الليلة مجاراتنا استثنائية..
#حروف_بلا_نقاط..!!!

لكل شاعر ثلاثة أبيات..فقط!!

الموضوع حول (عظمة الله والصمود في وجه العدوان..!!)
15 مارس 2019م

#البدع

ل #الشاعر_ضيف_الله_سلمان



محسوم وعد الله لاعلام الهدى..
والملك له والحكم كلّه والأمور..!!

امام مكر الله..ما مكر العدا..؟!!
ودرس(موسى والعصى) طول الدهور..!!

مكائد اهل السوء لو كادوا سُدى..
أعمالهم سوداء على مرّ العصور..!!

#الجواب
👇
#عبدالرحمن_الخطيب

عاد الأسود وعاد للحسم الصدا
وللمعارك عاد للأحرار دور !!

طوائر الصماد مصدر للردى
على ممالك للعدا وملوك عور!!

حائل مع الأحساء ومكه والهدا
حصارها مدروس حاسم!! دور دور!!

الشاعر احمد درهم المؤيد

(واحد أحد) والحمد له والموعدا
والأمر أمره ، والولأ ملأ الصدور

مَالَك ولإعـلام الـعـدى لـوهـدَّدى
أسلك مسارك والهدى سهل المرور

وإمسك(عُرى إلاسلام)واسمع ماعدى
(وسائل الأعداء) (وهدى الله سور)

الشاعر #محمد_مفلح

حكم الهدى عدّا على طول المدى
دكدك عرى الاعدا وحطّم كل سور

وعد الله الحاسم ولا حول لحدا
أمام حكم الله على مر العصور

حلحل عسر الأحوال لا حل الردى
ما حال حوله حول حلّال العسور..

الشاعرابو غزوان الوحيشي تحدي

أمر الله اعماهم ودوى له صـــــــــــدى..
الملك له والامر ما لــــــــــــــــسواه دور..

صامد صمود الصلد داعس لـــــــــردى..
والله لأصمد وادحر الاعداء دحـــــور..

عمر الاسد ما طاء طاء الراس لحدى..
واولاد سام احرار مررها مـــــــــــــــــرور....

#الشاعر_أحمد_الخاشب

الحمد لله الودود الواحدا ..
مرسل رسول الله مصلح للأمور

حاكم علا ,حاسم طوى مكر العدا..
مُهلك أمم مالوا ,مكرِّر للدهور..

الحُر صدره دار معمور الهدى..
والمارد المطرود له وعد الدحور

عنوان المجاراة
(ذكرى الرئيس الشهيد صالح الصماد) رحمة الله تغشاه..!!
13 ابريل 2019م

#البداية
للشاعر ماجدرشدان

مطلوب من كل شاعر رايق الذهني.
قريحته بالقصيد الجزل مشحونه..!!

يكتب على قافي وموضوعي ووزني.
أبيات جزله ومفهومه وموزونه..!!

مضمونها عهد صادق منّه ومني.
لله مانخذل الصماد ونخونه..!!

نحيا بمشروع (يد تحمي ويد تبني)
بلواء حفيد النبي ونموت من دونه..!!

#الجواب

#الشاعر_ضيف_الله_سلمان

شني دموعش على الصماد ياعيني
في يوم ذكراه قلبي زادت اشجونه..!!

إليك يا الله وحدك باشتكي حزني
من فاجعة من صداها النفس محزونة..!!

على خطى القائد الصمّاد ثبّتني
اجسّد العهد في شكله ومضمونه..!!

بالنصر وإلا الشهادة يالله اكرمني
من بعدما اكسر قوى الشيطان وقرونه..!!

أبو العباس مفلح

غبني على صالح الصماد يا غبني
النفس ثكلى على فرقاه محزونة

لو اجلس ارثيه من شعري ومن وزني
تبقى القوافي ضعيفه خاجلة دونه

ويش يغني الشعر والقيفان ويش تغني
في فقد شامخ به الأمجاد مقرونة

والمجد يرثيه والتاريخ له يحني
هامة عظيمة نطحها الكفر بقرونه

قاسم قاسم السقاف

يالله فيك الرجاءوالقصدوالظني
عالم خفايا البشر واسرار مكنونه

ذكرى الالم تعصراعماقي وتحرقني
ماساه منها قلوب الشعب مطعونه

لفراق من قال (يد تحمي ويد تبني)!!
مرحوم صمادنا واعداءه ملعونه

رئيس في جنة الفردوس متهنّي
عليه تبكي قلاع الشعب واحصونه

الشاعر أبوحيدر الحمزي

ينتابني (الضيق)و(الأوجاع)تحويني
والقلب والروح بـ ( الألآم) مسّكونه

تنوح بصدري(كأباتي) وتزعجني
ومُـهجتي من صنوف (الـــهم ) مشّحونه

(تبكي) حروفي بــ اعماقي وتبكيني
قوافي الشَّعر والأوزان مجنونه

هذا أباالفضل من بــ الفضل تغمرني
ذكرآه ونفسّي على فرقآه محزونه

شاعر بيحان السيد ابوليث

بالله ياماجد الرشدان سجّلني..
واكتب ابوليث ضمن احرار مضمونه..!!

على خُطى ريّس الشهداء وثقني..
اما البناء والاباء او الموت من دونه..!!

والحلف لويحشدوا من انسها وجني..
يسقيه ابوجرف من دم اليمن مونه..!!

اليوم ياالــقاذفات العابره شني..
ومن دماء صالح الصماد مشحونه..!!

الشاعر بدر الكهالي

بالله ثقتنا هو القهار والمغني
وبالدما عرضنا نحميه ونصونه

جميعنا بالقضيه والوطن معني
نحمي ونبني ونطلب ربنا عونه

بمنهج القائد الصماد لن نحني
رؤوسنا غير لله جلّت اشؤونه..

يازارع الشوك للاشواك باتجني
وبانرجّع حشودك كلها (تونة)..!!

#محمد_مفلح

الليلة الليل للهاجس مية جني
يا عون من هو يريد الشعر يا عونه

ذكراك يا صالح الصماد كم تعني
غايات كبرى لها إنجازات مضمونه

حني على الخصم يا الصماديه حني
والموت فوق الغزاه يدق طبلونه

من يزرع الشر بايحصد وبايجني
ما قدمه يلحقه شرعه وقانونه

محمد الطيب

اليل ياهاجسي ارجوك زودني
هات الحروف التي بالصدق مدهونه

اليل ياصفحتي اليل يالسني
كلن يؤكِد صفاء عهدي ومضمونه

اقسم برب السماوات العلا أني
سلاح صالح علي الصمادومخزونه

ولخوض دربه اوصي ابني وابن ابني
يامن سلك غير دربه خابت اظنونه

ابوعلي البريهي

في مثل أبوالفضل والله مارأت عيني
الريس اللي جمميع الشعب يبكونه

ذاك الذي منفرد نوعه من الطيني
من أرضنا فيه محزونه ومغبونه

مؤمن مجاهد مع الله عالم بديني
وحيدري حارب الشيطان وظنونه

والله والله بمضي رغم ما فيني
والعهد له والنبي والآل ما خونه

الشاعرابوناجع المنبهي

حني معي ياحروف القافيه حني
واستنفري من جوانح روح محزونه

في وقت واحد نهل الدمع ونهني
صمادنا اللي عليه الكبد مطعونه

ياليت ربي بما كرمه يكرمني
اي والله ان الشهاده ربح مضمونه

لوللفدا باب كلن قال خذ مني
اللي خرج ساحة السبعين يفدونه

محمد القعواني

ماغبت ماغبت يا أبو الفضل عن ذهني
يشهد صمودي من الصماد مضمونه

باجسد النهج يد تحمي ويد تبني
رغم انف ابليس بيريزه وشمعونه

والله والله ما قوة توقفني
عن المسيرة وعهد الدم ما اخونه

اقوى #مجارااااة عن تجليات هداية الله ورعايته ل#رجال_القوة_الصاروخية والطيران المسيّر !!
لكل شاعر أربعة أبيات فقط..

#البداية من
#الشاعر_ضيف_الله_سلمان

بالله يا(قاصف)(مطار ابها)
بلّغ مطارات السعودية..!!

ذي ماحسبها صح يحسبها
يرفض قوى أمريكا اليهودية..!!

ومكر آل سعود حاق بها
داخل مناطقها الحدودية..!!

(صمّاد) عاده با يخاطبها
يشرح لها معنى العبودية..!!

ـــــــــــــــــــــــ #الجواب ـــــــــــــــــــــــــــــــ

الشاعر بسام شانع

طار المجنح لا مطار ابها
والقى بيان الافتتاحية

فال اليمن تدخل كتايبها
مكة ورى صلح الحديبية

راقب بلا طيار راقبها
هي طيف والا غير مرئية؟

لا قد سرت توصل مآربها
رغم انف الاقمار الصناعية..

ـــــــــــــــــــــــــــ

امين التركي

علّب منااااايا الموت علبّها
وارسل الى المهفوف عيديّه

وانا اشهد انك صح تلعبها
في جمعهم بااهوال فرديه

الامركه خاااااااااابت مأربها
باايدي طوايرنا المحليه

نهاية الطااااااغوت تكتبها
صرخة مسيرتنا العمودية..

ـــــــــــــــــــــــــــ

الشاعر احمد درهم المؤيد

اربع سنة وترمب يحلبها
يا واردين الماء وروديه..

كشف لنا الواقع مآربها
وعربدتها غير عادية

على يدينا الله عذّبها
غارات بالقاصف جهادية..

على خُطى الملصي نأدّبها
(ومن عيوني ياسعودية)!

ـــــــــــــــــــــــــــ

الشاعر يحيى العطيف

غبني لحالك يا مطار ابها
ما لاقــد الغارات يومـيـه!!

وهي مـسـيـّر ذي نجرّبها
فكيف لو قد هي عموديه

ماهـو على راسك نخرّبها
المسأله صارت وجـوديه

ماطاع يمشي في مناكبها
سلمان وابنه ياالسعودية..

ـــــــــــــــــــــــــــ

الشاعر ابوعاقل

المملكه ربك محيطبها
ومزيل كل قرون نجديه

حي المجنح حين يضربها
باقوى حمم فاوقات عيديه

حي المسيرفي مواكبها
بزحوف طيارات زيديه

ذي ماحسبهااليوم يحسبها
قصاص ذه سنه الهيه..

ـــــــــــــــــــــــــــ

حسن السعيدي

سبحان من سخر مواهبها
من بعد الأعوام الجمودية

واشعل قيامة من ضواربها
على المحطات الوقودية

واليوم صار الكون يحسبها
قوة لها أكبر وجودية

ما أظن حلف الشر يغلبها
ولا المنصات النقودية
ـــــــــــــــــــــــــــ

الشريف أبوالمازن

رابع سنه واحنا نطالبها
تكف عنا حرب كونيه

واليوم بسم الله نضربها
وندقها في كل صبحيه

والشرق بايشهد ومغربها
ان اليمن أمه حضاريه

وكاتب التاريخ يكتبها
قصه بطوليه حقيقيه

ـــــــــــــــــــــــــــ

#محمد_مفلح

هاذي اليمن يا اللي تحاربها
هزيمتك مليون بالميه

ما قد خُلق من كان يغلبها
تاريخها هيبه وحرية

كذبتها واليوم جربها
قواصف الجو اليمانيه

لا عد تجعدلها وتقلبها
نهايتك ف الوقت قطعيه..

ـــــــــــــــــــــــــــ

ابو وايل عنبل

خامس سنه وانته مطلبها
وصبرنا فاق الحدوديه

النفس تأبى القهر يغلبها
طبع الرجاجيل الزيوديه

نرصد وامر الله يضربها
تفجيرها هز الوجوديه

حتى دفاعاتك نعذبها
الارضيه والا العموديه..

ـــــــــــــــــــــــــــ

شاعر بلاد الروس

فوق العيون عالي مراتبها
صنعو المسير والعموديه

قواتنا من با يناصبها
فولاذ سواعدها حديديه

العز والناموس مطلبها
تحميه في اعلا جهوزيه

كل المطارات في مخالبها
طاحت على ايديها السعوديه

مسعود الريامي

عاتب قوى الطاغوت عاتبها
وزاور المهفوف ليليه!!

اكشف مواقع عاد واضربها
من الفجيره لاالمعيليه!!

هذا المجنح ذي يفوز بها
خلا مواقعكم سرابيه!!

ونجد صابتها مصايبها
ونهاية آل سعود مخزية

أبو زيد النعمي

من مجاراة الليلة...
وبعد قصف ابها هدف أبهى
وسعود في حاله جنونية

الله في الدنيا يعذبها
بيد الصواريخ اليمانية

وعيال زايد با نأدبها
وكلها دولة زجاجية

نقصف قواعدهم ونضربها
بالقوه العظمى الإلهية

الشاعر عبدالكريم مقبل

لابد ماننهي ابايبها
والمسئله خطره وجديه

دام المسير دق شاربها
وحولتها حرب نديه

عاد المسير قام يقطبها
في الليل ولا الصبح ورديه

اقسم بري لانحطبها
كانت امارات وسعوديه

الشاعر يحي ابن الوحيشي

شرق السعودية ومغربها..
واقصى مناطقها الشمالية..

صرنا بعون الله نضربها..
رغم الصواريخ الحرارية..

وملوكها لازم نصلبها..
ولى زمان الراس مالية..

اذا دخلنا حرب نلعبها..
وننتصر وقت النهائية..

ألاشتر الجوفي

الليل ياصماد عاقبها
وصبح أبها كل فجريه

والمملك وزيرة ارجز جوانبها
وزع على نجد وضواحيه

قل للعدا واللي يصاحبها
أرض اليمن تأبى العبوديه

من شرقها إلى مغاربها
أبطالها بالعز مكسيه

قاسم قاسم السقاف

صواريخناقامت بواجبها
بدءالمهمات الردوديه

اماالمسيرناريسكبها
بمهلكة نجد الجحوديه

وقوة الله ليس يغلبها
قوه في العالم وجوديه

وكبركم هذه عواقبها
نتائج الحرب النقوديه

الشاعر عاقل بن صبر

إضرب مرابظ داعش إضربها
وإشعل محطات الوقوديه..!!

حرك دفاع الجو وإنصبها
والإف تسقط والعموديه..!!

و ابوظبي و دبي ادبها
جمّد روافدها النقوديه..!!

الله على ايدينا معذبها
كل الكيانات الحقوديه..

مجاراة الليلة عن( الصرخة في وجه المستكبرين)

البداية ل الشاعر بسام شانع

رد الصواعق لا بطون الغمامة
وانحت شعار الحق في النجم والطور

بانرفعه لا فجر يوم القيامة
مابا تسكّتنا سوى نفخة الصور

ياقدس لا نامت عيون المنامة
جينا بوعد الله يا وعد بلفور

رغما عن امريكا وقصر اليمامة
واربع مئة دولة والف امبراطور..

..........................
#الجواب

#الشاعر_ضيف_الله_سلمان

على هدى القرآن عشنا الكرامة
والعزّ سطّرناه(كلمات من نووور)!!

سبحان ربي ما اشدّ انتقامه
من قادة الإجرام والظلم والجور..!!

واهل الخيانة يبشروا بالندامة
ومكر امريكا بإذن الله ايبور..!!

وفي سبيله ماخشينا الملامة
بانطرد المحتل مذموم مدحور..

الشاعر/امين التركي

لبيك ياداعي الوفاء والشهامه
بدد ظلام الهيمنه واشرق النور..

على طريق الحق والاستقامه
من سورة التوبه والانفال والطور..

كلن قد اتبراء وجهز سهامه
واتزود القران منهج ودستور..

منصور شعب الحريه والكرامه
بالله واللعنه على الصنج والعور..

#الجواب_الشافي
1444/04/11هـ
2022/05/11م

معــالم الـتـاريــــخ مـــــا تتــزيَّــف
و"الخـارطة"و"الموقـع الجُغــرافي"

ما كان فيــه الجـــد الأول يوصـف
"جـينــات"فـطــرة ما لـفــيـها لافي

لا هنت حــشَّـِـد يا ضماري وإزحف
مـا للشـتاء غير"الـضَّروس"الـدافي

حــوم الـمـعــارك ذي لهبــها يشـهف
قُــل لـ"الـهُدَن" با أقـــدم إستئنافي

خـل البنـــادق فوقــهــم تتفــلسف
وهي كفـيلـة بـالــجـــواب الشــافي

حـــوار طحــن الطحن ما يتـوقـف
لاما تســــوق"الهافي إبــن الـهـافي"

لـو بـا يكـلِّـفنـــا الثمـــن مـــا كلَّــف
حــقي ولا أقبــل غـير حـقي وافي

من يوم رفعوا فـ"الرِّماح"المُصحف
شمـات لا يخفى عليـكـــم خـــافي

الــدم يسفــك والـقيـــم تستــنـزف
ولا كفى "عـرق اليـهـــودي" كــافي

ســـود المنايا فـ"البُــغــم "تتلـهــف
والموت فـ "الحــد الشمــالي" زافي

يا مَـن دعــــانــا للحـــرايب يلــقـف
ما جــاه من يدي وحِـمــل أكــتافي

كم بـا يــركي" بايدن"كــم يــدهـف
من كـثر ما أوكى لـه ذراعـه سـافي

باللَّــه نقـــوى والتـحــالف يضــعف
مـا عـــاد مــيزان الـقـوى مـتكــافي

"تصنيع حربي"كـل"وهـلـة"متـحف
تسليــــح لا"روســي"ولا"غُــــزلافي"

بكــف تبـني و"المــعــدَّل"في كـــف
وعـــــون ربي يالــوطــن متعـــافي

ما/مات له طـول البقـاء مَـن خـلَّف
وكـد مِن صُلبـه"مجــاهـــد حـــافي"

تراب نـعــله خـير وأبـقـى وأشـــرف
مِن حـاشية"عفــاش" و"المخــلافي"

#الشاعر_عبدالرقيب_الـوجيه
(أبو جمال)
#إتحاد_الشعراء_والمنشدين