ياليت نقدِر نقتبس (من نــوره)
عــز الله انه حق نُسخة (حيدر)

#بندر_السقاف

الصهينه من ذلها مذعوره
مشهد مشرف من يشوفه كبر

من الحجر خلف الجدر محجوره
فكيف لو يقرح عليهم معبر

ثوره عليهم ياالنشاما ثوره
ياالمقدسي اغظب عليهم واثئر

لوطبعت كامل قوئ المعموره
لازم بيوت الله ماتتحرر

#عبدالقوي_البطل

للعز سجل لفتته وسطورة
آيات في نهج الكرامة تذكر

العاقبة للمتقي مذكورة
والمعتدي فينما تعدى يصهر

ياكل مؤمن نقتبس من نوره
هذا المجاهد للكرامة سطر

#مانع_البوساني

صوره بجدران الشرف معموره
والمرجله والعز فيها منضر

رجال تلعب بالمعادي. كوره
تشوف قوآت العدوا. مثل الذر

بالمرجله طول العمر. مشهوره
وبالشجاعه والفراسه. تذكر

خلت قوئ عدوانها. مجغوره
في ساحة الميدان. مثل المحشر

#احمد_الخاشب

دار الزمن دورة ، وباقي دورة
واظن "وعد الآخرة" ما اتأخر

دارت عليه "اوسلوّه" و "بلفوره"
ومن طغى لا ظهرهم واستكبر

تبقى فلسطين الإبا منصورة
وزعمهم في "أورشليم" اتبخّر

ثورة وجاهي لا تموت الثورة
والله يبارك في رجال المحور

ذي جسّدوا القرآن سورة سورة
وما خفي يا دهر أعـظـم واكثر

#عبدالغني_ضبعان

ونعم بـ(أطفال) غزه المنصوره
وابناء فلسطين بـ(الحجار)تتحرر

لهم اساطير مجنحه بخطوره
باتت بني اسرائيل منها تبهر

اليوم قد اذناب اليهود مذعوره
في كل يوم والصنع يزداد اكثر

الوقت دوار والعدو جأ دوره
اشرب منايا الموت يا حلف الشر

الفائز بلقب شاعر الصمود للموسم الرابع
المركز الاول هو الشاعر #باسم_مساوى وحصل على اربعه مليون ريال
الفائز بالمركز الثاني هو الشاعر #مانع_البوساني وحصل على ثلاثه مليون ريال
الفائز بالمركز الثالث هو الشاعر #عناش_المشرقي وحصل على اثنين مليون ريال
الفائز بالمركز الرابع هو الشاعر #عبدالله_الجرفي وحصل على مليون ريال

#شاعر_الصمود_الموسم_الرابع
#إتحاد_الشعراء_والمنشدين

https://t.me/aboyahyaalshami

الحلقة النهائية ؛

المسابقة الشعرية الأكبر في اليمن
نعلن عن الفائز بلقب شاعر الصمود للموسم الرابع

• الفائز بالمركز الأول الشاعر | #باسم_مساوى

• الفائز بالمركز الثاني الشاعر | #مانع_البوساني

• الفائز بالمركز الثالث | #عناش_المشرقي

• الفائز بالمركز الرابع | #عبدالله_الجرفي

وبهذا نبارك لصاحب اللقب الشاعر باسم مساوى
وكل الشعراء الفائزين
كما ننوه بأنه سيتم التتويج وتسليم الجوائز
للفائزين خلال الحلقة الثلاثون.

#شاعر_الصمود_الموسم_الرابع
#إتحاد_الشعراء_والمنشدين

https://t.me/aboyahyaalshami

‏المجاراة...

البداية #ضيف_الله_سلمان

قلنا لحلف الشقا النجدي
وكل باغي ومتمادي..!!

باتنتصر شرعية مهدي
وتنهزم ‎#شرعية_هادي

#ابوالعباس_مفلح

شعب اليمن صلب متحدي
عدوان سافل ومتمادي

يشهد له العز والمجدي
والسهل والبر والوادي

#عبدالرحمن_الخطيب

بعداخوتي ما فتر جهدي
والنصر عيدي وميعادي

لوما صرخت الا انا وحدي
في القدس جنبك يا ابوهادي

#مانع_البوساني

شعب اليمن شعب متحدي
من عهد الآبا والاجدادي

علئ الهمم محتزم. شدّي
ماشي علئ شوره القادي

#ابوصالح_العملسي

شـــعب اليمن قال من قدي
ياكـل نــمرود (والبادي)

من خشم شي وارد الحمدي
دسنا الطواغيت في الوادي

#نورالدين_المقاتلي

با يكتسح جهدهم جهدي
دام ان خصمي هو البادي

با اصدّر اليوم انا مجدي
واوصي به الابن واحفادي

#الياس_المقدشي

شعب اليمن شعب متصدي
في الحيد والسهل والوادي

والفرد يدعس ١٠٠ جندي
من جيش سلمان الاوغادي

#يحيى_الوحيشي

‌‎يا حلف لله متحدي..
خابت ضنونك والالحادي..

لن ينصر الله متعدي..
لو تصرفه (7) اوغادي..

#حمزة_الحيمي

قد قلـكم قـبلـنا جـدي
ياذي حسبت الخبر عادي

لا تنتظر حلمك الوردي
حربي معك يوم ميلادي

#الشاعر_محمد_النهام

قل لسعودي يستلم ردي
بقتص منه دم اولادي

الله معي مانا فقط وحدي
والعز والتأريخ ميلادي

#حسن_المهدي

مادام واللين مــا يجـدي
با يجدي اعصار صمادي

ونجـد لابــد تستـجــدي
صنعـا وتعقـر لهـا هـادي

#ابوقصي_العويري

قلنا لهم يتركو حدي
ولّا قد الظالم. البادي

صدّو ولي شعب متحدي
كُله حسيني وصمادي

#ابو_برق_الظرافي

وانا مع الله مش وحدي
هو منزل الدعم الأسنادي

لاحن فـ المعركه رعدي
بااطلع جبل واقتحم وادي

#ابوالصماد_عبدالحكيم

يا ناقض العهد والوعدي
خالفت هجري وميلادي..!!

ومجلس الامن لن يجدي
احنا بوادي وهو وادي..!!

#ياسين_الفروي

مابه مع الحلف ما يجدي
أمامهم .... شعب صمادي

والحرب رمانها.. "صعدي"
قد جالهم منه فـ"الوادي"

#ردفان_الرقيمي

قل للملك قبـل ما يبــدي ؛؛
يسأل جدودة عن اجدادي

لـو المغفــل فهــم قصــدي
ما مات في السهل والوادي

#احمد_اللوذعي

بالله واثق ومتحّدي
والنصر والفوز ميعادي

والشرعية تأكل المندي
في ذلهم مابدا بادي

#ابويحيى_القهدة

قل للملك با يجي ردي
بافواج قاهر و صمادي

مادام والحلف متعدي
تواجهه بعدي احفادي

#عبدالواسع_صايل_الغولي

ثابت وباقي على عهدي
ضد البعارين الاوغادي

وحلفهم ذي وقف ضدي
مهزوم من عهد الاجدادي

#ابوكيان_الهبل

تحالف النفط والنقدي
مهزوم فالحيد والوادي

عدو سيدي مع جدي
باقاتله واوصي اولادي

#الشاعر_فارس_الجعدالي

منته بـ كفوي ولا قديّ
ياحلف ملعون موسادي

وانصحك لاتقترب حديّ
قبلك حسيني وصماديّ

#ابوحيدر_عامر

شرعيت الكفر في لحدي
حارق بدنبوعها هادي

وشعبنا يراسه مهدي
صامد معا الله قد جادي

#وليد_الضويني

وانا اليماني على الوعدي
يا مملكة نجد لاوغادي

لاالموت الاحمر لغم فردي
فالسحق من نوع صمادي

#محمد_الاخرم

السعوده كالمرض معدي
مرض بها خاين بلادي

قد وضعهم صار لايجدي
والحرب لو طولت عادي

#الكرار_الجبر

ايام بس وينتهي عدي
والنار بأحشاي وقادي

جلست صابر بس متحدي
والصبر ذخري مع زادي

#محمد_الطاهري

ربي نصرنا صادق الوعدي
وخلق لنا قاصف وصمادي

بايخرج السيف من غمدي
ويفرش الرمل والوادي

#ابوحسين_العصري

با واجهك يا الردي وحدي
ما دام نور الهدى زادي

ووصي العول من بعدي
ان العلم للورى هادي ...

#الشاعر_عمر_الأهدل

لوكله العالم اتىضدي
با نهزمه حلف الاوغادِ
شدّي الايادي يا يمن شدي
في ساحة القدس ميعادي

#عبدالقوي_البطل

الله لنا منجز الوعدي
والذل بايشمل البادي

فيا جﻤوع الارتزاق شدي
لا ارض تقبلكم ولا وادي

#ابوكنعان_الروس

لا قبلي انسان ولابعدي..
الاوس والخزرج اجدادي

وشرعيتكم فلم هندي..
طلع رشاد نزلو شادي

#مراد_الغولي

(القايد الله وانا الجندي )
منصاع لامره ومنقادي

مع العلم والرئيس مهدي
ذي حطموا كيد الاوغادي

#شاعر_بلاد_الروس

بالشكل والزوج والفردي
أكيد ياقطعت اكبادي

للحلف نهزم ونتحدي
فدا اليمن كل اولادي

#علي_درهم_المؤيد

ان كنت ياحلف متحدي
فتذكر افعال صمادي

ذي خلت الوضع متردي
في مملكه غير معتادي

#ابوهادي_صيفان

ياشامخات اليمن ردي
ورددي طزفي هادي

بابخلف الله علامهدي
والمعتقل شرعيت هادي

#ابو_حيدر_البصلاني

افعال ذا العدوان لاتجدي
ملعون ياحلف الاوغادي

مهزوم حلف الشقا النجدي
والنصر لأنصار الله الهادي

#الكرار_العقيبي

ياحلف نجد الغباء هدي
ردي مزلزل ووقادي

الحرب من وين ماتبدي
احنا لها خير الاجنادي

#الشاعر_اسامه_المسمري

قد حان يا المعتدي ردي
و حان قصفك بصمادي

ما هي صواريخنا وردي
هي ضربها نار وقادي

#ابوفتح_الاشول

ملعون مهزوم متردّي
من يتبع حلف موسادي

شيطان في لونه الوردي
والحقد للدين وبلادي

#ابوبراءة_الديلمي

مادام شعب العز والجندي
بانقهر احفاد الاوغادي

موضوع المجاراة ..
خسارة تحالف العدوان قضية حتمية..

البداية #ضيف_الله_سلمان

الدعي ابن الدعي سلمان وابنه
قد ركز بين اثنتين
بين عيش الذل او حدّ الاسنّه
وحده ا.من الحالتين
لكن احنا بالحرايب مانبالي..

شن عدوانه ولكن خاب ظنه
سبع واحنا ثابتين..
واقبل المبعوث الامريكي بهدنه
لفلف المتفاوتين ..
رجّع (الإصلاح) فوق (الإنتقالي)..😜😜

الشاعر #ابويوسف_القاري

عاد بالخسران والخيبه وغبنه
وانكسر من ضربتين
يوم شاف النار عالق من مع إذنه
واستمرت ليلتين
شبها صماد في جده ليالي..

شعبنا جنه وللغازي مجنه
واسمه ارض الجنتين
والغزاه ومن يريد النيل منه
بايعذب مرتين..
داخل الساحل وفي الحد الشمالي

الشاعر #احمد_درهم_المؤيد

كلها امريكا عليها الف لعنه
لجل ضرب الأمّتين
هي وراء كل الحروب وكل فتنه
كيف نبقى صامتين!!
من صمت في الوضع ذا يصبح موالي..

وعد رب الكون ذي لابد منّه..
نوصل اولى القبلتين
نخرج المحتل منها غصب عنّه
بعدما افسد مرّتين..
والحرم يصبح من ابن سعود خالي..

#محمود_الجنيد

الحرايب ياغبي مش لعب دُمنه
ليت آذانك يسمعين
لايغركش العميل وكبر بطنه
واسمع اسمع كلمتين
ياتبطل حرب ياتلقف نكالي

من يقل باتنتصر كذاب دقنه
لاتودف مرتين
مثلكم في المعركة مابا نحنه
من يخون القبلتين
والله ان قتله في البيدا حلالي

#ابوصالح_العملسي

اصبــحو في فك عكس الي يظـنه
ضايعين مشتتين
قد نصحناابن الدعي صحنافي اذنه
لا يقلو ساكتين
لا كــن الـكبـــره توطــي كل عالي

طـــاردنــه من بــــلادي طـــاردنه
وانتزع منه الوتين
والحرم والقـــدس شفــني فاتحنه
وافرج الله كبرتين
والله أكبــر هـــدت العرش الخيالي

#ابورواسي_أرحب

عز يوسف وأنتصاره بعدسجنه.
للخلايق آآيتين
تثبت أن الي سهر لله جفنه
بايحقق غايتين
عز في الدنيا وجنه في التوالي

واقع الماسونيه في الناس حفنه..
شجعتها الأسرتين..
جرعوها أهل اليمن للموت حقنه..
أفقدتها الوجهتين..
في معارك فاقت الوصف الخيالي

#مانع_البوساني

شعبنا الكامل بريفه او مدِنِِّه
مثل الأعضاء واليدين
حُب أرضه داخل اكبادِه. يكنِِّه
لليمن نيني وعين
دايماً مرفوع بالعِزَّه وعالي

والسعودي قد بكاء لا وسْط حُفنِه
من ملاطيم الحسين
والدموع الحُمر قد كَوَّين جفنِه
واعتمئ. مٍن ما بكين
ذوَّقينه موته اخشام الأوآلي

#الشاعر_ابومحمد_السحاري

من غزانا ندعس اسنانه وقرنه
بلخزا يصبح مهين
من اتا بحسان ناتي له بحسنه
من شمال ومن يمين
نهجنا القران ماشي له مثالي

ومن اتا بلكبر بانقتص منه
في جميع الحالتين
اهل واحنا لها مافي ركنه
ذي يخون القبلتين
والوطن والدين يحموه الرجالي

#إبتسام_شرف_المحطوري

لو يحاول او يحاول بان غبنه
اللعين ابن اللعين
ذيـل تـلعب به مَـرِيكَا لعب دمنه
وَصْمَتَه فوق الجبين
في جهنم مرجعه مضمون فالي...

والشياطين خاوت المهفوف ابنه
من زمان وا هُو جنين
ايش هذا الوغد متخبي بذهنه
ساكني وسط الوتين
شعبنا هو في الثريا نجم عالي

#ابراهيم_الشرفي

كاذب العدوان هدنه بعد هدنه..
والطواير يقصفين
قصف واستهداف.. حتى للأجنّه
ما معه ذمه ودين
بس ودّف حلفهم من يوم جالي

كلما العدوان حلف ابليس شنه
يرجعوا متقهقرين
واليمن صامد ومتماسك لأنه
سار في درب الحسين
كلنا ننفر رجالي يا رجالي

#علي_مغلي

يركبو في طقم ولا في دينة
والله انهم حانبين
نصرنا مضمون والرحمن ضمنه
قال حزبه غالبين
والبردلي كبرها داسه بآلي

خصمنا معروف لاقد قال هدنه
نستعد لهجمتين
فتش التجويد فيه ادغام غنة
ما تلاقي غنتين
واليمن معروف عنه ما يبالي

#عدنان_جحوح

من جهل شعب اليمن بايعرفـنـه
وابشروا يالمعتدين
حلفكم خاسر وهذا الامر سُنّه
باقية مر السنين
دام وحنا بالمنية ما نبالي

نصرنا خفّاق من عهد الأَجِنّـه
قالها السيد حسين
من بغانا بايلاقي ألف لعنه
تحرقه دنيا ودين
لجل دين الله نرخص كل غالي

#الشاعر_عبدالله_حسين_مسعود

هو من امريكا واسرائيل منه
واضحه دنيا ودين
ادخلو الوهابيه في الدين فتنه
نهج ارهابي لعين
منهج الحاخام وأرباب الضلالي

حربة الممقوت فوق الشعب شنه
عدت السبع السنين
والتحالف في اليمن قد خاب ضنه
وانصدم في صخرتين
حكمة السيد وفي الشعب الموالي

#ابو_برق_الظرافي

نهجنا هيهات منّا الذل كنّه
ماسكينه بااليدين
لن عيش العز للاحرار جنّه
واصطفاء السيدّين
لليمن رفعه من الله يارجالي

بانحمّل كل بندق الف خزنه
دام عهد الحر دين
والتحالف باالوجع ذي صاب بطنه
مالقى ذا الحرب زين
حين شاف الموت في ساح القتالي

#براق_المنبهي

‌‎الأسد في المعركه ماعض جفنه
نظرته»للقبلتين
ماوهن عزمه سرى فوق الاعنَه
محتزم بالجعبتين
والكتف مكتوف بحزام الآوالي

شوق قلبه للسفك والحرب فنه
يوم خصمه قانتين
في الصحاري حن واضرم كل رنه
قالها في كلمتين
النصر والا الشهاده راس مالي

#علي_الشعيثي

تم جاموس العرب بره وسمنه
والتقين الكلوتين
قد حلب لاما التصق ضهره وبطنه
ركبوله ضرتين
مانفع بره وسمنه والمقالي

#مانع_البوساني

فُتَّحت بوب الأمل والمغالق
والسلا والخير مزنِه غزير

بعدما اقصوا كل خاين وسارق
ذي مخالف منهجه والمسير

والمسيره ساقها خير سايق
بالهُدي والدين نِعم المصير

#ابوحرب_الفقيه

في مغارب شعبنا والمشارق
الزكاه اعمالها اعمال خير

خيرها قد عم كل المناطق
خيرها عم الغني والفقير

واسالك ياخير والي ورازق
ان توفقها لبذل الكثير

#شهاب-المتوكل

شعبنا ياذي بمولاك واثق
افرح افرح بالزفاف الكبير

وارفع البيضالمسؤؤل صادق
يعمل بذمه وعنده ضمير

في الزكاه اليوم غاظ المنافق
زوج العزبان من كل دير

#شبل_ماويه

عاد بيت المال قل للمنافق
لا يزايد او يلفق كثير

الزكاه اليوم لكف صادق
والمزكي هو بذاته يدير

الفرح صافح جميع المناطق
ليش طيب والمنافق يغير

#عبدالله_بحنان

في شراك الأمــركه كل نـاعق
غاض من عرس الزكاة الكبير

حارق وخارق لحاقد منافق
ونهدي العرسان من فل العبير

سابق ولاحق نزيح العوائق
والعمل لله أخلاص الضمير

#الشاعر_بشار_دهقم

خير مشروع له راعد وبارق
وأثمرت في الزفاف الـكبير

نمتلك ايمان با لله صادق
والهدى والحق خطاً يسير

شعبنا قادات مابش فوارق
بأن هاذا غني والا فقير

#ابوبراءة_الديلمي

يايمن ليمان للمجد سابق
وعلنه عبر الصحف والأثير

ديننا يارجال الله سنه نطابق
دين ختم المرسلين المنير

باالزكاه بانجعل الشعب رايق
والزواجه لشباب المصير

#ناجي_القطيبي

لاتخافو من كلام المنافق
الكذب ياناس حبله قصير

بانزوّج تسعه الاااف صادق
من زكاة اهل اليمن لويطير

اهجمو يهل الجعب والبنادق
فوق من عاده يشبّ النفير

#جلال_الغولي

مت بغيضك موت ياكل ناعق ..
يشهد الله ماتلاقي مجير

عرس تسعه الف خط الحقايق
ماحصل مثله ولاله نظير

اليمن في صون عرضه مسابق
وانت داري ان شخصك حقير

#ماجد_المطري

كل خطوة باتغيظ المنـافق
ترضــي الله القوي القــدير

إشهدي يالنايفات الشواهق
بانشجعها صغير وكبيــــــر

للزكاة اليوم من كل خـافق
تعلن الأفراح يـوم النفيــــر

#ابوسياف_الوحيشي

المنافق طول عمره منافق..
لو تهب له قمح ردده شعير..

بوق ناطق لنميمات عاشق..
فطرته منذ الطفوله حقير..

بانعررس بللغوا كل ناعق..
رغم انفه والمسيره تسير..

#ماجد_النوعة

شعبنا المغوار مؤمنٍ وصادق
واحتفل بالاف وقت العسير

زوجوا بالاف رغم العوايق
عرسوا فيها لمن هو فقير

وشعبنا المقدام كان المسابق
وفي زكاة المال صار الكثير

#الشاعر_ابوحاشد_ابوسعيد

قد تزوج مجد يحيى وصادق
والبطل هادي وخالد بشير

دق راسك يا منافق منافق
اليمن في عرسهم مستدير

اليمن خيره يعم الشواهق
من زكاته عرسهم والنضير

#الشاعر_عبدالرزاق_ذياب

يارجال الله يانور شارق
في عرس هذا الحضور الكبير

رددو لبيك يابدر صادق
باسم ابو جبريل هذا القدير

#بشير_سفيان

اليماني كلجبل حيد شاهق
والتعاون بل الغني والفقير

كل عام اثبات صدق الحقايق
وزكاه مشروع خيري وفير

كمموا افوه كمن منافق
واسكتو ابوق كمن حقير

#ابومحمد_العفاري

لاجل استار النفوس بالمحازق
والزواجه شي يروي الضرير

حصن للانفس من كل ماحق
دائما يسعى لهدم الضمير

بالناعمه قد شكلوها الفيالق
جيش متنكر بلبس القصير

#صالح_عنبل

للاشقاء كلهم والشقائق
بانبارك في فرحهم كثير

وانصح اهل الفندقه والحدائق
تحت بقعا خير لك يا خبير

لو حديث الزيف صابح حقايق
كان ما ابوها عديم الضمير

#اشرف_الحسني

الــزكــاة لــكــل مـهـمـوم ضـايـق
يــــوم ابــونـشـطان فـيها الوزير

خارجت مسكين بين الهم غارق
سـهلت لـــه كـــل مــاهــو عسير

يـوم كانت قــبل في يــد سـارق
مـاتـصـل محتاج والا ضـــريـــر

#عبدالله_العباد

لونقارن مامضا في فوارق
لازكات اليوم فارق كبير

في زمان البدر شفنا الحقايق
شافها فى الشعب كمن فقير

حق بيت المال قل للمنافق
في مشاريع كلها فعل خير

#الشاعر_محمد_ابوالعز

كوكب الايـمـان ازهـر بالحدايق
و الامـاني فـاحـت اطيبها عبـيـر

و التـهــاني و الفرح لم الخـلايق
حـول تســــعــه الف بـدر ٍمـنـيـر

يوم الاثنين شرفوا نفرح نعانق
و نبـــــــــارك عـــرس كمن امـيـر

#مؤيد_التوهمي

الفرح قد عم كل المناطق
عرس كمن شهم كمن امير

رغم هذا الحرب يهل السوابق
شوف عرس ابن اليماني الكبير

عرس أهل الحق وهل الحقائق
المجاهد والجريح والأسير

#الشاعر_ابوحرب_العتب

الزكاة واجب علينا نسابق
في أداها ياالصغير والكبير

شوف زكاتك أحدثت كل فارق
حيث ما الباري أمر ذي تصير

لا تصدق للعميل و المنافق
زك عالدرهم وحب الشعير

#الشاعر_متاش

بعدما قد كنت يا اصحاب ضائق
جاء ذي اسعدني جزاه الف خير

في عرس تسعة الف عازب مفارق
بعضهم في العمر قد هو كبير

عبر هئية خيرها اليوم دافق
في خطى اعلام الهدى ذا تسير

#الشاعر_زياد_زيـد

الـفـرح قـد عـم كل المناطـق
بالعـرس ذي مامثيلـه نضيـر

العـدو مهـزوم والكفر زاهـق
قد تحاصر حلفهم وسط بير

دام وان الحق له قول ناطق
اعرف ان الكذب حبله قصير

المجاراة بعنوان
الامام زيد بن علي (عليه السلام) شاهد على المنهجية القرانيه

البداية #ضيف_الله_سلمان

مع الله جاهدنا قوى الكفر والطغيان
على منهجية زيد وبنفس خطواته..

إمام الجهاد الكامل الدين والايمان
ووارث كتاب الله من كامل اجهاته..

بمشروعه استهدف قوى الاثم والعدوان
وصوته بقي رغم انف من حاول اسكاته..

وجسمه حرق من اجل لا يحرق القران
وفي ما(الفرات) اعداه قد ذرُّوا ارفاته..

ومازال أسوة في جهاده مدى الازمان
لمن آمنوا بالله وبصدق آياته..

#الشاعر_ابوالعباس_مفلح

لنا العز والقوة والافعال في الميدان
ومن زيد تصميمه وعزمه وهيهاته

محال ان نهون العزم واحنا يمن الايمان
ملكنا الشرف والحق صغنا قراراته

نوالي الحسين وزيد والسادة الشجعان
ولا جاء العدو ما احنا نبالي بقواته

وعبدالملك فينا القيادة رفيع الشان
تردت ذيول الامركة من بطولاته

له العز يتواضع وله كل قاسي لان
ولا شي من انواع القيم والشرف فاته

#أبويحيى_أحمد_المنيعي

على زيد رحمة ربنا الواحد الديان
أمام الهدى الثائر بفعله وكلماته

صدق في جهاده وبالأدله وبالبرهان
وهدد هشام الطاغيه رغم قواته

ولاهي غريبه جده الفارس الفتان
بطل كربلا ذي تعرف الناس هيهاته

وعترة محمد مرغو انف ابو سفيان
ومن ذو الفقار اتعوذ ابليس واماته

ومن غيرهم زلزل قواعد بني مروان
وبيت الشجاعه تعرف الناس صولاته

وفي عصرنا ابن البدر شتت قوى سلمان
وواشنطن ارعبها بنبرة خطاباته

وجيش التحالف ذاق الاهوال فى الميدان
وخمسين جبهه شاهده بانتصاراته

#فتى_همدان

ومن جسد الزيديه ابواقع الميدان
رجاجيل ما تخشى في الله لوماته

بصيرة حسين البدر للزيدية عنوان
تجسد بمشروع الملازم وصرخاته

على الحق جاهد من أعالي قمم مران
ولا اسكته سلطان جائر بغاراته

وجسمة حرق بالغاز في جرف بن سلمان
وفي المركزي اخفوه اعوام برفاته

وما زال مشروعه يقارع قوى الطغيان
هزمنا تحالف نجد جيشه وقواته

#ابوالمازن_عبدالله_الشريف

بذكراه نحيي ثورة العز والفرسان
ونمضي على دربه ونهتف هتافاته

نواجه طغاة الارض من زمرة الشيطان
ولا زال فينا زيد حاضر بصولاته

مع الله واعلام الهدى نجعل الميدان
على كل طاغي نار تجتاح قواته

وقدواتنا قادات للتضحيه عنوان
ولا ذل من كانوا رموزه وقاداته.

#ابورواسي_أرحب

عليا الطلاق أن السقيفه وأبوسفيان
درج ..أوصلت حقد أبن مروان غايااته

ولكن زيد أكسر غروره في الميدان
ودمه .جرف ملكه و حشده وقوااته

ويبقئ لنا من زيد عبد الملك عنوان
لنا الفخر في نهجه ونعمة موالااته

وقرآآننا المنزل محرم علئ النيران
ولا من تجينن يقضي الله حاجاته

أذئ الغرب وأميه سوئ والتقاضي حااان
ولو حاول الجاني يحسّن علاقاااته

#ابوهكام_الحشيشي

مع زيد وال البيت لا جنة الرضوان
سرينا وضحينا على منهجه ذاته

ومن منهجه قاصف وقاهر مع البركان
مع ذالفقار الحيدري في منصاته

ومن زيد لا زيد ابن مصلح ومن مران
حسين ابن بدر الدين نوره ومشكاته

مع زيد زيديين لو مابقى انسان
نجدد لصولاته بعزه وجولاته

ثبتنا في الماضي معه شيعته والان
مضينا وبا نثبت الى اخر محطاته

#ياسين_الفروي

من"الزيدية"جيت انظم الشعر والقيفان
وانا في "مسيرة زيد" و الإنتماء ذاته

و ما زال دمه يجرف البغي كالطوفان
ورب العباد احياه في الناس ما ماته

و هيهات لابنا"هند"واحفاد"ابو سفيان"
و من هو تجند معهم اسقاط راياته

فهذا حفيده ذي ظهر من جبل مران
و ذاق الملوك الطاغية بعض ضرباته

و هذا يمن الايمان والحكمه الى الان
يسطر على منهاج "زيد" انتصاراته

#مانع_البوساني

مع الله نسري في المواقع وفي الميدان
وهاماتنا بالعزم تلمس مجراته

علئ نهج زيد القائد الشاجع السلطان
ورثنا الشجاعه من شموخه وعاداته

يماني مقنِِّف منحنت هامته لانسان
يحقق طموحه من أصوله ومن ذآته

علئ العز ماشي هامته مثلما عطان
موالي لمشروع الهُدئ بعد قاداته

قياده حكيمه للوطن جابها الرحمن
هنيئاً لمن وآلاء ويخلص موالاته

#عزالدين_جحاف

وفي عصرنا من جرف سلمان جبل مران
تحرك حسين البدر ودوى بصرخاته

وواجه قوى الطاغوت بالنور والنيران
وبالوعي والإيمان ربى رجالاته

على نهج زيد ابن علي يمن الإيمان
ونهج الحسين السبط ماتغيرت ذاته

وشعب اليمن هو للوفا دائما عنوان
مع المصطفى والآل في كل حالاته

يجاهد ويستبسل ويبذل مع الرحمن
ويسعى ليكسب رحمة الله ومرضاته

#حسن_السعيدي

إمام الأئمة زيد سبط النبي العدنان
ونجم الهدى الساطع ونوره ومشكاته

علم هدي رباني وقرآن في الميدان
تحرك في الواقع وجسد لكلماته

على منهجه ثرنا ودسنا قوى الشيطان
وغاياتنا الكبرى مع الله غاياته

بوعي وبصيره رجحت كفة الميزان
وصدت غوى الباطل بكل اتجاهاته

قضية جرت مجرى الدماء داخل الشريان
وهيهات نترك زيد حتى ملاقاته

‌‎#مقبل_حسين_جرام

قهرنا هشام العصر هذا ولد سلمان
واقدامنا داست على خشم قاداته

و والله مانسكت على ظلم الامريكان
وفينا قرين الذكر يصدح بآياته

جيش صهيون نصه بين جرحى وقتلى
والبقية عشاء قومي رجال الحرايب

والكيان في هوس آيات ربي تجلى
امزعو راس ابوزنار يهل النوايب

نصرنا نصر كوني كلمة الله أعلى
مد جنده بعونه في جميع الجوانب

قوته غالبه والقدس اغلى وأغلى
لن يعادل ترابه كل ذا الكون قاطب

#الشاعر_عزالدين_المرادي

طعفروهم رجال الله انتاف وشلى
ورتوت لارض في غزه بدم الأجانب

اذن الفجر في الاقصى وكبر وصلا
وانطلق في سبيل الله قلباً وقالب

وعد لله ذي من فوق عرشه تعلى
مانفرط في افلسطين والله غالب

بلغو صلف اسرائيل اهلا وسهلا
قبله الموت الازول في فلسطين ضارب

#الشاعر_عبدالكريم_الشمسي

الله أكبر تزلزل بارق النصر علَّا
شبت النار شبت شرقها والمغارب

طاف صهيون طوفان المقاوم وملَّا
من جثثهم جهنم وأمتلت بالكتايب

هذه إلا البداية باقي ايام خبلاء
يحلم النذل فيها ان يعود الترايب

يوم يندم منافق لليهودي تولى
بعد طحن الصهاين باللضى والمخالب

#ابوهمام_سليم

راح عـصـر الإدانــه يا عــربـنـا و ولّــى
وابتدأ عصر أخـذ الثأر والـحـقّ غـالـب

حان تحريرالأقصى سُعدمن فيه صلى
واحـتـزم جعبته للقدس شـد الركـايب

والتحق في النشاماما خـظـع او تخلى
ضمن محورمجاهد رغم كل المصاعب

الكيان انـهـزم مـابـيـن جـرحـا وقـتلـى
يوم طوفان الأقصى طم من كل جانب

#ابوهادي_الجامع

يبن سلمان قل لصحابك اليوم مهلى
جيش القصى نهاية كل خاين وعايب

البشاير قريبه قول متبوع فعلى
والنهايه قريبه والغرايب قرايب

مثل طوفان قادم الف مليون واعلى
كل محتل غاصب بايشوف الغرايب

#مانع_البوساني

الظلام انجلاء والضُلم غادر وولَّاء
وانتهت هيمنة صهيون بعد التجارب

بعد طوفان ذي جنَّح بريشه وعلَّاء
حطَّم الكُفر واسرآئيل سارت خرايب

واليهود انتهوا قطَّع مناخرهم اشلاء
بادهم ذي إبادتهم لنا فرض واجب

#أبوأحمد_الوايلي

لآح براق نصر القدس والشر ولـى
با تزول الفتن وتزول كل المصايب

فوقهم يا سرايا القدس يامن تولآء
بعد ربي كتابه والنبي وإبن طالب

اليهودي تقطع داخل القدس أشلاء
ما بقي له مِنجي من رجال الحرايب

نصـر ربي لمن جاهد عدوه وصـلـى
من توثق بحبله مارجع يوم خايب

#أحمد_الخاشب

ما لصهيون -من طوفان- ناصر ومولى
قل له البيت الابيض مثل بيت العناكب

محور الحق بعد اليوم قد قال كلا
لا بقى لاي صهيوني يهودي وغاصب

انتهت كل هدنة قد أضلّت جِبِلَّا
وابتدت مرحلة تمزيقهم بالمخالب

#محمد_مجلي

ياشــواهــــد في الواقــــع وآيات تُتــلا
وثقـي معـركــــة طـوفان من كل جانب

سلط الله محـــورنا على امـــريك وابلا
بعــد ماباعوا الاقصـى العــرب للأجانب

انهـــزم جيـش بن صهيون وادبـــر وولا
مامعه غير يرحل غصب مذموم خايب

#ماجد_المطري

جيش صهيون من طوفان الابطال ولَّى
ذاك مقتول ذا مأسور هاذاك هارب

دام والحق لاهل الحق والحق يُعلى
لن ترى القدس بعد اليوم محتل غاصب

وابشري يادما الأطفال يادمع ثكلى
حان ميعاد أخذ الثار والثار واجب

عزمنا عزم يتلهجم كما نار شعلى
با نشارك ببركان اليمن والكتايب

#عبدالله_حسين_مسعود

حسبنى الله جل الله والله اولى!!
من تولاه يتفنن بصنع العجايب!!

من يصدق مع اسرائيل الفين ثكلى!!
بعد طوفان حلي فوقهم يا المصايب..

الزمن دار والأشلى تقابل بأشلى !!
قل لصهيون هل تقوى فراق الحبايب؟

#عبدالقوي_البطل

واليمن قام في عمق الحدث صرح ادلى
قال واجب علينا ياعرب الف واجب

نعتصر كلنا ثورة مع القدس فضلى
نرفد اخواننا بعيوننا والحواجب

مايجوز السكوت وغزة حزينة وثكلى
وما نقف جنبها في المحن والمصايب

#ماجد_القادري

دام طوفان الاقصى بالكرامه تعلى
عانق النصر عانق عمق سطح الكواكب

بلغوا جيش صهيون كوكب الارض صلى
واصبح الكون كامل اعلن الأمس تائب

الوضوء وسط صنعاء والصلاه بالمكلاء
والسجود وسط غزه فيه كل الأقارب

دام والقدس غالي من لربه تولى
دام والنصر أتي لاح نور السحايب

#محمد_زيد_ابومنصر

جاكم الوعد يابناء القرود الاذلى
قوه الله ياصهيون من باتحارب

لوجت امريكا رحبنا باهلا وسهلى
من خشوم البنادق والمذلق وذايب

باننكل بهم في حضرموت والمكلى
شعبنا شعب منجهز لكل الحرايب

#ياسر_الزافني

بايصال المدد للقدس حيث المصلى
من بلاد اليمن توصل جنود ابن طالب

يافلسطين حان النصر والحرب دلّى
والجيوش اقبلت متلهفه للحرايب

حينها تصبح اسرئيل ياقوم ثكلى
بعد تطهير يشمل شرقها والمغارب

#الشاعر_ذوالـفـقـار_الـقـيـدلـه

الكيان ارتعب من وقع طوفان خلاء
كل مستوطنه مقتل لصهيون حاصب

وعد ربي صدق سبحانه الفرد الاعلى
من كشف ذل إسرائيل في كل جانب

دام الاقصى قضيتنا الركيزه والاولى
كلنا ياحماس ابجانبك. بانحارب

والقسم ياتراب القدس مامن تخلى
عن فلسطين إلا كل خاين وعايب

#احمد_تاج_الدين

يامـنـايـا ارحـبـي حـيّـا وأهـلا وسـهـلا
فيـلق القـدس قـادم ماحدا فيه غايب

ألــف كـلا يــسـاوم بالـقـضــيّـه وكـلّا
ويل صهيون من بركان وطوفان وثاقب

‏المجاراة بعنوان ‎#ثابتون_في_الموقف_مع_غزة_حتى_النصر

البداية ‎#مانع_البوساني

شد الهمم يا شعب وتألَّق
واشمخ براس المؤمن الثاير

وقل للاقصى لا يكن يقلق
ولا يخيفه حمله الجاير

البحر الأحمر بابه اتغلَّق
وسيَّدِي في يدِِّه الداير

‎#ضيف_الله_سلمان

الوعي عالي والولاء مطلق
والله لانصاره هو الناصر ..

والعصر هذا عصر (جاء الحق)
مهما أتى(لا يفلح الساحر)!!

فرعون واشنطن بدأ يغرق
واحنا مع غزة الى الآخِر..

‎#محمد_التركي_الهلالي

مــا دامــنـــا بــالــلــه نــتــوثَّــق
فـالـخـيـر مــعــنــا حُـولـنـا دايـر

والله جـعـل للـمـومـنـين مِـرفـق
وردَّ كــيــد الـخــاسـي الـبـايــر

بـالـحَــقّ دَقّ الــبَــارجــه زَورق
خَـلَّا شِـقَـمـهـا في السـماء طايـر

‎#الشاعر_ابوكنن

البحر لا يرحم ولا يشفق
لا قد تحرك موجه العاصر..

سبحان ذي سدد وذي وفق
باالبدر والبركان والقاهر

خلا قوى العدوان في مخنق
بقوة الله العدو خاسر

المجاراة بعنوان الذكرى السنوية الأولى لرحيل الشاعر المجاهد #رياض_علي_ناصر_الصايدي رحمة الله تغشاه واسكنه فسيح جناته.

البداية #أبورواسي_أرحب

عز الله إن الصايدي حي مامات
لكنها زادت سنه في حياته

شهورها قيفان وأيامها أبيات
أحيى بها ذات القصايد وذاته

وشعرنا لليوم والأمس ذي فات
مازال كله وحي من مفرداته

#نشوان_الغولي

ذكرى حياته باقية كل الاوقات.
ما فارقتنا غير ذكرى وفاته.

جعلت له فالقلب موعد و ميقات.
أحيا معه و اعيش في ذكرياته.

ما زالت ابياته تراتيل و آيات.
و ابداعنا لا زال من منجزاته.

#وضاح_الحميصي

الموت سنه من الآه السماوات
ومامعى الميت سوى ذكرياته

والصايدي كلمات غير اي كلمات
شاعر مع الباري وله مكرماته

صريح وجه لوجه من ذات لاذات
وفي من اول يوم حتى وفاته

#الشاعر_عبدالرقيب_الـوجيه (أبو جمال)

شاعر وفارس في جميع المهمات
بصمة مجاهد خلدت ذكريــاتــه

يشهد له الميدان وأبيــاته إثبات
مسك القوافي والأدب في رفاته

الصايدي جسَّد مفاهيـم هيهـات
فخر الأدب من هامته لا حفاتــه

#عبدالرحمن_الريامي

رياض موسى الشعر عند المهمات
بحر القريحة ينفلق من عصاته

كل القصايد تنحني والكتابات
قبل الوفاه ويوم ذكرى وفاته

شاعر بطل سوا بشعره بطولات
واحيا ممات الشعر واحيا مماته

#ابوهكام_الحشيشي

ياوجد حالي وجد الاحيا والاموات
وجد الذي في الحشر ضيع صلاته

على الذي فرقاه تنعيه الاصوات
والشعر بعده مات واعلن وفاته

فالبال ذكره الف واربع ماىة وات
الصايدي لاشتقته ادخل قناته

#عباد_ابوحاتم

‏مرت سنه ونات واحزان واهات
على الفتى ذي ماحد١ في صفاته

اعز صاحب بين الأحياء والأموات
المرجلة والطيب من معطياته

انا فقدت الصايدي زود بالذات
الله يصبرني و يرحم رفاته

#الحمزة_المغربي

سيرة #رياض_الصايدي قول واثبات
في القافيــة والحرب ما اعظم ثباتــه

كـتـب هو الله الــمــسـدد وقــد بــات
صـدق الثــقــة بالله يــشـرح صـفــاتـه

يا الله تجعـــل مسكــنــه خير جــنـّات
جــنــب النبـي وآلــه سفينــة نجـاتـــه.

ـ ‎#محمود_الجنيد

‏شاعر حروفه هزّت ام الولايات
وحطمت كيد العدو وامنياته

شاعر يقول الشعر من وحي آيات
ماهو من اللي يمدح اليوم ذاته

"رياض" ما با ننصفه بالمجارات
افعاله العظمى تجسد صفاته..

#زيد_الخراشي

ماعادها من بعد صايد سلامات
خلي سراح الشعر ياذكرياته

تطيح في راس المهم المهات
الضعف فسليمان او في عصاته

لكن رياض الصايدي حي مامات
من صبره اتعلم ومن تضحياته

#ردفان_الرقيمي

أجمـل بنـــات الفكـر صارت يتيمات
مِن بعدما قد مــات أبـــوهن بــذاته

ما مات مَن وَرّث وَلَا الصـايدي مات
لا زالـهــا كل القصـــــــــــــايد بنـاته

(رياض) موسى الشِعر والإبتسامات
إذا تـــــوفّى ما تــــــوفّت عصــــاته

#ابوعايض_ناصر_الصايدي

#هو_الله ذي خصه بكل الكرامات
واحـد تقدس في سموه و ذاته

والموت سنه لكن رياض ما مات
لانه وهب روح الشعر من حياته

تبقى القوافي شاهده له والأبيات
والحرف يشهد والحبر في دواته

نستودع الله كل الاحياء والأموات
ورياض يالله تغفر لـ سيئاته.

#أبوعلي_عبدالله_القاسمي

الصايدي مامات والواقع إثبات
إنه جبل ماقد تزلزل ثباته

مغارس الطيبه لها موسم إنبات
ورياض في كل المواسم نباته

ثابت" ومن سرّى على الكبرياء بات
ون نام " موروثه يقظ في سباته

#ماجد_رشدان

الصايدي قلب القوافي والابيات
في محور الاحرار ومقاوماته

يسري مع اسراب المسير على ايلات
ومع سرايا القدس ومجنحات

حي الضمير الحي في عصر الاموات
موته على دينه ظمانه حياته

الصايدي منهل وفاء عذب وفرات
واعذب مواريد القصيد وفراته

#الشاعر_محمد_الصايدي

رياض ماغادر وهو داخل الـذات
اروى عروق الشعب من مفرداتـه

خـذاه مـنـا الله رب الـسـمـاوات
في شهـر كله خيـر كانـت وفاتـه

نقرا الى روحـه من الذكـر ايـات
لعـلـهـا تصبـح سبـب في نجـاتـه

يـارب سـآلك تبـدلـه كل مـافـات
رحمـة وتـتجـاوز علـى سـيئـاتـه

#جميل_الكامل

حب الفتى في الله ينفخ بمن مات
روح الأخوة يخلقه من رفاته

وِيْرَجِّعَ اللي عاش واحد لِمِيئَآت
آلاف من يتوحدوا في صفاته

وِرْيَاض صوته قد تفرقد لِأَصوات
واترسخت في كل عازم سماته

#فارس_المعزبي

الصايـدي لازال فينــــا وسامات
ومعنـويــه ثابتـــه مــــن ثباتـــه

مامات واسمه في جميع المقامات
ان قلـت عنّـه مـات ينفي مماتـه

انا اشهد انه كان مسك الختامات
الشعـر يتصبَّب عسل من شفاته

#مانع_البوساني

للصايدي بيرق رجوله ورايات
وفخر من جودِه ومن معطياته

صدَّر مدا تاريخه اكبر بطولات
والدهر بثِِّه واختزن في قناته

شاعر وشعرِه شِعر وابياته ابيات
حقَّق بهن قصدِه وكل امنياته

#صالح_النقيب

الصايدي من صانعين المرورات
دون دروب المرجله في صفاته

هو حي ذكره في جميع المهمات
وهاجس اشعاره تبين ثباته

له شعر بالستي يصيب البعيدات
باقي منص أطلقها من رفاته

#حمزة_الحيمي

المجاراة عن (يمن الايمان والحكمة والجهاد )

البداية #ضيف_الله_سلمان

يايمن في شموخه ما انحنى للعواصف
في سماه التقت امة ونهج وقيادة..

صرخته في السماء راصد ويافا وقاصف
جسدت قوة الموقف وصدق الارادة

#محمد_الاخرم

شعب حطم قوى أمريكا وهز التحالف
شعب ينبض إباء وشموخ فخر وسيادة

شعب كرار يأبئ العيش مثل الخوالف
دربة النــــصر للإســــلام ولا الشهادة

#أحمد_درهم

(لو عقول اليمانيين داخل مغارف)
والعبارة لصاحبها وفيها إفادة

ما حكم شعبنا مدعوس خاين وخايف
مهد الايمان تاريخه جهاد وسيادة

#فارس_المعزبي

اليمن لـ اهل غزة" بالقضية مِناصِف
خاذ رغم العراقل والضروف الرياده

عاد (يافا) لـ آلاف الجثث باتراصف
والمراحل طويلـه" والقليلـه زياده

#أمين_العملسي

عزك الله عز اهل التقا والمعارف
ياوطن به تربا عاشقين الشهاده

في رضا الله ماخفنا جميع المخاوف
باالاراده ثبت من حيث ماالله اراده

#أبورواسي_أرحب

الكرامه عقيده والرجوله مواقف
والولاء والبراء ذروة سنام العباده

معشر أنصار طه حازمين الطوارف
لعنبوا من يفرط في سيادة بلاده

حاملات العدئ تفتح جهازالتعارف
وإن ماشي تجهز نفسها للولاده

#عماد_العملسي

باالتولي وبرجالك حماة الطوارف
انطوت فكرة امريكا لفرض السيادة

في ذراك احتمى من كان باالامس خايف
واصبح اليوم يسعى لستعادة بلادة

#ابوناجع_المنبهي

لك مواقف عظيمه اعجزة كل واصف
وانت من جسد الحكمه وعشق الشهاده

فيك الايمان دافع والحميه قواصف
والشجاعه في الجينات والجود عاده

#محمد_مفلح

اليمن من زمن عمار لا عصر قاصف
شعب فيه الفدا ميزه والإقدام عاده

لال طه وفاهم ما يجاريه واصف
من زمن حيدره لليوم والال قاده

#الشاعر_نضال_حُميد

ذي هزم قوة الباطل وجيش التحالف
مايبالي بأمريكا وحرب الإباده

كل أاااافه نواجهه بعدة أوايف
والف لعنه على خاين وبايع بلاده

#الشاعر_امين_الحارثي

سيدالقول (ميزان الرجال المواقف)
والشهاده شرف والقتل للحر عاده

عهد لك يابن بدر الدين فوق المصاحف
كلنا تحت امرك نصر والا شهاده

#مانع_البوساني

ايش اقول فاليمن وايش المواصف يواصف
السعيده بلاد الهنجمه والسعاده

لو شرح هاجسي طول العُمِر ما يناصف
شرحها .. ساحة امجاد العرب والرياده

#الشاعر_خالد_البصيري

شعب الايمان والحكمه وشعب المواقف
في سبيل الكرامه نصر والا شهاده

شعبنا يا بني صهيون طوفان جارف
من تعــداه مـا والله يهنـا رقــاده

#الشاعر_فرحان_السلامي

يا يمن في السما مجدك و لا له مواصف
يـرتقــي بالهُـدى و المــرجلـة و السعـادة

قــوة اللـه تجعـل كُـل مـوقـف منـاصـــف
بالعـــدالــة و نـــور الحـق خيـر الإفــــادة

#همدان_حجي

انتزع حقه المخطوف من كل خاطف
واقتلع قلب من عاداه داخل بلاده..

جيشه الحُر وابطاله كما السيل جارف
من إلاه السماء عزمه ومنْه استناده..

#جمال_الماوري

الوحيد الذي ما له شبيه او منــــــاصف
اعتلى الجود واسرج للمعالي جـــــياده

زلزل العاصفة واضحى لها اشدّ عاصف
إن ذكرت اليمن تعرف أصــول السيادة

#شاعر_بلاد_الروس

حكمتك ضاهره قد قالها خير واصف
والجهاد من سماتك يايمن والاشاده

اثمرت نصر واقبل عهد جني المناصف
عن قريب باتكون أرض العلا والرياده

#محمد_البريهي

والقسم حيث ثشتي ياعلم ما نخالف
اليمن في سبيل الله معلن جهاده

لا قواعد من الأنصار لا لا خوالف
لعن أبو من وقف خانع بحجة حياده

#مختار_البحري

شعب مؤمن مضحي للقضية مناصف
شعب حكمة ونخوة شعب ذات السيادة

حكمتة قد تجلت في جميع المواقف
حامل اهموم الأمة ماوقف عن جهادة

#ابوكنعان_الروس

الأسى والألم والجرح بالدم نازف
لا قلق لاوهن يانصر ولا شهادة..

دام والله حاكم عدل منصف وناصف
أبشري يايمن بالغد نيل السيادة

#عماد_قيرح

يابلــد حطم ارتــــال القـــوى والتحالف
واتبـــــع سيد الموقـــف لحفظ السياده

لم تزل يايمن ليمان شعب المــــــواقف
في رضى الله مجاهد نصر والا شهاده

#الـكـرار_الـعـقـيـبـي

شعـب الايمان والحكمه عصف بلعواصف
داســـــــو امـريك واسرئيل تحت البيادة

حــر شـامـــخ مقنف كـ الحيود النوايــف
فـــــي سبيل الله اكبر نـصر ولأ شـهــادة

#رفيق_ابو_علي

شعب كله مجاهد مثل طومر وقـاصف
شعب حكمة وايمان عزتة فـي جهاده

والله الموت عنده مثل اكل المناصف
واحدة ما ســـــــواها نصر ولا شهاده

#احمد_عبدالرحمن_الظمين

شعب الإيمان والحكمة عظيم المواقف
غايته بالجهاد النصر والا الشهادة

حر مقدام ماشي له في الذل سالف
شعب دائم على الله العظيم اعتماده

#الشاعر_بدر_الكهالي

أشمخ أشمخ براسك ياعظيم المواقف
طالما وأنت في صــدر الكرامة قلادة

أنت مــن يايمن بأســه أثار المخاوف
فالعداء وانت من سارع لوقف الإبادة

#منصور_الحراسي

موطني يا سنام المجد عند الطوارف
في ذرى الحريه نلت الشرف والرياده

مثلما الأمس قد مردغت أنف التحالف
تدعس اليوم إسرائيل تحت البيادة

#ابوجهاد_صبر

المجاراة عن العدوان الاسرائيلي على #لبنان

البداية للشاعر #جبر_المسعدي

في طريق القدس بالدم سجل يازمن
ان نصر الله غالب وحزبه غالبون

واليمن كل اليمن جيش للسيد حسن
قوم(لاخوفٌ عليهم ولاهم يحزنون )

والشهاده عز والعز ماشي له ثمن
من عرفها (قال ياليت قومي يعلمون )

#ضيف_الله_سلمان

عزم صنعاء مثل بيروت دايم ما وهن
تبشر اسرائيل بالموت الاحمر والمنون

والنفس ياقدس قد لاح من ارض اليمن
والمنايا قادمة والاشداء قادمون..

والمواقف والحقايق تجلت للعلن
كم تأكد مسلمون ان ماهم مسلمون!!

#أبورواسي_أرحب

والقسم يالغرب ماعذر من دفع الثمن
ثار بالمربوع من مال خيبر والبنون

ياحسن نصر الله أبشر ونعلنها علن
عاد في ضهرك ملايين حمران العيون

عهد لومازد بقا مننا إلا أبوكنن
إننا وياك  واحد نكون أولا نكون

#ابوجابر_صبره

زمرة اسرائيل قال التهامي (ودفن)
ودها تنجى وتبقى وهذا لن يكون

ومحور الوعد الإلهي أتى يثبت سنن
تجعله في حالة (إني أرى ما لاترون)

وانتهى سمن البقر بعد ماجف اللبن
واصبح الراعي بلا فيتمين ولا دهون

#محمد_الاخرم

ماخــــــــضعنا للطواغيت كلا والف لن
عهد يابيروت لا نسقي الخصم المنون

دمنّاء واحــــد وبا ننهي المجرم معاً
ومثلما صنعاء وبيروت غزة ماتهون

والقــــسم لا يــدفع اللوبي المجرم ثمن
ومن مع إسرائيل والغرب بكرة يندمون

#أمين_العملسي

الله اكبر والله اقوا وحن به نستعن
وحده الجبار سبحانه وفيه الركون

واليمن لبنان تبقا ولبنان اليمن
صف واحد كلنا يانكون اولانكون

نذر لاماجا للكيان اليهودي يوم جن
وانعجن والافماحن حمران العيون

#مانع_البوساني

با نقاتل شلة الشرك عُباد الوثن
لا تراجع لو نضلي نحاربهم قرون

حرب لوما زد بقي حد ولا يبقئ سكن
شعب الايمان الأبي ما يخيِِّب للضنون

كلنا في صف واحد ونعلنها علن
نفدي الاقصئ وغزه بالاموال والبنون

#ابوشاكر_المضماري

سيدي عبد الملك رزح للسيدحسن
واليمن لبنان والكل حمران العيون

في ابتغاء القوم لا ضعف فينا لا وهن
وان تألمنا فهم مثل ما احنا يألمون

بلغو غزه وبيروت تبشر باليمن
والله انا جيش محور علي ذي ما يهون

#ابو_غسان_الحدي

اليمن لبنان والضاحيه صنعاء اليمن.
صف واحد صفنا صف كل المؤمنون

القضيه قدس وارض العرب كامل وطن.
وسعوها حرب شعوا نكون او لانكون.

ياعبيده من خذل قال جاهد بالسنن.
والوفي من دك صهيون والمتصهينون

#ناجي_القطيبي

قل لبوهادي وحزب الله ان اهل اليمن
جنبكم. في. معركة يانكون اولانكون

كلناّ اخوه. اشقّا. ويجمعنا. وطن
الكرامه ساكنه في قلاعه. والحصون

من رما. بيروت بالطايره والميم. ون
بايجيه الرّد من. عند. حمران العيون

#فارس_المعزبي

شعبنا حامـل سلاحه ولابس للكفـن
جنب حزب الله واقف وبالله الركون

العدو واحد ومسئول عن كل الفتن
باليمن والشام والقُدس محراب السكون

قد عرفنا حجم راسه" وكم وزنه يِزَن
هو فقط يخرُط ويكذب ويلعب بالدقون

‌‌‎#عبد_القادر_داود

الـيـمـن ، لبنان و العــكس لبنان اليمن
حالـنـا و الخصم واحد و غزة ما تهون

يا الكيان المغتصب لا و لن يمكن و لن
نتركك تضرب و تهرب و تلعب ع الدقون

يا بـها و الا عليها ، على الله الركن
ويا انت يا احنا بينها يا نكون او لا تكون

#ابوشهيد_القطمي

با نخوض الفاصلة لا تراجع لا وهن
لعن ابوة من في قتال اليهودية يهون

وصلوا للضاحية عهد صادق مؤتمن
ما نفرط با اهل غزة ولا يمكن نخون

ما يمثلنا عميل او مطبّع مرتهن
كلنا في المعركة يا نكون اولا نكون

#علي_الشعيثي

ياجنود المسكنة والمذلة والوهن
ابشرو بالموت من يد حمران العيون

رد صنعاء بايلبسكم اثواب الحزن
ثار للميناء ولبنان درعي و الحصون

والقضية ذي عليها دخلنا في الفتن
في طريق العز اما نكون او لانكون

#محمد_البريهي

محور الأقصى ولبنان والأم اليمن
والعراق الحر واحد ومهما با يكون

رافعين شعار هيهات ذلة للهين
في خطى المختار طه وآله سائرون

والقسم بالله مايوم نرجع لا ولن
عن قضيتنا وفي كل لحظة حاضرون

#سليم_نشــــوان

ياحسن نصرالله انت الأمين المؤتمن
للمبادي والقيّم مايبيع ومايخوون

قاد حزب الله ابطال مافيهم وهـّن
ذي سقوا صهيون في المعركه كاس المنون

اليمن رهن الاشاره معك واقف علن
كتف جنب الكتف اما نكون اولا نكون

#ابوكنعان_الروس

اليمن لبنان ولبنان يا مجانين اليمن
في الميادين والمتارس والحصون

الجسد والراس صنعاء والمشاعر والبدن
والفؤاد والنبض لبنان يا يمنا والعيون

الوطن ثم الوطن ثم الوطن يااغلا وطن
ما نبيع الدين حاشاء والنبي مهما يكون

#ابوجهاد_صبر

اليمن لبنان واحد ولبنان اليمن
ياسبيل الله يا (خير مما يجمعون)

لا قلق لا خوف لا ضعف فينا لا وهن
لجل غزة ما نكيل او نميل وما نهون

بانخوض اعتئ الشدايد ونتجاز المحن
ونلعن الكفار من وحي (كانوا يتعدون)

#ابوميثم_الزراع

الف لبيك حزب الله من شعب اليمن
يانكون من جنودك أو إلا لا نكون

المجاراة بعنوان تلبية لدعوة #السيد_القائد

البداية #ضيف_الله_سلمان

ميعادنا الساحات ياشعب الوفاء
من كل بيت وكل سهل وكل واد..

الله امرنا والنبي المصطفى
بجهاد من عاثوا في الارض الفساد

وين الشعوب المسلمة ماقد كفى!!
ذا الصمت والشعب الفلسطيني يُباد..؟!!

#ردفان_الرقيمي

حــــــرام لو توصل ركبنا للحفــــــاء
عن شعب غزة ما نقف موقف حياد

مثل العــــــــرب شلو دماهم والقفاء
ذي مــا حــدا دخَّـل لها حبة مضــاد

لاما شفينا جـــرح مستشفى الشفاء
ما أحنا شداد الباس وأحفاد الشداد

#الشاعر_ابو_صقر_شعلان

ميعادنا ياهــل المــوده والصفاء
مع رسول الله واعـــــلام الرشاد

يالامس التأييد هي لمسة شفئ
اشمخ وقل لليهوده عادش وعاد

مادام وسهيل اليمـاني مااختفى
لابد يفنى من طغوا وسط البلاد

#فارس_المعزبي

طرف اليمن عن اهل غزه ما غفى
ولا تراجَع شعبنا خوف الشِّداد

خروجنا الساحات معناه اِكتِفــا
بالذّات واِستبسال في درب الجهاد

ومَن تخاذَل او تنصَّل او جفـى
يموت متصهين ولا حقـق مــراد

#يحيى_الوحيشي

واحنا على الميعاد هيهات الجفاء..
تبشر بنا غزة وتبشر بالعتاد..

افا على من يرتضي الذلة افا..
والا ارتضى الجلسة مع امات الجعاد..

اذا شعوب الامة اليوم اختفى..
فشعبنا حاضر بساحات الجهاد..

#ابومحمد_السحاري

نفير واستنفار واعظم موقفا
حشود مليوني يالقوم الشداد

لنصرت الاقصى بصوتك تهتفا
ولبي ابن البدر وخروجك جهاد

وادعي الشعوب المسلمه بن توقفا
من قبل مايلقو السخط وعذاب عاد

#مانع_البوساني

أبشر بخرجه ينتقش عرض الصفاء
تاريخها وتعُم سمعتها البلاد

والشعب طرفِه لجل غزه ما غفاء
شعب اليمن ذي ميَّزِه رب العباد

الأرض فرشِه والسماء فوقه دِفاء
يرقد مسلَّح واصبعه فوق الزناد

#محمود_الجنيد

يتوسع السبعين لابعد الحفا
ونهايته ترجع لما بعد السواد

هذا هو الشعب الذي ماقد غفا
شعب اليمن عاشق ميادين الجهاد

لبيك ابو جبريل وابشر بالوفاء
(احنا سلاحك سيدي واحنا الزناد)

#حسن_السعيدي

ياشعبنا انت الدواء وانت الشفاء
لشعب غزة وانت لاجراحه ضماد

وانت الوفاء يوم اكثر الناس اختفى
وانت السند وانت المدد وانت العتاد

والنصر يشتي صبر والردّه جفاء
والصمت والخذلان ذله وارتداد

#عبدالمنعم_المتوكل

قدام بانمضي ولن نرجع قفى
والشعب كله في ميادين الجهاد

الفرد شامخ مثل ما حيد الحفا
والسيد القائد كلامه ما يعاد

من حشدنا المحتل طرفه ما غفا
وكل جمعة بانزيد الإحتشاد

السلّم المروة وعطان الصفاء
وساحة السبعين مكة يا جياد

#الشاعر_نضال_حُميد

ابشر نجيك افواج والافي لفاء
بجيش مامثله عشق درب الجهاد

يمتد من سوق الحتارش للحفا
ومن جبل عطان لاخلف السواد

وفاء لقائدنا الحسيني واقتفى
على أثر قوم المهمات الشداد

#جميل_الكامل

ياشعب كم كثر حشوده واحتفى
باسناد غزة قام بالواجب وزاد

لكل ساحة عز قلبه كم هفى
صادق وعاشق عشق صادق للجهاد

رغم المطر ، والشمس ، والجوع ، الحفى
رغم المسافة رغم انف اهل العناد

#محمد_الاخرم

ياشعبنا الردة عن الموقف جفى
حاشاك تتوقف وترضى بالحياد

ماغُض طرفك يايــــمنا أو غـــفى
وجرائم المحتل الارعن في ازدياد

من ساعة الـــــــشدة توارى وأختفى
ماهو من أهل البأس الاحرار الشداد

#الشاعر_متاش

ما احنا من القوم الذي تتخلفا
عن نصر دين الله واسناد الجياد

في كل ساحة شعب الإيمان مااكتفى
حتى يطهر كل ارجاء البلاد

ونرجع إسرائيل قاعاً صفصفا
وابراج واشنطن نرجعها رماد

#علي_حشفول_الهلالي

يا شعب ما يعرف ملل والا انطفاء
ومبدأة ثابت على درب الجهاد

هبوا الى الساحات واتحاكوا كفى
وغيضوا العالم بكبر الاحتشاد

#هاشم_الحوثي

عهد الولى منا لسبط المصطفى
من كل ساحات البطولة والجهاد

إنا على درب الكرامة والفداء
ولأجل غزة لو تحولنا رماد

في كل جمعة يارجاجيل الوفاء
يبشر بنا السيد نزيد الإحتشاد

#أبوصخر_الجوحمي

مانترك الساحات لو نمضي قفا
كلا وغزه من عدو الله تباد

ابشر بنا يابن النبي المصطفى
نخرج الى الساحات طاعه واتحاد

الله في داخل كتابه ما عفا
إلا. ثلاثه غيرهم لازم. جهاد

#ابوبدر_ذيبان

مليوينة من شعب للذلة نفا
ابشر بها ياسيدي حسب المعاد

طوفان غضب ضد الصهاين مردفا
في زادة الايمان والعزة عتاد

ونقول للمحتل والخاين كفى
ولى زمان الهيمنة والاضطهاد

#الشاعر_ابوصادق_الشيبري

جهاد حتى النصر مافينا جـــــفا
وحبنا للمصطفى وعي وجهــــاد

من الثقه باالله دايم واكــــــــــتفا
وخروجنا الساحات بعده والعــتاد

تاييد للاحرار كلن يوقـــــــــــــفا
ياامة الاسلام لا. للابتـــــــــــعاد

#سليم_نشوان

لبيك ياسبط الحبيب المصطفى
ابشر بناء نعمل بجد واجتهـــاد

نخرج الى الساحات نصرخ نهتفا
بصوت (فوضناك) في انحا البلاد

وارواحـنا للمعركــــــــــه تتلهفا
ياسيدي كلن يـــده فوق الزناد

#احمد_عبدالرحمن_الظمين

ذي خان غزة يوم نادت وختفا
وذي تولى يوم جاء وقت الجهاد