Дори воситаларини ноқонуний муомалага киритилишининг олди олинди
 
Бош прокуратура ҳузуридаги Департаментнинг Тошкент вилоят бошқармаси томонидан ўтказилган тезкор тадбирда фуқаролар Н.Р. ва Д.Т. ноқонуний даромад орттириш мақсадида Бектемир туманидаги савдо мажмуаси олдида фуқаро А.С.га 864 қути “Терафлекс Адванс” номли дори воситасини 16750 АҚШ долларига сотган вақтида ашёвий далиллар билан ушланган.

Мазкур ҳолат юзасидан Жиноят кодексининг 186-3-моддаси (дори воситаларини ёки тиббий буюмларни дорихоналардан ва уларнинг филиалларидан ташқарида реализация қилиш) билан жиноят иши қўзғатилиб, тергов ҳаракатлари ўтказилмоқда.
 
👉@Department_uz

Акциз маркасиз тамаки маҳсулотларини муомалага киритилишининг олди олинди
 
Бош прокуратура ҳузуридаги Департаментнинг Янги Наманган туман бўлими томонидан ўтказилган тезкор тадбирда фуқаролар Ж.К. ва Г.Б. даромад орттириш мақсадида хорижда ишлаб чиқарилган 4 турдаги жами 2 680 қути акциз маркасиз тамаки маҳсулотини фуқаро Б.В.га 34,2 млн сўмга сотган вақтларида ашёвий далиллар билан ушланган.

Мазкур ҳолат юзасидан Жиноят кодексининг 186-1-моддаси (этил спирти, алкоголли маҳсулот ва тамаки маҳсулотини қонунга хилоф равишда ишлаб чиқариш ёки муомалага киритиш) билан жиноят иши қўзғатилиб, тергов ҳаракатлари ўтказилмоқда.
 
👉@Department_uz

Электр энергиясидан ноқонуний фойдаланиш ҳолатлари аниқланди
 
Департаментнинг Жомбой туман бўлими томонидан ўтказилган терговга қадар текширувда “С.С.” МЧЖ туман филиали масъул шахслари ва бошқалар “А.Қурбонов” МФЙ ҳудудида жойлашган сув иншоотидаги сув насосларини ҳеч қандай ҳужжатсиз тижорат мақсадида умумий фойдаланишдаги электр тармоғига ўзбошимчалик билан улаб, жами 366,6 млн сўмлик электр энергиясидан ноқонуний фойдаланганликлари аниқланган.

Шу каби, Департаментнинг Риштон бўлими томонидан ўтказилган терговга қадар текширувда “А.Ж.” фермер хўжалиги раҳбари А.Н. “Амиробод” МФЙ ҳудудидаги дала майдонига ўрнатилган сув насосларини ҳеч қандай ҳужжатсиз умумий фойдаланишдаги электр тармоғига ўзбошимчалик билан улаб, жами 184,7 млн сўмлик электр энергиясидан ноқонуний фойдаланганлиги аниқланган.

Мазкур ҳолатлар юзасидан Жиноят кодексининг 169-моддаси (ўғрилик) билан жиноят ишлари қўзғатилиб, тергов ҳаракатлари ўтказилмоқда.
 
👉@Department_uz

Кредит маблағларини талон-торож қилган МЧЖлар аниқланди
 
Бош прокуратура ҳузуридаги Департаментнинг Беруний туман бўлими томонидан ўтказилган терговга қадар текширувда  “A.A.” МЧЖ масъул шахслари ва бошқалар ишлаб чиқариш цехи биносини сохта ҳужжатлар билан гаровга қўйиб, наслли чорва молларини олиб келиш мақсадида тижорат банки филиалидан ажратилган 666,6 млн сўм кредитни ўзлаштириш йўли билан талон-торож қилганликлари аниқланган.

Шу каби, Департаментнинг Янгийўл шаҳар бўлими томонидан ўтказилган терговга қадар текширувда “C.I.” МЧЖ раҳбари М.Д. ва бошқалар ўзаро тил бириктириб, 24 нафар фуқарога 12 ой давомида бўлиб-бўлиб тўлаш шарти билан маиший техника харид қилиш учун онлайн шартномалар тузиш орқали уларнинг номига пластик карталар очиб, ушбу пластик карталарга тушган жами 531,2 млн сўм кредит маблағини нақдлаштириб олиб талон-торож қилганликлари аниқланган. 

Департаментнинг Самарқанд шаҳар бўлими томонидан ўтказилган терговга қадар текширувда “F.B.”, “I.Z.”, “A.A.”, “M.f.” ва “S.А.” корхонаси масъул шахслари ва бошқалар 10 нафар фуқаронинг номига ажратилган кредит маблағи эвазига харид қилган тикув машиналари ва ишлаб чиқариш жиҳозларини сотиб юбориб, 257,6 млн сўм кредитни ўзлаштириш йўли билан талон-торож қилганликлари ҳамда банкнинг қатъий ҳисобидаги кредит расмий ҳужжатларини қасддан нобуд қилганликлари аниқланган.

Мазкур ҳолатлар юзасидан Жиноят кодексининг тегишли моддалари билан жиноят ишлари қўзғатилиб, тергов ҳаракатлари ўтказилмоқда.

👉@Department_uz

Валюта қимматликларини ноқонуний муомалага киритилишининг олди олинди
 
Бош прокуратура ҳузуридаги Департаментнинг Жарқўрғон туман бўлими томонидан ДХХ ва ИИБ ходимлари билан ҳамкорликда ўтказилган тезкор тадбирда валюта айирбошлаш билан шуғулланиб келган Б.А. жами 3 500 АҚШ долларини фуқаро Х.Ж.га 44,6 сўмга сотган вақтида ашёвий далиллар билан ушланган.

Шу каби, Департаментнинг Томди туман бўлими томонидан ўтказилган тезкор тадбирда валюта айирбошлаш билан шуғулланиб келган Б.Г. ва Л.Ш. жами 3 100 АҚШ долларини фуқаро Ф.Н.га 39,3 млн сўмга сотган вақтларида ашёвий далиллар билан ушланган.

Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.
 
👉@Department_uz

Ер майдонлари олиб беришни ваъда қилган юрисконсульт ва фуқаро ушланди
 
Бош прокуратура ҳузуридаги Департамент ҳамда ДХХнинг Хоразм вилояти бошқармалари томонидан ўтказилган тезкор тадбирда Шовот туман ҳокимлигининг юрисконсульти М.С. “Ю.Қ.” фермер хўжалигига қарашли 70 гектар ер майдонини 3 000 АҚШ доллари эвазига фуқаро С.Ю.нинг номига  ўтказиб беришни ваъда қилиб, олдиндан 500 АҚШ долларини олган вақтида ашёвий далиллар билан ушланган.

Шу каби, Департаментнинг Зангиота туман бўлими томонидан ИИВ ходимлари билан ҳамкорликда ўтказилган тезкор тадбирда фуқаро Ш.И. фуқаро З.Ж.га Юқоричирчиқ туманидаги “С.Р.” МЧЖ томонидан ижара шартномаси асосида фойдаланиб келаётган 260 гектар ер майдонини 400 000 АҚШ доллари эвазига унинг номига расмийлаштириб олиб беришини айтиб, олдиндан 40 000 АҚШ долларини олган вақтида ашёвий далиллар билан ушланган.

Мазкур ҳолатлар юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.

👉@Department_uz

Китоб туманида кредит маблағларини ўзлаштирган банк бошқарувчиси собиқ ўринбосари аниқланди
 
Бош прокуратура ҳузуридаги Департаментнинг Китоб туман бўлими томонидан ўтказилган терговга қадар текширувда фуқаро О.Х. ҳудудий тижорат банки филиали бошқарувчиси ўринбосари лавозимида ишлаган даврида отаси С.Х. раҳбарлигидаги “С.Т.” деҳқон хўжалигига ушбу банк филиалидан ажратилган 300 млн сўм кредит маблағини ўзлаштириш йўли билан талон-торож қилганликлари аниқланган.

Шунингдек, О.Х. фуқаро З.Х.га имтиёзли кредит ажратиб бериши эвазига 30 млн сўмини ҳамда фуқаро Ч.М.нинг кредит қарздорлигини сўндириб қўйиш учун 15 млн сўмини фирибгарлик йўли билан қўлга киритганлиги аниқланган.

Мазкур ҳолатлар юзасидан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.

👉@Department_uz

Кучли таъсир қилувчи дори воситасини муомалага киритилишининг олди олинди
 
Бош прокуратура ҳузуридаги Департаментнинг Яккасарой туман бўлими томонидан ўтказилган тезкор тадбирда “A.Sh.” МЧЖга қарашли дорихона сотувчиси Г.Л. ҳеч қандай ҳужжатсиз жами 245 дона “Редуксин” номли кучли таъсир қилувчи дори воситасини фуқаро Б.М.га 5,9 млн сўмга сотган вақтида ашёвий далиллар билан ушланган.

Мазкур ҳолат юзасидан Жиноят кодексининг 186-3-моддаси (таркибида кучли таъсир қилувчи моддалар мавжуд бўлган дори воситаларини рецепт бўйича чакана реализация қилиш тартибини бузиш) билан жиноят иши қўзғатилиб, тергов ҳаракатлари ўтказилмоқда.
 
👉@Department_uz

Валюта  айирбошлаш билан шуғулланиб келган шахслар ушланди
 
Бош прокуратура ҳузуридаги Департаментнинг Қорақалпоғистон Республикаси бошқармаси томонидан ўтказилган тезкор тадбирда валюта айирбошлаш билан шуғулланиб келган Р.А.( муқаддам судланган) ва бошқалар жами 4 700 АҚШ долларини фуқаро С.Д.га 59,9 млн сўмга сотган вақтида ашёвий далиллар билан ушланган.

Шу каби, Департаментнинг Бухоро шаҳар бўлими томонидан ўтказилган тезкор тадбирда фуқаро Р.С. (муқаддам ЖКнинг 177-моддаси билан судланган) жами 3 650 АҚШ долларини фуқаро К.М.га 46,2 млн сўмга сотган вақтида ушланиб, унинг ёнидан 64 350 Россия рубли, 450 АҚШ доллари ва 174,4 млн сўм ашёвий далил сифатида олинган.

Департаментнинг Давлатобод туман бўлими томонидан ўтказилган тезкор тадбирда валюта айирбошлаш билан шуғулланиб келган Б.К. жами 3 500 АҚШ долларини фуқаро Н.И.га 44,6 млн сўмга сотишга келишиб, шундан 900 АҚШ долларини бериб, 44,6 млн сўмни олган вақтида ашёвий далиллар билан ушланган.

Департаментнинг Тўрақўрғон туман бўлими томонидан ўтказилган тезкор тадбирда эса, валюта айирбошлаш билан шуғулланиб келган О.Ж. жами 3 400 АҚШ долларини фуқаро Х.Р.га 43,1 млн сўмга сотган вақтида ашёвий далиллар билан ушланган.

Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.
 
👉@Department_uz

Электр энергиясидан ноқонуний фойдаланиш ҳолатлари фош этилмоқда
 
Бош прокуратура ҳузуридаги Департаментнинг Нурота туман бўлими томонидан ўтказилган терговга қадар текширувда “N.” фермер хўжалиги масъул шахслари “Мустақиллик” МФЙ ҳудудидаги сув насосларини ҳеч қандай ҳужжатсиз тижорат мақсадида умумий фойдаланишдаги электр тармоғига ўзбошимчалик билан улаб, жами 129,9 млн сўмлик электр энергиясидан ноқонуний фойдаланганликлари аниқланган.

Шу каби, Департаментнинг Юқоричирчиқ туман бўлими томонидан ЭТК ходимлари билан ҳамкорликда ўтказилган терговга қадар текширувда “I.G.” оилавий корхонаси раҳбари О.Р. “Жумабозор” МФЙ ҳудудидаги автотранспорт воситаларини ювиш хизмати биносини ҳеч қандай ҳужжатсиз тижорат мақсадида умумий фойдаланишдаги электр тармоғига ўғрилик йўли билан улаб, жами 112,4 млн сўмлик электр энергиясидан ноқонуний фойдаланганликлари аниқланган.

Мазкур ҳолатлар юзасидан Жиноят кодексининг 169-моддаси (ўғрилик) билан жиноят ишлари қўзғатилиб, тергов ҳаракатлари ўтказилмоқда.
 
👉@Department_uz

Ўзбекистон Республикаси Бош прокуратураси ҳузуридаги Департамент ва Тожикистон Республикаси давлат молиявий назорати ва коррупцияга қарши курашиш агентлиги ўртасида имзоланган “Иқтисодий жиноятлар ва коррупцияга қарши курашиш соҳасида ҳамкорлик қилиш тўғрисида”ги Битим доирасида жорий йилнинг 1-3 май кунлари Тожикистон Республикаси делегациясининг Самарқанд вилоятига ташрифи бўлиб ўтмоқда.

Ташрифдан мақсад томонларнинг чегарадош бошқармалари ўртасида тўғридан-тўғри ва амалий ҳамкорликни кенгайтириш, Битим доирасида белгиланган вазифалар ижроси юзасидан ишчи учрашувлар ўтказиш ва икки томонлама ҳамкорликни янада кенгайтиришдан иборат.

Ташриф доирасида Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти бошлиғининг биринчи ўринбосари У.Мухамедов билан Тожикистон Республикаси давлат молиявий назорати ва коррупцияга қарши курашиш агентлиги директори биринчи ўринбосари Р.Барот ўртасида учрашув ўтказилди.

Учрашувда иқтисодий жиноятлар ва коррупцияга қарши курашиш соҳасидаги ҳамкорликнинг муҳимлиги қайд этилиб, ўзаро манфаатли идоралараро ҳамкорликни кучайтириш, доимий тажриба алмашиш, шунингдек соҳадаги истиқболли режалар муҳокама қилинди.

👉@Department_uz