Учтепа ва Шайхонтоҳур туманларида акциз маркасиз тамаки маҳсулотлари савдоси билан шуғулланиб келган шахслар ушланди
 
Бош прокуратура ҳузуридаги Департаментнинг Учтепа туман бўлими томонидан Солиқ инспекцияси ходимлари билан ҳамкорликда ўтказилган терговга қадар текширувда ноқонуний тамаки маҳсулотлари савдоси билан шуғулланиб келган М.Қ., Ж.Қ. ва С.М.лар Шайхонтоҳур туманида жойлашган “Эски Жўва” деҳқон бозори автотураргоҳида фуқаро Х.А.га 1 000 қути “Esse Change” номли акциз маркасиз тамаки маҳсулотларини 20 млн сўмга сотган вақтларида ушланиб, уларнинг ёнидан яна 6 турдаги жами 2 060 қути акциз маркасиз тамаки маҳсулотлари ашёвий далил сифатида олинган.

Шу каби, Департаментнинг Шайхонтоҳур туман бўлими томонидан ўтказилган тезкор тадбирда тамаки маҳсулотлари савдоси билан шуғулланиб келган Ш.Ш. Нурафшон айланма кўчасида фуқаро Р.А.га 2 қути хорижда ишлаб чиқарилган акциз маркасиз тамаки маҳсулотини сотган вақтида ушланиб, у томонидан ноқонуний ташкил этилган савдо шохобчасидан 48 турдаги жами 1 505 қути акциз маркасиз тамаки ва никотин маҳсулотлари ашёвий далил сифатида олинган.

Мазкур ҳолатлар юзасидан Жиноят кодексининг 186-1-моддаси (этил спирти, алкоголли маҳсулот ва тамаки маҳсулотини қонунга хилоф равишда ишлаб чиқариш ёки муомалага киритиш) билан жиноят ишлари қўзғатилиб, тергов ҳаракатлари ўтказилмоқда.
 
👉@Department_uz

Валюта айирбошлаш билан шуғулланиб келган шахслар ушланди
 
Бош прокуратура ҳузуридаги Департаментнинг Конимех туман бўлими томонидан ўтказилган тезкор тадбирда валюта айирбошлаш билан шуғулланиб келган Н.А. жами 3 900 АҚШ долларини фуқаро А.А.га 49,8 млн  сўмга сотган вақтида ашёвий далиллар билан ушланган.

Шу каби, Департаментнинг Қўнғирот туман бўлими томонидан ИИБ ва Миллий Гвардия ходимлари билан ҳамкорликда ўтказилган тезкор тадбирда валюта айирбошлаш билан шуғулланиб келган А.К. ва Р.Т. жами 3 000 АҚШ долларини фуқаро А.Ш.дан 37,8 млн сўмга сотиб олган вақтларида ушланиб, уларнинг ёнидан 3 000 АҚШ доллари ва 5,5 млн сўм ашёвий далил сифатида олинган.

Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.

👉@Department_uz

Кучли таъсир қилувчи дори воситаларини муомалага киритилишининг олди олинди
 
Бош прокуратура ҳузуридаги Департаментнинг Зангиота туман бўлими томонидан ўтказилган тезкор тадбирда муқаддам судланган А.Ф. ноқонуний даромад орттириш мақсадида Учтепа тумани “Катта хирмонтепа” МФЙ  ҳудудидаги савдо мажмуаси олдида фуқаро К.К.га жами 35 дона “Gabapin” номли кучли таъсир қилувчи дори воситасини 5,4 млн сўмга сотган вақтида ашёвий далиллар билан ушланган.

Шу каби, Департаментнинг Оққўрғон туман бўлими томонидан ИИБ ходимлари билан ҳамкорликда ўтказилган тезкор тадбирда фуқаро Н.Р. ноқонуний даромад орттириш мақсадида “Зарафшон” МФЙ ҳудудида фуқаро Ж.А.га  8 дона “Регапен” номли кучли таъсир қилувчи дори воситасини 1,1 млн сўмга сотган вақтида ашёвий далиллар билан ушланган.

Мазкур ҳолатлар юзасидан Жиноят кодексининг 251-1-моддаси (кучли таъсир қилувчи ёки заҳарли моддаларни қонунга хилоф равишда муомалага киритиш) билан жиноят ишлари қўзғатилиб, тергов ҳаракатлари ўтказилмоқда.

👉@Department_uz

“Чилонзортумангаз” газ таъминоти бўлими маҳалла газчиси ва еткачи муҳандиси ушланди
 
Бош прокуратура ҳузуридаги Департаментнинг Чилонзор туман бўлими томонидан ИИББ ходимлари билан ҳамкорликда тадбиркорлик субъектларининг ҳуқуқларини ҳимоя қилиш юзасидан ўтказилган тезкор тадбирда “Чилонзортумангаз” газ таъминоти бўлими маҳалла газчиси Б.Ю. ва маҳаллада ишлаш хизмати етакчи муҳандиси С.А. тадбиркор Х.С.нинг “Карвонсарой” 1-тор кўчасида жойлашган меҳмонхонасида фойдаланилган табиий газ учун тўловида аниқланган камчиликлар бўйича далолатнома расмийлаштиришиб, қонуний чора кўриш учун ҳуқуқни муҳофаза қилувчи органларига юбормаслик эвазига тадбиркордан 25 млн сўм талаб қилиб олган вақтларида ашёвий далиллар билан ушланишган.

Мазкур ҳолат юзасидан Жиноят кодексининг 210-моддаси (пора олиш) билан жиноят иши қўзғатилиб, тергов ҳаракатлари ўтказилмоқда.
 
👉@Department_uz

Axborot 24 | Қашқадарё вилоятида акциз маркасиз тамаки маҳсулотларини ноқонуний муомалага киритилишининг олди олинди

👉@Department_uz

Ўқишга киритиб қўйишни ваъда қилган фирибгарлар ушланди
 
Бош прокуратура ҳузуридаги Департамент ҳамда ДХХнинг Наманган вилояти бошқармалари томонидан ўтказилган тезкор тадбирда фуқаро О.У. фуқаро А.Н.ни танишлари ёрдамида Наманган муҳандислик-қурилиш институтининг “Информатика” йўналишига ўқишга киритиб қўйиши эвазига 1500 АҚШ долларини олган вақтида ашёвий далиллар билан ушланган.

Шу каби, Департаментнинг Янгибозор туман бўлими томонидан ДХХ ходимлари билан ҳамкорликда ўтказилган тезкор тадбирда фуқаро И.М.  2 нафар фуқаронинг ишончига кириб, уларни 3 000 АҚШ доллари эвазига гўёки юқори лавозимда ишловчи танишлари ёрдамида ИИВ академиясига ўқишга киритиб қўйишини айтиб, олдиндан 1 400 АҚШ доллари ва 1,2 млн сўмни олган вақтида ашёвий далиллар билан ушланган.

Мазкур ҳолатлар юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.
 
👉@Department_uz

Самарқанд ва Тошкент вилоятларида МЧЖларни қасддан банкротликка олиб келиш ҳолатлари аниқланди
 
Бош прокуратура ҳузуридаги Департаментнинг Самарқанд вилоят бошқармаси томонидан ўтказилган терговга қадар текширувда “Sh.B.” МЧЖ раҳбари Ф.А. МЧЖ Самарқанд шаҳри, Фирдавсий кўчасида қурилган кўп қаватли уйларнинг 70 та хонадонини яқин қариндошлари ва танишларининг номига расмийлаштириб бериб, жами 10,5 млрд сўмни МЧЖ ҳисоб рақамига кирим қилмасдан, МЧЖни қасддан банкротлик ҳолатига олиб келганлиги аниқланган.

Шу каби, Департаментнинг Оҳангарон шаҳар бўлими томонидан ўтказилган терговга қадар текширувда “O-Т.” МЧЖ раҳбари И.К. “A.” хусусий корхонасидан харид қилинган 346,9 млн сўмлик дори воситалари сотувидан тушган маблағларни МЧЖ ҳисоб рақамига кирим қилмасдан “O.-Т.” МЧЖни қасддан банкротлик ҳолатига олиб келганлиги аниқланган.

Мазкур ҳолатлар юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш), 181-1-моддаси (қасддан тўловга қобилиятсизликка олиб келиш) ва 189-моддаси (савдо ёки хизмат кўрсатиш қоидаларини бузиш) билан жиноят ишлари қўзғатилиб, тергов ҳаракатлари ўтказилмоқда.

👉@Department_uz

Поп туманида ернинг унумдор қатламидаги тупроқни ўзбошимчалик билан қазиб олиш ҳолати аниқланди
 
Бош прокуратура ҳузуридаги Департаментнинг Поп туман бўлими томонидан Тоғ-кон геология ва саноат хавфсизлигини назорат қилиш инспекцияси бошқармаси ходимлари билан ҳамкорликда ўтказилган терговга қадар текширувда “T.R.” МЧЖ раҳбари Х.Я. ва бошқалар ғишт ишлаб чиқариш фаолияти учун ажратилган ҳудуддан ташқарига чиқиб, ернинг унумдор қатламидан махсус техникалар ёрдамида 12 минг куб ҳажмдаги тупроқни ўзбошимчалик билан қазиб олиб, давлат ва жамият манфаатларига 181,8 млн сўм зарар етказганликлари аниқланган.

Мазкур ҳолат юзасидан Жиноят кодексининг 192-11-моддаси (нодавлат тижорат ташкилотида ёки бошқа нодавлат ташкилотида мансабдор шахслар томонидан ўз ваколатларини суиистеъмол қилиш) ва  229-моддаси (ўзбошимчалик) билан жиноят иши қўзғатилиб, тергов ҳаракатлари ўтказилмоқда.

👉@Department_uz

Хонобод шаҳрида электр энергиясидан ноқонуний фойдаланиш ҳолати фош этилди
 
Бош прокуратура ҳузуридаги Департаментнинг Хонобод шаҳар бўлими томонидан “Ўзэнергоинспекция” вилоят бошқармаси ходимлари билан ҳамкорликда ўтказилган тезкор тадбирда фуқаро У.Х. автомобилларни ювиш шохобчасини ташкил этиб, умумий фойдаланишдаги электр тармоғига яширинча уланиб, жами 126 млн сўмлик электр энергиясидан ноқонуний фойдаланганлиги аниқланган.

Мазкур ҳолат юзасидан Жиноят кодексининг 169-моддаси (ўғрилик) билан жиноят иши қўзғатилиб, тергов ҳаракатлари ўтказилмоқда.

👉@Department_uz

Ахборот 24 | Навоий вилоятида акциз маркасиз алкоголь ва тамаки маҳсулотларини муомалага киритилишининг олди олинди

👉@Department_uz