⚡️Tezkor xotira yetishmovchiligi sun’iy tashkillashtirilgan bo‘lib chiqishi mumkin — Kaliforniyada Samsung, Micron va SK Hynix kompaniyalariga qarshi jamoaviy da’vo arizasi kiritildi.

Da’vogarlarning ta’kidlashicha, uchta yirik DRAM ishlab chiqaruvchisi sun’iy intellektning jadal rivojlanishi va ma’lumotlar markazlaridan talab ortganini bahona qilib, taqchillikni yuzaga keltirish va narxlarni oshirish maqsadida xotira yetkazib berishni ataylab cheklagan. Da’voga ko‘ra, aynan shu sababli tezkor xotira va ular o‘rnatilgan qurilmalar narxi keskin qimmatlashgan.

Agar sud xaridorlar tarafini olsa, kompaniyalar xotira va DRAM qurilmalarini oshirilgan narxlarda sotib olgan barchaga tovon puli to‘lashga majburlanishi mumkin. Hozircha bular shunchaki ayblovlar — ishlab chiqaruvchilar o‘z pozitsiyalarini hali ma'lum qilishmadi.

📟 DigiTech

🎮 PlayStation 6 narxi deyarli 1000 dollarga yetadi — insayderlar xotira taqchilligini hisobga olib, komponentlar narxini qayta hisoblashdi.

Ayni paytda PS6’ning kutilayotgan narxi 960 dollarni tashkil etmoqda va bu narx juda tez sur’atda o‘sib boryapti — mart oyida xuddi shu insayder taxminiy narxni 760 dollar deb aytgan edi. Xotira tanqisligi nimalarga olib kelishini Valve’ning Steam Machine misolida ko‘rgandik — aslida bu qurilma 30% arzonroq bo‘lishi kerak edi.

PlayStation 6 taqdimoti 2027-yilda bo‘lib o‘tishi kutilmoqda.

📟 DigiTech

⚡️Kanadadagi yirik yuk mashinalari chiqaruvchi zavodi ham GTA VI o‘yini chiqishi sababli ikki kunga yopilmoqda.

Edison Motors bosh direktori shunday dedi:

GTA VI'ning chiqishi korxona ishiga jiddiy ta’sir ko‘rsatishi mumkin. Jamoaning bir nechta a’zosi «Vice City'da muhim tadqiqotlar o‘tkazishini» va faqat dam olish kunlaridan so‘ng ishga qaytishini ma’lum qildi.

📟 DigiTech

📲 Xitoy yangi turdagi optik tolali internet tezligi bo‘yicha rekord o‘rnatdi: 51,3 Tbit/s. Bunday tezlikda bir soniyada 128 ta 4K formatli filmni yoki YouTube'dan 64 000 ta Full HD videolarni yuklab olish mumkin.

Yangi optik tolada signal shisha o‘rniga kabel ichidagi havo kanali bo‘ylab harakatlanadi. Shu sababli signal deyarli umuman kechikmaydi, o‘tkazuvchanligi esa yuqoriroq bo‘ladi.

Sizda-chi, internet tezligi hozir qanday?

📟 DigiTech

⚡️Anthropic kompaniyasi sun’iy intellektlar insoniyatni yo‘q qilish ehtimoli 33 foiz bo‘lishini «maqbul narx» deb hisoblaydi.

Anthropic kompaniyasi (Claude neyrotarmog‘i ishlab chiquvchilari) yangi iqtisodchini ishga yolladi va uning ta’kidlashicha, sun’iy intellekt sababli insoniyatning halok bo‘lish ehtimoli taxminan 33 foizni tashkil etadi. Ammo eng ajablanarlisi shundaki, u bu xatarni maqbul deb hisoblaydi.

«Iqtisodiy o‘sish uchun bunday tavakkalga qo‘l urish — eng maqbul yechim», — dedi Anthropic'ning yangi iqtisodchisi.

U shuningdek, agar hammasi muvaffaqiyatli o’tsa, Yer yuzidagi hayot darajasi 55 baravar yaxshilanadi degan fikrda.

📟 DigiTech

🤖 iPhone narxidagi robot-yordamchi — NORI Robotics startapi qahva damlaydigan va hatto to‘shakni yig‘ishtirib qo‘yadigan sun’iy intellektli robot yordamchini chiqardi.

NORI L imkoniyatlari deyarli cheksiz: agar bir foydalanuvchi robotga yangi ko‘nikmani o‘rgatsa, qolganlar ham uni o‘z robotiga yuklab olishlari mumkin bo‘ladi. Bu yoqimtoy robotni 1288 dollarga olish mumkin.

📟 DigiTech

💿 Sony 2028-yildan PlayStation uchun o‘yin disklarini ishlab chiqarishni to‘xtatadi.

Bu barcha yangi o‘yinlarga ta’sir qiladi, lekin bu sanagacha chiqarilgan o‘yinlarni diskda xarid qilish mumkin bo‘ladi. 2028-yil yanvaridan so‘ng yangi o‘yinlarni faqat raqamli formatda, ya’ni PlayStation Store va onlayn do‘konlardan sotib olish imkoni bo‘ladi.

Kompaniya buni «iste’molchilarning xohish-istaklari va ko‘ngilochar sanoat jismoniy disklardan raqamli nusxalarga o‘tishda davom etayotgani» bilan izohladi.

📟 DigiTech

⚡️Nvidia'da bepul tushliklar yo‘q — sport zali va stol tennisi ham. Buning evaziga barcha xodimlarga kompaniya aksiyalari beriladi.

Dasturiy ta’minotlar chiqaruvchi gigantlaridan farqli o‘laroq, Nvidia o‘z faoliyatini arzimas marja bilan boshlagan. Resurslarni qat’iy tejash odati kompaniya madaniyatiga singib ketgan. Bu yerda hatto top-menejerlar ham ko‘pincha ekonom-klassda uchishadi va shaxsiy yordamchilarsiz ishlashadi.

Ish va zavq boshqa-boshqa narsalar. Bepul «bonuslar» odamlarni ofisda shunchaki uzoqroq ushlab turadi, — deb hisoblaydi Nvidia rahbari.

📟 DigiTech

⚡️Claude xakerga chipta sotish tizimini buzib kirishga va AQSh'dagi deyarli barcha musiqa festivallariga kirish chiptalarini qo‘lga kiritishga yordam berdi.

Ian Kerroll «Front Gate Tickets» saytini o‘rganib, uning himoyasida bo‘shliq topdi. U Claude Opus 4.7’dan bu bo‘shliqni chetlab o‘tishni so‘raganida, neyrotarmoq unga chipta chiqarish paneliga kirish imkonini berdi.

Yigit narxi 4 ming dollargacha bo‘lgan chiptalarni cheksiz chop eta olar edi, biroq tizimdagi zaiflik haqida xabar berishga qaror qildi. Bu xatolik allaqachon bartaraf etilgan.

📟 DigiTech

⚡️Kompaniyalar xodimlarining sun’iy intellektdan foydalanishini cheklab, soddaroq modellarga o‘tmoqda. Xarajatlar nazoratdan chiqib ketdi — bu vaziyatni allaqachon «tokenapokalipsis» deb atashmoqda.

Atlassian'ning sun’iy intellekt uchun xarajatlari oyiga 5 million dollardan 15 million dollargacha oshib ketdi. Ayrim dasturchilar limitlarni 2-3 kunda ishlatib yuborishyapti. Bir yilda ularning xarajatlari 120 million dollardan oshishi mumkin.

Citi banki bir haftaga barcha uchun Opus 4.7 va GPT-5.5 ga kirishni o‘chirib qo‘yishga majbur bo‘ldi. Shunga o‘xshash choralarni Amazon, Adobe va boshqa kompaniyalar ham joriy etmoqda.

📟 DigiTech

📲 Xiaomi o‘z tarixidagi eng katta sotuvlar qulashiga tayyorlanmoqda — sotuvlar pasayishi qariyb 80 million smartfonni tashkil etishi mumkin.

Xotira chiplari inqirozi Xitoy brendlarining yetkazib berish hajmini ommaviy ravishda pasayishiga olib keldi: Oppo, vivo va Honor o‘z prognozlarini 15–20 foizga, Xiaomi esa deyarli ikki barobarga pasaytirdi.

Shuningdek, Xitoyning Ultra-flagmanlaridan asta-sekin voz kechilishi haqida ham xabar berilmoqda: ularni ishlab chiqarish juda qimmatga tushadi, sotuvlari esa hozir 100–200 ming donani tashkil etmoqda. Taqqoslash uchun, Xitoyning o‘zida iPhone 17 seriyasi 35 million nusxada sotilgan.

📟 DigiTech

⚡️Yaponiyada Ilon Mask sun’iy yo‘ldoshlari asosida ishlaydigan jamoat Wi-Fi tarmog‘i sinovdan o‘tkazilmoqda — Starlink nuqtalari yong‘in gidrantlari belgilariga o‘rnatilmoqda.

Sun’iy yo‘ldosh internetini tabiiy ofatlar, mobil aloqadagi uzilishlar va shahar tadbirlari vaqtida ishga tushirish rejalashtirilgan — undan bepul foydalanish mumkin bo‘ladi.

Mamlakat bo‘ylab allaqachon 120 000 ta shunday belgi mavjud, shu sababli yangi antennalar qurishga pul sarflashga hojat qolmaydi.

📟 DigiTech

⚡️Nokia qaytdi — kompaniya neyron tarmoqli tugmachali telefonlarni chiqardi.

Sun’iy intellekt yordamchisi kontaktlarga qo‘ng‘iroq qila oladi, chiroqni yoqa oladi, budilnik o‘rnata oladi va boshqa ovozli buyruqlarni bajara oladi. Shuningdek, brendning videoqo‘ng‘iroqlarni qo‘llab-quvvatlaydigan ilk tugmachali telefoni — Nokia 200 4G ham paydo bo‘ldi.

U old kamera bilan jihozlangan va HMD Chat xizmati orqali hatto smartfon foydalanuvchilariga ham videoqo‘ng‘iroq qila oladi.

📟 DigiTech

📲 Insayderlar aytishicha, iPhone 18 Pro Max rekord sig‘imli akkumulyatorga ega bo‘ladi. Uning eSIM’li versiyasidagi batareya hajmi 5425 mA/soatgacha yetadi.

Bu seriyalar o‘rtasidagi eng katta o‘zgarish bo‘lishi mumkin. Taqqoslash uchun: iPhone 17 Pro Max akkumulyatorining sig‘imi 5088 mA/soatni tashkil qiladi.

📟 DigiTech

⚡️Samsung‘ning xotira va chiplar bo‘limi bu yil oldingi 40 yillik faoliyatidan ko‘proq daromad topishi mumkin.

Bunga sun’iy intellekt bumi va xotira tanqisligi sabab bo‘lmoqda. Tezkor xotira va SSD uchun chiplar bir chorakda 44% va 53% ga qimmatlashdi.

Ikkinchi chorakda Samsung‘ning umumiy foydasi 56 mlrd dollargacha o‘sishi mumkin. Bu o‘tgan yilning shu choragiga nisbatan 18 baravar ko‘pdir.

📟 DigiTech