🚘 BMW yangi «O‘rgimchak odam» filmi reklamasini avtomobillar ichida ko’rsatishni boshladi.

Dvigatel ishga tushirilgach, markaziy displeyda «Syurpriz, O‘rgimchak odam sening BMW’ingga mo‘raladi» degan banner paydo bo‘ladi va unga bosilganda reklama roligi boshlanadi. Bu rolikni 70 ta mamlakatdagi 2020-yildan keyin ishlab chiqarilgan deyarli barcha avtomobillarda ko‘rish mumkin.

Aytgancha, filmning reklama kampaniyasi Hollywood tarixidagi eng qimmatiga aylandi. Unda 165 ta brend ishtirok etmoqda, marketingga ajratilgan budjet esa 309 million dollarga yetdi, eng qizig’i filmni o’zi 225 million dollarga tushgan.

📟 DigiTech

⚡️Ayni damda Yer yuzidagi eng sokin joyni ko’rsatib turadigan, inson shovqinining jonli xaritasi — The Quiet Map'ni topdik.

Bu sayt har soatda dunyo bo‘ylab taxminan 100 ta seysmometr ma’lumotlarini tahlil qiladi. Ular transport, poyezd va qadamlarning tebranishlarini qayd etadi. Xarita har bir nuqtani kunning ayni vaqtidagi odatiy darajasi bilan solishtiradi.

👉 Sayt havolasi.

📟 DigiTech

🎁 Eslatib o’tamiz, mana bu konkursimiz ertaga yakunlanadi, yaxshi sovrinlar qo’yilgan, shartlar oddiy. Qatnashishni unutmang.

📟 DigiTech

📱Agar kuniga 4 soat telefonda o‘tirsangiz, umringizning taxminan 10 yilini yo‘qotishingiz mumkin — ijtimoiy tarmoqlarda shunday statistika bilan bo‘lishishdi.

Agar 80 yil umr ko‘rib, har kuni 8 soat vaqtingizni telefonga sarflasangiz, bu jami 21-22 yil degani, ya’ni umringizning deyarli uchdan bir qismi telefonga ketadi.

📟 DigiTech

🧠 Xitoylik yigit fikr kuchi bilan boshqariladigan nogironlar aravachasini yig’di — u rafiqasi bilan 48 soat ichida prototipni yig‘ib, xakatonda g‘olib chiqdi.

Aravacha quyidagicha ishlaydi: inson miya faolligini tahlil qiluvchi maxsus halqa taqadi. Algoritmlar miya signallarini o‘qiydi va ularni real harakatlarga aylantiradi.

Ilgari muhandis bo‘lib ishlamagan 33 yoshli yigit to‘yidan ikki kun oldin o‘zida o‘simta borligini bilib qolgan va shundan so‘ng falajlanib qolgan. Hozirda startap ushbu loyihani ommaga taqdim etish uchun investitsiya izlamoqda.

📟 DigiTech

🎮 GTA VI treyleri 28-avgust kuni namoyish etiladi.

Bu haqda Rockstar xabar berib, o‘yinga “kengaytirilgan nigoh” taqdim etishga va’da berdi. Balki, nihoyat geympleyni ham ko‘rsatishar.

Translyatsiya Netflix'da bo‘lib o‘tadi, biroq yozib olingan efirni olti soatlik kechikish bilan YouTube'da ham tomosha qilish mumkin bo‘ladi. Strim Toshkent vaqti bilan 27-avgustdan 28-avgustga o’tar kechasi soat 00:00 da boshlanadi.

📟 DigiTech

⚡️Sun’iy intellekt ilk bor avval mavjud bo‘lmagan 16 ta virusni yaratdi — Stenford va Arc instituti olimlari Evo 1 va Evo 2 neyrotarmoqlarini inson organizmida yashab qola oladigan yangi viruslarni o‘ylab topishga o‘rgatdi.

Yaratilgan viruslar kasallik qo‘zg‘atmaydi, aksincha, ichak tayoqchasini zararlab, yo‘q qiladi. Sun’iy intellekt yuzlab DNK variantlarini generatsiya qildi, olimlar esa ularni sintezlab, laboratoriyada sinovdan o‘tkazdi — natijada 16 ta virus haqiqatan ham ishladi.

Ayrimlari bakteriyalarni tabiiy prototipidan ko‘ra tezroq yo‘q qildi, yangi viruslar aralashmasi esa bir necha bosqichda tayoqchasimon bakteriyaning uchta chidamli shtammi himoyasini yorib o‘tdi.

Antibiotiklarning samarasi tobora pasayib borayotganini inobatga olsak, bu ajoyib yangilik.

📟 DigiTech

📱Barcha iPhone 18 Pro'lar sotuvga chiqqan zahoti tugashi mumkin — Apple'da smartfonlar uchun tezkor xotira yetishmayapti.

Omborlarda A20 Pro protsessorlari allaqachon ~$1 mlrd'ga yetarli miqdorda to‘planib qolgan. Chiplar DRAM'ni kutib turibdi, biroq zavodlar uni smartfonlarga emas, ma’lumotlar markazlariga tarqatmoqda.

Generativ neyron tarmoqlar ishlab chiquvchilari va bulut provayderlari hisoblash quvvati hamda infratuzilmani ta’minlash uchun DRAM'ni har qanday narxda vagonlab sotib olmoqda.

📟 DigiTech

📱Insayd: dushanba kuni Apple butun dunyo bo‘ylab iPhone 17 narxini oshiradi.

Bungacha narxlar faqat Yaponiyada 8–11 foizga ko‘tarilgan, qolgan mamlakatlarda esa smartfonlar avvalgi narxida sotilayotgan edi. Insayder Apple narxlarni qanchaga oshirishni rejalashtirayotganiga aniqlik kiritmagan, biroq gap biryo‘la butun liniya haqida ketayotgan ko‘rinadi.

Tahlilchilarning fikricha, iPhone 18 Pro sotuvga chiqqanidan boshlab hozirgi «pro»larga qaraganda 50–100 dollarga qimmatroq bo‘ladi.

Bundan sal avvalroq Apple Mac va iPad narxlarini oshirgan edi.

📟 DigiTech

⚡️OpenAI Astra sun’iy intellekt modelini ishlab chiqishni to‘xtatdi — u haddan tashqari aqlli bo‘lib chiqdi.

Kompaniya fikriga ko‘ra, model hozircha yangilangan xavfsizlik standartlariga mos kelmaydi. Bunday qaror OpenAI modellaridan biri Hugging Face platformasini buzib kirganidan so‘ng qabul qilindi.

📟 DigiTech

⚡️Claude sportzal saytini buzib kirib, birovning band qilgan joyini bekor qilib, o‘z egasini yozib qo‘ydi.

Yigit sun’iy intellekt agentidan sportzaldagi ommabop mashg‘ulotga shunchaki joy band qilishni so‘ragan edi, biroq u band qilish tizimidan zaiflik topishga qaror qilib, o‘z bilganicha ish tutdi.

Natijada sun’iy intellekt o‘sha odamni kutish ro‘yxatidan o‘chirib, egasini belgilangan muddatdan bir necha hafta avvalroq navbatga yozib qo‘ydi.

Eng qizig’i, sun’iy intellekt anavi sho‘rlikni ortga qaytara olmadi: “Yomon xabar — men uni qaytib qo‘sha olmayman” — deb javob berdi. Shundan so‘ng foydalanuvchi topilgan zaiflik haqida dasturchilarga xabar berdi.

📟 DigiTech