“Янги Ўзбекистонда эркин ва фаровон яшайлик!”

Ўзбекистон Республикаси Бош прокуратурасида Ватанимиз мустақиллигининг шонли 30 йиллигига бағишланган тантанали йиғилиш бўлиб ўтди.

Ўзбекистон Республикаси Президентининг 2021 йил 26 августдаги Фармони билан прокуратура органлари ходимларининг бир гуруҳи Ватанимизнинг юксак мукофотлари билан тақдирланди: 24 нафар ходим I даражали “Шон-шараф”, “Мардлик” орденлари, “Жасорат”, “Содиқ хизматлари учун” ва “Шуҳрат” медаллари билан мукофотланди.

Шунингдек, 600 нафардан зиёд ходим “Ўзбекистон Республикаси мустақиллигининг 30 йиллиги” эсдалик нишонига сазовор бўлди.

Бундан ташқари, жиноятчиликка қарши кураш ва қонунийликни таъминлашга муносиб ҳисса қўшаётган бир гуруҳ ходимлар ҳам Бош прокуратура томонидан рағбатлантирилди.

👉 @uzbprokuratura