🛰️ Yaponiyalik yigit XKS bilan suhbatni ratsiya va... bir stakan suv yordamida tutib olishga muvaffaq bo’ldi.

Suyuqliklar radioto‘lqinlarni metalldan ko‘ra yaxshiroq yutishi mumkin. Tajribani o‘tkazish uchun yigitga oddiy jo‘mrak suvi kifoya qildi.

Zerikib qolganingizda shu layfxakni sinab ko’rishingiz mumkin)

📟 DigiTech

🤖 Amerikaning Figure kompaniyasi o‘z gumanoidlari jo‘natmalarni to‘xtovsiz saralayotgan strimni ishga tushirdi. Qariyb 16 soat ichida ular quvvatlanish uchun vaqti-vaqti bilan bir-birini almashtirib, 20 000 dan ortiq jo‘natmani saralashdi.

Kompaniya robotlar mustaqil harakatlanayotganini ta'kidlayotgan bo’lsa-da, tomoshabinlar ularning xatti-harakatlarida g‘alati jihatlarni payqashdi: ular gohida qo‘llarini cho‘zgancha qotib qolib, xuddi ularni odamlar boshqarayotgandek harakatlanishmoqda.

📟 DigiTech

⚡️Claude Mythos xakerlar uchun eng murakkab operatsion tizimlardan biri bo‘lgan macOS’ni buzib kirishga muvaffaq bo‘ldi. Topilgan xatolik tizimni butunlay egallab olish imkonini beradi.

Model shunchaki avval noma’lum bo‘lgan ikkita xatolikni o‘zaro bog‘ladi. Ularning yordamida MacBook xotirasini «buzib», macOS’ning yopiq qismlariga to‘liq kirish huquqini qo‘lga kiritdi.

Zaiflikni aniqlagan tadqiqotchilar shunchalik hayron qolishganidan, topilmani ko‘rsatish uchun shaxsan Apple ofisiga borishdi. Kompaniya allaqachon xavfsizlikdagi bu bo‘shliqni o‘rganmoqda, ammo hali to’g’irlashgani yo’q.

Ko‘rinishidan, Mythos'ni reliz uchun xavfli deb hisoblashlari bejizga emas.

📟 DigiTech

🚘 Xitoyning BYD kompaniyasi yangi «Ultra» osma tizimiga ega gibrid yo‘ltanlamaslarini namoyish etdi. Uning yordamida istalgan g‘ildirakni 30 smgacha ko‘tarib, mashinani uch g‘ildirakda ham haydash mumkin.

Bu xususiyat shina teshilganda yoki katta chuqurlikdan o‘tish kerak bo‘lganda juda qo‘l keladi. Denza B5 kapoti ostida 687 ot kuchiga ega motor bo‘lsa, B8 modelida bu ko‘rsatkich 748 ot kuchini tashkil etadi.

Xitoyda narxi 45 000 dollardan boshlanadi.

📟 DigiTech

⚡️Android tez orada iPhone’dan ham qimmatlashishi mumkin — yangi Snapdragon chiplari narxi 80 foizga oshiriladi. Apple esa chiplarni o‘zi ishlab chiqaradi.

Agar 2023-yilda eng top Snapdragon chipi 170–200 dollar turgan bo‘lsa, yangi avlod chiplari narxi 300 dollardan oshib ketishi mumkin. Bu esa Samsung, Xiaomi, OnePlus narxlarini keskin ko’tarilishiga sabab bo’ladi.

📟 DigiTech

⚡️Qozog‘istonda neyron tarmoqlar maktab o‘quvchilarini davlat darajasida o‘qitishga yordam beradi — respublika prezidenti sun’iy intellektni o‘rta ta’lim tizimiga joriy etish to‘g‘risidagi farmonni imzoladi.

Sun’iy intellekt shahar va qishloq maktablari o‘rtasidagi ta’lim sifati bo‘yicha farqni qisqartirishi lozim. Buning uchun mamlakatda infratuzilma, ta’lim platformalari, individuallashtirilgan ta’lim, ma’lumotlar himoyasi va o‘qituvchilarni tayyorlashni keng ko‘lamda rivojlantirish rejalashtirilmoqda.

Tajriba loyihasining muddatlari va shartlari allaqachon aniq belgilab olingan: 500 ta qishloq maktabi texnika, tezkor internet va sun’iy intellekt vositalaridan foydalanish imkoniyatiga ega bo‘ladi. Hech kim o‘qituvchilarni almashtirmaydi, algoritmlar shunchaki kundalik yumushlarni o‘z zimmasiga olib, ularning ishini bir necha baravarga yengillashtiradi.

📟 DigiTech

⚡️Smartfonlardan avtosanoatgacha: BlackBerry inqirozdan qanday qutulib qoldi?

BlackBerry 10 yildan beri smartfon chiqarmayotgan bo‘lsa-da, haligacha pul ishlamoqda. Kompaniya avtomobillar uchun dasturiy ta’minot chiqarishga o’tgan.

Ularning QNX operatsion tizimi taxminan 275 million avtomobilga o’rnatilgan. U kruiz-kontrol, ko‘rinmas hududlar nazorati, bildirishnomalar va haydovchiga yordam beruvchi boshqa tizimlarga javobgardir.

QNX'dan dunyoning yirik avtomobil ishlab chiqaruvchilari foydalanadi. Hozirda bu dasturiy ta’minot BlackBerry umumiy daromadining deyarli yarmini tashkil etadi.

📟 DigiTech

📚 Kitob o‘qish va muzeylarga borish qarishni sekinlashtiradi — University College London olimlari shunday xulosaga kelishdi.

Tadqiqotchilar 3500 kishining ma’lumotlarini tahlil qilib, muntazam kitob o‘qiydigan, musiqa tinglaydigan, ko‘rgazma yoki muzeylarga boradigan odamlar biologik jihatdan sekinroq qarishini aniqlashdi.

Ta’siri bo’yicha bu jismoniy mashg‘ulotlar bilan qiyoslanadigan darajada bo‘lib chiqdi. Haftada kamida bir marta «madaniy hordiq» chiqarganlarning qarish tezligi taxminan 4 foizga pastroq bo‘lgan. Olimlar buni san’atning bir vaqtning o‘zida miyaga va hissiyotlarga ta'sir ko’rsatishi bilan izohlashdi.

📟 DigiTech

🤖 Amerikaning Figure kompaniyasi jonli efirda odam va robot o‘rtasida bellashuv uyushtirdi. 10 soat davomida jo‘natmalar bilan ishlagan yigit 12 924 ta qutini, robot esa 12 734 tasini saraladi.

Eng qizig’i, bu vaziyatda temir «mutaxassis» uzluksiz ishlagan, uning inson raqibi esa tushlik qilishga va tanaffuslarga chiqqan.

📟 DigiTech

📺 LG televizorlari kontent ustiga reklama qo‘yishni boshladi.

Foydalanuvchi PS5'ni ishga tushirganida, ekranining pastki qismida, konsol interfeysining o‘zida pitsa buyurtma qilish taklifi chiqqan.

Eng qizig’i, bu arzon qurilma ham emas, reddit foydalanuvchisi ushbu televizorni 1400 dollarga sotib olgan.

📟 DigiTech

🤖 Xitoyliklar robo-o‘rgimchakni yig’ishdi — bu temir mehnatkash vertikal yuzalar bo‘ylab bemalol harakatlanadi va har qanday ishni bajara oladi.

Hozircha bu maxluqni operator masofadan turib boshqarib: zangni tozalaydi, payvandlash ishlarini bajaradi va boshqa foydali yumushlarni amalga oshiradi. Xitoylik muhandislar kelajakda robotni haftasiga yetti kun, kuniga 24 soat davomida to‘liq mustaqil ishlashga o‘rgatishni va’da qilishmoqda.

📟 DigiTech

⚡️Ma’lumotlar markazlari shaharlarni 2,2°C ga qizdirmoqda — olimlarning aniqlashicha, 1 ta yirik inshoot 40 000 ta uy kabi issiqlik chiqaradi.

Tadqiqot Finiks shahrida o‘tkazilgan: ma’lumotlar markazlari atrofida bir necha oy davomida maxsus sensorli mashinalar yurgan. Serverlar yaqinidagi hududlarda harorat 2,2°C ga yuqoriroq bo’lgan, bu ta’sir esa hatto 5 mavze naridan ham sezilgan.

📟 DigiTech

📲 iOS 27 8-iyun kuni namoyish etiladi — Tim Kuk'ning so‘nggi WWDC taqdimoti Toshkent vaqti bilan 22:00 da boshlanadi.

Taqdimotda iOS, iPadOS, WatchOS, MacOS va ehtimol, yangi qurilmalar ko‘rsatilishi kutilmoqda.

📟 DigiTech