Бош прокуратура ҳузуридаги Департамент қошидаги Алкоголь ва тамаки бозорини тартибга солиш инспекциясида истеъмол ва техник этил спирти, алкоголь ва тамаки маҳсулотларини ишлаб чиқаришни стандартлаштириш бўйича ишчи гуруҳ йиғилиши ўтказилди.

Унда алкоголь ва тамаки соҳасини тартибга солиш борасида жорий йил 3 июнда қабул қилинган Фармон ва Қарорда белгилаб берилган вазифаларни амалга ошириш ҳамда стандартлар, технологик ва сифат даражаларини халқаро талабларга мувофиқлаштириш масалалари муҳокама қилинди.

Соҳа мутахассислари ва экспертлардан иборат ушбу ишчи гуруҳнинг асосий вазифалари қуйидагилардан иборат:

-давлат ва истеъмолчилар манфаатларидан келиб чиқиб миллий, давлатлараро ва халқаро стандартлар лойиҳаларини тайёрлаш;

-стандартларни ишлаб чиқиш, қабул қилиш, қайта кўриб чиқишда илғор хорижий тажрибани жорий қилиш йўли билан, шу жумладан, уларда анъанавий ва илғор технологияларнинг, дастлабки талабларни белгилашни ҳисобга олган ҳолда кўрсатилаётган хизматларнинг рақобатдошлиги оширилишини таъминлашда иштирок этиш;

-стандартларга ўзгартиришлар киритиш, қайта кўриб чиқиш ва бекор қилиш бўйича таклифлар тайёрлаш;

-стандартлаштириш, метрология ва сертификатлаштириш соҳасида уйғунлашган сиёсатни амалга ошириш бўйича манфаатдор ташкилотлар ва хўжалик юритувчи субъектлар билан ҳамкорлик қилиш.

Маълумот ўрнида, айни пайтда соҳага оид жами 88 та стандартлар мавжуд бўлиб, шундан 22 таси халқаро, 53 таси давлатаро ва 13 таси миллий стандартлардир.

Шунингдек, истеъмол этил спиртига тегишли 16 та, алкоголь маҳсулотларига тегишли 19 та ва техникавий этил спиртига тегишли 53 та стандарлардан амалиётда қўлланилмоқда.

Ҳозирда ишчи гуруҳга манфаатдор ташкилотлар томонидан киритилган таклифлар кўриб чиқилиб, халқаро талабларга мослаштириш бўйича чора-тадбирлар амалга оширилмоқда.

👉@Department_uz

Янгибозор туманида турар-жой биносига кадастр ҳужжатларини расмийлаштириб беришни ваъда қилган фирибгар ушланди

Бош прокуратура ҳузуридаги Департаментнинг Янгибозор туман бўлими томонидан ўтказилган тезкор тадбирда фуқаро Ў.Ю. фуқаро Р.А.нинг турар-жой биносига гўёки туман кадастрлар бўлимида ишловчи танишлари ёрдамида ҳужжатларни расмийлаштириб бериши ва туман ҳокимлиги захирасидаги қўшимча 940 кв метр. ер майдонини 50 млн сўмга олиб беришини айтиб, келишилган пуллар ҳисобидан 2 400 АҚШ долларини олган вақтида ашёвий далиллар билан ушланган.

Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.

👉@Department_uz

Ноқонуний тамаки маҳсулотлари савдоси фош этилди

Бош прокуратура ҳузуридаги Департаментнинг Оҳангарон шаҳар бўлими томонидан ўтказилган тезкор тадбирда қонунга хилоф равишда тамаки маҳсулотлари савдоси билан шуғулланиб келган У.Ш. жами 2 500 кг қуритилган тамаки маҳсулотини фуқаро С.Х.га 5 000 АҚШ долларига сотган вақтида ашёвий далиллар билан ушланган.

Шу каби, Департаментнинг Мирзо Улуғбек туман бўлими ва солиқ инспекцияси ходимлари ҳамкорлигида ўтказилган терговга қадар текширувда ЯТТ “M.M.”га қарашли савдо шохобчаси сотувчиси И.Қ. харидорга акциз маркасиз тамаки маҳсулотини сотган вақтида ушланиб, ушбу савдо шохобчасидан умумий баҳоси 146 млн сўмлик жами 6 547 қути тамаки маҳсулотлари ашёвий далил сифатида олинган.

Мазкур ҳолатлар юзасидан Жиноят кодексининг 186-1-моддаси (этил спирти, алкоголли маҳсулот ва тамаки маҳсулотини қонунга хилоф равишда ишлаб чиқариш ёки муомалага киритиш) билан жиноят ишлари қўзғатилиб, тергов ҳаракатлари ўтказилмоқда.

👉@Department_uz

Самарқанд ва Қашқадарё вилоятларида қўлбола усулда тайёрланган алкоголь ҳамда акциз маркасиз тамаки маҳсулотларини муомалага киритилишининг олди олинди

Бош прокуратура ҳузуридаги Департаментнинг Қўшработ ва Пахтачи тумани бўлимлари томонидан ўтказилган тезкор тадбирларда ушбу туманларда фаолият юритувчи “N.N.” оилавий корхонаси ҳамда “Z.I.” хусусий корхонасига қарашли савдо дўконларида келиб чиқиши ва сифатини тасдиқловчи ҳужжатлари бўлмаган умумий баҳоси 186,9 млн сўмлик турли номдаги 5 327 дона алкоголь ва 796 қути акциз маркасиз тамаки маҳсулотлари сотиш учун тайёрлаб қўйилганлиги аниқланиб, ушбу маҳсулотлар ашёвий далил сифатида олинган.

Департаментнинг Нишон ва Касби тумани бўлимлари томонидан ИИБ ходимлари ҳамкорлигида ўтказилган тезкор тадбирларда Нишон тумани “Пахтазор” МФЙ ҳудудида фуқаролар С.З.ва А.Э. “Lacetti” ва “Nexia” русумли автомашиналарида 4 турдаги жами 708 дона истеъмолга яроқсиз алкоголь маҳсулотларини ўтказиш мақсадида олиб кетаётганликлари аниқланиб, С.З.нинг Косон туманидаги хонадонида ташкил этилган яширин цехдан қўлбола усулда алкоголь маҳсулотларини тайёрлашда фойдаланилган буюмлари ашёвий далил сифатида олинган.

Шунингдек, Касби туманида яшовчи И.Ш.нинг хонадонида ташкил этган ноқонуний савдо дўконидан қўлбола усулда тайёрланган 368 дона алкоголь маҳсулотлари ашёвий далил сифатида олиб қўйилган.

Мазкур ҳолатлар юзасидан Жиноят кодексининг тегишли моддалари билан жиноят ишлари қўзғатилиб, тергов ҳаракатлари ўтказилмоқда.

👉@Department_uz

Булунғур туманида тадбиркорнинг 11,7 млрд сўмини ўзлаштирган шахслар аниқланди

Бош прокуратура ҳузуридаги Департаментнинг Булунғур туман бўлими томонидан “S.G.” МЧЖ ҚК таъсисчисининг мурожаатига асосан ўтказилган терговга қадар текширувда “S.G.” МЧЖ ҚК собиқ раҳбари Н.К. корхона омбор мудирлари ва кассири А.А. билан ўзаро тил бириктириб, корхонанинг 820,8 тонна гилос маҳсулотини нақд пулга сотиб, жами 11,7 млрд сўмни ўзлаштириш йўли билан талон-торож қилганликлари аниқланган.

Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.

👉@Department_uz

Ўртачирчиқ туманида электр энергиясидан ноқонуний фойдаланган ғишт ишлаб чиқариш заводи аниқланди

Бош прокуратура ҳузуридаги Департаментнинг Ўртачирчиқ туман бўлими, “Ўзэнергоинспекция”нинг Тошкент вилояти бошқармаси ва туман ЭТК ходимлари ҳамкорлигида “S.B.” МЧЖга қарашли ғишт ишлаб чиқариш заводида ўтказилган ўрганишда МЧЖ раҳбари Х.Р. тижорат мақсадида электр ҳисоблагичдан ташқари умумий фойдаланишдаги электр тармоғига тўғридан-тўғри уланиб, жами 132,9 млн сўмлик электр энергиясидан ноқонуний фойдаланганлиги аниқланган.

Мазкур ҳолат юзасидан Жиноят кодексининг 169-моддаси (ўғрилик) билан жиноят иши қўзғатилиб, тергов ҳаракатлари ўтказилмоқда.

👉@Department_uz

Ҳазорасп туманидаги яширин цехдан Тошкент шаҳридан келтирилган 9 тонна этил спирти ашёвий далил сифатида олинди

Бош прокуратура ҳузуридаги Департаментнинг Хоразм вилоят бошқармаси ИИБ ходимлари ҳамкорлигида ўтказилган тезкор тадбирда Ҳазорасп туманида яшовчи фуқаролар Қ.Ю. ва Д.О. Тошкент шаҳрида яшовчи Т.Х. билан ўзаро тил бириктириб, қўлбола усулда алкоголь маҳсулотларини ишлаб чиқариш мақсадида 1 801 дона елим идишга “Гигиенический антисептический раствор” ёзувли этикеткаларни елимлаб, умумий баҳоси 306,1 млн сўмлик жами 9 тонна этил спиртини Тошкент шаҳридан олиб келганликлари аниқланган.

Шунингдек, фуқаролар Д.О. ва Қ.Ю. ўзаро тил бириктириб, Ҳазорасп тумани, “Бешта” маҳалласи ҳудудидаги хонадонда яширин цех ташкил этиб, ушбу этил спиртидан “Каратау” ва “Cavali Vodka” номли қўлбола алкоголь маҳсулотларини ишлаб чиқариш мақсадида қалбаки акциз маркаларни тайёрлаганликлари аниқланиб, 30 минг дона қалбаки акциз марка, компьютер техникаси, 3 та рангли принтер, 9 тонна этил спирти ва бошқа ишлаб чиқаришда фойдаланилган буюмлари ашёвий далил сифатида олинган.

Мазкур ҳолатлар юзасидан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.

👉@Department_uz

Вазият 24 | Бухоро вилояти ва Тошкент шаҳрида ноқонуний алкоголь ва тамаки маҳсулотлари савдоси фош этилди

👉@Department_uz

Валюта қимматликлари савдоси билан шуғулланиб келган шахслар ушланди

Бош прокуратура ҳузуридаги Департаментнинг Сирдарё туман бўлими томонидан ўтказилган тезкор тадбирда валюта айирбошлаш билан шуғулланиб келган М.К. фуқаро М.И.га жами 3 300 АҚШ долларини 41,9 млн сўмга сотган вақтида ашёвий далиллар билан ушланган.

Шу каби, Департаментнинг Чортоқ ва Тўрақўрғон тумани бўлимлари томонидан ўтказилган тезкор тадбирларда валюта айирбошлаш билан шуғулланиб келган фуқаролар А.Т. ва А.У. жами 6 000 АҚШ долларини 76,1 млн сўмга сотган вақтларида ашёвий далиллар билан ушланганлар.

Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.

👉@Department_uz