Сергели туманида 480,7 млн сўмлик табиий газдан ноқонуний фойдаланган иссиқхона аниқланди

Бош прокуратура ҳузуридаги Департаментнинг Сергели туман бўлими томонидан ГТФ ходимлари билан ҳамкорликда ўтказилган терговга қадар текширувда фуқаро Ж.К. ва бошқалар “Бобур” МФЙ ҳудудидаги уйда тижорат мақсадида ташкил этилган иссиқхонада темир труба ва резина шланглар ёрдамида умумий фойдаланишдаги табиий газ тармоғига ўзбошимчалик билан уланиб жами 320,4 минг метр куб табиий газни ўғирлаб, давлат ва жамият манфаатларига 480,7 млн сўм зарар етказганликлари аниқланган.

Мазкур ҳолат юзасидан Жиноят кодексининг 169-моддаси (ўғрилик) билан жиноят иши қўзғатилиб, тергов ҳаракатлари ўтказилмоқда.

👉@Department_uz

463,94 грамм соф қуйма олтинни Тошкент шаҳрида ўтказиш учун олиб кетаётган шахслар Булунғур туманида ушланди

Бош прокуратура ҳузуридаги Департаментнинг Булунғур туман бўлими, ДХХнинг Навоий вилояти бошқармаси ва ИИБ ходимлари ҳамкорлигида ўтказилган тезкор тадбирда туман ҳудудидан ўтувчи М-38 автомобиль йўлининг “Юқори нуқта” ЙПХ масканида "Самарқанд-Тошкент" йўналиши бўйича ҳаракатланаётган “Cobalt” русумли автомашина йўловчиси М.Р.нинг ёнида фуқаро Р.Т. томонидан Тошкент шаҳарида ўтказиш учун бериб юборилган оғирлиги 463,94 грамм бўлган баҳоси 368 млн сўмлик 2 дона соф қуйма олтин бўлагини олиб кетаётганлиги аниқланиб, ашёвий далил сифатида олинган.

Мазкур ҳолат юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят иши қўзғатилиб, тергов ҳаракатлари ўтказилмоқда.

👉@Department_uz

Тошкент шаҳрида кучли таъсир қилувчи дори воситалари ва гиёҳванд моддаларни сотаётган шахслар ушланди

Бош прокуратура ҳузуридаги Департаментнинг Тошкент шаҳар бошқармаси ва ДХХ ходимлари ҳамкорлигида ўтказилган тезкор тадбирда фуқаролар М.Ж., М.К. ва бошқалар таркибида инсон руҳиятига кучли таъсир қилувчи моддаси бўлган 120 дона “Pregabalin Capsules” номли дори воситасини фуқаро А.А.га 4,8 млн сўмга сотган вақтларида ушланиб, М.К.нинг автотранспорт воситасидан таркибида 0,15 грамм фаол гиёҳванд моддаси мавжуд бўлган “Марихуана” ҳамда 750 минг сўм қалбки пуллар ашёвий далил сифатида олинган.

Мазкур ҳолатлар юзасидан Жиноят кодексининг тегишли моддалари билан жиноят иши қўзғатилиб, прокуратурага юборилган.

👉@Department_uz

Тошкент туманида акциз маркасиз тамаки маҳсулотларни муомалага киритилишининг олди олинди
 
Бош прокуратура ҳузуридаги Департаментнинг Тошкент туман бўлими томонидан ДХХ ходимлари билан ҳамкорликда ўтказилган тезкор тадбирда тамаки маҳсулотлари савдоси билан шуғулланиб келган А.Р. хорижда ишлаб чиқарилган 3 турдаги 7 010 қути акциз маркасиз тамаки маҳсулотларини фуқаро И.Ш.га 80,4 млн сўмга сотган вақтида ушланиб, ундан жами 7 465 қути тамаки маҳсулотлари ашёвий далил сифатида олинган.

Мазкур ҳолат юзасидан Жиноят кодексининг 186-1-моддаси (этил спирти, алкоголли маҳсулот ва тамаки маҳсулотини қонунга хилоф равишда ишлаб чиқариш ёки муомалага киритиш) билан жиноят иши қўзғатилиб, тергов ҳаракатлари ўтказилмоқда.

👉@Department_uz

Қашқадарёда қум хом ашёсини ноқонуний қазиб олаётган шахслар аниқланди

Бош прокуратура ҳузуридаги Департаментнинг Қашқадарё вилоят бошқармаси ва Ғузор туман бўлими томонидан вилоят Экология, атроф-муҳитни муҳофаза қилиш ва иқлим ўзгариши ҳамда "Хавфсиз дарё" бошқармалари ходимлари билан ҳамкорликда ўтказилган тезкор тадбирларда фуқаро Р.Қ. ва бошқалар ноқонуний даромад орттириш мақсадида “Қашқадарё" дарёсининг Ғузор ва Қарши туманлари ҳудудидан оқиб ўтувчи қисмининг муҳофаза зонаси ҳисобланган ер майдонларидан махсус техникалари ёрдамида ўзбошимчалик билан 9,5 минг куб ҳажмдаги қум ҳом ашёсини қазиб олиб, давлат ва жамият манфаатларига 948,6 млн сўм зарар етказганликлари аниқланган.

Мазкур ҳолатлар юзасидан Жиноят кодексининг 229-моддаси (ўзбошимчалик) моддаси билан жиноят ишлари қўзғатилиб, тергов ҳаракатлари ўтказилмоқда.

👉@Department_uz

Дори воситаларини ноқонуний муомалага киритилишининг олди олинди

Бош прокуратура ҳузуридаги Департаментнинг Ургут туман бўлими томонидан ДХХ ва ИИБ ходимлари билан ҳамкорликда ўтказилган тезкор тадбирда “Бунёдкор” МФЙ ҳудудида ҳаракатланиб келаётган “Isuzu” русумли автотранспорт воситаси тўхтатилиб кўздан кечирилганда, фуқаролар И.М. ва У.И. хорижда ишлаб чиқарилган 470 турдаги ҳеч қандай ҳужжатсиз 19 214 дона дори воситаларини ўтказиш мақсадида олиб келаётганлиги аниқланиб, ушбу дори воситалари ашёвий далил сифатида олинган.
 
Шу каби, Департаментнинг Зангиота туман бўлими томонидан ўтказилган тезкор тадбирда фуқаро Б.Н. дори воситаларини ноқонуний муомалага киритиш орқали даромад орттиришни кўзлаб, туман ҳудудидаги савдо маркази автотураргоҳида жами 35 қути “Авастин” номли дори воситасини фуқаро М.Я.га 158 млн сўмга сотган вақтида ашёвий далиллар билан ушланган.

Мазкур ҳолатлар юзасидан Жиноят кодексининг тегишли моддалари билан жиноят ишлари қўзғатилиб, тергов ҳаракатлари ўтказилмоқда.

👉@Department_uz

Газ тармоғига уланишга рухсат бериши учун тадбиркордан 700 АҚШ доллари талаб қилган бўлим бошлиғи ушланди
 
Бош прокуратура ҳузуридаги Департаментнинг Термиз шаҳар бўлими, прокуратура ва ИИБ ходимлари ҳамкорлигида тадбиркорлик субъектларининг ҳуқуқларини ҳимоя қилиш юзасидан ўтказилган тезкор тадбирда “Термизшаҳаргаз” газ таъминоти бўлими бошлиғи Ф.Ҳ. “M.M.” оилавий корхонасининг умумий овқатланиш шохобчасида газ нуқталарини ташкил этиш ва уларни тармоққа улашга рухсат ҳамда техник шарт хулосасини бериши  эвазига 700 АҚШ доллари ва лойиҳа ҳужжатларини арзон нархларда тайёрлаб бериши учун яна 2 млн сўм талаб қилиб, ушбу пуллар ҳисобидан 5 млн сўмни олган вақтида ашёвий далилар билан ушланган.

Мазкур ҳолат юзасидан Жиноят кодексининг 210-моддаси (пора олиш) билан жиноят иши қўзғатилиб, тергов ҳаракатлари ўтказилмоқда.
 
👉@Department_uz

Сирдарё вилоятида кредит маблағларини ўзлаштирган МЧЖ аниқланди
 
Бош прокуратура ҳузуридаги Департаментнинг Сирдарё вилоят бошқармаси томонидан “O’zsanoatqurilishbank” АТБ Сирдарё минтақавий филиалининг мурожаатига асосан ўтказилган терговга қадар текширувда “O’.SH.” МЧЖ масъул шахслари ва бошқалар ўзаро тил бириктириб, МЧЖга ажратилган 10 млрд сўм кредит маблағлари эвазига турар жой биносини қурмасдан, таъминотчи корхоналардан харид қилинган қурилиш молларини нақд пулга сотиб юбориб, ушбу маблағларни ўзлаштирганликлари аниқланган.

Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.

👉@Department_uz

Чилонзор туманида “Майнинг ферма” ташкил этган шахс аниқланди
 
Бош прокуратура ҳузуридаги Департаментнинг Чилонзор туман бўлими томонидан ДХХ ходимлари билан ҳамкорликда ўтказилган тезкор тадбирда тумандаги 19-мавзе ҳудудидаги хонадонда яшовчи Ф.О. ўз уйининг ертўласида 5 дона тўпламдаги майнинг крипто-активлари қурилмаларини тижорат мақсадида умумий фойдаланишдаги электр тармоғига ўғрилик йўли билан улаб, давлат ва жамият манфаатларига 680,7 млн сўм зарар етказганлиги аниқланган.

Мазкур ҳолат юзасидан Жиноят кодексининг 169-моддаси (ўғрилик) билан жиноят иши қўзғатилиб, тергов ҳаракатлари ўтказилмоқда.

👉@Department_uz

Самарқанд вилоятида қум-шағал аралашмасини ноқонуний қазиб олган шахслар аниқланди
 
Бош прокуратура ҳузуридаги Оқдарё туман бўлими томонидан туман экология ва атроф муҳитини муҳофаза қилиш соҳасида назорат инспекция ходимлари билан ҳамкорликда ўтказилган терговга қадар текширувда “А.Г” МЧЖ масъул шахслари ҳеч қандай ҳужжатларсиз “Кумушкент” ва “Халқобод” МФЙ чегарасидан оқиб ўтувчи Оқдарё дарёси муҳофаза зонаси ҳудудидан “SANY” русумли экскаватор ёрдамида жами 13 минг куб ҳажмдаги қум-шағал хом ашёсини ўзбошимчалик билан қазиб олишиб, давлат ва жамият манфаатларига 6 млрд сўм зарар етказганликлари аниқланган.

Шу каби, Департаментнинг Булунғур туман бўлими томонидан ўтказилган терговга қадар текширувда “B.B.” МЧЖ раҳбари Б.Э. “Зарафшон” массиви ҳудудидан балиқчилик хўжалигини ташкил қилиш учун ажратилган 11 гектар ер майдонидан ҳеч қандай ҳужжатсиз жами 9,5 минг куб ҳажмдаги қум-шағал аралашмасини ўзбошимчалик билан қазиб олганлиги, шунингдек тижорат мақсадида умумий фойдаланишдаги электр тармоғига ўғирлик йўли билан уланиб, 177,6 млн сўмлик электр энергиясидан ноқонуний фойдаланганлиги аниқланган.

Мазкур ҳолатлар юзасидан Жиноят кодексининг тегишли моддалари билан жиноят ишлари қўзғатилиб, тергов ҳаракатлари ўтказилмоқда.

👉@Department_uz

Бош прокурор ўринбосари – Иқтисодий жиноятларга қарши курашиш департаменти бошлиғи Ш.Сохибназаров раҳбарлигида Фарғона вилоятида яширин иқтисодиётга қарши курашиш бўйича вилоят комиссиясининг йиғилиши ўтказилди.

Унда вилоятда яширин иқтисодиётга қарши курашиш борасида йўл қўйилаётган камчиликлар ва унинг оқибатлари муҳокама қилиниб, қонунга итоаткор тадбиркорларнинг ҳуқуқларини ҳимоя қилишнинг устувор йўналишлари белгилаб олинди.

Шунингдек, мутасадди идораларга рўйхатдан ўтмасдан бизнес олиб бораётган шахсларнинг фаолиятини қонунийлаштириш, норасмий бандликка барҳам бериш, аграр соҳадаги яширин айланмаларни қисқартириш ва бошқа йўналишлардаги мавжуд имкониятларни ишга солиш орқали 1,5 трлн. сўм қўшимча манбаларни бюджетга тушириш бўйича манзилли топшириқлар берилди.

Ушбу йўналишларда аниқланган камчиликларни бартараф этиш орқали қўшимча манбаларнинг бюджетга туширилишини таъминлаш бўйича аниқ чора-тадбирлар белгилаб олинди ҳамда масъуллар қонун бузилиши ҳолатларига йўл қўймаслик тўғрисида расман огоҳлантирилди.

Йиғилишда, масъул ташкилот раҳбарлари кун тартибидаги масалалар юзасидан изоҳлар беришди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | YouTube | Facebook | Veb-sayt