1️⃣ Бош прокуратура ҳузуридаги Департаментнинг Риштон тумани бўлими томонидан ўтказилган терговга қадар текширувда “З.К.” оилавий корхонаси раҳбари Ғ.Ғ. (муқаддам судланган) “Зохидон” МФЙ ҳудудидаги умумий овқатланиш шохобчасида табиий газ тармоғига тижорат мақсадида ўзбошимчалик билан уланиб, 164,1 млн сўмлик табиий газдан ноқонуний фойдаланганлиги аниқланган.

2️⃣ Департаментнинг Бағдод тумани бўлими томонидан ўтказилган терговга қадар текширувда ЯТТ “А.Д.” “Қўшчинор” МФЙ ҳудудидаги нотурар биносида умумий фойдаланишдаги электр тармоғига тижорат мақсадида тўғридан-тўғри уланиб, 134,7 млн сўмлик электр энергиясидан ноқонуний фойдаланганлиги аниқланган.

3️⃣ Департаментнинг Фарғона тумани бўлими ходимлари томонидан ўтказилган тезкор тадбирда “Q.S.” МЧЖ масъул шахслари “Нурафшон” МФЙ ҳудудидаги дўконида умумий фойдаланишдаги электр тармоғига ўзбошимчалик билан уланиб, 118 млн сўмлик электр энергиясидан ноқонуний фойдаланганликлари аниқланган.

Бош прокуратура ҳузуридаги Департаментнинг Бухоро вилояти бошқармаси ва Алкоголь ва тамаки бозорини тартибга солиш инспекцияси ҳамкорлигида ўтказилган терговга қадар текширувда Жондор туманида давлат рўйхатидан ўтган ЯТТ “Ш.У.” ва фуқаро Ж.Қ.лар ўзаро тил бириктириб, лицензияси бўлмаса-да кирим ҳужжатлари ва мувофиқлик сертификати бўлмаган умумий баҳоси 72 млн сўмлик 1 115 литр этил спиртини биржа савдолари орқали Олот тумани тиббиёт бирлашмаси ва бошқа бюджет ташкилотларига пул ўтказиш йўли билан ўтказиб келганликлари аниқланган.

Мазкур халқаро йиғилишда ФАТФ ҳамда унинг Лотин ва Марказий Америка, Осиё-Тинч океани, Африка ва Европа қитъаси, Яқин Шарқ ва Евроосиё гуруҳи бўйича ижрочи котиблари иштирок этмоқда.

Тадбирда жиноий даромадларни легаллаштириш, терроризмни молиялаштириш ва оммавий қирғин қуролини тарқатишни молиялаштиришга қарши курашиш соҳасида халқаро стандартларни ишлаб чиқиш, шунингдек мавжуд стандартларни янгилаш ёки ўзгартириш жараёнларининг ўзига хос жиҳатлари муҳокама қилинди.

Бош прокуратура ҳузуридаги Департаментнинг Боёвут тумани бўлими томонидан тадбиркорлик субъектларининг ҳуқуқий ҳимояси юзасидан ўтказилган терговга қадар текширувда фуқаро У.Б. 3 нафар фуқаронинг номига “B.A.”, “О.Ф.” МЧЖ ва “А.” фермер хўжалигини расмийлаштириб, ушбу корхоналарга тижорат банкидан чорва молларини сотиб олиш учун ажратилган жами 2,9 млрд сўмлик кредит маблағлари эвазига сотиб олинган чорва молларини нақд пулга сотиб юбориб, талон-торож қилганлиги аниқланган.

Бош прокуратура ҳузуридаги Департаментнинг Мингбулоқ тумани бўлими ва бошқа ҳуқуқни муҳофаза қилувчи орган ходимлари ҳамкорлигида тадбиркорлик субъектлари ҳуқуқларини ҳимоя қилиш юзасидан ўтказилган терговга қадар текширувда тижорат банкининг Мингбулоқ филиали бошқарувчиси вазифасини бажарувчи Ф.К. ва маҳаллабай ишлаш бўлими маҳалла банкири М.Ю.лар “Х.Б.” МЧЖ раҳбари Н.М.нинг 15 млн сўмлик кредит қарздорлигини тўлаб беришлари эвазига муқаддам 1 000 АҚШ долларини олганликлари аниқланиб, терговга қадар текширувда 1 000 АҚШ доллари ҳисобидан 7,2 млн сўмнинг қайтарилиши процессуал тартибда расмийлаштирилган.

Вазият 24 | Тошкент шаҳри

Бош прокуратура ҳузуридаги Департаментнинг Зарбдор тумани бўлими томонидан ўтказилган терговга қадар текширувда “Ватанпарвар ташкилоти Жиззах вилояти техника ва амалий спорт турлари маркази” НТМ собиқ раҳбари Ш.Х. (муқаддам судланган) ва собиқ автомобиль бошқариш устаси Н.Х. (муқаддам ЖКнинг 168-моддаси билан судланган) ўзаро тил бириктириб, фуқаро М.А.га автомактабда ўқиганлик ҳақидаги гувоҳнома олиб бериши ҳамда назарий ва амалий имтиҳонлардан ўтказиб беришлари эвазига, 13 млн сўм ва 500 АҚШ долларини фирибгарлик йўли билан қўлга киритганликлари аниқланган.

Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.

Бош прокуратура ҳузуридаги Департаментнинг Деҳқонобод тумани бўлими томонидан ўтказилган терговга қадар текширувда “Деҳқонобод тумангаз” газ таъминоти бўлими моддий жавобгар шахслари 337 нафар фуқаронинг номига “ID” карталар очиб, мазкур карталар орқали 143 тонна суюлтирилган газни фуқароларга етказиб берилганлиги тўғрисидаги маълумотларни электрон дастурга киритиб, 529,8 млн сўмни ўзлаштириш йўли билан талон-торож қилганликлари аниқланган.

Шунингдек, Департаментнинг Андижон вилояти бошқармаси ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирда “Хўжаободтумангаз” суюлтирилган газ таъминоти бўлими чилангари Х.Н. аҳолига имтиёзли нархларда етказиб бериш учун ажратилган 19 дона баллондаги суюлтирилган газни бошқа шахсларга сотиш мақсадида фуқаро Р.Х.нинг “Сарқамиш” МФЙ ҳудудидаги хонадонига олиб келган вақтида ушланган.

Тадбир давомида “Хўжаободтумангаз” бўлими масъул шахслари ва бошқалар 2025 йилнинг октябрь ойида давомида туман ҳудудидаги 10 та МФЙда яшовчи аҳолига гўёки 81,5 тонна суюлтирилган газ тарқатилганлиги тўғрисида сохта ҳужжатларни расмийлаштириб, 428 млн сўмни талон-торож қилганликлари аниқланган.

Шу каби, Департаментнинг Балиқчи тумани бўлими ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирда “Балиқчитумангаз” газ таъминоти филиали чилангари А.Р. ва бошқалар аҳоли учун ажратилган суюлтирилган газ тўлдирилган 34 дона маиший газ баллонларини фуқаролар С.Р. ва Р.С.га жами 3 млн сўмга сотаётган вақтида ашёвий далиллар билан ушланганлар.

Текширув давомида ушбу филиал моддий жавобгар шахслари аҳолига имтиёзли нархларда тарқатиш учун ажратилган жами 23,92 тонна суюлтирилган газни бошқа шахсларга 107,6 млн сўмга сотиб юбориб, талон-торож қилганликлари аниқланган.

Мазкур ҳолатлар юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят ишлари қўзғатилиб, тергов ҳаракатлари ўтказилмоқда.

Ахборот 24 | Самарқанд вилояти

Бош прокуратура ҳузуридаги Департаментнинг Хонобод шаҳри бўлими ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирда “F-D.” фермер хўжалиги раҳбари Ш.М. фермер хўжалигига Хўжаобод тумани ҳокимининг тегишли қарорига асосан туяқушчилик йўналиши учун ажратилган ер майдонининг 1 гектарини фуқаро М.Х.га 20 000 АҚШ доллари эвазига гўёки кадастр идораларида ишловчи танишлари орқали чорвачилик йўналиши учун ажратиб, қурилиш ишларини амалга ошириш учун ҳужжатларини тайёрлаб беришини ваъда қилиб, олдиндан бўнак сифатида 10 000 АҚШ долларини олган вақтида ашёвий далиллар билан ушланган.

1️⃣ Бош прокуратура ҳузуридаги Департаментнинг Тошкент шаҳри бошқармаси ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирда валюта айирбошлаш билан шуғулланиб келган Э.М. фуқаро Д.Х.га 4 500 еврони 64,8 млн сўмга сотган вақтида ушланиб, ундан 376 АҚШ доллари, 7 700 қирғиз соми, 205 англия фунт стерлинги, 29 500 қозоқ тенгеси, 400 хитой юани, 650 турк лираси, 50 саудия риали, 145 860 россия рубли ва 73,6 млн сўм ашёвий далил сифатида олинган.

2️⃣ Департаментнинг Миробод тумани бўлими ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирда валюта айирбошлаш билан шуғулланиб келган шахс М.П. фуқаро З.Х.га 5 000 АҚШ долларини 60,9 млн сўмга сотган вақтида ушланиб, ундан жами 9 044 АҚШ доллари, 100 евро, 930 россия рубли, 31 000 қозоқ тенгеси ва 33,7 млн сўм ашёвий далил сифатида олинган.

3️⃣ Департаментнинг Ўзбекистон тумани бўлими ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирда фуқаро И.А. фуқарога 5 750 АҚШ долларини 69,8 млн сўмга сотган вақтида ушланиб, ундан жами 8 261 АҚШ доллари, 31 300 россия рубли, 10 EURO ва 45,7 млн сўм ашёвий далил сифатида олинган.

4️⃣ Департаментнинг Қашқадарё вилояти бошқармаси ва ИИБ ходимлари ҳамкорлигида ўтказилган тезкор тадбирда
валюта айирбошлаш билан шуғулланиб келган Л.О. фуқаро Р.Х.га 5 200 АҚШ долларини 62,9 млн сўмга сотган вақтида ушланиб, ундан яна 3 820 АҚШ доллари ашёвий далил сифатида олинган.

5️⃣ Департаментнинг Бухоро шаҳри бўлими ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирда валюта айирбошлаш билан шуғулланиб келган С.Я. (муқаддам ЖКнинг 177-моддаси билан судланган) фуқаро Б.К.га 4 100 АҚШ долларини 49,8 млн сўмга сотган вақтида ашёвий далиллар билан ушланган.

6️⃣ Департаментнинг Жомбой тумани бўлими ходимлари томонидан ўтказилган тезкор тадбирда валюта айирбошлаш билан шуғулланиб келган Н.М. фуқарога 4 000 АҚШ долларини 48,6 млн сўмга сотган вақтида ушланиб, ундан яна 6 900 АҚШ доллари, 112,3 млн сўм, 13 минг россия рубли ва 130 евро ашёвий далил сифатида олинган.

7️⃣ Департаментнинг Булунғур тумани бўлими ходимлари томонидан ўтказилган тезкор тадбирда валюта айирбошлаш билан шуғулланиб келган А.Б фуқаро А.У.га 4 000 АҚШ долларини 48,8 млн сўмга сотган вақтида ушланиб, ундан яна 5 000 россия рубли ашёвий далил сифатида олинган.

8️⃣ Департаментнинг Янгийўл шаҳри бўлими ходимлари томонидан ўтказилган тезкор тадбирда фуқаро М.У. фуқаро А.А.га 4 000 АҚШ долларини 48.7 млн сўмга сотган вақтида ашёвий далиллар билан ушланган.

Бош прокуратура ҳузуридаги Департаментнинг Самарқанд шаҳри бўлими ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирда “N.M.” МЧЖ экспедитори Т.С. ва фуқаро Ш.Х.лар интернет ижтимоий тармоқлари орқали сотиб олинган дори воситаларини санитария талабларига жавоб бермайдиган омборхонада сақлаб, дорихоналарга етказиб бераётганликлари аниқланиб, улардан умумий баҳоси 2,6 млрд сўмлик 90 турдаги 29 122 дона сифати кафолатланмаган дори воситалари ашёвий далил сифатида олинган.

Мазкур ҳолат юзасидан Жиноят кодексининг 186-3-моддаси (сифатсиз ёки қалбакилаштирилган дори воситаларини ёхуд тиббий буюмларни ўтказиш мақсадида ишлаб чиқариш, тайёрлаш, олиш, сақлаш, ташиш ёки ўтказиш, дори воситаларини ёки тиббий буюмларни дорихоналардан ва уларнинг филиалларидан ташқарида реализация қилиш, шунингдек таркибида кучли таъсир қилувчи моддалар мавжуд бўлган дори воситаларини рецепт бўйича чакана реализация қилиш тартибини бузиш) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят иши қўзғатилиб, тергов ҳаракатлари ўтказилмоқда.