በመንበረ ፓትርያርክ ጠቅላይ ቤተ ክህነት እየተከናወነ ባለው መንፈሳዊ የሰበካ ጉባኤ ምሥራቅ ወለጋ ሀገረ ስብከት በ2016 በጀት ዓመት ራሱን የኦሮሚያ ቤተ ክህነት በማለት በሕገ ወጡ ራሱን አባ በርሱማ (አቶ ሃ/ኢየሱስ) ተብሎ በሚጠራው ግለሰብ ምክንያት ለ9 ወራት መልካም አስተዳደር ጠፍቶ መቆየቱ ገልጿል፡፡

በሀገረ ስብከቱ በሕገ ወጡ ግለሰብ ምክንያትም የሀገረ ስብከቱ ሒሳብ ሹም የተገደሉ ሲሆን የሕግ ክፍሉ ደግሞ በጩቤ እንደተወጉ፣ የሀገረ ስብከቱ ሥራ አስኪያጅ ቤት በቦንብ መደብደቡንና በሌሎች አገልጋዮችና ምእመናን ላይ የእገታና የእስራት ድርጊቶች መፈጸማቸው ተጠቅሷል፡፡

በዓመቱ በሕገ ወጡ ሴራ ተታለው የሄዱ ካህናት፣ ዲያቆናትና ምእመናን ወደ እናት ቤተ ክርስቲያናቸው እንዲመለሱ ተደርጓልም ተብሏል፡፡

በተጨማሪም የቤተ ክርስቲያንን ሀብት በሕገ ወጥ መንገድ የወሰዱ ግለሰቦችን በሕግ የመጠየቅና የተወረሰውን የሀገረ ስብከቱን መንበረ ጵጵስና የማስመለስ ሥራ መሠራቱ ተገልጿል፡፡

ለ19 አብያተ ክርስቲያናት የልብሰ ተክህኖ ድጋፍና ለ637 አገልጋዮች የቅስናና የዲቁና ማዕረግ መስጠት መቻሉም ተጠቅሷል፡፡

#ጥያቄ ✞✞✞
==========

5⃣.በብሉይ ኪዳን ሕግ ሰው ካለው ላይ ከአስር አንድ ይስጥ ይላል። ይህ ከአስር አንድ የምንሰጠው ምን ይባላል?

-----------------------------------------------