✍🏻 شعر تالشى از:
#سید_مومن_منفرد

🌸 #بهار_اومه 🌸
تقدیم به تالش؛ سرزمین نوروز و بهار همیشه سبزش

بهار اومَه، تالش، خاسَه، قَشَنگَه
کوه و بَندی دییَه، رَنگا بَه رَنگَه
بِری بِه یَندینَه دنیا بگَردَم
کوکو داری سَری کو شوخ و شَنگَه

بهار اومَه، کو کا پِرمَه اَلالَه
کوکو جان بِه بخون خالَه بَه خالَه

تازَه سالَه، هَمَه جا ول پِراومَه
کوکو تی تی چَمَه دوشی سَراومَه
کوکو جان بِه بخون دا ک" بوینم
بهارَم ای دَفَه کَه کو دَراومَه

بهار اومَه،گولی نَه، دیلخشینَه
خَشَه، بلبل، قَشَنگَه تالشی نَه

بهار اومه، بهار اومَه کوکو نَه
بهار اومَه اَلالَه عَطر و بو نَه
دیلی بَرجَه آکه دنیا دییس یار
بهار اومَه خاسَه آفتاوی سو نَه

بهار اومَه هَمَه دنیا روشونَه
خَشَه شونَه، قَشَنگَه بَند و کو نَه

بهار اومَه، ولَه تا نَه خش اومَه
چَمَه گیریَه سرا کو وارش اومَه
بهار، سَوزَه کوه و جَنگَلی نَه یار
چَمَه خاسَه قَشَنگَه تالش اومَه

بهار اومَه خاسَه سَوزَه کیشی نَه
چَمَه مال و رَمَه کو را پِشینَه

بهار اومَه خاسَه آستارَه سو نَه
شَنا مَنگَه تاوَه، خَیلی روشونَه
بهار اومَه یَواشی نَه، خَشی نَه
ولَه تا نی خَشَه خاسَه پَپو نَه

بهار اومَه بشَم دَریا بگَردَم
قَشَنگَه تالشی دنیا بگَردَم

بهار اومَه زَمین خاوی کو اَشتَه
چَمَه تالش قَشَنگَه کوه و دَشتَه
خداوندی هَمَه اشتَن قَشَنگی
تالشی بَند و کوهون کو پَس هَشتَه

بهار اومَه میشین و پَمچالی نَه
بِری بِه خَش ببَم تازَه سالی نَه

سید مومن منفرد شاندرمنِ تالش
بهاری پا صدا
کانال اشعار سید مومن منفرد
@baharipaset

🌸🍀🌸🍀🌸🍀🌸🍀🌸🍀🌸
تالش نوین
@TalesheNovin