Бош прокуратура ҳузуридаги Департаментнинг Жарқўрғон тумани бўлими ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирда “Q.A.” хусусий корхонаси раҳбари А.Р. (муқаддам ЖКнинг 186-1-моддаси билан судланган) “Меҳнат-роҳат” МФЙ ҳудудидаги савдо дўконида умумий баҳоси 45,6 млн сўмлик 46 турдаги 2 794 дона истеъмолга яроқсиз алкоголь ва 123 қути тамаки маҳсулотларини савдога қўйганлиги аниқланиб, ушбу маҳсулотлар ашёвий далил сифатида олинган.

Департаментнинг Узун тумани бўлими ходимлари томонидан ўтказилган тезкор тадбирда “Z.X.” оилавий корхонаси раҳбари А.Т. “Файзова” МФЙ ҳудудидаги савдо дўконида тегишли ҳужжатлари бўлмаган 25 турдаги жами 282 дона алкоголь ва 31 турдаги 391 қути тамаки маҳсулотларини савдога қўйганлиги аниқланиб, ушбу маҳсулотлар ашёвий далил сифатида олинган.

Ахборот 24 | Яширин иқтисодиётга қарши курашиш бўйича амалий семинар ўтказилди

Вазият 24 | Тошкент шаҳри ва Самарқанд вилояти

Бош прокуратура ҳузуридаги Департаментнинг Бағдод тумани бўлими ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирда фуқаролар М.Ж. ва Д.А. фуқарога хорижда ишлаб чиқарилган 7 турдаги 450 дона акциз маркасиз электрон тамаки маҳсулотини 127,5 млн сўмга сотган вақтида ашёвий далиллар билан ушланганлар.

Бош прокуратура ҳузуридаги Департаментнинг Олмазор тумани бўлими ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирда шубҳа остига олинган фуқаро А.Ю.нинг юк ташувчи автотранспорт воситаси кўздан кечирилганда, автотранспорт воситаси юкхонасидаги ем маҳсулотлари остига яширилган сифатини тасдиқловчи ҳужжатлари бўлмаган ва давлат реестрида қайд этилмаган 156 турдаги 2,5 млрд сўмлик дори воситалари борлиги аниқланиб, ушбу дори воситалари ашёвий далил сифатида олинган.

Мазкур ҳолатлар юзасидан Жиноят кодексининг 186-3-моддаси (сифатсиз ёки қалбакилаштирилган дори воситаларини ёхуд тиббий буюмларни ўтказиш мақсадида ишлаб чиқариш, тайёрлаш, олиш, сақлаш, ташиш ёки ўтказиш, дори воситаларини ёки тиббий буюмларни дорихоналардан ва уларнинг филиалларидан ташқарида реализация қилиш, шунингдек таркибида кучли таъсир қилувчи моддалар мавжуд бўлган дори воситаларини рецепт бўйича чакана реализация қилиш тартибини бузиш) билан жиноят ишлари қўзғатилиб, тергов ҳаракатлари ўтказилмоқда.

Бош прокуратура ҳузуридаги Департаментнинг Юнусобод тумани бўлими томонидан ўтказилган терговга қадар текширувларда фуқаро М.П. “Обод” МФЙ ҳудудидаги иссиқхонада табиий газ тармоғига тижорат мақсадида ўзбошимчалик билан уланиб, 354,6 млн сўмлик табиий газдан ноқонуний фойдаланганлиги аниқланган.

Шу каби, фуқаро Х.З. “Ғайрат” МФЙ ҳудудидаги иссиқхонада 219,2 млн сўмлик табиий газдан ноқонуний фойдаланганлиги аниқланган.

Шунингдек, Департаментнинг Нуробод тумани бўлими томонидан ўтказилган терговга қадар текширувда фуқаро У.Р. “Машъал” МФЙ ҳудудидаги хонадонда табиий газ тармоғига ўзбошимчалик билан тўғридан-тўғри уланиб, 189,4 млн сўмлик табиий газдан ноқонуний фойдаланганлиги аниқланган.

Бош прокуратура ҳузуридаги Департаментнинг Тўрткўл тумани бўлими ва бошқа ҳуқуқни муҳофаза қилувчи орган ходимлари ҳамкорлигида ўтказилган терговга қадар текширувда “A.F.” МЧЖ масъул шахслари МЧЖнинг дори воситалари ва тиббий буюмлар савдоси билан шуғулланиш учун лицензияси суд томонидан бекор қилинган бўлса-да, давлат реестрида қайд қилинмаган, мувофиқлик сертификати расмийлаштирилмаган ва яроқлилик муддати ўтган умумий баҳоси 279 млн сўмлик 869 турдаги дори воситалари, 16 турдаги тиббий буюмлар ва 162 турдаги биологик фаол қўшимчаларни савдога қўйганликлари аниқланиб, ушбу дори воситалари ашёвий далил сифатида олинган.

Мазкур ҳолат юзасидан Жиноят кодексининг 186-3-моддаси (сифатсиз ёки қалбакилаштирилган дори воситаларини ёхуд тиббий буюмларни ўтказиш мақсадида ишлаб чиқариш, тайёрлаш, олиш, сақлаш, ташиш ёки ўтказиш, дори воситаларини ёки тиббий буюмларни дорихоналардан ва уларнинг филиалларидан ташқарида реализация қилиш, шунингдек таркибида кучли таъсир қилувчи моддалар мавжуд бўлган дори воситаларини рецепт бўйича чакана реализация қилиш тартибини бузиш) ва 190-моддаси (фаолият билан лицензиясиз ёки рухсат этиш хусусиятига эга ҳужжатсиз ёхуд хабарнома юбормасдан шуғулланиш) билан жиноят иши қўзғатилиб, тергов ҳаракатлари ўтказилмоқда.

Бош прокуратура ҳузуридаги Департаментнинг Яккасарой тумани бўлими ходимлари томонидан ўтказилган тезкор тадбирда “K.B.” хусусий корхонаси масъул шахслари савдо дўконида умумий баҳоси 47,1 млн сўмлик 21 турдаги 1 221 қути акциз маркасиз тамаки маҳсулотларини савдога қўйганликлари аниқланиб, ушбу маҳсулотлар ашёвий далил сифатида олинган.

Вазият 24 | Жиззах ва Сурхондарё вилоятлари

Бош прокуратура ҳузуридаги Департаментнинг Жомбой тумани бўлими ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирда фуқаро Д.С. "Самарқанд" МФЙ ҳудудидаги хонадонида яширин цех ташкил қилиб, қўлбола усулда алкоголь маҳсулотлари ишлаб чиқараётганлиги аниқланиб, ушбу яширин цехдан умумий баҳоси 69,8 млн сўмлик 19 100 дона ёрлиқлар, 10 000 дона шиша қопқоқлари, 1 500 дона бўш шиша идишлар, 1 570 дона қалбаки акциз марка, 1 420 литр спирт, 359 дона алкоголь маҳсулотлари ва ишлаб чиқаришда фойдаланилган бошқа маҳсулотлар ашёвий далил сифатида олинган.

Мазкур ҳолат юзасидан Жиноят кодексининг 176-моддаси (қалбаки пул акциз маркаси ёки қимматли қоғозлар ясаш, уларни ўтказиш) ва 186-1-моддаси (этил спирти, алкоголли маҳсулот ва тамаки маҳсулотини қонунга хилоф равишда ишлаб чиқариш ёки муомалага киритиш) билан жиноят иши қўзғатилиб, тергов ҳаракатлари ўтказилмоқда.

Бош прокуратура ҳузуридаги Департаментнинг Тойлоқ тумани бўлими томонидан ўтказилган терговга қадар текширувда фуқаро Д.Б. фуқаро А.Қ.га гўёки юқори лавозимларда ишловчи танишлари орқали ҳайдовчилик гувоҳномасини бекор қилдирмаслик эвазига 2 500 АҚШ долларини фирибгарлик йўли билан қўлга киритганлиги аниқланиб, текширув давомида ушбу пуллар ҳисобидан 1,2 млн сўмнинг қайтарилиши процессуал тартибда расмийлаштирилган.

Департаментнинг Жомбой тумани бўлими ходимлари томонидан ўтказилган терговга қадар текширувда фуқаро Ф.Э. фуқаролар М.М. ва Ф.Э.га ҳайдовчилик гувоҳномалари олиб беришини ваъда қилиб, 2 100 АҚШ долларини фирибгарлик йўли билан қўлга киритиб, ўз эҳтиёжи учун ишлатиб юборганлиги аниқланган.

Бош прокуратура ҳузуридаги Департаментнинг Сўх тумани бўлими ходимлари, ДХХ ва ДХХ чегара қўшинлари ҳарбий хизматчилари ҳамкорлигида ўтказилган тезкор тадбирда фуқаролар С.М. ва О.Ғ. ўзаро тил бириктириб, хорижий давлатларда ишлаб чиқарилган, келиб чиқиши ва сифатини тасдиқловчи ҳужжатлари бўлмаган 2 610 қути акциз маркасиз тамаки маҳсулотларини Қирғиз Республикасидан Ўзбекистон Республикаси ҳудудига “Гулшан” МФЙ ҳудудидаги чегара сим тўсиғини бузиб, олиб ўтганликлари аниқланиб, ушбу тамаки маҳсулотлари ашёвий далил сифатида олинган.

Мазкур ҳолат юзасидан Жиноят кодексининг 186-1-моддаси (этил спирти, алкоголли маҳсулот ва тамаки маҳсулотини қонунга хилоф равишда муомалага киритиш ёки ишлаб чиқариш) ва 223-моддаси (қонунга хилоф равишда чет элга чиқиш ёки Ўзбекистон Республикасига кириш) билан жиноят иши қўзғатилиб, тергов ҳаракатлари ўтказилмоқда.

Вазият 24 | Тошкент ва Самарканд вилоятларида истеъмолга яроқсиз алкоголь маҳсулотлари ишлаб чиқарилишининг олди олинди