Бош прокуратура ҳузуридаги Департаментнинг Андижон шаҳри бўлими томонидан ўтказилган терговга қадар текширувда ЯТТ “Х.Д.” ва бошқалар “Экин-текин” МФЙ ҳудудидаги нодавлат мактабгача таълим муассасасида табиий газ тармоғига тижорат мақсадида ўзбошимчалик билан ўғридан-тўғри уланиб, 169,5 млн сўмлик табиий газдан ноқонуний фойдаланганликлари аниқланган.

Департаментнинг Шароф Рашидов туман бўлими томонидан ўтказилган терговга қадар текширувда фуқаро П.М. “Ёшлик” МФЙ ҳудудидаги новвойхонада табиий газ тармоғига ўзбошимчалик билан уланиб, 134,8 млн сўмлик табиий газдан ноқонуний фойдаланганлиги аниқланган.

Бош прокуратура ҳузуридаги Департаментнинг Хоразм вилояти бошқармаси ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирда фуқаро С.Б. (муқаддам судланган) фуқаро Т.П.га 1 200 литр этил спиртини 52 млн сўмга сотишга келишиб, олдиндан 52 млн сўмни олиб 500 литр спиртни берган вақтида ашёвий далилар билан ушланган.

Бош прокуратура ҳузуридаги Департаментнинг Янгиариқ тумани бўлими ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирда кучли таъсир қилувчи дори воситалари савдоси билан шуғулланиб келган фуқаролар Б.Б. ва М.А. 50 дона “Габатен” номли кучли таъсир қилувчи дори воситасини фуқаро С.Р.га сотган вақтида ашёвий далиллар билан ушланганлар.

Шу каби, Департаментининг Гулистон шаҳри бўлими ходимлари томонидан ўтказилган тезкор тадбирда фуқаролар У.С. А.Г. ва А.К. 46 дона “Зардекс” номли кучли таъсир қилувчи дори воситасини фуқарога сотган вақтида ашёвий далиллар билан ушланганлар.

Департаментнинг Учтепа тумани бўлими ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирда
фуқаро С.А.нинг бошқарувидаги “Оникс” русумли автотранспорт воситаси кўздан кечирилганда, автотранспорт воситаси салонида 930 дона таркибида кучли таъсир қилувчи моддалари мавжуд бўлган воситаларни ўтказиш мақсадида олиб келганлиги аниқланиб, ушбу маҳсулотлар ашёвий далил сифатида олинган.

Мазкур ҳолатлар юзасидан Жиноят кодексининг 251-1-моддаси (гиёҳвандлик воситалари, уларнинг аналоглари ёки психотроп моддалар ҳисобланмайдиган кучли таъсир қилувчи моддаларни тарғиб қилувчи маҳсулотни тайёрлаш, тарқатиш, реклама қилиш, намойиш этиш ёки бундай моддаларни ёхуд заҳарли моддаларни қонунга хилоф равишда муомалага киритиш) билан жиноят ишлари қўзғатилиб, тергов ҳаракатлари ўтказилмоқда.

Бош прокуратура ҳузуридаги Департаментнинг Чимбой тумани бўлими томонидан ўтказилган терговга қадар текширувда Чимбой тумани соғлиқни сақлаш бўлими мансабдор шахслари томонидан махсус рухсатномаси бўлмаган 3 нафар палата ҳамширасига бўлимда сақланиб келинаётган гиёҳвандлик воситалари ишониб топширганликлари оқибатида 3 дона “Промедол 2% 1мл” номли гиёҳвандлик воситалари йўқолганлиги аниқланган.

Вазият 24 | Тошкент шаҳри

Бош прокуратура ҳузуридаги Департаментнинг Яшнобод тумани бўлими ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирда фуқаро М.И. 2 нафар фуқарони “Умра” зиёратига юбориши эвазига 2 000 АҚШ долларини фирибгарлик йўли билан олган вақтида ашёвий далиллар билан ушланган.

Бош прокуратура ҳузуридаги Департаментнинг Томди тумани бўлими ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирда фуқаро О.И. ва бошқалар “Бессопан” саноат майдони ҳудудидан таркибида умумий баҳоси 569,8 млн сўмлик 315,1 грамм олтин моддаси бўлган 5 200 кг маъданли тошларни ноқонуний равишда қазиб олган вақтида ушланиб, ушбу маҳсулотлар ашёвий далил сифатида олинган.

Департаментнинг Конимех тумани бўлими ва ИИБ ходимлари ҳамкорлигида ўтказилган тезкор тадбирда фуқаролар Т.Т. ва Т.Ғ. ўзаро тил бириктириб, “Караката” ОФЙ ҳудудида таркибида олтин моддаси бўлган қум ва тошларни олтин изловчилар усулида махсус ускуналар орқали қазиб олиш фаолияти билан шуғулланиб келаётганликлари аниқланган.

Департаментнинг Хатирчи тумани бўлими ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирларда фуқаро У.Р. “Зарафшон” МФЙ ҳудудидаги хонадонида қум ва тошдан олтин ажратиб олиш билан шуғулланиб келганлиги аниқланиб, ундан таркибида олтин зарралари бўлган 160 кг қум-тошлари ашёвий далил сифатида олинган.

Шу каби, фуқаро С.Х. ҳам “Зарафшон” МФЙ ҳудудидаги хонадонида қум ва тошдан олтин ажратиб олиш билан шуғулланиб келганлиги аниқланиб, ундан таркибида олтин зарралари бўлган 300 кг қум-тошлари ашёвий далил сифатида олинган.

Бош прокуратура ҳузуридаги Департаментнинг Яшнобод тумани бўлими томонидан ўтказилган терговга қадар текширувда фуқаро А.А. “Қалқон” МФЙ ҳудудидаги нотурар бинода сув таъминоти тизимига ўзбошимчалик билан уланиб, 350,8 млн сўмлик ичимлик сувидан ноқонуний фойдаланганлиги аниқланган.