تابع المجاراة الثالثة عن ذكرى ولاية الامام علي عليه السلام..

#قاسم_السقاف

الله امر وضح كمال الرسلات
والمصطفى وضح لغائب وحاضر

ان الولي مولى الشرف والكرامات
ليث الكتائب والشجاع المغامر

علي علي رمز الاباء والبطولات
جندل بسيفه كل ملحد وكافر

نعجز على تلخيص مدحه فالابيات
ومن يحبه فاز والغير خاسر

#صالح_حسين_أبواحمد

موتو الم ياهل الردى والوشايات
عضو الانامل والبسوا للمخامر

يكفي بواطلكم وربي كفايات
وافكار فيها الفسق والكذب ضامر

مبدا الولايه جسد اليوم ايات
تنسف لكم ياحفاد ود ابن عامر

بانلبس الوهابيه للعبايات
ذي حلو الخمره ولعب المقامر

#أحمد_عطاء

من عمق ايلاف الغزل والمزارات
ياكل شاعر صيح ياكل شاعر

ذكرى الولاية عز واشرف عبارات
تطرب لها قبل الزيود الأشاعر

واليوم هب الشعب هبة شرارات
يستهنض الاحساس في قلب فاتر

مع ولي الله في كل غارات
يعبر إبن طالب على كل كافر

#عبد_القادر_داود

امر الولايه يستند لــ اربع آيات
(بلغ) و (طهر) كل سامع وطاهر

على خلاف التروحه والتحيات
أنذر عشيرة ساس كل العشاير

حتى ولو حولك أفاعي وحيات
اصدع بما تؤمر و طيع الأوامر

ذا آمر قرآني له اشياء و غايات
و الغايه الكبرى فضح الف كافر

#الشاعر_أخوهيثم_نضال_حُميد

ولايتك ياقاهر المستحيلات
موقف فصل مابين مؤمن وكافر

وأمر جاء من عند رب السموات
إتمام لا النعمه وجبر الخواطر

والبخبخه كانت مجرد دعايات
باتعرفوها يوم تبلى السرائر

حان النقاء يامنجزين المهمات
والوعد مابين المجمع وصافر

#ابوسياف_الوحيشي

امر الولايه بامر رب السماوات...
واجب مقددس تزكيه لضماير...

إحياء فعاليات يومه تيارات...
لاحياءنفوس اجيالنا والمشاعر..

وشدهم لااا رايته خير رايات...
راية علـــي وصيا النبي والمناصر...

وحضور عيده واحتفالك بطاقات..
تمييزك عن كل عربيد كافر...

#ابو_الصماد_عبدالحكيم

غدير (خم) كانت خيار البدايات
يوم اعلن المختار والكل حاضر..!!

ومن على اقتاب الابل والاشارات
هيّض لكل المسلمين المشاعر..!!

قال الوصي هذا بحسب الدلالات
وليكم بعدي وهو خير آمر..!!

من ناصره يُنصر تجيه انتصارت
بفضل رب الكون للنصر قادر..!!

#ابويحيى_القهده

لبييييك لبيناك رغم الولايات
نهتف بعالي الصوت لبيك حاضر

دام النبي بلغ فهيهات هيهات
ننسى بلاغ الله حسب التواتر

من ينكرك يجلب لنفسه عداوات
من يومنا هذا إلى اليوم الاخر

حكى لنا الرحمن في كل خمس آيات
في محكم القرآن ماهي مجابر

#هادي_حسين_الرزامي

سبحان ربي لي يدير الخليقات
عالم بما تخفيه كل السراير

امر الولاية مثل أمر الرسالات
فيها السلامه من جميع المخاطر

المسأله ماهي أمير وإمارات
ولا روايات الكتب والدفاتر

هي امتداد الأنبياء والنبوات
من اجل يبقى الحق في الأرض ظاهر

#عبدالقوي_البطل

هيهات نخضع ياالطواغيت هيهات
وولاية الكرار فينا تعاصر

نهتك عروض المملكة والامارت
ولاعدو يشل راسه وكافر

يامن تمسكتوا بحبل الولايات
من اجل تفنوا شعب صامد وصابر

فأستبشروا بزوالكم والنهايات
تقبض بلاعيم العدا والحناجر

#الشاعر_عباس_الصياحي

(علي)ولينا رغم أنف الولايات
احنا توليناه ماضي وحاضر

(علي)باب العلم ياهل الروايات
(علي)مع القرآن والحق ظاهر

نحن اليمانيين في كل الاوقات
مانختلف ونميل عن نهج حيدر

عهدالولاء فينابرغم المعانات
والله مانرضي ولايه لفاجر

#ابوقصي_العويري

بارسل مجاراتي سلام وتحيات
فيها الولا كامل وشامل وحاضر

وهنا وصيّه ترفض امر الوصايات
فوق الغدير اوصى بها خير طاهر

اصدق روايه بين كل الروايات
كلمه صريحه بين مومن وكافر

هذا علي هذا هو الحق بالذات
هذا لكم مولا وقايد وناصر

#عبدالغني_ضبعان

امر الولايه تمسح اسم الولايات
تغيض كمن كلب مجرم وكافر

ولاءنـا للــه رب السـماوات
وللنبي والآل. اول وآخر

لـ(ابو الحسن) وسيد العصر بالذات
السيد القائد علمنا المعاصر

#بلال_الصوفي

واحنا جنود الله رب السماوات
مانهاب مانخشى حدوث المخاطر

والله أعطانا مدى الدهر آيات
وأخزى بنا من كان مجرم وكافر

جينا لحلف الشر نصنع نهايات
واذا تبي شوف المسيرة مباشر

نسقي قوى العدوان بالمر كأسات
واليوم حلف الشر عض الأضافر

#علي_درهم_المؤيد

امر الولايه صدق ماهي روآيات
يتناقلوها الناس ماضي وحاضر

تكميــل وعـليـهـا أدلــه وأيـــآت
للدين بالقـــــران ما هي خواطر

شنـوا عليهــا بالسقيفـه دعايات
سـوو لــدين اللــه فيهــا مجـابر

اقصوا ولي الله حسب الهوايات
ورشحوا مـن كان بالامـس كافر

#ابو_برق_الظرافي

(امر الولاية) عز منهج ورايات
في خط الأشتر تنطبق وابن ياسر

فينا الولا راسخ وماهو حكايات
كلا ولاهــو مثل بعض المجابر

منهج معّمق مااحتوته النهايات
خصّب بهديه بنــدقي والمعابــر

يصنع رجال امثال طومر بآيات
متوضحه في شعب كله طوامر

#إتحاد_الشعراء_والمنشدين

https://t.me/aboyahyaalshami

المجاراة في ذكرى الامام الاعظم زيد بن علي (عليه السلام)..

البداية للشاعر عبدالرحمن الريامي

حياة الكـــرامة لـــــو مهل ربع ثانيه
لنا اخيــــر من قرن المذلــــــة والانحنا..

على درب (زيـــــد) اقسمت ماحب فانية
ولا ارضا بغيـــر العــــز لــو يجلب الفنا..

#ضيف_الله_سلمان

على منهجه نمضي نجسد تفانِيَه
بصيرة..جهاد..وصبر والله حسبنا..!!

يمانين في الضيقات مثل الزبانية
وبالله حين الباس يشتد بأسنا..!!

#ابويوسف_القاري

إلى يوم يحمل عرش ربك ثمانيه
عزمنا على نهجه نواصل جهادنا

تجسد ولانا في الدحيضه وقانيه
مع زيدنا. والله بنصره يزيدنا

وذي ما اتخذ موقف من المردخانيه
فلاتحسبه زيدي ولاتنسبه لنا

#فايز_الحمزي

فهمنا كتاب الله نُجسد معانيه
ومن زيد تعلمنا نواجه عدونا

إذا خصّمنا قد تآه بكأس ٍ وغانية
فنحنُ مع الرحمن بذلنا دماؤنا

#علي_مغلي

ويا زيد في ذالكون امة يمانية
زيود الولاء والبأس والعشق والجنا

هشام اللعين العن ومثله ثمانية
ومليار طاغوتي معادين شعبنا

#ابوقصي_العويري

مع الله تجندنا كتايب يمانيه
نضحي ونبذل في رضا الله دمّنا

وفي درب زيد وفي طريقه حُسينه
دعانا ابن بدر الدين فيها وقادنا

#عبدالقوي_البطل

عليه السلام ماثار وافصح علانيه
ولااهتز من بطش الطواغيت ولا انثنا

من اجل دين الله حقق أمانيه
نيل الشهادة في رضى الله ربنا

#إبتسام_شرف_المحطوري

من (زيد) أستلهم باأني يمانية
واثور باالكلمه أسرع ولا اتوانى

مااحب اعيش الذل لحظه وثانية
والفقر في عزة ولا الذل في غنا

#الشاعر_حسن_السعيدي

بمنهاج قرآني وحكمة يمانيه
على خط آل البيت نتحمل العنا

ومن زيد والسبطين في كل آنيه
نجدد ونستلهم قيمنا وعهدنا

#ابومقبل_الشعيثي

مع الله نلحق صانع الفلك بانيه
زيود العقيده منهج الحق نهجنا

على العرش تحمل عرش ربي ثمانيه
ونحمل كتاب الله ودين فوقنا

#ابورواسي_ارحب

قطوف الأمام الثاير اليوم دانيه.
في أحفاده أعلام الهدئ نلمس الجنا..

علئ نهج زيد..الحق ضاهر علااانيه..
بهيهات أبوجبريل يستكمل البنا

#بندر_السقاف

مع زيد نكسر الف واحنا ثمانيه
من ابنا اميه ناخذ اليوم ثارنا

بجيزان والساحل وماخلف قانيه
له الحمد من اوفاء وعوده بنصرنا

#ابوالمازن_عبدالله_الشريف

حياة الأئمه مدرسة عِلم دانيه
مصابيح ضاءت في الظلامات دربنا

وفي موكب الاطهار كنا علانيه
رفعنا شعار الحق في وجه خصمنا

#ابومعتز_البهلولي

رفضنا المذله والخنا والأنانية
وعشنا الإباء والعز والله ربنا

وفي يوم يحمل عرش ربك ثمانيه
على منهجية زيد يفخر ثباتنا

#شاعر_بيحان_ابوليث_المحضار

قطوف الاباء والنصر للشعب دانيه..
ويسقي الثمار اليانعه نزف دمنا..!!

"وهي واحده" ماشي لها بد ثانيه..
على منهجك يازيد حمى لصمتنا..!!

#ابو بدر_ ذيبان

دروب الكرامه بالبطولات بانيه
وبالتضحيه والبذل والعزم والعنا

ومن زيد شكلنا الحشود اليمانيه
وذاقوا طغاة الارض من حر باسنا

#أبـورازح_القـعـود

على مملكه سلمان الانصار بانيه..!!
حرام لانخلي عيشته كلها عنا..!!!

قتلنا جيوشه فى المعارك ثمانيه..!!
حرام مادخل قبره والايام بيننا..!!

#عدنان_سالم_أحمد_الذويبي

ولو تصبح الغارات كما اليل دانيه
على نهجكم يا (زيد ) نحيا بعزنا

بصيره حسينية وحكمه يمانيه
ومن صبركم ياسيدي زاد صبرنا

#عدنان_جحوح

على نهج( زيد الخير) فتية يمانية
مضينا وحُـب الآل يملا قُـلـوبنا

نواجه (هشام الشر)في كل ثانية
ومن حارب آل البيت لاقى حروبنا

#ياسين_الفروي

طريق ال بيت المصطفى دوم سانيه
من (الزيدية) يا (زيد) جينا وعهدنا

نواصل بمنهاجك ......مسيرة يمانيه
ومن هو وقف ضد المسيره له الفنى

#ابو_يحيى_القهدة

بدربه تعلمنا الدروس اليمانيه
وفي مذهبه قد سار ابونا وجدّنا

فكل الحروب تشهد شهاده ثمانيه
مع زيد والقرآن نحضى بنصرنا

#عبدالله_بحنان

بثورة أمامي زيد ثورة يمانيه
على الظلم ثار بحق والحق نهجنا

هشام في ذالعصر أصبح ثمانيه
أعضاء مجلس أمن والاعراب ضدنا

#زايد_علي_الوايلي

لنا باس فولاذي وحكمه يمانيه
وهيهات هيهات اي طاغي يذلنا

على نهج زيد. ودام الاعمارفانيه
عسى الله يتوّج بالشهاده جهادنا

#عبد_القادر_داود

بروح الولاء يا زيد نعلن علانيه
براءة من الطاغوت فرعون عصرنا

و ربي لو اذبح في الدقيقه ثمانيه
وما فوق منهم ما يساوون ثأرنا

#ابوبراءة_الديلمي

اللهي عظيم الشأن حقق امانيه
وعفوك اللهي خير مطلب نعم لنا

نجاهد معك همة غزيمة رهانيه
وزيدآ لنا مقدام باالعزم شدنا

#هارون_الزغاري

هدى الله عرّفنا الجهاد ومعانيه
ومن زيد واجداده اخذنا مفادنا

نجاهد مع ربي بسر وعلانيه
هدفنا رضى ربي ولا شي يهمنا

#الكرار_المشراقي

على منهج الاخيار تسطع معانيه
وناخذ عبر ودروس منها لعصرنا

ونصنع لامتنا بطوله يمانيه
ونكتب من دمانا لزيد عهدنا

#بلبل_النصر_حسن_المهدي

المجاراة في رحاب الامام زيد بن علي (عليه السلام) القدوة والمنهجية..!!

البداية #ضيف_الله_سلمان

بذكرى الامام الاعظم الثائر الولي
وقفنا بوجه الظلم والبغي والفساد..!!

ومن كان (زيدي) في خطى(زيد بن علي)
يجاهد(يزيد)العصر هذا و(بن زياد)..!!

#نشوان_الغولي

على (زيد) صلى الله سبحانه العلي.
إمام البصيرة و البطولات و الجهاد.

مع الله و اهل البيت و المنهج الجلي.
قطعنا دروب العز بالسيف والزناد.

#مهدي_أحمد_مفلح

خرج ضمن ايات الكتاب المنزلي
على الظلم رافع راية الحق والرشاد

ومن اجلها في ساحة الحرب يقتلي
ويبطل جريرة كل طاغوت ف العباد

#أبورواسي_أرحب

علئ حب (زيد،المجتبئ)قلت مايلي.
سلامي علئ (آل النبي)صفوة العباد.

حليف الولايه.(زيد) ..الأخر والأولي.
من(المايده والفتح والغاشيه و(ص))

#محمد_مفلح

مع زيد نمضي والشلي يتبع الشلي
مسيرة لها ميدان بالحق وامتداد

إلى القدس يا ثورة هدى زيد واصلي
وصهيـ ـون وامريـ ـكا تغادر من البلاد

#ابومنار_العشي

هنا (زيد) ثابت شامخ الهام معتلي
يوعظ جيوشه من على صهوة الجواد

معه جند صُدقاً في اللقاء مابهم دلي
ولا صدهم عن نصرة آل النبي صاد

#شداد_حميد

مع الله انا زيدي هدى زيد فخر لي
وحبه تغلغل داخل القلب والفؤاد

صلبتوه لكن ماصلبتو بداخلي
مساره وحبه وانتهاجه والاعتقاد

#عبدالباري_عبيد

على ذكـر (زيـد) الحـر قد ثار بركلي
وثارة حروفي في مراثيه بـ اجتهاد

امـام التقـى لـولاه مـا شلـت جـرملي
ولا كان لي موقف مشرف في الجهاد

#الشاعر_ابو_حمزة_ماجد_نشير

مع زيد بن علي على العرش نعتلي
رفع راية الجهاد صرخ لا للاضطهاد

جهاد الطواغيت يعتبر عز لك ولي
نضحي بمانملك على العرض والبلاد

#عماد_العملسي

على نهج زيد الحق بايفزع الشلي
ومنهو ولي زيدي فلا يقبل الحياد

مع الله بانمضي نقاتل ونقتلي
وتوصل صدئ صرخاتنا عند قوم عاد

#جميل_جعفر_ابوشامخ

بذكرى حليف الذكر قد جـاد بـركـلـي
وفوق الورق قد صـبّ من أجـود المداد

مع الله وآل البيت ومن بعدهم يـلـي
على دربهم نمشي بـلا زيـف أو حـيـاد

#ابوغبري_الغبري

قرار الملا صبح مصيري ومفصلي.
وماباقي الا اثنين ماعاد به حياد..

قد الشمس باين والدجا ياهلي جلي..
الى النصر نتسبب ونسرج على الجياد

#حيدر_الحامس

على نهج زيد النهج الاسما والامثلي.
خرجنا نجاهد خاين الدين والبلاد.

مـع الله نُقـتَل في سبـيله ونقـتلي.
ولابه مخافه. غير من خالق العباد.

#علي_مغلي

على منهجك يا زيد فعلت جرملي
ولا العيش بانعشق ولا منظر البلاد

بقارع هشام العصر لوكان مقتلي
وما بقبل المنكر ولا بلبس الحياد

#فايز_الحمزي

إذا اظلمت(يازيد) بذكراك تنجلي
نجاهد(يزيد)العصر هذا و(بن زياد)

نهجنا بنهج الآل ولي يتبعه ولي
نقارع قوى الباطل وبالله الإعتماد

#أبوهاشم_الحسيني

من اقتدىٰ في زيد والعتره علي
وفي منهجيه زيد اتضح خط الجهاد

ومـن رفـض مبدأه مـا بايعتلي
ومن عرف مبدأه مارضي بالاضطهاد

#يحيى_الحضوري

نصيحة ! امامة زيد هي عز لك ولي
عليه السلام قدوه وعزه. واعتماد

نهج منهج القراءن حليفه وممتلي
بعلمه واهل البيت بانبلغ المراد

#عدنان_سالم_أحمد_الذويبي

على منهج السجاد صامل مقاتلي
الاعداء ذي سارو على نهج بن زياد

من حب عيش الذل ولا التخاذلي
با ينتهي مانال عزه من الجهاد

#ابووايل_عنبل

مع الحق واهل الحق لو ننقلي قلي
ومن زيد رفض الذل تشريع و اعتقاد

موالاتهم فطره بالآخر و الاولي
على امر رب الحق و اعلام الاجتهاد

#مسعد_محمد_المثيل

مع المذهب الزيدي ونهج زيد بن علي
نطهر فلول الرجس ونسعی الی الجهاد

علی نهج ال البيت والمذهب الجلي
نحارب قرون ابليس احفاد بن زياد

#الشاعر_ابوعاقل_المنبهي

جهاد وبصيره دونها كل باطلي
على نهج ثورة زيد يتحرر العباد

وبلغ يزيد العصرمهما يحاولي
فلا يمكن ان دولة اميه علينا تعاد

#عبدالقدوس_الصباحي

انا زيد يسمع كل طاغوت ما يلي
انا زيد فالمبدء وزيدي فالاعتقاد

هو الحق وانا سرت في نهجه الجلي
وبه سوف يوصل كل انسان ما اراد

#عبدالله_بحنان

بذكرى أمام الثائرين (زيد بن علي)
ذكرى انتصار وعز تحضى بها البلاد

نشوي قوى الطاغوت بنارة ويقتلي
ونذر جيش البغي في بحرنا رماد

#براق_المنبهي

مع طاري الذكرى نديبي ومرسلي
ينادي فجوج الشام تنظر إلى البلاد

لتلّمح مواقف زيد ذي كانه الشلي
وذي كان فوق الكفر سيفه كما المضاد

#عبد_القادر_داود

على منهجك يا زيد شعري و جرمــلي
مسلّم لابو جبريل من ثم [ابو جهاد]

رفيقي في الجبهات سالم و ابو علي
و عادل وابويحى وابوحرب والعتاد

#يحيى_الوحيشي

على درب زيد الشعب فـ الصـف الاولي..
تحت راية ابن البدر في ساحة الجهاد..

قهرنا هشــــــــــام العصر ومـعه برادلي..
ومن ثورة السجاد ثرنا كما الجـــــــــراد..

#نجيب_العوسة

على الدرب بانمضي ونقتل ونقتلي
بوعي وبصيرة زيد تطهير للبلاد

ومهما حدث في الارض مهمايصير لي
معا ال آل مانعرف تراجع ولا حياد

#أبورازح_القعود

المجاراة عن العملية المشتركة للقوة الصاروخية والطيران المسيّر في المنطقة الشرقية لمملكة الرمال

الشاعر #يحيى_الوحيشي

حياك ياسبتــمبر الــــــثورة..
كسر قرون ابليــس كــسرها..

صارت بك الضربات مشهورة..
واسرارك الله ذي يفســــرها..

هذا السنة في (راس تنـــورة)..
والعام في صافر بنبـــسرها..

منّك قوى العدوان مقهـــورة..
ما مرّ عام الا تخـــــــــسّرها.

# ضيف الله سلمان

ايادي العدوان مبتورة
بمسيّرات الله يسّرها..

تنهي قرون ابليس وغروره
و(المملكة) نسمع تحَسّرها..!!

من(ذي الفقار)ا(قريش) مذعورة
من(بدر) كم ياروس كسّرها..!!

وشاهدوا بالصوت والصورة
جيوش بالألآف نِأسِرها..!!

# شداد حميد

هذه مسيرة حق مأموره
وانصار ربي روس ما اعسرها

ما زالت الاعراب مخموره
وتايهه في لعب ميسرها

اذناب في قوسين محصوره
لا ودفت في حرب تخسرها

عليهم الامجاد محضوره
واحنا لنا الرحمن يسّرها

#بندر_السقاف

احرق مصافي ونسف اقصوره
ومعسكرات اجيوشه اعسرها

كلن يؤدي ب العمل دوره
والله ب اللطافه ييسرها

جنود رب العرش منصوره
على البغي ايد كواسرها

افعالنا ب الصوت والصوره
واعجازهم تشبع نياسرها

#ابوقصي_العويري

جوّ السعودي ضيّع مروره
ماعاد به نقطه تعسّرها

صاروخنا يسري على نوره
بيولّع العالي ويمسرها

ماعاد به صعبه ومحظوره
صُنع المسير جا يفسرها

يسرح ويضوي حامل الصوره
سبحان ربي هو ميسّرها

#عارف_شرده

جيش اليمن قد خلَّد اسطوره
في ساحة الحــرب فســــرَّها

وعـــــاد من بعد تـنــــــــــوره
أقــــــوى المـــلاحم وأعسرها

جنـــــــودنا بالله منصــــــوره
مايـــــوم للحــــرب تخســرها

وجنـــــودهم بتفــــر مذعـوره
وكــــــم كتايـب بـنأســـــــرها

#ابورواسي_أرحب

العاص عاده كاشف العوره
والله عن ستره يعسرها..

وهند بالتطبيع مجبوره..
والعشق بالموساد آآسرها..

واليوم كل الصحف منشوره..
وذاب لينها وجاسرها..

من يوم واجه حلف أخو نوره..
أشجع رجااال الأرض وأعسرها

#ابوبدر _ذيبان

تسلم ايادي الجيش مشكوره
الغالبه فالردع ما اعسرها

دك المسير مصدر البوره
والبدر لاكبر راس يكسرها

حطم غرور البغي والجوره
ذي للرسايل ما يفسرها

بالله يالانصار منصوره
يا الله لاشي عسر يسرها

#شهاب_المتوكل

بكي وولول يااخو نوره
من بعد ماراسك نكسرها

ابسر مسيرنا وصل دوره
والقوه الصاروخيه ابسرها

مابايفيدك كشفك العوره
وافعال جدك لو تفسرها

قدحان ليلك قشع ديجوره
بانوار اشرس قوم واعسرها

#حسن_احمد_الحمران

قوة بإذن الله منصورة
ما بش لها قوه تكسرها

في سابعة بالردع مغمورة
من بعد جده لا دواسرها

منها ارامكو جاتها الدورة
وحط اسهمها وبوسرها

ضربات تكسر رأس اخو نوره
سبحان من وفق ويسرها

#بدر_الكهالي

عواصف الشيطان مدحورة
وحالته ربي يعسّرها

بصاقل السيد و ساطوره
تموت غيضاً في تحسّرها

وجُند رب الكون منصوره
وافجاجهم ربي ييسّرها

#عبدالله_بحنان

سبتمبر المجد أسطورة
ثورة مع الله يسرها

قولوا ل(سلمان) اخو (نورة)
قارورة الخمر يكّسرها

الحرب لا تحسبة (كورة )
شعب اليمن با يعسرها

غاراته اليوم محصورة
يسمع ردودي ويبسرها

#أبوهاشم_الحسيني

يابدر ثور نقعهم فالصوره
تعود والا ساقها كسرها

والحمدللرحمان رب الكوره
وكل عسره هو ييسرها

اتغيرت ل(وزان ) يامغروره
وكل ضربه وجهش يفسرها

وصبح العدوان وقوته محصوره
اليوم حتى هيبته يخسرها

#عبدالمجيد_توام

في ضل قائد شعب اسطورة
ماقوئ رجال الله واعسرها..

(المملكة) ذاليوم محصور
وحربنا لابد تخسرها..!!

و(ذي الفقار) اللي فعل دوره
الامس في (الدمام) سبرها..!!

قواتهم قد اصبحت بوره
وقوة الله هوا بينصرها

#عاقل_بن_صبر

المملكه بالمال مغروره
وذوالفقار اليوم فقّرها

قرون بن سلمان مكسوره
واليد ذي تمتد نكسرها

تمسي ملوك الشر مذعوره
وقلوبهم تبلغ حناجرها

ومعجزات النصر الاسطوره
شعبي في الميدان سطرها

#صالح_حسين_ابواحمد

يامن طلبتوا الحرب والبوره
وانتو ولا تدروا مخابرها

الردع جاكم ياخون نوره
كاسح مدمر امس في ابها

واليوم يتوسع مدى طوره
لوما يصل لندن ويخربها

#عبد_القادر_داود

لا كل واحد قد لعب دوره
فــ الجويــه حيا مداررهــا

ون زمجرت من كل ماصوره
تلك الجماجم بـــا نـطـعفرها

و الدار ذي بالذل مــعـمـوره
في وحل ذلتــها نجعـفـرها

ذي ما يراعي حرمة الجوره
حطه على الدربيل واغمرها

#ذوالفقار_سفيان

حيا الله الصماد وحضوره
ياكم لنا واحنا نحذرها

لكنها بابليس مسروره
ومكرها ذي با يبنشرها

جتنا وهي بالكبر مغموره
واليوم بالبركان نعصرها

قد كانت القوات مستوره
جت لليمن تشتي تحررها

#ابوكرم_نشوان

حيا المسير ذي فعل دوره
والقوه الصاروخيه اشكرها

كلين له نهجه ودستوره
ولايبا فيزه يأشرها

قبة ارامكو منه مفطوره
وان صلحوها قام يفطرها

يعرف آل سعود بالجوره
حاشا وكلا حد ينكرها

#علي_مغلي

هذه نصايح قايد الثورة
عاده وعاده با يطورها

خلا خطوط الجو مذعورة
والطايرة للخلف يجبرها

المجاراة عن (مواجهة الاحتلال البريطاني مسؤلية الجميع)..

البداية #بسام_شانع

حرب صنعاء على مران وجبال مطرة
جاب مران لا صنعاء وصنعاء ترى..

والحصار السعودي لليمن قبل فترة
ينقلب بعد فترة فتح لام القرى

واحتلال البريطاني جزيرة سقطرة
للمسيرة ذريعة تدخل انجلترا

ياخذ الكل فوق اربع مائة الف عبرة
من ربع بعض والا كل ما قد جرى

#ضيف_الله_سلمان

ودف العالم المعتوه وإبليس غرّه
واليمن باع والله القوى إشترى..

دُق راس البريطاني وبطنه وظهره
لقّنه درس يا(شعبي وثيق العرى)..!!

كل شاعر يشارك يكتب الله اجره
والبريطاني المحتل يرجع ورا

(يا رعى الله نفس اتعيش في الارض حرّة)
قالها (النمري) وزلزل بها (الكوبرا)!!

#أبورواسي_أرحب.

من مضامين (وعدالله)والأمر أمره
بانواصل بمشروع الولاء والبراء

من في أرض اليمن يحلم بمثقال ذره..
في جزرها الحصينه بايوارئ الثرئ

مامعه غير ياخذ له من الزين نضره.
بعدها باتكون الخاتمه (م)...(ر)

والقسم لانفرمت للعدا كل شفره..
دام واحنا على منهج رسالة حرا

#أحمد_درهم

المراحل طويلة واول الغيث قطرة
عاد(بركان)و(الثاقب)و(قاهر)سرى

لا(البريطاني)اتقدَّم بكيده ومكره
إلتقيناه من (حَمٓ)و(وألَمْ تَرَى)

جاء ينقّب من اجل (النفط) في جوف قبره
من رفاته دعمنا (نفطنا) في العرى

قبل يغزي يفكِّر في الردى ألف مرَّة
حربنا غير ما( الأيباد)و(الأوبرى)

#أبويوسف_القاري

ذه مسيرة قوي جبار غالب على امره
انظروا ويش لاقى من طغى وافترى

الذي قد هدم في جرف سلمان صخره
ادخل الجرف لاقصره شعار البراء

كل من حارب اهل البيت ياكسر ظهره
مامعه اي مهرب من اسود الشراء

والعواقب لجندالله كتبها بنصره
والعدو بالخساره والخزاء والعراء

#عابد_المدم

اول الغيث قطرة واول السيل مطرة
كيف بالسيل بعد السبع يا هل ترى

سيل داهم عرمرم كلما جاه طره
ليلة الجن لا سيل المسيرة سرى

قل لندن تكفا في الميادين شره
سيلنا لا قدم ما عاد يرجع وراء

البريطاني اعمى قرش سلمان جره
كن ماهو بذي قد نال جده درا

#شداد_حُميد

ابشري ب الهزايم مثلما كل مره
راجعي ذكرياتك واذكري ماجرا

تذكري يوم هبينا على حين غره
عد بقايا جثث قواتكم ف العرا

كل من جاء لنا ماعاد لا مستقره
ناخذ ارواحهم منهم ك اخذ القرى

يا بريطانيا لو تزحفي ب المجره
باتعودي هبا منثور يعنى ذرُّا

#عبدالمجيد_توام

(البريطاني) الاب برضنا عاد قبره
بلغوا ابنه ان ماكان شي قد درئ.. !!

جا مهرول لأستعمار شعبي واسره
عن تواريخنا ما اعتقد قد قرئ.. !!

والله ان لا نرد الكيد في وسط نحره
في تراب (اليمن) ماقل ما يقبرَ

بعد عترة رسول الله هم خير عتره
بانجاهد لدحر الضلم والمنكرَ

#أبوعساف

كــل غــازي غـزانا ذاق غـبنة وحـسرة
قـــد كـــره حـربـنا الأتــراك وإنـجـلترا

من دعس حدنا كنه دعس فوق جمرة
يـنـكـسـر حـلـمـه الـــوردي ويـتــبعثرا

#يحيى_الوحيشي

المسيرة لكل الناس آية وعـــــــــــــبرة.
نصرها ينعكس من كل طاري طـــــرى..

من قصدها بشر تحيط به الف حسرة..
كـــــــــلما راد يتقــــــــــــدم يهرول ورى..

خصمها اول مشارك دوم في حفر قبره..
والبريطاني المعـــــــــــــتوه ما قد درى..

قل لبقبن تجهز حالها بعد بكــــــــرة..
يوم نطبع على الساعة شعار الـــبرى..

#أحمد_الغبسي

جيشهم باب بانتصدر النصر عَبره
بايرى الكون باالغازين ذي لم يرى

قل لردفان لايخجل فقد شاع ذكره
بانتماه الحقيقي للولا والبرا

يضرب الغزو من بطنه ويلقف بظهره
ماعلى الأرض قل له بيع ولا شرا

#ابوقصي_العويري

دام شعب اليمن باقي وله قوم حُرّه
بايمس الدول ذي حاربته العرا

وبا يصل علمها طارف زحل والمجره
لين يدري بها اللي من قبل مادرا

مثل حلم البريطاني بها قبل فتره
خاب حلمه وجيشه ذاق موت احمرا

لو يكرر هجومه فوقنا الف كرّه
بايرا هذي النكبه مثل يوم را

#عبد_القادر_داود

واقع اليوم غـير الأمس و الفتـح بُكره
خبرو الخاين اللي باع و اللي اشـتـرى

دم الاخْوَيِن والله مايروح منه قطره
قل لــ فكتوريا و الغرب تاكل .......

لو لها جهد ما اكتوبر كبسـها بـحفره
واغربت شمسها في بـحرنا الأحمرا

قل لبحر العرب يهجم بمده وجزره
لين ما يوصلو عنده رجال الــشرئ

#عز_الدين_جحاف

كل من ينصر الرحمن يبشر بنصره
بايعزه ويرفع هامته في الذرا

لوتجمع علينا الكون كله بأسره
دام معنا عرى القهار أوثق عرا

يابريطانيا ماعاد فيك أي قدره
تدخلي شعب الاشتر والوصي حيدرا

باتذوقي المهانة ألف مليار حسره
اعقلي واجمعي دومان وعودي ورا

#ذوالفقار_سفيان

كل غازي غزانا باللظا دق نحره
يوم كمن ردي في بأسنا مادرى

وان شعب اليمن فالنار قد عد قبره
كل محتل جربنا رجع للورى

يخسر الدين والدنيا وماله وعُمره
والمجاهد بعون الله لاقد سرى

يحرز النصر بإذن الله في كل مرّه
واليهودي بعون الله يتقهقرى

#عبدربه_الحداد_البيحاني

ودف ابليس ذي ينطح جبينه بصخره
مادرى الا وقدغطا عليه الثرى

جات الانصار ذي قد مدها الله بنصره
يوم كلن تشابح فوقهم واهترى

المجاراة دعوة للمشاركة في فعاليات الذكرى السابعة لثورة 21سبتمبر المباركة..

البداية من الشاعر بسام شانع

منهو مع الله والوطن والثوره.
حامل شرف عام الصمود السابع

من ساحة الميدان يرسل صوره
يثبت حضوره بالدليل القاطع

من اجل سبتمبر يرى جمهوره.
ويشهد التاريخ له والواقع

ونشوف كل أهدافه المذكوره.
في الأرض لا في اللافته والطابع

#الاستاذ صالح الاحمدي

هذا يمن الايمان ياخو نوره
وهذه الثوره وهذا الواقع

المملكه في زاويه محشوره
لابد من تطهير شارع شارع

#أبو رواسي أرحب

الحشد بكره في مثابة دوره..
للي قعد من... منزله للجامع

وصفحته عن ماجرئ محضوره
ولا تحرك في ضميره وازع.

لبيك يانبض الهدئ وشعوره.
يامنفق الخاتم لشعبه رأكع.

شعبك بعون الله في مقدوره.
أن يبهر العالم...وحبك دافع

#ياسين الفروي

(ياقوم في سورة سبأ مذكوره)
كلن إلى (خط المطار) يسارع

في مشهد ايماني يهز الكورة
وحضور من صدق التولي نابع

الكل يحضر لو على الباكوره
دامه لابو جبريل سامع طايع

با نشعل الشعله وسط تنوره
ونفتتح عام الصمود التاسع

عبد الرحمن الريامي

ياشعب مد امواجك المـــــسجورة
واشمخ بها فوق النطاق الواســــع

ذي اغرقت امس القوى المــأجورة
وشيدت صرح الصمود المــــــــانع

مالك ومال النظرة المحـــــــصورة
والنــاشبة بيـــن السكن والجـــامع

يد المنافق فـي الحــضـا مبتـــوره
وايد الولي سيف الوطيس القاطع

ضيف الله سلمان

(اعز واكرم شعب فالمعمورة)
حاضر في الميدان يا(بن شانع)!!

قد مرغ انف المعتدي وغروره
والجيش الامريكي هرب واتراجع..

صارت وجوه اهل الخيانة عورة
وكل خاين عهد ماله شافع.. !!

في (الخوبة)اقرون العدو مكسورة
وذيوله اتلاشت بجبهة(ناطع)!!

#عبد_القادر_داود

يا الله تحيي الشاعر الأسـطوره
مليون حـيـا الله. بــسـام شــانـع

حفّزّ حروفي و انتخاني شــوره
نِعْمَ المحفز هوْ و نِعْمَ الـــدافـع

غدوه لطلاب الــوفــاء ســبـوره
اُســتاذَهـا في كل حـال الشارع

الشارع اللي سطر اعـظـم ثوره
هزت عروش الخانع بن الخانع

#عاقل_بن_صبر

عام الصمود السابع اشرق نوره
يا شعبنا الحر الكريم الشاجع

كلاً يجسد موقفه بحضوره
في موقعه في مترسه فالشارع

يثبت مكانه في الوجود ودوره
بقوة الموقف وصدق الدافع

نرفع رساله للقوى المغروره
اشد من ضرب السلاح الرادع

#الشاعر_حسن_السعيدي

ثورة بعيش الحريه مغمورة
ياكل قرن اعصر يماني شاجع

ماهي على شعب اليمن محصورة
باتشمل الكون الكبير الواسع

ياشعب تاريخه غدى اسطورة
مايمنعه عن أخذ حقه مانع

واصل مسار الثوره المنصورة
واضرب بسيف الردع حلف الطامع

#صالح_حسين_ابواحمد

ثوره وهبو ياقبايل خوره
ماقرم شبوه للسعودي تابع

رحب بها القنذع بكل سروره
واستنفرت بيحان ضد الطامع

من بعدما الاول وصل تنوره
لازم نعشق في دبي السابع

#عز_الدين_جحاف

شعب اليمن بمواقفه المشهوره
لأمر ابوجبريل سامع طايع

بايحتشد بكره بأقوى صوره
في كل ميدان للكرامه رافع

وحنا اهل ( حجه ) نجتمع في ( حوره)
وبكل ميدان الوفاء ِ نسارع

راية علمنا دائما منصوره
رغم المعاند نور بدره ساطع

#علي_مغلي

يا ثورة استقلالنا مشكورة
خليتي القران منهج جامع

و شبل طه قادنا. في ثورة
وشعب راقي للقيادة سامع

(الله اكبر)رفرفت منصورة
واتقطعت فيها يدين البايع

يخرج يمنا لجل يثبت دوره
في دعس خشم المعتديّ الطامع

#عبدربه_الحداد_البيحاني

أنصار ربي دايما منصوره
ويوم سبتمبر بنوره ساطع

كلن ينادي لاخوته والجوره
في خير ذكرى نحتفل في الشارع

مع الوطن كلن يسي مقدوره
يقهر تكاتفنا العدو الطامع

#عبدالقدوس_الصباحي

بكره هو اليوم الذي بضهوره
نبداء بعام الإنتصار الواسع

بايخرج.اكبر حشد في منضوره
ما اضن واحد فاليمن متراجع

وبايشوفوا خاينين الجوره
ذي كلبهم لامريك راكع طايع

سيول تتشكل بأكبر صوره
مايعرفوا هو حلم ولا واقع

#الشاعر_رايد_الخمري

اعظم بشــر الله وهبـــهم ســـورة
وأكرم وأعظم قوم في ذا الواقـع

منهـم يهـــاب المعــتدي وقــصوره
ويعود فـي الجــبهات كمن طـــامع

ومنـ ذي نكـس كبر الـعدو وغــروره
وعَشق ابليس اللـــعــين الـــســـابـــع

وعـــادت أحلاف العـــدا مـــجــــبوره
في كل مـــوقــــع للمشاهـــد تــــابع

#ابو_يحيى_القهدة

عن حفل ثورة شعبنا الاسطوره
21 واحد وعشرين ما حدا متراجع

قم يازمن واكتب على السبوره
اسم الذي حاضر وذي بيتابع

الشعب عازم بالوفاء وحضوره
با احلف على هذا اليمين القاطع

ايضا وعارف كيف يدي دوره
ذا شعب للسيد ولله طايع

#ابوغبرب_الغبري

في الغد ساحات الشرف مغموره..
تزفح قمم فيها الكرامه دافع..

كلن يشوف المجد من منظوره..
والمجد يعبد صيت شعبي الذايع..

با الله يا الي تروي الاسطوره..
احنا صنعنا امثالها في الواقع...

شعب اليمن جوهر في المعموره..
لن يمنعه من نصر قدسه مانع

#مسعد_محمد_المثيل

ياشعبنا هبو لذكری الثوره
ذكری صموده والمسير السابع

وكل مواطن يثبت اليوم دوره
في كل ساحه بانجي ونتابع

المجاراة الثالثة في استقبال ذكرى المولد النبوي الشريف..

البداية للشاعر#ضيف_الله_الراجحي

أشرق النور في أرض اليمن
مثلما أشرق على مكة زمان

أرضنا ما تقدّر بالثمن
من سكنها فيشعر باﻷمان

مرحباً باﻷمين المؤتمن
إحشدوا للنبي باقي ثمان

#ضيف_الله_سلمان

لليمانين وقّف يازمن
كل الايمان في الواقع يمان..

نبذل ارواحنا من دون مَنْ
والمواقف هي اكبر ترجمان..

هكذا انصار طه دائماً
والمودة في القربى ضمان..!!

#أبورواسي_أرحب

الف لبيك... ياجد الحسن..
وأن فسلنا علينا المستعان

يوم ذكراك.... ياطه وطن
فيه عاشت كرامتنا مصان

والهويه ....نسجناها كفن
في مسارك.لعباد الكيااان.

مارضينا ثقافة (عن وعن)
مثل من قدسوا (جنكيز خان)..

ماتبقا.ل(واشن)غير (طن)
بعدها نحتفل في( عسقلان)

#ابويوسف_القاري

من سوانا لخير الخلق من
ينصره باليسار وباليمان

مولد النصر في الذكرى كمن
والعجاف اصبحت بعده سمان

#زيد_الخراشي

بالمصابيح وبخضر الزين ..
بانخلي منازلنا جنان.

بانعظم مكانة خير من ..
قال رب السماء له كُن فكان..!!

غيضكم ياطويلين الدقن..
عضوا الاحذية والا البنان.

#عزالدين_جحاف

حب طه وآله قد سكن
في قلوب اهل الإيمان من زمان

ألف أهلا وسهلا مرحبا ً
مولد المصطفى ياشعب حان

نحتشد حشد في أغلى وطن
حشد يجلب للامريكي (الجُنان )

#الشاعر_الياس_المقدشي

الولاء للنبي وآله علن
والثقه بالصمد سر الرهان

يوم ذكرى النبي شفنا الوطن
ينتصر جيش شعبه واللجان

الف لبيك والخافق سكن
فيه حبك وعزك والكيـ ـان

#هادي_حسين_الرزامي

شعشع النور لاخضر في اليمن
مبتهج بالنبي قاصي ودان

السلف كانوا أول من حضن
سيد الكون في حرب وأمان

والخلف ماحدا منهم وهن
في محبة محمد كل آن

داخل اعماقنا طه سكن
واهل بيته على مر الزمان

#ابوقصي_العويري

ذا وطن ماخُلق قبله وطن
فيه الايمان والحكمه ملان

يعلنو حُب سيّدهم علن
ويلعنو حلف خيبر والكيان

لوسالنا عنّهم راس الزمن
بايقل لاهل اليمن رفعه وشان

#هارون_الزغاري

اخلعي يايمن ثوب الحزَن
والبسي ثوب الامجاد الحسان

واحتفي بالنبي رغم الحمن
ذي اتتنا من الكلب الجبان

لجل يدرى العميل المرتهن
اننا مارضينا بالهوان

#علي_علي_مسرع

صحت غرة ربيـع اول علـــن
صوت دوى وسط إنس,, وجان

باحتـــــفل بالنبي طول الزمن
حب طـه انغرس بين الجنـــان

باحتفل يوم ميـلاده ولن
يوهن العـزم حقد كمــن جبان

#ذوالفقار_سفيان

مولدك با نقيمه على حسب السُنن
رغماً على امريكا ورغماً على الكيان

ولبيك ثم لبيك بانرفعه علن
ومن حب غيرك ذل واهتان واستكان

على سيرتك نمضي وما نعرف الوهن
وفالقدس باذن الله بانرفع البيان

#عبد_القادر_داود

مرحبا جد الحسينِ و الحـسـن
جيت واللي مايرحب بك جبان

نحتفل بك في فـرحنا و الحـزن
والعجاف السبع والسبع السمان

يا وطن حب النبي و آله وطـن
و الكرامه في وطن طه تـصان

#شاعر_بلاد_الروس

مرحبا بالذي يجلي الحزن
ذكره الأجر وحبه هيلمان

النبي المصطفى جد الحسن
عيده النور ضوا. لاعمان

فالحنايا وفالروح السكن
مولده يجلب السبع السمان

#عبدالقوي_البطل

مثلنا في الولاء والحب من؟
مااظن حد بهذا الكون كان

حب للمصطفى في الروح كن
وسط وجدان شعبي مااستكان

بانواصل على هذا ولن
نختلف عن مساره والكيان

#محمـد مجلـي

مِن مشاريـع ربـي و السنن
نحتفل بنبي ذي لي (هدان)

رغم انف الشدايد والمحن
ذكر خير البشر عزّه وشأن

والذي بـ الفتـاوى قـد علـن
با احتفل لو يصنفني مـُدان

#براق_المنبهي

من تباها لـ طه قد ضمن
مسلك العز غير الزيزمان

بك رسولي يمنا غيمن
بالشعارات للمولد كمان

والسماء لليمن قد قيمن
بحتفالات تتحدى زمان

#صقر_سبحان

إفرح إفرح ومارس كل فن
يا يمنا بميلاد الأمان

سيد الرسل طه المؤتمن
خاتم الأنبياء اصدق لسان

واصرخ اصرخ بوجه المرتهن
عبد صهيـ ـون وفلان وفلان

#ابوبراءة_الديلمي

لازام اليوم نتكاتف معآ
بل ونسعى لتحقيق الرهان

حب طه سكن وسط البدن
لنبي عندنا عزة وشأن

شعبنا شاد باالفرحة وحن
واتكل قال ياالله واستعان

#ابويحيى_القهدة

المريضين واصحاب الدقن
قالوا (الشيخ حرمها) فلان

شعبنا الحر لا يدهوك ضنّ
عيدوا بس وانا اضمن ضماااان

مثلما عيدوا باسم الوطن
مولد النور له عزه وشان

المجاراة بعنوان #العدوان_سبب_الازمات

البداية #ضيف_الله سلمان

تحالف الإثم والعدوان
خلف المعاناة والازمة..!!

وعالَم الصمت والخذلان
وضعيّته خارج الخدمة..!!

من وسط(واشنطن) الشيطان
ذي اعلن الحرب والهجمة..!!

#عبدالواسع_صايل_الغولي

حياك ياضيف بن سلمان
يارايد الحرف والكلمة

في ارضنا نرفض امريكان
ندحره من موطن الحكمة

والظرف واضح من العنوان
والحلف قد زاد في جرمه

#محمود_الجنيد

دام الكرامه لنا عنوان
محال ان نقبل القسمة

السيف والرمح والميدان
هم الحكم ياهل الحكمة

بانقتلب فوقهم طوفان
عن اليمن ندفع الغُمة

#ابورواسي_أرحب

ماتنعدل شوكة الميزان
ألا بهجمه قفا هجمه

مادام وأحنا علئ القرأن
والله لومانجد لقمه

ماذلنا مكر أبوسفيان
ولاالسعودي وهند أمه

#حسن_أحمد_المهدي

عدوان صهيونـي الاركان
ملعون من شـاركـه اثمـه
..
ومنهم اتعوذب الشيطان
وقــال هــولا بــلا ذمــــه
..
وانا احلف ان ما لهم إيمان
لو يحلفوا لي على الختمه

#يحيى_الوحيشي

‌‎والحل يا ضيف بن سلمان..
قدس المجنح وابن عمه..

وشرعـيتنا من القــــــرآن..
ياشعب الإيمان والحكمة..

اقصف بها حلف الامريكان..
والله با يكـــــــــشف الغمة..

#ابومنار_العشي

الشعب عارف بهذا الشأن
عارف مدى عجرفة خصمه

هيهات للجوع والحرمان
يحد من مستوى عزمه

يا اهل الدعايات والبهتان
ما عندنا للخون رحمه

قد كان عفاش يا ما كان
والتاليه ذاق من سمه

#فارس_المعزبي

يبارك الله بالبركان
وبالمسيّر وابو بُغمه

يرجّحوا كفة الميزان
في داجي الليل والظُلمه

خلّوا تحالف بن امريكان
ماعاد طلـَّـع ولا نغمه

#علي_مغلي

كل المآسي في البلدان
والجوع والفقر والنقمة

البيت الابيض لها عنوان
ما يقبل الطرح والقسمة

شعب اليمن بير يا ريان
واحنا خرجنا عن الخدمة

#ابويحيى_القهدة

زايد وسلمان وبن سلمان
هم واليهودي عيال عمه...!

صبوا على شعبنا النيران
للغرب قد قدموا خدمه...!

با نجعل المملكه دخان
يا فاقد العقل والحكمه...!

#ذوالفقار_سفيان

يامجلس الذل والاذعان
شعب اليمن ما وهن عزمه

صلابته شابهت عطان
والمعنويات فالقمه

ومن قتل شعبنا مجان
لابد ما نستقي دمّه

#عز_الدين_جحاف

وعيال زايد وبن سلمان
قلوبهم مابها رحمه

نقسم بمن أنشأ الأكوان
ومن نطق كل شيء بسمه

مايوقف الظلم والطغيان
ياشعب الإيمان والحكمه

#فواز_ابوحسن

بالله وحده عظيم الشان
بانجحد العزم والهمه.!!

رغم العنا والحصار الدان
شعب اليمن مافتر عزمه.!

انت الذي تغلب العدوان
ياشعب الإيمان والحكمه.!

#زيد_الخراشي

ياعالم الزور والبهتان
ماكلمة الحق لك كلمه

بعد السنين العجاف سمان
والباسط الله للنعمة

وقاضي الحاجة الرحمان
جل وعلا واسع الرحمة

#سلطان_خضران

المحق كله في الاخـوان
ياشعب الايمان والحكمه

اللي دعو الانس هم والجان
على غدانا وجو زحـــــمـــه

فلعنة الله على الشيطان
واخوانه اهل اللحا الدسمه

#عبد_القادر_داود

بالمختصر كل شـي قـد بان
و ابتان قبح الـعـرب جـمّـه

ذي ما ترجل فـي المـيـدان
بالحظر جا يمحي الوصمه

و النفط ذي مـحـتـجز للآن
يعكس لنا النصر كم حجمه

#عبدالرحمن_الريامي

‌‎لاشمر البــــدر والبــــركان
والعاطفــي عمَّر الشـــرمه

بايقوح الثــعل من جيزان
والشارقة تلغف الصـــدمه

شرَّق صميلك يروك انسان
او ذِل تصبح بلا حـــــرمه

#سيف_حسن_العامري

دام المسيره لها رُبان
نسل النبي مرتبط باسمه

تحركاته على القرآن
دستور با الفعل والكلمه

قل للنواقص وبن سلمان
وامريك والتركي الجزمه

#علي_محمد_المحاقري

العين بالعين ياورعان
والنفط ماعاد له لزمه

لا لي ولا لك ياسلمان
وشـلـهـا مـنـي كـلـمـه

أرامكو اليوم بالنيران
باتحترق حزمة حزمه

#الشاعر_محمد_ابوالعز

من غيرهم حلف الامريكان
ذي حاصرونا بلا رحمه

اعداء للارض و الانسان
و أُس الارهاب والظلمه

مهما بلغ منْهُمْ الطغيان
صمودنا مرتفع عزمه

#ابوشاكر_المضماري

ما حد سببها سوى العدوان
والمرتزق يدي الخدمه

من هو يبا يملي الخزان
صافر وكمه ورا كمه

ياشعبنا رصو البنيان
ومن رجع سعره الجزمه

#الشاعر_ابوعيسى_هيسان

لو عالم الصــــمت له لسّان
مابه مســــــارب ولا زحمه

كم يكرهـوا موطن الايمان
وكم يحبـــــــوش يالنجمه

لاكن مع اهل اليمن رحمان
سبحــان من رحمته رحمه

#ابوليث_مران_عردوم

واحنا مع ضيف بن سلمان
ونأيد.. القول... والكلمه

والشعب واعي وهو فهمان
إن اليهودي سبب.... همه

واحنا لها ل ادبر العدوان
نديه ..كمه ...ورى كمه.."

#زيد_الحوثي

هو قال قد إيــران في مـران
وشنها هجـمــــه وراء هجمه

حاصر نفوس اضلاعها تبتان
ويفرح بالاستعمار مثل أمــه

الله عنهم قـــــال في القرآن
لا يــــــرقـبـوا إلاً ولا ذمــــه

#ابوإسلام_الحداء

الحل بالقدس والبركان
بـــدون رأفة ولا رحمة

لامـا تــــغدر من الدخان
شهرين كامل على الأمة

وابشر بضاحي وبن سلمان
تبوس الاقدام والجزمة

#شهاب _المتوكل

قل لليهودي والامريكان
شعب اليمن قالهاكلمه

المجاراة عن استبعاد هادي واعلان ما يسمى مجلس القيادة الخياني والمتناقض..

البداية من الشاعر #عزيز_الردماني

اول الحرب واحد وآخر الحرب سبعه
كل واحد من السبعه حكومه لحاله

الزبيدي مشعّب في عدن هو وربعه
والعليمي مع الوحده وضد انفصاله

بالصور داخل المجلس والاجساد جمعه
والعمل كل حد يعمل مع بيت خاله

الشاعر #بسام_شانع

تسعة اعوام من واحد وعشرين تسعة
في مسيرة بدت من يوم بدء الرسالة

ما يجد في صراط الانبيا خط رجعة
امر الامة ممثّل في محمد وآله

وجه يصبح على صفعة ويمسي بصفعة
ما يمثل وجيه القوم لو هم حثالة

#ضيف_الله_سلمان

كل ما كان واجب عندهم صار بدعة
حسبما تقتضي فتوى شيوخ الضلالة..!!

كانت الامس شرعيّة بحاجة لفزعة
لكن اليوم شرعيّة بحاجة إزالة..!!

لو يجيبوا ورا الصلعة مائة الف صلعة
روسنا روس ما تتبع ذيول العمالة..!!

#يحيى_العطيف

صدق ياعبدربه قالو الحرب خدعه
وانت مصروع من حن هربوك في شواله

بعد ما انزلت لجل المملكه كل دمعه
قالو ارحل وغادر مابقى لك كفاله

شغلوك التحالف ضدنا شغل قرعه
واخرتها رموا شرعيتك للزباله..

#بندر_السقاف

‌‌‎راح هادي مراح مقيط من دون رجعه
غيرو وانذقو بالمرتزق فالزباله

تحرق الدفعه الاولى وبدل بدفعه
هم سوى كلهم مافايده فالاطاله

شكلو ذي تبو منهم وقومو بخلعه
يابن سلمان علمهم فنون العماله

#ابوسياف_البيحاني

بدلوا مرتزق صلعه بخاين بصلعه
كلهم دمهم يجري بدم العماله

سيئ الذكر سلمها لمشبوه سمعه
كل واحد معه معشر ومقرى لحاله

باعوا اوطانهم اصله وفصله وفرعه
عاشوا الذل والعيشه بذله فساله

#عبد_القادر_داود

انتقادات و استـغراب مـن كـل بقـعـه
حول ما صار للدنبوع بعد اســتـقـاله

شاهد الحال يعطيك الاجابه بسرعه
صار ما صار و السبعه يغـطو بـداله

سبعه انذال في سدادة الحكم دفعه
كلهم يرضعو من نفس ثـدي النذاله

#ابوصالح_العملسي

بعد ما قام ابو جبريل من ارض نقعه
صفد اهل الردا واهل الخزا والضلاله

سبعه انجاس في فندق وزايد وربعه
كلهم والخــساسه في وجيه العماله

بعد ســابع سنه ما فاده الفين طلعه
والقســـم ما يحقق في يمنا مناله

#فــارس_المعــزبي

طلعة البدر فينا يا مسرّج بشمعه
خير من كل شمعك ذي ملان الشواله

نور من نور ربي له مكانه ورفعه
من تــولّا لغيره عاش بين الضلاله

لو معه الف مجلس كل مجلس ببقعه
إنهــم آخرتها يرتمــوا لا الزبالــه

#محمود_الجنيد

السعودي يدّور جوهرة وسط (ضفعه)
والتحالف يقولو من سِبق شلها له

مثلها شرعية هادي والانذال جمعه
يبحثو في سراب اوهامهم عن جلاله

اصلع الراس لو يأتي بسبعين صلعه
مايخذ شبر من تربة محمد وآله

#ابوقصي_العويري

حكم هادي ثمان سنين هو غير متعه
حكم مافيه شور لولد محسن ولا له

انصحو ذي في المجلس يروحون جمعه
قبل مايسحبوهم لا محل الزباله

من بغى العز يلحق صف قومه وربعه
ومن بغى مكسب الهانه فياخس حاله

#عبدالواسع_صايل_الغولي

سبعة اعوام والايام مرت بسرعة
وابن هادي مع حيث فلت ابليس عياله

بدلوا شرعية هادي بطارق وزرعة
المسمى اختلف والفكر مابش بداله

يا ابن سلمان لو باتحشد الكفر جمعه
فاعرف ان الهزيمة قادمة لامحاله

#عزالدين_جحاف

ياجماهير شعبي يا الله اليوم جمعه
للبنا للجهاد لكل حاله مقاله

الدنابيع خون أولاد سبعين وسبعه
فرطوا في اليمن هل بعد هذي النذاله

أنبذوا كل خائن كيفما كان طبعه
حلف الاشرار مايمكن يحقق عداله

#ابوريام_الطاهري

ابن منصور ناصرهم على قتل ربعة
واصبح اليوم في ورطة مورط لحالة

والسعودي قصفنا بالصواريخ شبعة
والله انة غدر صنعاء وعندة فسالة

مارشاد العليمي مثل منصور طبعة
مرتزق باع في سوق الخليج الرجالة

#عبدربه_الحداد_البيحاني

كل من ذي يجي حضه على عين طبعه
وانت ياهادي اصل المنذله والفساله

من طلع مالقوله عند الاحلاف قطعه
بس مركوز فاضي ينهبو من خلا له

بس شعب اليمن باينتصر رغم رضعه
بذن رب العباد الله مولى الجلاله

شاعر الباديه #سلطان_خضران

بعدما راحت الشرعيه لاغــير رجعه
والامل خاب والعـــدوان قرّب زواله

لويعود الشعر ينبت وسط كل صلعه
عودة الشرعيه صنعاء ستبقى محـاله

والذي ماجمع عقله و لقـــوه سبعــه
بعد سابع سنه لاعــاد تضنى لحــــــاله

#صالح_النقيب_الجوفي

اول الشرعيه في جير واحد ونتعه
فضت الجير من سفح الجبل لاسفاله

لو يعشق ميت سابع فمافيه طلعه
ذي محمل عليها ماله الا الحماله

هاكذا من يبيع العز والقاه سلعه
وادخله لشرا والبيع سوق العماله

#عاقل_بن_صبر

هكذا ينتهي حال المنافق ووضعه
من تطمع في ارباحه خسر راسماله

هكذا الكذب تتناقض حباله بسرعه
والوفي منهم يعمل بقدر الحواله

هكذا سعلة الشيطان يا اخس سلعه
من فقد قيمته في السوق جابوا بداله

#امين_التركي

ابن منصور هادي اول انســان ضفعه
ماعرف قيمـــــة الصلعه وبطل خباله

لو عمل منها إلـــــــواح للشعب جمعه
ان هو ولّد الكهــــــــرب الّينـا ل حاله

عـز الـيـمن من عزة القايد
و ذل العرب من ذل قادتها

الأمــركـة يـا بـايـدن بـايد
و الصهـيـنـة حانت نهايتها

بـا نقـطع الصادر مع الـوارد
في البحر و نقاطع بضاعتها

حـرام لـوما زد بـقـي واحـد
ما تـبـلـغ إسـرائـيـل غـايتها

#عبد_القادر_داود
#اليمن_قول_وفعل
#فوضناك_يا_قائدنا

المجاراة بعنوان موقف الشعب اليمني من ‎#تحالف_حماية_السفن_الإسرائيلية

البداية #ابومالك_الكوماني

ما خوفتنا قوى امريكا ولاحلفها
ولا سِوى من عذاب الله وحده نخاف

بقوته بانشــردها ومـَن خلـفـها
وعود ربي جلية ما عليها خلاف

#ضيف_الله_سلمان

الامركة ساقها ربي الى حتفها
وكل الايدي والارجل تنقطع من خلاف..

على يدينا نهايتها برغم انفها
عدوة الله قد هي فالسنين العجاف

#عباد_ابوحاتم

شعب الكرامة رفع للمرجله سقفها
يوم العروبه رجولتها مجرد غلاف

والحرب لا قايد الثوره قرع سلفها
تستنفر الارض ويصيب الزمان ارتجاف

#أبويوسف_القاري

في البحر الاحمر مهمةشعبنا نسفها
تغرق وتحرق بوارجها اذا جت صواف

وكل من لف والا صف في صفها
ياويله الويل من يحتط وسط المشاف

#جبر_المسعدي

ذي زف فرعون لابحر الغرق زفها
وباتشاهد وباتبصر ذي ابصر وشاف

باتنعطف لنفجر طوفان في عطفها
ويفطر اكبادها فاطر في اخر مطاف

‌‌‎#ابوالمازن_الشريف

حلف الشياطين واذنابه وما لفها
يرحب على نار تحرق من دخل في المشاف

بفضل ربي جنوده ما غمض طرفها
تترصد الخصم في بحر اليمن والضفاف

#عبدالسلام_الطالبي

جينا على مبدأ العزة وأعرافها
يمن وإيمان حكمة مانهاب العجاف

لويحشد الغرب قواته هنا نسفها
الشعب والجيش جاهز ماهناك احتراف

#ماجد_المطري

في عصر فيه الحقايق قد وجب كشفها
ياشعب الإيمان شمِّر بالسيوف الرهاف

عدونــــــا الأكبــــر امريــكا وذي خلفهـا
واذا قطعنــــــا يـد الصهيونيه لا خلاف

#ضيف_الله_هجوان

بين ارى قوة امريكا دنى قطفها
والنهايه قريبه من قطيع الخراف

يشهد الله باندعس على لقفها
مالها الا اليمن يهقر لها بالمشاف

#الشاعر_ابو_صقر_شعلان

الروس قد اينعت وحان لك قطفها
ياشعبنا واحسم الضربه في اول مطاف

باندعس الامركه ومن مـــع صفها
بصف مرصوص مامثلـــه ولا اصتفاف

#محمد_ابوالعز

المـوريـــات المـغـيــره جهزت عـصـفها
والبحر الاحمر على ناره لوقت القطاف

يتخطف المـ.ـوت ذي حنّت الى خطفها
واجب عليها هي اللي من عدانا تخاف

الامـ.ـرڪـ.ـه لا ارهـ.ـبتنا لا و لا حـلـفها
وكل اساطيلها في وسط عين المشاف

#عبدالقادر_البنا

أمريكا غير اقبلت لجمع مصروفها
هي هكذا كلما حلَّق عليها الحراف

والحمد لله ما نرقص على دفوفها
ولا اعترفنا بها من قبل أي اعتراف

ما نعرف الذل يدعينا إلى خوفها
والا فلا كان منا للسفن اختطاف

#سلطان_خضران

قشه يقول الشهيد القايد بوصفها
لاشي يعني ومن معها تحالف ضعاف

يلعن ابوها ويلعن من يلف لفها
ترحب على الموت لاجت والمنايا زعاف

#محمد_بلابل

قولوا لمن قد تصهين لا يودف بها
شيطان واشنطن الراعي لغثة خراف

يرحب بجيشه واساطيله ومن حبها
واحنا نضيّف عدو الله أحلى مضاف

#شداد_حُميد

لو يحتشد كله العالم الى صفها
في صفنا الله نعم الصف والاصتفاف

وبنتها المجرمه لا بد من حذفها
من الخريطه بدم الابريا والضعاف

#الشاعر_ابوجهاد_صبر

تحالف الشر ضد الخير في صيفها
مابا ينتّج ويثمر لو ترابه خراف

قُل للقوى الغربيه عيني علا كيفها
بالجؤ والبحر هو والبر صوب المشاف

#رامي_السوداني

الامركه باتلاقـــــــي مننا نسفها
وغزوها لليمـــــــن بايصبح آخر مطاف

من الخريطه علينا قد وجـــــــب حذفها
ونظيف نصف اليمن ذي ليس فيها مظاف

#ابو_هادي_الغمري

قريش فـــــــي يوم الاحزاب انتها حلفها
من هول ضربة علي ذابت قلوب الرهاف

واليــــــــــوم الاحزاب با تاتي الى حتفها
حفيد حيدر مـُطور ذو الفقار ابـ مشاف

#أحمد_الخاشب

أئـمـة الـكـفـر با تـلـقـى جـزا اسـرافـهـا
على يدينا عذاب الهون خـتـم المطاف

يا الله تـعـمـي بـصـايرهـم ولا تـشْـفـهـا
لا يوم نتخطّف ارواح اليهود اختطاف

#ابويحيى_الاشرم

والله لو تحشد امريكا مع صفها
جيش العرب والعجم وابقارهم والخراف

هيهات شعب اليمن يرتاب من زحفها
بقوة الله باننسف ابوها انتساف

#عبدالله_الجرفي

البحريه با ترحب لا وصل ضيفها
يرحب على الحاصل اصحاب الكبود الرهاف

تجمع وتحشد علينا الصهينه حلفها
واحنا لها راس ديمونا براس المشاف

#عبدالعزيز_الغرباني

ضفادع البحرية مستقبلة ضيفها
واشواقهم في لقى أمريكا يزل الغلاف

البحرية جاهزه والشعب في صفها
واحنا أولو البأس باننفر ثقال وخفاف

#عبد_القادر_داود

في أوج قـوة مواردها بـدى ضعفها
و رغم ضعف إقتصاد الشعب محنا ضعاف

و ما التحـالـف علـينا غير مـن خـوفـهـا
منّا ، كما احنا نخـوّف دايماً ما نخاف

هي تستغل إزدهار السوق في صفها
و إحنا نسوق المنايا لا قد احنا حراف

#الشاعر_ابوحيدر_عامر

هاتو قوى الكفر والطغيان لا حتفها
هاتو الاصاطيل تغرق لعن ابوا من يخاف

احنا لها الحرب يلعن والدي حلفها
فالبر والبحر عين الجيش فوق المشاف

#احمد_الديلمي

حروفنا الأبجدية باتزيل حرفها
والعبرية تحتذف لا سلة الانحذاف

الله خلقنا لهذا اليوم في نسفها
من بأس شامخ محزّم بالنصال الرهاف

#ابوعبدالله_صالح_عنبل

اختارها الله ربي و اعتمد صفها
لنصرة الحق بأرضه و انتصاف الضعاف

تابع المجاراة عن (يمن الايمان والحكمة والجهاد )

البداية #ضيف_الله_سلمان

يايمن في شموخه ما انحنى للعواصف
في سماه التقت امة ونهج وقيادة..

صرخته في السماء راصد ويافا وقاصف
جسدت قوة الموقف وصدق الارادة

#عزيز_الردماني

شعب الايمان والحكمه مع الحق واقف.
ما تعاما عن الباطل ولا اعلن حياده.

أمس واليوم تشهد له جميع المواقف.
شعب مؤمن ومتولي صدق في جهاده.

#ردفان_الرقيمي

شعب شامخ شموخ الشامخات النــوايف
في جــروحه فتح لـ اطفال غــزة عيــادة

حول قــايد علَم طـافت جميع الطــوايف
واستقامت معى السيــد تصون السيــادة

#ابوعلي_عبدالله_القاسمي

موقف المؤمن الصادق يوحد مواقف
والمواقف لنا في الحرب منهج وعاده

والقياده وراها شعب الإيمان واقف
في وقوفه صناعة مجد والا استعاده

#ماجد_رشدان

معرفتنا برب الكون جسر المعارف
عرفتنا طريق النصر عبر الشهاده

من دخل بحرنا يرجع قدالريق ناشف
وان رجع بر لا يحلم يروح بلاده

#زيد_الخراشي

جاري الشحن للتاريخ باعظم مواقف
يارجاجيل تتسابق لنيل الشهادة

يجعل العالم ادناها على رجل واقف
صاغها شعبنا داخل وخارج بلاده

#باسم_مساوى

جوك ياقدسنا الاشرف حماة الطوارف
رهن إشهارة أعز إنسان واعظم قياده

قلّ لصهيون ماشعبي من الموت خايف
مثل ما الحرب عاده عنده الموت عاده

امس بصمـوده وعــزمه أذل التـحالف
واصبح اليـوم يدي كل ملعون زاااااده

#عبد_القادر_داود

راعـي الأولـة يا اول بلد في المواقف
وقـفـتـك تثـني الـبـاغي و تقهر عناده

ما رفعت المصاحف يوم رفع المصاحف
بل رفعت الرؤوس و راسك أنته زيادة

#أبومالك_الكوماني

شعب مقدام في وجه الطواغيت واقف
مايساوم على دينه وعِـــــــزة بلادة

أرهق الحزم واسبيدس وكمن تحالف
واختياره طريق النصر والا الشهادة

#ابوعبدالله_صالح_عنبل

شعب من قوة ايمانه ثبت بالمواقف
وانطلق في سبيل الله يحيي جهاده

فأرعب الغرب و اتحدى ملوك الطوايف
في قوى الكيد و التضليل واصل حصاده

#عبدالله_الجرفي

شعب واقف مع غزه ولا زال واقف
بأسنا اشد من حرب الفنا والإباده

مثلما أمس طعفرنا البواخر شقادف
با ندعس خشوم الصهينه بالبياده

#مقبل_جرام

و الهزبر اليماني للطواغيت واقف
كلما اشتدت الهيجا يزيد اتقاده

من هدى الله والحكمة صنع كل ناسف
فالصناعات يتربع بعرش الريادة

#ناجي_القطيبي

يايمن في يده للحرب قاصف مناصف
موقفه جنب. غزّه يستحقّ الاشاده

قايده مابلغ مثله من الوصف واصف
قد زرع فى قلوب النّاس حبّ الشهاده

#رامي_السوداني

من مع الله والمختار ماعاش خايف
وال بيت النبي لناس قدوه وقاده

الله اكبر على الاعداء مّثيل القذايف
افشلت مكر واشطن وهددت فساده

#الكرار_المشراقي

شعب جبار لانـكـف كمالسـيل جـارف
لجل دينه والاقصى قام وسرج جواده

تحت راية حفيد الطهر سيد المواقف
بايواصل مع الله اليمن في جهاده

#ابو_صماد_الفليتي

اشـــهد انه امام الباغية والعواصـــّــــف
ما انحــنى في سبيل الله واصل جهادة

با التـوكل على الرحمن صد التحالـّــــف
وانطلق في رضى الباري لحفظ السيادة

#المنشد_مؤيد_التوهمي

قوة_الشعب تعجز ذي محلل وواصف
يكرمو الضيف والغازي يذرو رمادة

شعب الايمان ذي با الحق واقف وناصف
ساعةالحرب أما النصر ولا الشهادة

#أبوصخر_الجوحمي

شعب في نصرة الاسلام صدر مواقف
من بداية ظهور الدين لليوم عادة

شعب بالله مايخشى ولا يوم خايف
السبب شعب مؤمن والهدى والقيادة

#وسام_الحنش

المواقف سلف وحنا رجال المواقف
كل ما اتزايد التصعيد زدنا ارادة

وقع صرخاتنا مثل اللهب والقذايف
مسكتنا على حرب العبث والأبادة

#طه_الرازحي

يشهد الله مابه مـثلـك الـيـوم واقـف
جنب غزة سوى المحــور وقله زيادة

موقفـك في صدارة مطلقين المواقف
موقف إسناد متكامل حري بالاشادة

#ابوحرب_مشحم_صعده

اشهد ان موقفك لن يوصفه أي واصف
واشهد انك لغزه واهل غزه عياده

لك سلامي عدد ما خاب جيش التحالف
ياديار المعالي والشرف والسياده

#ماجد_المطري

عاش شعب الحضاره والشرف والمواقف
عـــاش درع القضيـــه والسـلاح وزنــاده

خلف قايـــد محنَّـك مرَّغ انف التحــالف
مايهـاب المعـــــــارك نصــر والا شهـــاده

#الشاعر_متاش

ياالحصون المنيعة والجبال النوايف
شعبنا في سبيل الله شامخ زيادة

لو تحالف عليه الكون ماهو بخايف
كل هذا بفضل الله ثم القيادة

#عبدالوهاب_الفقيه

الكيان المؤقت اصبح اليوم خايف
ماتحقق في الاقصى وغزه مراده

واليمن بايخذ ثار العول والمكالف
من قوى الشر ذي شنت حروب الاباده

#علي_الوزير

رغم قسوة ظروفه هب ماقال اسف
لاهل غزه ولا اعلن مثل غيره حياده

بل فداها بمايملك وسـطر مـواقـف
مامعه قصد غيرالنصر والا الشهاده

#ابورفيق_الحدم

هامته شامخه باالعز في راس نايف
ماانحنت غير للباري وصفوة عبادة

من مضى في المسار الصح انسان عارف
مده الله من فضلة مقابل جهادة

المجاراة عن العدوان الاسرائيلي على #لبنان

البداية للشاعر #جبر_المسعدي

في طريق القدس بالدم سجل يازمن
ان نصر الله غالب وحزبه غالبون

واليمن كل اليمن جيش للسيد حسن
قوم(لاخوفٌ عليهم ولاهم يحزنون )

والشهاده عز والعز ماشي له ثمن
من عرفها (قال ياليت قومي يعلمون )

#ضيف_الله_سلمان

عزم صنعاء مثل بيروت دايم ما وهن
تبشر اسرائيل بالموت الاحمر والمنون

والنفس ياقدس قد لاح من ارض اليمن
والمنايا قادمة والاشداء قادمون..

والمواقف والحقايق تجلت للعلن
كم تأكد مسلمون ان ماهم مسلمون!!

#أبورواسي_أرحب

والقسم يالغرب ماعذر من دفع الثمن
ثار بالمربوع من مال خيبر والبنون

ياحسن نصر الله أبشر ونعلنها علن
عاد في ضهرك ملايين حمران العيون

عهد لومازد بقا مننا إلا أبوكنن
إننا وياك  واحد نكون أولا نكون

#ابوجابر_صبره

زمرة اسرائيل قال التهامي (ودفن)
ودها تنجى وتبقى وهذا لن يكون

ومحور الوعد الإلهي أتى يثبت سنن
تجعله في حالة (إني أرى ما لاترون)

وانتهى سمن البقر بعد ماجف اللبن
واصبح الراعي بلا فيتمين ولا دهون

#محمد_الاخرم

ماخــــــــضعنا للطواغيت كلا والف لن
عهد يابيروت لا نسقي الخصم المنون

دمنّاء واحــــد وبا ننهي المجرم معاً
ومثلما صنعاء وبيروت غزة ماتهون

والقــــسم لا يــدفع اللوبي المجرم ثمن
ومن مع إسرائيل والغرب بكرة يندمون

#أمين_العملسي

الله اكبر والله اقوا وحن به نستعن
وحده الجبار سبحانه وفيه الركون

واليمن لبنان تبقا ولبنان اليمن
صف واحد كلنا يانكون اولانكون

نذر لاماجا للكيان اليهودي يوم جن
وانعجن والافماحن حمران العيون

#مانع_البوساني

با نقاتل شلة الشرك عُباد الوثن
لا تراجع لو نضلي نحاربهم قرون

حرب لوما زد بقي حد ولا يبقئ سكن
شعب الايمان الأبي ما يخيِِّب للضنون

كلنا في صف واحد ونعلنها علن
نفدي الاقصئ وغزه بالاموال والبنون

#ابوشاكر_المضماري

سيدي عبد الملك رزح للسيدحسن
واليمن لبنان والكل حمران العيون

في ابتغاء القوم لا ضعف فينا لا وهن
وان تألمنا فهم مثل ما احنا يألمون

بلغو غزه وبيروت تبشر باليمن
والله انا جيش محور علي ذي ما يهون

#ابو_غسان_الحدي

اليمن لبنان والضاحيه صنعاء اليمن.
صف واحد صفنا صف كل المؤمنون

القضيه قدس وارض العرب كامل وطن.
وسعوها حرب شعوا نكون او لانكون.

ياعبيده من خذل قال جاهد بالسنن.
والوفي من دك صهيون والمتصهينون

#ناجي_القطيبي

قل لبوهادي وحزب الله ان اهل اليمن
جنبكم. في. معركة يانكون اولانكون

كلناّ اخوه. اشقّا. ويجمعنا. وطن
الكرامه ساكنه في قلاعه. والحصون

من رما. بيروت بالطايره والميم. ون
بايجيه الرّد من. عند. حمران العيون

#فارس_المعزبي

شعبنا حامـل سلاحه ولابس للكفـن
جنب حزب الله واقف وبالله الركون

العدو واحد ومسئول عن كل الفتن
باليمن والشام والقُدس محراب السكون

قد عرفنا حجم راسه" وكم وزنه يِزَن
هو فقط يخرُط ويكذب ويلعب بالدقون

‌‌‎#عبد_القادر_داود

الـيـمـن ، لبنان و العــكس لبنان اليمن
حالـنـا و الخصم واحد و غزة ما تهون

يا الكيان المغتصب لا و لن يمكن و لن
نتركك تضرب و تهرب و تلعب ع الدقون

يا بـها و الا عليها ، على الله الركن
ويا انت يا احنا بينها يا نكون او لا تكون

#ابوشهيد_القطمي

با نخوض الفاصلة لا تراجع لا وهن
لعن ابوة من في قتال اليهودية يهون

وصلوا للضاحية عهد صادق مؤتمن
ما نفرط با اهل غزة ولا يمكن نخون

ما يمثلنا عميل او مطبّع مرتهن
كلنا في المعركة يا نكون اولا نكون

#علي_الشعيثي

ياجنود المسكنة والمذلة والوهن
ابشرو بالموت من يد حمران العيون

رد صنعاء بايلبسكم اثواب الحزن
ثار للميناء ولبنان درعي و الحصون

والقضية ذي عليها دخلنا في الفتن
في طريق العز اما نكون او لانكون

#محمد_البريهي

محور الأقصى ولبنان والأم اليمن
والعراق الحر واحد ومهما با يكون

رافعين شعار هيهات ذلة للهين
في خطى المختار طه وآله سائرون

والقسم بالله مايوم نرجع لا ولن
عن قضيتنا وفي كل لحظة حاضرون

#سليم_نشــــوان

ياحسن نصرالله انت الأمين المؤتمن
للمبادي والقيّم مايبيع ومايخوون

قاد حزب الله ابطال مافيهم وهـّن
ذي سقوا صهيون في المعركه كاس المنون

اليمن رهن الاشاره معك واقف علن
كتف جنب الكتف اما نكون اولا نكون

#ابوكنعان_الروس

اليمن لبنان ولبنان يا مجانين اليمن
في الميادين والمتارس والحصون

الجسد والراس صنعاء والمشاعر والبدن
والفؤاد والنبض لبنان يا يمنا والعيون

الوطن ثم الوطن ثم الوطن يااغلا وطن
ما نبيع الدين حاشاء والنبي مهما يكون

#ابوجهاد_صبر

اليمن لبنان واحد ولبنان اليمن
ياسبيل الله يا (خير مما يجمعون)

لا قلق لا خوف لا ضعف فينا لا وهن
لجل غزة ما نكيل او نميل وما نهون

بانخوض اعتئ الشدايد ونتجاز المحن
ونلعن الكفار من وحي (كانوا يتعدون)

#ابوميثم_الزراع

الف لبيك حزب الله من شعب اليمن
يانكون من جنودك أو إلا لا نكون

المجاراة

البداية #رامي_السوداني

مثلما قالها السيد في الكلمه
محور الحق ثابت بعد قاداته

لن ينالو من المحور ولو ف ٲسمه
و ردنا للعدو ٲول نهاياته

والثقه بالقوي والعلم هو علمه
جل من طور المحور وخِبراته

بايجي الرد كلاً بايجي قسمه
وعد من هو تمادى نقطع ايداته

#علي_داشع

ومثل ماقال مابه حل للٲمـــه
غير حل الجهاد ونيل مرضاته

مستوى الرد ما باينوصف حجمه
والعمل فيه جاري تجر خطواته

بارك الله فالمـحور وفـي عزمه
ذي تغلب على الصهــيـو وقـواته

مالعرب ماعد لهم عندنا قيـمه
بعد ما القدس منهم زادت اهآته

#ضيف_الله_سلمان

محور القدس شاهد يوقظ الامة
جسّد الدين من كل اتجاهاته..

طاغي ارعن وصل طغيانه القمه
يوم سلم نتياهو قراراته

معتدي ما رعى إلّاّ ولا ذمة
با نعطل موانيه ومطاراته..

فجر طوفان الاقصى بدد الظلمه
واليهودي قد اتلاشت طموحاته

#الشاعر_عزيز_الردماني.

يا فيالق وصي طه وبن عمه.
الذي ما حسب مرحب وقواته.

افزعوا واعملوا للمعتدي كَمَّه.
مثل الاشتر في اهجومه وكماته.

كل حد يلطمه ملطام من يمه.
عرفوه ابن أبي طالب وضرباته.

بعد ما ضيف إيران انسفك دمه.
حققوا وعد ربي ذي في آياته.

#الحمزة_المغربي

الجهاد الجهــاد الهمــة الهمــة
يا لثارات الاقصــى يا لثاراتـه

قل لصهيون ثأر الدمّ من دمّه
غارة الله الاقـوى رد غـاراتــه

بـا نجرّع أبوه‍ المــر من فـُمـّه
ردّنــا رد مــا تحصى مساراته

والذي با يقف جنبه ولـد عمـّه
ندعس انفه ويتجرّع خساراته.

عبدالله_الجرفي

طل بدر الضيا ذي بدد الظلمه
زادنا معنويه من خطاباته

نحمد الله مولا الفضل والنعمه
شعبنا فوضه واعلن موالاته

يارجال كل واحد يشحذ الهمه
نحو مسرى النبوه يا لثاراته

يا فلسطين هذا العهد في الذمه
نفتح المسجد الاقصى وباحاته

#أحمد_الخاشب

يا الله اليوم كلن يشحذ الهمة
بالعمل وفق نهج الله وآياته

منهجية رسول الله والحكمة
محور الحق جسدها بوقفاته

ما لصهيون غير الضربة الدسمة
من لظى ذو الفقار ونار غضباته

لا وساطات مقبولة ولا قمة
تمنع الرد الأكبر وارتداداته

#علي_الشعيثي

شعب الاحرار واليمان والحكمه
كلمة الامر بالمعروف كلماته

بايحاسب من اتجبر على جرمه
مايصدق منافق في دعاياته

اعرفو رد قاسي ينصر الامه
وعد من قائد المحور وقواته

قد هزمنا اليهودي وتضح حجمه
بعد ماكان يستعرض اثاراته

#عبد_القادر_داود

يـا علمـنا مكانك دوم في القمة
يا دواء القلب ذي تسكن بدقاته

كلمتك طب شافي كلمتك كلمة
قولك الفصل في كل انطباعاته

ويل من كنت في ساح الوغى خصمه
و سُعد من كنت له قايد طموحاته

خض بنا البحر دونك قوم ملتمة
و اليهـودي على نفسه جناياته

من سباطين ابو عطفة و ابو شرمة
و من صواريخ تتحدى دفاعاته

#محمد_المنصور

باننسّي "النتن ياهو" حليب امة
و"الكيان المؤقت" حان ميقاته

يشهد الله لا نثأر بلا رحمة
كاتب الدَيَن سجّل كل غاراته

بانقاضيه بالهجمة مية هجمة
رغم انف المريكاني وقواته

وبقوة الله بانستأصل الظلمة
وموعد الفتح قد لاحت بشاراته

‌‎#علي_مغلي

يبشروا بالفنا والخزي والنقمة
عاد عزران با يوصل بقواته

محور النور بايقضي على الظلمه
دام وآل النبي للحق قاداته

هم سفينه تخارجنا من الهجمة
والحكيم العليم يتم كلماته

واليمن عندها في كل شي بصمه
قل لصهيون با نغلق مطاراته

#ابوعيسى_هيسان

والله ان العلم للكون ذا رحمه
جابه الله يطبق كل آياته

يالعميل ارتقب هجمه ورى هجمه
بعدما يعلن القائد خياراته

والذي مافهم خانة حليب امه
بايجي يوم يذكر كل كلماته

يوم يحرق نتينياهو مع النجمه
والشعارات ترفع في مقراته

#حسن_المهدي

منتهى العمر صفحه والاجل كلمه
والـقـلـم نــهـج وايــامـه كـتـابـاته

والـقـضـيه حـمـلـها قــايـد الامــه
يــوم غـيـره غـرق فـي لا مـبالاته

والـيـهودي عــدو الله مــن يـومه
والـجـريمه شـريـعه فــي مـوالاته

وانـت يا موطن الايمان والحكمه
ردك انــكــى عـــدو الله وقــواتـه

#ابوبدر_ذيبان

ومثلما قال لازم نرفع الهمة
يارجاجيل كلن في مجالاته

البصيرة سلاح المؤمن القمة
نلتمسها جلية في خطاباتة

شعب الايمان ثابت ماوهن عزمة
رغم انف العدو طور مهاراتة

#أبوحاتم_عــكــه

قادم الرَّدِّقادم موعـدالـهـجـمـه
قاب قوسين واقرب من بداياته

رد حاسم قوي خالي من الرحمه
يجعل الـخـصـم يترقَّـب نهاياته

ننقل الـحـرب لاياڤـامع الأزمـه
مسرح الحرب ميدانه وساحاته

ردِّ يقطع ويُـبعد عن جسدأمَّــه
الورم يهزم اسرائـيـل وحـمـاته

#علي_خالد_النمري

لملم الوضع ياشعب اليمن لمه
مابه الا انت متمسك بعاداتة

ردك الرد ذي خلا العدو رمه
به كذا شعب يحمل فوق طاقاتة

به كذا شعب رافع راس ماهمه
نتن ياهو ولا همه صناعاتة

رافع الراس له قايد ظهر نجمه
ماحدا صد ياسرائيل هجماته

#أبوخارف_ابوشوصاء

محور الحق ثابت مانقص عزمه
بايرى الكل صولاته وجولاته

واليهودي سيتعاقب على جرمه
يشرب المر ويذوقه بكاساته

بانجازيه هجمه بعدها هجمه
والله إنه حفر قبره بيداته

المجاراة عن استهداف حاملة الطائرات الامريكية ابراهام ..

البداية #ضيف_الله_سلمان

قال اليماني في البيان الهام
احنا ضربنا الكفر واصنامه..

لو يحشدوا مليون ابراهام
في شعبنا ما تنحني هامه..

هذا زمان النصر للاسلام
وقوة المسلم في اسلامه..

#أبورواسي_أرحب

عاشت سرايا القدس والقسام
وعاش حزب الله واقسامه

محور علئ خط الأمين العام
علئ طريق القدس وأعلامه

خصمه مطوق باليمن والشام
والبحر من خلفه وقدامه

#وضاح_الحميصي

لن تغلب ابراهيــــم ابراهام
ولا مية مليـــــــــون عوامه

كل القوى كل التـروس اصنام
وقوة الجبــــــــــــــار هدامه

مع سرايا القــــدس والقسام
مقاومة لاســـــــــاعة الطامه

#ردفان_الرقيمي

(قــــــدام خـــط المعركة قــــــــدام)
لا عاش مَن تتــــــراجع أقـــــــــدامه

مِن شِق "سلب أرواح" دعس أخشام
نجازي المجـــــــرم على إجـــــــرامه

والتضحيـــــة با نقتسمها أغــــــــرام
والمــــؤمنين أخــــــــوة وغــــــرامة

#صقر_اللاحجي

الله  يــبارك في اليمن والشام
وفــي لــيالي ضــيف وايــامه

يــاضيف حكام الخليج أقزام
الله  لا  بـــــارك لــحــكــامــه

رؤوســهم عــند الــعدو اقدام
وافــواهــهم زمــيرة اعــلامه

قــمة ورا قــمة ولا حــد قــام
ما هي نتيجة امس " هيا مه "

#عباد_ابوحاتم

يا بحرنا المزروع بالالغام
يا من يريد الموت قدامه

نصره لحزب الله والقسام
نسفت فرقاطه و عوامه

كم حاملة فجرت هذا العام
وادخلتهم في وسط دوامه

#مقبل_جرام

يا زمرة الإفساد والإجرام
احنا لغزة محزم و لامة

ومن تولّى القادة الأعلام
يعيش شامخ طيلة اعوامه

الله يبارك في اليمن والشام
ويلعن النجدي و أزلامه

#فارس_المعزبي

اليوم ما به للضروف احكام
إلا اليماني فارض احكامـه

اعدام لمريكا يفـوق اعـدام
وحــرب غــرَّامـه لغــرَّامـه

وهجوم من جانب ومن قُدَّام
وضرب متواصل ومرجامه

#الشاعر_أبوحيدر_الحمزي

نقولها للخاص هو العام
الكفر لا يرفع ولا هامه

حفيد حيدر كسر الاصنام
داعس على امريكا باقدامه

صلاة ربي والسلام التام
عليه حفظه ربي ودامه

#ابو_محمد_دحان

باننهي الاوثان والاصنام
ونحارب الطاغوت وجرامه

نحكم على أمريكا بحكم اعدام
والبحر الأحمر ساحة اعدامه

عاش اليماني حر ماينظام
والله يلعن كل من لامه

#عزالدين_جحاف

تحالف الطاغوت والإجرام
شعب اليمن باينهي اجرامه

وكل أحلامه غدت أوهام
والموت من خلفه وقدامه

في كل لحظه نصكعه ملطام
ونخلي رأسه تحت أقدامه

#يحيى_الوحيشي

يا قوة الله ايش من ملطام..
دوّخ بالامريكي وخــــدامه..

هذي السنة يا اترمب غير العام..
يسقي عليــك العــام وايــامه..

ايام كنت انت المدير العام..
على بحور الشــرق واقزامه..

خلاص ما به هيمنة يا اقزام.
في اي بــحر الآل حـــكـامه..

#عبدالسلام_الطالبي

شعب اليمن انهك قوى الإجرام
وبعون ربي تنجح احلامه

بالله هو باينكس الأعلام
للحلف الامريكي واقزامه

مابش تراجع سيرنا قدام
والنصر لاحت بيرق أعلامه

ومعركتنا مابها استسلام
بالصبر باترفع لنا الهامة

#عبد_القادر_داود

الكفر غارق في بحور أوهام
و الموت من خلفه وقـدامه

خلفه سرايا القدس والقسام
و من أمامه قـوم غـرامـة

و شعب متولي علم مقدام
يدوس الإمريكان بأقدامه

#ابواياد_المطري

والله ما نسكت عن الاجرام
لو ما بقي في شعبنا قامه

وبقوة الله القوي العلّام
با نهزم الطاغوت واقزامه.

والموت لاسرائيل هذا العام
على يد المحور وقسّامه

‌‌‎#الشاعر_متاش

قدام يا احرار اليمن والشام
وابن اليهودي خابت احلامه

تنكيل بالاحلاف والاقزام
حتى اليهودي يعلن إسلامه

لن نخذل الرضوان والقسام
والقدس بانشفي له الآمه

#الشاعر_عبدالرزاق_ذياب

قل لتحالف بينـنا الايــــام
لابد ماندعس على اخشامة

هذا اليمن ماهو كما الحكام
ذي أيدوا الباطل على اجرامة

باتسقط امريكا أمام أقدام
ابطالنا ذي داسو اقزامه

#يوسف_الحداد

الله يبارك باليمن والشام
ياشعب ثاير في خطى اعلامه

والله يمد القائد المقدام
بالعون والتوفيق في اقدامه

والنصر للمحور وللقسام
والفتح للاقصى دنى عامه

#محمد_البريهي

ولّى زمان امريك والأزلام
وبيتها الأبيض وخدامه

جبنا فضحنا فكرها الهدام
والأدعياء أذناب حاخامه

واليوم نحرق حاملات الخام
وفي البوارج جرح إيلامه

#ابوفتح_الاشول

ضربه إستباقيّه على الأرقام
في باب خيبر خابت أوهامه

ضربة علي في خندق الإجرام
يا خندق البحر اقطع اقدامه

الأمس يشهد واقع الأقوام
واليوم يتكرر بـ صمّامه

#الشاعر_ابوحيدر_عامر

يا ضيف سلم لي على هكام
ماله محول كامل أرقامه

والحاملة محكوم بالإعدام
وجيش واشنطن معى اخدامه

وبايدن راكب على الصدام
والمعتدي لي زيد اجرامه

لي ماسمع غي قارح الملطام
من بعد نخاطه وهنجامه

‌‌‎#الشاعر_ابوصالح_الحربي

فـ البحر اغرقنا قوى الاجرام
وحلف الاعدا خابت اوهامه

هذا بفضل الله والاعلام
يا شعب داس الكفر بقدامه