اقوى مجاراة حول (انهيارات مرتزقة العدوان مارب)..!!

البداية #ضيف_الله_سلمان

ياجبل (هيلان) قل (للعرادة)
حان يا(سلطان) وقت الحصاد..!!

راحوا اصحاب السمو والسعادة
وانت حانب لك فِيَ(احمد نجاد)!!

طارت اربع يامدوّر (جرادة)
عدّ كم باقي معك من (جراد)..؟!

#الشاعر_فارس_المعزبي

يامنادي من جهاز المنادة
قوم نادي حان وقت التناد

وارض مارب من يد الحلف عاده
لا يد الانصار والخير عاد

ياعلم قلدني الله قلاده
لا (يزيد) اصبح ولا (بن زياد)..!!

#الشاعر_احمد_درهم

شل ياهدهد سبأ لي إفادة
بلغ الإصلاح حزب الفساد

السعودي أمس عطَّف عتاده
ما اعلنوا حتى عليكم حداد

حلَّقت يابايعين السيادة
شلت العزة عليكم مراد

#شاعر_الاحرار_ابوالعباس_مفلح

جاك ربعي شامخين الارادة
لا اقبلوا فالبس ثياب الحداد

الخلا يا كل بايع بلاده
ما بقي لك في ثراها قعاد

اليماني اليوم شمر زناده
لاقتلاع الظلم واهل الفساد

#محمد_مفلح

يا جبل هيلان قل للعراده
قد تبرّوا منك حتى مراد

من رضي للغزو يدخل بلاده
ما بقي له في بلاده بلاد

وابن بدرالدين رد السياده
لليمن وارسى مسيرة جهاد

#الشاعر_عاقل_بن_صبر

جاري التطهير والإستعاده
بشروا (مأرب) وكل البلاد...

خابت امال العميل ومراده
واقبلت تصرخ قبائل مراد...

والله إن الآدمي من فواده..
والغبي ذي مافهم واستفاد

#شاعر_الصمود_محمد_الحربي

طالما واحنا مـعانا قــياده
عرفتنا وايش معنى الجهاد

والهدى شرب اليماني وزاده.
((لاقــلق ياريس الٱتحـاد ))

حملهم. مابعده الا (ولاده )
بس هذا الشهر شهر الولاد

#زيد_الخراشي

والقبيلي عزته في بلاده.
باع عزه من يبيع البلاد.

والتحالف لاقد اكثر فساده.
قله الله مايحب الفساد .

وان لجبار السماء من عباده.
قوم قمى لاارادوا اراد

#ابو_عماد_الزايدي

لاوطن من دون نيل السياده
والسياده قصدنا والمراد

قال جهمي من طوارف بلاده
ذي سكنها قبل حمير وعاد

ما ملك ذي عاث فيها فساده
طاهره ب الله وقوماً شداد

#الشاعر_محمود_الجنيد

كل نشمي حر قابض زنادة
صوب مأرب منطلق باالجواد

ذي مع سلطان قدهو زيادة
عود يامعرود يكفي عناااااد

يايسلمها ويسلم حصادة
او ذرينا ماملكته ردماااااااد

#الشاعر_احسن_هادي_زربه

الفشل للمرتزق والقياده
ماثمارالفاسد الاّفساد

لوسقط مارب بعزم وإراده
من عبيده لاقبيلة مراد

ختمهاالمحتل يرجع بلاده
والمنافق مابقي له بلاد

#ابوساري_العيوي

يامراسل شل منا إفاده
للقبايل ذي هم اهل البلاد

قل لمارب من رجع لا رشاده
من عبيده قاطبه لا مراد

اليمن لاهل اليمن والسياده
والسعودي له معابر جداد

#الشاعر_سلطان_خضران

حرب شعوا ليس فيها هواده
سوف تخمد من تبقى خماد

انصحه سلطان يــترك عناده
مايفــــ يده بعد كــثر العـناد

فالمثل عــز القبـــيلي بلاده
قال والبــيــاع مــــالــه بلاد

#الشاعر_صالح_حسين_ابواحمد

يالمنين ابشر وجهز وساده
باتذوق النوم بعد القهاد

صبرنا ذا اليوم يجني حصاده
نصر رباني يجوب البلاد

ينتهي في القدس يعلن ولاده
عهد امجاد القروم الشداد

#ايوب_الحشاش

ياتحالف باتواجه اباده
في الصحارى في بطون الوهاد

شعبنا العاشق لنيل الشهاده
قد تشكل في مسار الجهاد

كل مستكبر علينا اصطياده
خلف مولانا لبرك الغماد

#مقبل_حسين_علي_جرام

خبرو سلطان يحزم هداده
والرحيل لعند سيده مراد

إنتهى تاريخ علبة فساده
ماله إلا الحرق حتى الرماد

يلحق الحزمي وصعتر بزاده
قبلما جيشي يشد الزناد

#أبوسنان_الريامي

جند ربي صادقين الاراده
حوطت مأرب رجال الجهاد

ساعة الصفر أعلنتها القياده
بشروا مأرب لها العز عاد

العراده هو ومحسن حصاده
كل خاين بانحيله رماد

#الاشتر_الجوفي

استجب لمبادرات القياده
لا تزيد الكبر ولا العناد

والقبيلي الجيد يحمي بلاده
قبل ماتصبح دمار ورماد

قوة الله فوق قوة عباده
والتحالف ماعليه اعتماد

#ابوحافظ_قاسم_السقاف

يا عراده قد صبرنا زياده
جيش الاشتر جاك يابن زياد

جيش صادق عزمهم والاراده
سخرون ارواحهم للجهاد

من عبث بامن الوطن واقتصاده
بايعاقب في قضايا الفساد

#ابو_وايل_عنبل

شعب سلم للعلم والقياده
بأمر رب الملك رب العباد

وابتداء الثائر يطهر بلاده
من هوامير الجشع والفساد

كمن اشتر حر مسرج جواده
في سبيل الله واحياء الجهاد

#ابوامير_الفهدي

بالولاء لله... واشرف قياده..
والثقه بالله والإعتـــــــــماد...٪

كل مؤمن شدها في زناده..
وامتطينا الصافنات الجـياد..!!

وانت يا القواد قتلك عباده..
بك تقــــــــــربنا لرب العباد...

#حاتم_الاسدي

انهيارت العدو صار عاده
طبع اشباه الرجال الشّرَاد

هكذا قـوم الخنا والبَلاده
باعو انفسهم بسوق المزاد

قل لذي عادو بفندق رمادَه
نلتقي يامملكه في ) سعاد

#الشاعر_عبدالباري_عبيد

بعد ما (الهدهد) اتاء بالافاده
عن بشر للشمس صاروا عباد

يسلمـوا ولا فما شي هـواده
في معـارك ذاب منها الجمـاد

قبـل ما يرتـد طـرف القـياده
با نـدمر من طغـوا في البلاد

#امجد_الصانع

قل لبن سلمان ليش ا

للمجاراة..!!

البداية ضيف الله سلمان

ملامحه توحي بصدق(الاشتر)..
وهيبته تحكي شموخ (الانصار)!!

فارس يماني في الوغى ما اتقهقر..
كم داس بأقدامه على الاستكبار..!!

في الصبر نسخة ثانية لآ(بو ذرّ)..
وفي التولّي مثل جدّه (عمّار)..!!

#نشوان_الغولي

عاجل الى أحفاد (مستر هنفر).
نبثها من دون نشرة أخبار.

هذا توطى جدكم في (خيبر).
و كان جندي من جنود الكرار.

هذا الذي زلزل عروش المنكر.
و عز داره من (بني عبد الدار).

#شاعر_نهم_الحمراء

صلى و سبح من قفى ما استغفر
على خطى ال الرسول الاطهار

قاتل عدو الله لاخر معبر
واصبح وراء القضبان شيخ الاحرار

الدين عنده والوطن خط احمر
دون الشرف و العز لو سار اعشار

#زيد_الخراشي

شايب جبين المجد له يتعفر!
والدهر في عزمه وباسه يحتار!

وفي عيونه للعدو موت احمر!
وثار لاقبله ولابعده ثار!

من غضبته ياويل ثالوث الشر!
في يوم من هوله تزيغ الابصار.

#الشاعر_محمود_الجنيد

عزة كرامه حق ماهي مضهر
ولا تملق ياعيال الأحبار

في السجن او في المعركه مانقهر
جميعنا شدة امام الكفار

هذا اليماني ياملك وانت اخبر
مابعده إلا الموت (يابو منشار)

#مالك_ابوهكام_الحشيشي

لاعاد تسئلني ولا تتخبر
كيف واجه الست السنين الاحرار

الشيب بايعطيك عنا معشر
والوجه ايه والعيون استغفار

من هيبته كني لمحت المحشر
لو ذي تأملتو لها بالابصار

#الشاعر_صالح_حسين_ابواحمد

يا حي شوفك يالمحيا الانور
ايمان عزه واستقامة ابرار

صابر مجاهد بالزمان الاغبر
ماهتز عزمه في شديد الاقدار

ونعم بمثلك ياحفيد الاشتر
يامن برجله داس للاستكبار

#صالح_عسكر_الوايلي

شايب ولبا للنداء ماتأخر ..
ماقال انا شايب وبجلس فالدار

فالمعركه شكله قبل مايأسر ..
سوا الهوايل في جيوش الكفار

#الشاعر_ابوشاكر_المضماري

كنه اسد في هيبته والمنضر
ينهي كتيبه من جنود الكفار

هذا مطوع( حيدر ي) عين احمر
والخاتمه حسنا مجاهد (كرار)

ماهو بزنداني ولاهو صعتر
اسلامهم غربي من آخر اصدار

#ناصر_الهادي

دمر جيوش البغي واهل المنكر
طعفر جماجم جيش غازي طعفار

ولا خضع حتى وقع تحت الاسر
وضل شامخ رافض ااااالاستعمار

#الشاعر_يحيى_العطيف

نـعـم هـو الشيخ المسن الاكـبـر
من عـمـر دولة ساجنيه الاشرار

ومن تـحـالـف بغيهم والـمـنـكـر
ومن قوى الطاغوت والاستكبار

شــمــوخ ايماني يماني يـضـهـر
على ملامح وجـه فارس مغوار

#ابو_وايل_عنبل

هذا رضع له من ثقافة حيدر
على طريق التضحيه و الثوار

شموخ حمزه واستقامة جعفر
كالطود شامخ باتجاه الاعصار

جدد لنا ذكرى ضرار الازور
ذي عاد من اسره و صد التيار

#عبدالقوي_البطل

هولا اليمانيين عترة حيدر
اعصار في وجه الاعادي اعصار

في البحر والا الجو والا في البر
تطهير بايديهم لكل الكفار

عدوهم في كل حين يتحسر
قطعوا عليه التغطية والاخبار

#وعد_الله_مقبل

جده علي ذي قد دخل لا خيبر
وهو مجاهد قرم مثل الكرار

بأمثال هذا يا النشامى نفخر
ذي قاتلوا حلف البغاة الاشرار

ذي يهجموا في البحر ولا في البر
ولا يخافوا من هجوم الطيار

#زيد_الحامس

مثل الذهب معروف مايتغير
شامخ يماني حر جده (كرار)

من هيبته شفت الهمر تتفجر
وفي نظرته نهاية الاستعمار

على العهد كنه قبلها مستئسر
والان ذا باقي بنفس المشوار

#ابوعلي_البريهي

مثل الأسد حمزه بصوته يزئر
بالله أكبر في وجوه الأشرار

ورث الشجاعه من إمامه حيدر
كرار ماهاب العدا والأخطار

شامخ بربه والقسم ما يقهر
قد باع نفسه للقوي القهار

#بلبل_النصر_حسن_المهدي

الحرّ يبقى حرّ مهما يؤسر
لو ظلّ حتَّى الشّيب خلف الاسوار
..
قارح اصيل الطّبع مثل الهوزر
والشّم ينفح عطر عزّه واكبار
..
نسخه من الأشتر ونسخة حيدر
ثاير ورث عزّ الجدود الثّوّار

#أبوعماد_الزايدي

هاذا الذي من حقنا به نفخر
والشعب يرفع له تحيه وإكبار

هاذا الذي ماينصفه من عبر
مفروض له في كل شارع تذكار

فخر اليمن في ريفها والبندر
لله در الشيخ فخر الثوار

#الشاعر_ياسر_الجرادي

بهيبته عن كل معنى عبّر
ونظرته تكشف عميق الأسرار

ترسم نهاية من طغى واستكبر
وتقول هذا الحلف منهار منهار

كنّه على السجان فاز واتصدر
تارك وراءه حلف سلمان اصفار

#الشاعر_محمد_احمد_الآنسي

عز الله انه ف المعارك طعفر
كمن منافق في صفوف الكفار

شايب ولكن في فعاله صدر
اروع ملاحم رغم كثر الاخطار

من هيبته بس الف من هم قد فر
والباقي استسلم ووضعه منهار

#يحيى_الوعيل

مثل الاسد في هيبته والمظهر..
ونظرررته تقتل قلوب الكفار.

ضرغام في ساح الوغى مايقهرر..
شاجع يماني من سلاله عمار..

#أبوحبيب_بصيلي_الردماني

شموخ بارز حيدري مايكسر
ولاانحناراسه لشله سكار

راحت بطولة ذااليماني تفخر
اجيالنا لحفادنا بالمليار

قل لبن صهيون يايماني مندر
لابد ما يرجع مطرقع سمسار

#ابو_حافظ_قاسم_السقاف

يا معشر الانصار لازم نفخر
بشيخنا الشاجع رفيع المقدار

للحرب استعر يثور ويزئر
يهجم هجوم الحيدري الكرار

نحرز بهؤلاء النصر ياحلف الشر
وبقوة الله العزيز الج

المجاراة عن (خيبة تحالف العدوان)!!

البداية #ضيف_الله_سلمان

شفنا الحقايق واضحة ملموسة
مابين جند الله وجنود ابليس..!!

خاب التحالف وانكسر ناموسه
والنصر قادم يامدينة(بلقيس)..!!

و(الليث)صوته برّك (الجاموسة)
و(الذيب) واشبال(النمر) فوق (العيس).!!

وراية الحلف الدعي منكوسه..
من (الرياض) الى ضواحي (باريس)..!!

#الشاعر_عزيز_الردماني

وراية انصار النبي محروسة..
ومؤسسه بايات ربي تأسيس..

ومعجزاته حولنا محسوسه..
في الارض ماهي في (تويتر) و(الفيس)..

ذي نطبخ الإبرمز مثل الكوسه..
ومن وغزانا حي يرجع في كيس..

اذناب (بن سلمان) مثل السوسة
فالضرس لازم نقلعه قبل ايخيس..

#الشاعر_أبوعساف

قـريـب بـانـجتث بـيـت الـسـوسة
وبـعـدها نـفـعل مـشاش وتـلييس

شـلـة خـبـيثة مـجـرمة مـنـحوسة
قـد نـجست مأرب وأهلها تنجيس

سـلـمـان ضـيـعـهم بـكـثر فـلـوسه
يـقـدسـونه مـــن أجـلـهـا تـقـديس

مــا يــدري إنــا بـانـجي ونـدوسـه
وندوس وجه المرتزق والقسقيس

#الشاعر_حمزة_المغربي

ســرنـا بحسب الخــطّة المدروسه
ندرّس الـعــالم هدى الله تدريس

لا دقّ يوم الـفـتــح من نـاقــوســه
ما ينفـع اوبـاش الظلام التدليس

والمملكــة و اذيــالهـا المنحوسة
بالحـقّ فكـّينـا لهـا المغناطيس!!

إبلـيـس نفـسـه شـافـنـا كابوسـه
واحنا نقدّس دين ربّي تقديس!!

#زيد_الخراشي

والحسم دق ابن النبي ناقوسه
وفز كمن دِرِم همهام دُويَس!!

والمرتزق قله يعد تيوسه!!
ماعاد خلا الذيب منها الا تيس!!

بخشوع فالمعبد لرب شموسه
صلى صلاة النصر كمن قديس!!

نتايج الحرب اصبحت معكوسه
على تحالف كل شيطان خسيس!!

حوافر الباس الشديد تدوسه
من سدمارب لامجازه لاحيس!!

#الشاعر_محمود_الجنيد

سلمان في مأرب طفي فانوسه
ذي يستضيبه مرقدة والترميس

ماعد نفع ساسة ولا جاسوسه
ولا تفاحيط الأمل والتخميس

سوسة بلا سلمان وابنه سوسه
هم ينخرو باالعظم والا باالكيس

#الشاعر_مقتدى_المجاهد

شفت الفشل في الخطه المدروسه
ذي صاغها مابين (حبر) و(قسيس)..!!

في جعل هذا الشعب يحني روسه ...
لاهل الرذايل والخنى والتدليس

فالأمر ذي خلا الخطط ميؤسه
ماظنها لعنات معبد (بلقيس)

كمن بطل لبى صدى ناقوسه
واغلق على (سلمان) في جوف الكيس..

#الشاعر_صالح_حسين

العاصفه صارت كما المخلوسه
متعريه يملا جسدها التنجيس

وارتالها في ارضنا محبوسه
والزحف ناره تلتهما في حيس

جات النتايج ضدها معكوسه
نالت هزايم نكستها تنكيس

والحلف خاسر وانكسر ناموسه
مثل الزباله ذي رموها بالكيس

#أبوالمازن_عبدالله_الشريف

خاب التحالف قوته وفلوسه
راحت وقدهو في حدود التفليس

ونصرنا نضرب جرس ناقوسه
في كل جبهه من ذنه لما حيس

نمضي بخطوه واثقه مدروسه
نصنع ملاحم تستحق التدريس

وانيابنا في حلفهم مغروسه
لاما نمزقهم بليا تقييس

#عبدالسلام_محمد

قوى التحالف صبّحت مكنوسه
في وسط مارب دخلوها للَكيس

تكتيك وخطط واضحه مدروسه
دست قواهم والتحالف فِالنيس

ما عد نفع جيشه ولا جاسوسه
كل انتصاره في التويتر والفيس

#رايد_الخمري

وراية الشيـــــــــطان هي منكوسة
مابيـن مـارب واليـــــمن والــــريس

عاد الفشل حلف الردى معكوسة
والقادم اعظم حطهـا في الكـيس

والنصر مشرق في السماء ناموسة
واللــــيث فــــيها صيــده التعكـيس

وراية الحلـــف الدعي منـــجوسة
مــــن العرب والــــــغرب لا باريـــس

#نصر_علي_القيري

ووفق خطه محكمه مدروسه
من الهدى قام العلم بالتدريس

نهل رجال الله من قاموسه
ووثقوا فيها البناء والتأسيس

اذا اقبلوا جاء المرتزق كابوسه
معاد فاد الطقم هو والتخميس

#مقبل_ابوعريج

بقوة الله الخطط مدروسه
وكل غازي قدرجع داخل كيس

مطبوخجاهز مثل طبخ الكوسه
واعلامهم قدنكسوها تنكيس

ارض اليمن بابطالهامحروسه
ياحلف معلن لليهود التقديس

#الشاعر_عبدالله_جربوح

طبل الحرايب لا قرع ناقوسه
لقيت لأهل الحق قوة تكريس

وخطة السيد قدي مدروسه
نطهر الدنيا من أهل التدنيس

وحلف ذاك القوم ذي موهوسه
يخيب في مارب وينكس تنكيس

ونصرة الباري لنا محسوسه
بساحة الميدان ماهو بالفيس

#علي_احمد_الحنيشي

اي والله ان العاصفه منحوسه
تخطيط واشنطن وتنفيذ ابليس

فشلت طموح الخطه المدروسه
في اليمن شعب الاباء والتقديس

#الشاعر_ابو_رازح_القعود

حلف العماله نهزمه وندوسه
ونصدر العدوان في داخل كيس

والمملكه في ارضنا مدعوسه
خابت وخاب الحلف حتى في الفيس

كتايب الـمـ ــ ـوت باالابـا متروسه
الفـرد منهم بايواجه بـاريس

#الشاعر_بلال_الشجني

دوس المنافق يامجاهد دوسه
جمع ابو حشد التحالف في كيس

نكلبهم واكسر ابو ناموسه
وفهمه با الدرس قبل التدريس

زاد الالم تحت الضروس يا سوسه
كرست للباطل حياتك تكريس

رآيه يزيد الطاغيه منكوسه
يا لابسين دين المحبه تلبيس

#فتى_كوكبان_الثائر

عقول أصحاب السمو مهووسه
منهاجهم وأفكارهم فكر إبليس

وجنود ربي والخطط مدروسة
والسيد القائد يجيد التدريس

خاب التحالف رايته منكوسه
والمرتزق خايبِ منكس تن

المجاراة عن (تحرير بقية محافظة مارب من دنس الغزاة والعملاء الخونة)!!

#الشاعر_علي_الاقرع

بقدرة الله جاك النصر يا(صافر)
اترقب الوعد بين ارويك والكوله

الله مع المتقي والمرتزق خاسر
وحلف سلمان واذنابه ومن حوله

#ضيف_الله_سلمان

والله فوق العباد الحاكم القاهر
يخضع له الكون في عرضه وفي طوله..!!

مادام (الإعراض) في (وادي سبأ) حاضر
لابد (سيل العرم) يستأنف الجولة..!!

(مارب) هي (الباب) بعد ادخوله مباشر
با يأتي النصر قال الله بدخوله..!!

#مرتضى_شريف

احنا لها واليمن مستقبله زاهر
وباننقب على غازه وبتروله

لنّا مع الله في الأول وفي الآخر
ولا سوى اللهْ يمشّي فوقنا قوله..

#الشاعر_احمد_درهم

على الغزاة القبايل صوتها هادر
وسيوفها في سبيل الله مسلولة

في وجه عدوان وحشي بربري سافر
ومكر غربي من الشيطان وذيوله..

#الشاعر_صالح_حسين

ياقوة الله شلي غزوه السافر
واقضي عليهم ولاتعطي العدو سوله

باقي شويه وباذنك ياولي غافر
تتحرر الارض من سلمان وفلوله

#أبومجاهد_الفروي

مارب لنا رغم انف الخاين الفاتر
بكل مافيه وديانه مع اسهوله

يبقى هواها نقي وترابها طاهر
قولوا لمن خانها الانصار قد جوله

واشرافها رزحنا كمن بطل ثاير
من بعد مارب لشبوة صوله وجوله

#ابوالمازن_عبدالله_الشريف

الحسم قادم بقدرة ربنا القادر
وابطال عن صنع يوم الفتح مسؤوله

معاد مابين مارب والنظر ساتر
والمرتزق والمنافق فيه مقتوله

#عبدالمنعم_المتوكل

أرض الحضارات في الماضي وفي الحاضر
ل ابطالها في المعارك صولة وجولة

أئمة الكفر جت والكل متآمر
يبغوا يقيموا لهم في أرضنا دولة

#عباد_ابوحاتم

كلمة قصيرة و نفاعه من الاخر
لا بد مارب تعود لا حمى الدوله

بانشتبك من مسافة صفر و نحاور
والموت حوله وانا قابض بحلوله

#الشاعر_محمد_الهلالي

على صَوافِن تِقَادَح منّها الحَافر
قاسِي البّلق صار ليِّن عرضه وطوله

والوعد قُدَّام قُلّ للمعتدي الكَافر
مَسيرة الحَق بالرحمن مَوصوله.

#بلال_الصوفي

ومن غزا أرضنا منها رجع خاسر
والله بهذا البلد بارك وماحوله

أعزنا ربنا سبحانه القادر
وبقدرة الله مابه مثلنا دولة

#الشاعر_أحمد_الغبسي

الحمدلله ذل الكفر والكافر
واعزنا بانتصار الشعب والدوله

مارب لنا عودت يالواحد القادر
والفضل لك وانت فاعل كل مفعوله

#بدر_الكهالي

الله لأنصار دينه وحدة الناصر
في الميادين شفنا النصر كف هوله

بيد جنود المهيمن كل متأمر
ذاق النهاية هُزم مجمع مائة دولة

#فائز_الحمزي

سبحانه الله تعالى وحده القادر
بنصر الأنصار وتمكين هيبة الدولة

ياقرّن الأعجم تهيئ عاد لنا صافر
وعرش بلقيس شموخه عانق الغولة

#الشاعر_محمود_الجنيد

شِنخرج المعتدي يااصحابنا صاغر
والداعشي عندنا مابش معو دوله

والأمركه عاد ربي فوقها قاهر
والحلف تحرير مأرب مش على قوله

#الشاعر_محمد_الانسي

من هو مع الله اموره كلها سابر
ومن مع ابليس قواه اليوم مشلوله

صدق التولي مدد للمؤمن الصابر
واسناد الهي وربي قد صدق قوله

#حسين_ساري

شعب اليمن قرروالقرارصادر
من عمق اوجاعه ما عاد في قوله

لابد من تحرير ارضنا ...حاذر
يا مرتزق مالك فوق اليمن دوله

#الشاعر_الياس_المقدشي

يا مارب الفتح وعده للملا ظاهر
على مسار الهدى با نبني الدوله

فلا يغرر عليكم صعتر الماكر
لانه منافق فلا حد يخدعه قوله

#شاعر_بلاد_الروس

وقوة الله معك ياالمؤمن الذاكر
والمرتزق قد شبحنا الكل بحلوله

هو حزب الاصلاح ذيهو للجميل ناكر
ومن تبقا معه ابليس ومن حوله

#محمد_المنصور

والويل للمرتزق لاما شرد باكر
من بأس جيش الله الغالب ومن هوله

في يوم يلطمه عزرائيل فالصابر
والموت الاحمر محوط به ومن حوله

#فــــــارس_المعــــزبي

(النصر) مضمون والمجهود متضافر
لا عاش من خالف الانصار والدوله..!!

في كل (جبهه) تلاحظ خيرنا وافر
نهجم على ألف غازي بربعه عوله..!!

#أبواسماعيل_الجابري

يا أرض مأرب أتاكم جيشنا الثاير
تطهرك من عداء الشعب والدوله

الله أكـــبر أتاك الموت يالـكـافـر
والمرتزق شاف يوم الدين من هوله

#ابوغزوان_الوحيشي

لله في الارض كمن حيدري كاسر..
قد صار في وسط مارب ماسك الجولة..

بقوة الله سبحانه ولا كافر..
بايرفع اليوم راسه يامية دولة.

#سيف_حسن_العامري

سبحانه الناصر القهار والقادر
وعده صدق والمنافق طاح من طوله

اسلامنا فوق مايعلا عليه كافر
من بأسنا لن يقف لحظه على ارجوله

#ابوحسن_صالح

ياجند الانصار انتو وعده الاخر
تحرير مارب وجب ياقوم اسروله

الفــضل للواحد الــقهار واناصر
ذي مدنا بالمدد والنصر والصوله

#الشاعر_محمد_الشعيثي

بادر لاجل الكرامه والشرف بادر
ياشعب والغازي المحتل عدو له

من ما تنصل عن الواجب فهو فاتر
كل الرجاجيل معنيّه ومسؤله

#ابوكيان_الهبل

قولولسبط النبي الطيب الطاهر
كل اليمن جند له وسيوف مسلولة

وقولولسلطان ياذاالثعلب الماكر
لاتبت من بعد مارب غير مقبولة

#إتحاد_الشعراء_والمنشدين

https://t.me/aboyahyaalshami

المجاراة عن عملية( #سيف_القدس ) وانتصار المجاهدين في فلسطين على كيان الاحتلال الاسرائيلي..

البداية من الشاعر محمد التركي الهلالي

اليُوم (سَيْف القُدس) في كَفّ (كَرَار)
يِضْرِب به الطاغُوت وأهل الضلالهْ

مِن (ذُوُ الفِقار) أسْتَانَف الأخذ بالثَار
ويِجَنّدِل إسرائيل وأهل العمالهْ

يسْتَاهِلُوا الأحْرَار إجْلاَل وإكْبَار
ويسْتَاهِلُوا الإعْزَاز  قَوُم البَسَالهْ.

#ضيف_الله_سلمان

كرار قاد المعركة غير فرّار
من ضربته شاف اليهودي نكااله..

مشروع اسرائيل منهار منهار
واذنابها مافادوا الا الفسالة..

بشّر (سرايا القدس) بقدوم (الانصار)
على خطى (القسام) عزم وبسالة..

#مرتضى_شريف

يا احرار غزة نُصرة الناس الاحرار
ما احنا نخليها معاهم جمالة

إلا لوجه الله وخوفاً من النار
(والباب) ذي يشهد بهذي الرسالة

قلنا لديكم شعب خايض للأغمار
من قبل ما قلنا لديكم حوالة

#عابد_المدم

قولوا لغزة والرجاجيل الاحرار
عندي نصيحة صغتها في رساله

صدق التولي يقتلع كل زنار
والنصر الاعظم بالولايه كماله

تطهير الاقصى في ولاء قادة اطهار
منصور من والى محمد وآله


#ياسين_الفروي

لو قاتلوكم با يولون الادبار..
مابه يهودي قد ثبت في قتاله..!!

مسرى نبي الله لو صار ما صار
هيهات لاحفاد القرود احتلاله..!!

ما بيننا الايام و(الوقت دوار)
قولوا لبن صهيون قرب زواله..!!

#عبدالمنعم_المتوكل

مسرى النبي نحوه مسار اليمن سار
وابن النبي للحسم جهز رجاله

ماشي سلامة غير في خوض الأخطار
ولا هدى إلا من عظيم الجلاله

ولا من المفسد مشاريع واعمار
ولا من أهل الظلم تآتي العداله

# عبدالحميد التركي الهلالي

اليوم يوم القدس ياكل مغوار
مع النبي يا انصار طه واله

فالثار ثاير والعدو صار منهار
من بعد ماشاف المجاهد قباله

محور هدف واحد على نهج وشعار
والموت لاسرائيل واهل العماله

#الشاعر_صالح_حسين

ياقدس سالك شل فاجر وكفار
واضرب فديتك تل ابيب العماله

حدك على اعناق المراخين بتار
دك اليهودي شل ماله وباله

واخبر خصومي جاكم احفاد عمار
بركان ماشي بايوقف قباله

#الياس_المقدشي

من التحرك والعمل نجني اثمار
والنصر هذا منه اول دلاله

من وحي {اعدوا} قالها فرد جبار
باترهبوا قوم الخنى والعماله

والفتح الاعظم يوم صهـ يون ينهار
والشر بأذن الله تقطع حباله

#عبدالواسع_صايل_الغولي

يا الله ياعالم خفيات الاسرار
الحمد لك يا الله في كل حاله

جعلت سيف القدس للكفر بتار
واوفيت وعدك ياعظيم الجلاله

سلام لاهل القدس الاحرار الاخيار
من اليمن انصار طه وآله

#الشاعر_يحيى_الوحيشي

ذا محور العــزة تحـــــرر من العــار..
واعـتـــز بولايــــة محـــــــمد وآله..

كتايب القسام واصــــحاب بشــــار..
والحشد والسيــــــد وخيرة رجاله..

وحزب نصر الله نبراس الاحــــرار..
كلن لنصر القــــــدس زهب جماله..

محور على كف العزيمة والاصرار..
ماضي وبالجبـار وثــــق حــــــــباله ..

#حميد_الشليف

القدس سيفه فالكيانات بتار
يضرب بباس الله وصدق اتكاله

بصدق المنهجيه تصنع اخبار
بامر الله ومضمون الرساله

فلك عهد اليماني طول الاعمار
وفيلا قالها يوفي فعاله

#الشاعر_محمود_الجنيد

اترقبوا تحرير الأقصى ب الاخبار
ونهايت الأشرار واهل الضلاله

مادام والله قلنا كونو انصار
فاالنصر هو من حقنا لامحاله

ارفع شعارك وامسك بحبل جبار
لادونه الجبار ينصر رجاله

#هادي_حسين_الرزامي

سلوه من غمده على كل مكار
بيمان صادق واتحاد ورجاله

والله اكبر ثار بركانها ثار
وكل مؤمن هاجم اللي قباله

على بني صهيون من دار لادار
حتى توقف منهزم عن قتاله

#عبدالقادر_منشلين

لن نرتضي بالخزي والذل والعار
وكل مؤمن حر   جهز رحاله

والله ما يبقى يهودي بزنار
ولا يظل القدس في احتلاله

ف النار ما يطفي لهبها سوى النار
والنصر للأسلام في كل حاله

#الشاعر_محمد_القانصي

الكُفر والتطبيع متوشم العار
وابليس يتبراء وينكر عياله

والموت حتم الاحتلال اين ماسار
والله ضربهم باالخزئ والذلاله

السيف قص الصهينه (دار)(مادار)
واسقاه كاس الويل صافي زلاله

#عبدالقوي_البطل

اوقف لهم يادهر اجلال واكبار
ابطال غزة صانعين الرجالة

ذي خلو اسرائيل ولت بالادبار
حين واجهوها بالصمود والبسالة

دقوا قواها واستعانوا بالاذكار
والاتكال بالله في كل حالة

#محمد_هزاع_البهلولي

الوعد قرّب يا تصاريف الاقدار
شئنا وشاء الله مولى الجلاله

النار ويله ويل من يشعل النار
با يحترق تهويلهم من خلاله

اليوم ابو زنار من دون زنار
اخفى زنانيره من اسفل عقاله

#جميل_ابوحمدين

للمسجد الاقصى صناديد وانصار
تجندل الغازي..وتصنع نكاله

بقوة الله والعقيده والاحرار
صارت بني صهيون في شر حاله

ريح النقا هبت..ومن عقبها اعصار .
يزلزل الباغي .ويقطع حباله..

ويرجع الاقصى ويتطهر الدار
من رجس ارباب الخنا والنذاله

#عبدالحكيم_ابوهاشم

على هدى (الرحمن) والالـ الاطهار
استبسلون اهل الأباء والأصاله..!!