sifatida darhol olib qolmoqda.

📟 DigiTech

⚡️Amerikaning Detroyt shahridagi maktab o‘quvchilariga dars qoldirmagani uchun haftasiga 100 dollargacha pul to‘lanmoqda.

Ushbu dastur yanvardan martgacha, ya’ni statistikaga ko‘ra darslar eng ko‘p qoldiriladigan davrda amal qiladi. Unga ko‘ra, besh kun davomida barcha darslarga qatnagan 9–12-sinf o‘quvchilariga 100 dollarlik, kichik sinf o‘quvchilariga (6–8-sinflar) esa 50 dollarlik Visa sovg‘a kartasi beriladi.

2025-yilda bu tashabbus “surunkali dars qoldirish” holatlarini 64 foizdan 54 foizga kamaytirishga yordam bergan.

📟 DigiTech

📲 Google Android ilovalarini kamroq tezkor xotira ishlatishga majbur qiladi — 2027-yil fevralidan Google Play'da xotira iste’moli bo‘yicha yangi cheklovlar joriy etiladi.

Masalan, 8 GB tezkor xotirali smartfonda ochiq ilovaga 2,25 GB, fon rejimida esa 1,5 GB gacha joy egallashga ruxsat beriladi.

Agar ilova bu me’yorlardan oshib ketsa, Android uni yopib qo‘yishi mumkin, Google Play esa qidiruv natijalarida pastga tushiradi va yangilanishlarini cheklaydi.

📟 DigiTech

Toshkentda biznes-kechki ovqat | 23-sentabr, soat 19:00

O‘zbekistonda biznes uchun AI’ni joriy etish amaliyoti

Servercore kompaniyasi dasturchilar, IT-mutaxassislar va biznes rahbarlarini yopiq biznes-kechki ovqatga taklif qiladi.

Ekspertlar bizneslar bugungi kunda mashinaviy o‘rganish (ML) va AI xizmatlaridan qanday foydalanayotgani haqida so‘zlab berishadi.

➡️ Ro‘yxatdan o‘ting: https://srv.cr/003bm

Tadbirda quyidagi mavzular muhokama qilinadi:

▪️O‘zbekistondagi kompaniyalarda Servercore imkoniyatlari asosida AI xizmatlarini joriy etish tajribasi

▪️Mahalliy bozor sharoitiga mos IT-arxitekturani tanlash va resurslarni optimallashtirish

▪️AI loyihalarini kengaytirishda uchraydigan muammolar va keng tarqalgan xatolar

Tadbirning rasmiy qismidan so‘ng IT-networking va kechki ovqat bo‘lib o‘tadi. Shuningdek, Servercore’ning ML mutaxassislari bilan Q&A sessiyasi, norasmiy muloqot va tajriba almashish imkoniyati mavjud.

Joylar soni cheklangan! Oldindan ro‘yxatdan o‘tishni unutmang. Ishtirok etish faqat moderatsiyadan o‘tgandan so‘ng tasdiqlanadi.

⚡️Xitoyda ommaviy tarzda aktyorlarni raqamli qiyofadoshlarga almashtirishmoqda.

The Financial Times ma’lumotlariga ko‘ra, Xitoyda sun’iy intellekt sohasining jadal rivojlanishi aktyorlar va onlayn-inflyuenserlarni shartnomasiz qoldirmoqda. Avvaliga prodyuserlar modelni o‘rgatish uchun biror aktyorni yollab, uning mimikasi, ovozi va imo-ishoralarini kamera qarshisida yozib olishmoqda. Raqamli nusxa tayyor bo‘lib, sozlangach, jonli aktyor kerak bo’lmay qoladi.

Tashqi ko‘rinish huquqini bir marta sotib olib, rolik yaratish studiya ijarasi, yoritish uskunalari va haqiqiy odamlarning gonoraridan 10 barobar arzonroqqa tushadi. Natijada, ishdan bo‘shatilgan aktyor uyda o‘tiradi, uning raqamli qiyofadoshi esa dam olish kunlarisiz 24/7 rejimida reklamalarda suratga tushadi va strimlar olib boradi.

📟 DigiTech

🎮 GTA VI chiqadigan kuni butun dunyoda "ishning to’xtashi" yuz beradi. Odamlar ommaviy tarzda 19-noyabrni norasmiy dam olish kuni deb e’lon qilmoqda.

Ko‘plab ish beruvchilar bu fursatdan xodimlarni qo‘shimcha rag‘batlantirish uchun foydalanmoqda. Hatto AQSh armiyasi ham bu harakatga qo‘shilgan: u yerda bir yo‘la to‘rt kunlik dam olish berilmoqda.

📟 DigiTech