⚡️BAA maktablarida yakuniy imtihonlarda eng yaxshi natijalar ko’rsatgan bitiruvchilarga 100 000 dirhamdan (27 000 dollar) mukofot berildi.

Mukofotlar bitiruvchilarning uylariga baxmal bilan o’ralgan maxsus qutilarda jo‘natildi. Ularning ichida puldan tashqari Dubay amirining shaxsan o‘zi yo‘llagan tabrik ham bor.

📟 DigiTech

📱Texnobloger bo‘lajak buklamafon iPhone Fold va yangi Galaxy Z Fold 8 maketlarini solishtirdi.

Apple o‘z smartfonini kuzda, Samsung esa iyul oyi oxirida namoyish etishi kutilmoqda.

Shunda kim kimdan ilhomlangan? 🤔

📟 DigiTech

⚡️Nyu-York ma’lumotlar markazlarini qurishga moratoriy joriy etdi.

Bu ma’lumotlar markazlarini ishga tushirish uchun ekologik ruxsatnomalar berishni to‘xtatgan birinchi shtat bo‘ldi.

Moratoriy bir yilgacha amal qiladi. Shu vaqt mobaynida hukumat ma’lumotlar markazlarining atrof-muhitga ta’sirini baholash standartlarini ishlab chiqish bilan shug‘ullanadi. Shuningdek, yirik markazlar uchun soliq imtiyozlarini bekor qilish ham rejalashtirilmoqda.

📟 DigiTech

🤖 «Jonli po‘lat» filmi reallikka aylandi.

Xitoyda odamsimon robotlar o‘rtasidagi janglar bo‘yicha “Ultimate Robot Knockout Legend” turniri boshlandi. 16 ta jamoada robotlar bir xil, biroq dasturiy ta’minot, sozlamalar va strategiya turlicha.

Robotlar ishtirokidagi ushbu UFC'ning sovrin jamg‘armasi 10 million yuanni (1 500 000 dollar) tashkil etadi.

📟 DigiTech

⚡️OnePlus AQSh va Yevropa bozorlaridan ketishini e’lon qildi.

Kompaniya o‘z faoliyatini to‘xtatishi haqidagi ko‘plab mish-mishlarni tasdiqladi. Brend faqat Hindiston va Xitoyda o’z faoliyatini davom ettiradi, boshqa boshqa mamlakatlarda esa kompaniya mahsulotlari endi sotuvga chiqarilmaydi.

Barcha OnePlus qurilmalari OxygenOS'dan ColorOS'ga o‘tkaziladi, kafolat majburiyatlari esa to‘liq saqlanib qoladi — endi bu masalalar bilan Oppo shug‘ullanadi.

📟 DigiTech

⚡️Apple dunyodagi eng qimmat kompaniya nomini qaytarib oldi.

Apple'ning bozor qiymati yil boshidan buyon 25 foizga o‘sib, 4,89 trln dollarni tashkil etdi.

Tahlilchilar buni investorlarning sun’iy intellekt shov-shuvining ortiqcha baholanganidan xavotirda ekani bilan izohlamoqda — ular sun’iy intellekt spekulyatsiyalariga bog‘liq bo‘lmagan, barqarorroq aktiv sifatida Apple'ga sarmoya kirityapti.

Shuningdek, Xitoyning ilg‘or sun’iy intellekt modellarining paydo bo‘lishi Nvidia aksiyalari narxiga salbiy ta’sir ko‘rsatdi.

📟 DigiTech

⚡️LG televizor va monitorlari endi sun’iy intellektni o‘qitish uchun barcha suhbatlaringizni tinglashi hamda yozib olishi mumkin.

Foydalanish shartlariga ko‘ra, texnika egalari mehmonlarni va oila a’zolarini bu haqda ogohlantirishi shart. Tinglash funksiyasini o‘chirib qo‘ysa bo‘ladi, lekin u bilan birga ovozli kiritish va xavfsizlik yangilanishlari ham ishlamay qoladi.

📟 DigiTech

🤖 Honor o‘zining Robot Phone’idagi yangi funksiyasi bilan internetni «portlatdi»: smartfon korpusining o‘ziga titan qotishmasidan yasalgan robotlashgan osma o‘rnatilgan.

Kamerani ochishingiz bilan robot-obyektiv darhol korpusdan chiqadi. Tarqalgan ma’lumotlarga ko‘ra, kamera f/1.6 diafragmali 200 megapikselli asosiy modul, 50 megapikselli o‘ta keng burchakli modul va 200 megapikselli periskopik teleobyektiv bilan jihozlangan. Shuningdek, u harakatlaringizni kuzatib, atrofni 360 darajada tasvirga tushira oladi.

Blogerlar orzusining narxi hozircha oshkor qilinmadi, rasmiy sotuvlar avgust oyida boshlanishi rejalashtirilgan, insayderlar prognozlariga ko’ra, narx 1200-1300 dollar atrofida bo’lishi mumkin.

📟 DigiTech

⚡️IT mutaxassislari yaqinda milliarder bo‘lib uyg‘onishdi — lekin foydada emas, zararda. Amazon texnik nosozlik tufayli serverlar uchun bir necha dollar o‘rniga naq 1 000 000 000 000 dollardan hisob yubordi.

Bir foydalanuvchining odatdagi 0,19 dollarlik to‘lovi qariyb 2,5 milliard dollar qarzga aylanib ketdi. Boshqasi esa shunchalik qo‘rqib ketganidan akkauntidagi hamma narsani o‘chirib tashladi. Keyinroq Amazon xatoni to‘g‘irladi.

Sizga ham butun boshli davlat iqtisodiyotiga teng bo’lgan shunday hisob kelganida nima qilgan bo’lardingiz?)

📟 DigiTech

👨‍💻Yangi tadqiqotga ko‘ra, zumerlarning 80 foizi ishlayotgandek ko‘rinishga harakat qiladi. Ish qilinayotgani illyuziyasini yaratish uchun haftasiga o‘rtacha 5 soat vaqt ketar ekan.

O‘rtacha hisobda odamlar o‘zlarining asl vazifalarini bajarib bo‘lgach, haftasiga qariyb 5 soatni (bu yiliga 30 ish kunidan ko‘proq degani) shunchaki o‘zlarini band qilib ko‘rsatishga sarflaydilar.

Bunday “firibgarlik” fosh bo‘lib qolmasligining eng ommabop usuli — kompyuter “faol emas” holatiga o‘tmasligi uchun sichqonchani tinimsiz qimirlatib turish. Qizig‘i shundaki, kompaniya xodimlarni qanchalik qattiq nazorat qilsa, ular ham haqiqiy ish o‘rniga shunchalik ko‘p “g‘ayratli” faoliyatni tasvirlashga o‘tishadi.

📟 DigiTech

⚡️YouTube endi neyroaxlatli videolar uchun pul to‘lamaydi — hozir yangi foydalanuvchilar uchun har beshinchi, Shorts'da esa har ikkinchi video shunday.

Hayvonlarni “qutqarish” bilan bog‘liq kanallar ham, agar videoning butun maqsadi ko‘proq ko‘rishlar uchun azoblanayotgan jonivorni ko‘rsatish bo‘lsa, monetizatsiyadan mahrum etiladi.

📟 DigiTech