🇺🇿🇺🇿🇺🇿🇺🇿🇺🇿

21-fevral - Xalqaro ona tili kuni

🪐 Xalqaro ona tili kunining mazmun-mohiyatida har bir xalqning o‘z milliy tafakkuri, ma’naviyati, ruhiyatining o‘zagini tashkil etadigan tilga alohida muhabbatning belgisi o‘z aksini topadi. Mazkur kun ona tili bayrami sifatida nishonlanar ekan, bu bayram munosabati bilan har bir insonning o‘z Vatani va o‘z tiliga bo‘lgan muhabbati, unga bo‘lgan ehtiromi, qadrlash tuyg‘ulari yangilanadi.

🇺🇿 Darhaqiqat, dunyodagi qadimiy va boy tillardan biri bo‘lgan ona tilimiz xalqimiz tafakkurining bebaho mulki, milliy o‘zligimiz va mustaqil davlatimiz timsolidir. Kishi uchun kindik qoni to‘kilgan Vatani qanchalik aziz bo‘lsa, ona tili ham shunchalik mo‘tabar sanaladi.

#DavKadastrPalata #muhim_sana

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

Yurtimizning, kadastr tizimining go'zal va aziz xotin-qizlari!

💐 Sizlarni 8-mart - Xalqaro xotin-qizlar kuni - go'zallik va nafosat bayramingiz bilan tabriklaymiz. Oilangizga tinchlik, xotirjamlik, ishlaringizda ulkan zafarlar yor bo'lishiga tilakdoshmiz.

💐 Hayo va iffat, mehr va muhabbat timsoli bo'lgan, ushbu ko'rkam bahordek hayotimizga go'zallik, umrimizga mazmun baxsh etib turgan siz ayollar bor ekan, hayotimiz go'zal, konglimizdan xotirjamlik arimaydi.

💐 Yuzingizni kulgu-tabassum, bahoriy xush kayfiyat hech qachon tark etmasin!

Ehtirom ila,
Davlat kadastrlari palatasi

#DavKadastrPalata #muhim_sana

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

Assalom Navro'z!

🇺🇿 Bugun Navro'z - bahor, sharqona yangi yil, barcha xalqlarning do'stlik va birlik, ma'naviy aloqalar, kelajakka yangi umidlar va istiqbollar ramziga ega bo'lgan umumxalq bayramidir. Bu bayram oddiy bayram emas, balki xalqimizning tarixi, falsafasi, tushuncha tasavvurlari, qadriyatlarini o‘zida mujassam etgan, millat bilan ulg‘ayib, millat bilan birga taraqqiy etgan bayram. Bu bayram qadim-qadim zamonlardan buyon elimiz ardoqlab kelayotgan, elimizni, yurtimizni ulug‘lab kelayotgan bayram.

🌱🌤 Sizlarni kirib kelgan yosharish va yangilanish, mehr-muruvvat, tinchlik va ezgulik ramzi - Navro'z ayyomi bilan chin qalbdan muborakbod etamiz. Sizlarga bahordek yoshlik va go'zallik, sog'-salomatlik tilaymiz. Oilangizdan baxtu-saodat, xonadonlaringizdan tinchlik-xotirjamlik va fayzu baraka arimasin. Vatan ravnaqiga o‘z hissani qo‘shish istagi bilan olg‘a qadam bosayotgan yoshlarimizga esa kuch-g‘ayrat yor bo‘lsin!

🌷 Yurtimiz tinch, buyuk va muqaddas Vatanimiz — jonajon O‘zbekistonimiz osmoni hamisha musaffo bo‘lsin!

Bayramingiz muborak bo‘lsin!

#DavKadastrPalata #muhim_sana

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

Bugun 22-mart – Butunjahon suv resurslari kuni

🪐 Ushbu bayram Birlashgan Millatlar Tashkiloti Bosh Assambleyasining 1993-yil 22-fevralda qabul qilingan qarori bilan e’lon qilingan.

💧 Butunjahon suv kunining asosiy maqsadi – barcha uchun suv resurslari va sanitariyaning mavjudligi hamda ulardan oqilona foydalanishni ta’minlashga erishish bo‘yicha sa’y-harakatlarni qo‘llab-quvvatlashdir.

💧Ma’lumotlarga ko‘ra, so‘nggi 20 yil ichida sayyoramizdagi chuchuk suv zaxiralari 20 foizdan ko‘proqqa kamaydi. BMT ma’lumotlariga ko‘ra, hozirda 2,2 milliard odam xavfsiz suvdan mahrumdir.

💦 Shunday ekan, suvni asrang va u ham sizni asraydi!

#DavKadastrPalata #muhim_sana

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

Bugun 9 aprel - Sohibqiron Amir Temur tavallud topgan kun

🇺🇿Buyuk davlat arbobi, o'rta asrlar islohotchisi, sarkarda, adolat uchun tolmas kurashchi, bobokalonimiz Amir Temur davrida ilm-fan, madaniyat va ta'lim mislsiz darajada yuksaldi.

🔤mir Temur — o’zligimizni anglash, milliy an’ana va qadriyatlarimizni tiklash borasidagi ulug’vor ishlarda xalqimizga ma’naviy kuch bag’ishlab kelayotgan ulug’ siymolardan biridir.

🌐 Sohibqiron tavallud topgan kun mamlakatimizda har yili ko’tarinki ruhda keng nishonlanadi. Bu yil ham ulug’ sarkarda tavalludining 688 yilligi tadbirlari o’tkazilmoqda.

⏳ Ildizlari musaffo buloqlardan suv ichgan nihollar yayrab-yashnab ko’kka bo’y cho’zaveradi. Buyuk ajdodlardan meros qadriyatlar qondan qonga o’tib, avlodlar qalbida yashayveradi. Bugun ham Sohibqironning mardlik, jasorat, adolat, tadbirkorlik, vatanparvarlikka yo’g’rilgan ezgu fazilatlari Prezidentimiz yuritayotgan siyosatda yaqqol namoyon bo’lmoqda.

#DavKadastrPalata #muhim_sana

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

Aziz yurtdoshlar!

🇺🇿 Sizlarni, butun xalqimizni mehr-oqibat, ezgulik va saxovat ayyomi – muborak Iyd al-Fitr-Ramazon hayiti bilan samimiy tabriklaymiz.

🌙 Bu qutlug‘ bayramda hammamizni avvalo shunday fayzli va barokatli kunlarga yetkazgani uchun Yaratganga shukronalar aytamiz. Yurtdoshlarimizning shu muborak oyda qilgan ibodatlari, ezgu niyatlari ijobat bo‘lsin!

🌙 O‘z diniy qadriyatlarimizni ulug‘lab, e’zozlab yashashga barcha imkoniyatlar yaratilgan Davlatimizda – yoshlarimizni milliy va umuminsoniy qadriyatlar ruhida tarbiyalash yurtimiz taraqqiyotiga qo‘shadigan asosiy hissamizdir.

✨ Zamin uzra ushbu muqaddas ayyomni tantana qiladigan barcha mo‘min musulmonlarni Ramazon hayiti bilan yana bir bor tabriklaymiz. Vatanimiz, xonadonlarimizda tinchlik, ahillik, fayzu baraka bardavom bo‘lsin!

Davlat kadastrlari palatasi

#DavKadastrPalata #muhim_sana

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

Bugun 22-aprel - Butunjahon Yer kuni

🌍 Bu sana dastlab 1970-yil 22-aprelda AQShda nishonlangan. Unda 20 milliondan ortiq vakillar ishtirok etgan.

🌍 Ushbu global harakatning asosiy maqsadi jamiyat va sayyoradagi har bir insonning e’tiborini Yer va uning atrof-muhiti muammolariga qaratishdan iborat bo‘lib, insoniyat oldida turgan qiyin vazifalar to‘g‘risida bilib olishga imkon beradi.

🌍 Olimlarning so‘zlariga qaraganda, ona zaminimizning yoshi 4,5 milliard yilga teng. Agar ekvator bo‘ylab yuradigan bo‘lsak, 40 ming 10 kilometr masofani bosib o‘tishimiz kerak bo‘ladi. Sayyoramizning eng issiq joyi Kaliforniyadagi O‘lim vodiysi va Liviyadagi El Aziziya hisoblanadi. Eng sovug‘i esa Antarktika deya tan olingan. Yerning yagona tabiiy yo‘ldoshi tunda hamma uchun yaqqol ko‘rinadigan Oydir.

🌱 Yer shari – bizning uyimiz, bizning Onamiz. Shu sababli ham uni asrashimiz kerak. Chunki bugun farzandlarimiz, kelajakda esa avlodlarimiz toza suv ichib, toza havodan nafas olib yashashlari kerak.

🌟 Yer munosabatlarini tartibga soluvchi tashkilot sifatida barchani bugungi kun munosabati bilan muborakbod etib, ona zaminimizni asrab-avaylash, yuzaga kelayotgan ekologik muammolarni oldini olish va yerdan qonuniy manfaatlar ostida foydalanishga chaqiramiz.

Davlat kadastrlari palatasi

#DavKadastrPalata #muhim_sana

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

7-may — Oʻzbekiston Respublikasi axborot-kommunikatsiya texnologiyalari sohasi xodimlari kuni

🫥 Oʻzbekiston Respublikasi Prezidentining 24.05.2023-yildagi PF-76-son Farmoni bilan yurtimizda 7-may Oʻzbekiston Respublikasi axborot-kommunikatsiya texnologiyalari sohasi xodimlari kuni deb eʼlon qilindi.

🕐 Barchamizga maʼlumki, Axborot-kommunikatsiya texnologiyalari sohasining rivojlanishi dunyo iqtisodiyotining oʻsishiga bevosita ijobiy taʼsir oʻtkazadi. Hozirgi tezkor rivojlanish davrida, qayerda zamonaviy axborot texnologiyalari va kommunikatsiyalari hayotga izchil tatbiq etilsa, oʻsha joyda oʻsish boʻladi. Bu sohaning turli faoliyatlarga joriy qilinishi iqtisodiy oʻsish va davlatning ilmiy-texnik rivojlanishida bosh omil vazifasini oʻtaydi.

🪐 Bugungi kun munosabati bilan aholi, tadbirkorlik subyektlari hamda davlat organlari va tashkilotlari oʻrtasidagi munosabatlarni raqamlashtirish, shuningdek, raqamli xizmatlar va servislardan foydalanish uchun qulay sharoitlar yaratishda ter toʻkib kelayotgan axborot-kommunikatsiya texnologiyalari sohasi vakillarini muborakbod etamiz. Raqamli texnologiyalarni yanada rivojlantirish, sohaga yangiliklar olib kirishda yanada muvaffaqiyatlar tilab qolamiz!

#DavKadastrPalata #muhim_sana

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

9-may - Xotira va qadrlash kuni

⏳ Inson, millat va xalq tarixiy xotira tuyg‘usi bilan barhayotdir. Xotira – kechagi o‘tmishni, ajdodlar o‘gitini, milliy merosimizni anglatib turuvchi – kitob misoli hayotimizni yoritib turadi. Qadr – insonni yuksaklikka ko‘taradi, uning faoliyatiga, orzu-intilishlariga jasorat bag‘ishlaydi.

😠may – Xotira va Qadrlash kuni ikkinchi jahon urushining ayanchli oqibatlarini unutmaslikka, tinchlik va osuda hayotning qadriga yetishga, Vatanga sadoqat hissi bilan yashashga, shuningdek, doimo ogoh va hushyor bo‘lishga, tarixiy xotiraga sadoqat ruhida tarbiyalashga xizmat qilib kelmoqda.

🔥Bukilmas iroda va jasorat namunasini amalda namoyon etib, o‘z hayotini aziz Vatanimizning har tomonlama ravnaq topishi, bugungi tinch va osoyishta kunlar uchun jonini fido qilgan ajdodlarning muqaddas xotirasi umrbod xalqimiz yodidan o‘chmaydi. Nomlari hamisha e’zoz bilan tilga olinib, xotiralari mangulikka muhrlanadi.

#DavKadastrPalata #muhim_sana

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

Toshkentda "Inson uchun" savdo ko'rgazmasi bo'lib o'tdi

💠 1-2-may kunlari poytaxtimizda “Inson uchun” savdo ko‘rgazmasi o‘tkazildi. Ushbu ko‘rgazma doirasida tadbirkorlar va hunarmandlarimiz bilan vazirlik, davlat hamda nodavlat notijorat tashkilotlar o‘rtasida 350 milliard so‘mdan ortiq shartnomalar imzolandi.

☯️ Imkoniyati cheklangan bo‘lsa-da, chet elga mahsulot eksport qilayotgan tadbirkorlarimiz yurtimizda ular uchun yaratilayotgan imkoniyatlardan cheksiz minnatdorlar.

#DavKadastrPalata #muhim_sana

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

15-may - Xalqaro oila kuni

👨‍👩‍👧 Oila — jamiyatning asosiy boshlang‘ich bo‘g‘ini, go‘zal urf-odatlar, milliy qadriyat va an’analarlarni o‘zida asrovchi, asrlar osha tarbiyada o‘ziga xos milliylikni shakllantiruvchi muqaddas maskan, Vatan ichida kichik Vatandir.

🇺🇿 O'zbekistonda, qolaversa, Sharq dunyosida oila qadimdan muqaddas dargoh sifatida qadrlangan. Oilada vatanga sadoqat, ota-onaga oqibat, oila aʼzolari o‘rtasida o‘zaro hurmat, mehr-muruvvat omillari o‘sib kelayotgan yosh avlod ongiga singdirilib, oiladagi maʼnaviy muhitni barqarorlashtirishga, ularning jamiyat oldidagi masʼuliyatini kuchaytirishga xizmat qiladi.

◼️Shu o'rinda, mamlakatimizda oila institutining huquqiy asoslari ham mustahkamlangan. Oila kodeksi hamda qator qonun va qarorlar, qonunosti hujjatlari oilalar mustahkamligi yo‘lida zamin bo‘lmoqda.

#DavKadastrPalata #muhim_sana

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

Bugun, 18 may – Xalqaro muzeylar kuni

🏯Shu munosabat bilan Toshkentdagi barcha muzeylarda “Ochiq eshiklar kuni” tadbiri o‘tkaziladi.

◼️Biz sizga shahardagi eng ko‘rkam 5 ta muzeyga borishni taklif qilamiz.

😏O‘zbekiston tarixi davlat muzeyi
Tel: +99871 239 10 83
Soat 9:00dan 20:00gacha;

😞Temuriylar tarixi davlat muzeyi
Tel: +99871 232 02 13
Soat 10:00dan 22:00gacha;

😟 O‘zbekiston amaliy san’at muzeyi
Tel: +998 71 256 40 42,
Soat 09:00dan 17:00gacha;

😕 Qurolli kuchlar muzeyi
Tel: +99871 269 89 29
Soat 10:00dan 17:00gacha;

😫 Shon-sharaf muzeyi
Tel: +99895 061 07 49
Soat 9:00dan 18:00gacha faoliyat ko‘rsatadi.

#DavKadastrPalata #muhim_sana

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

25-may - Maktablarda so'nngi qo'ng'iroq kuni

🇺🇿 Bugun erta tongdan yurtimizning barcha umumta'lim dargohlari bitiruvchilari uchun eng esda qolarli va o'zgacha hayajonli kun. Har bir o'quv dargohlarida "So'nggi qo'ng'iroq" lar yangrab, o'quvchilar qadrdon maktablari, mehribon ustozlari va jonajon sinfdoshlari bilan xayrlashuv tadbirlarini o'tkazadilar. 25-may sanasini bitiruvchilar uchun bir vaqtning o'zida ham quvonchli, ham biroz qayg'uli kun desak yanglishmaymiz.
Shu o'rinda, bugun kadastrchilar uchun ham quvonchli kun. Kadastr agentligining Toshkent geodeziya va kartografiya texnikumini geodeziya yoʻnalishida 31 nafar, kadastr yoʻnalishida 30 nafar, jami 61 nafar o'quvchilar bitirmoqda.

Aziz bitiruvchilar!

📚Sizlarni o'rta-maxsus ta'limni muvaffaqiyatli tugatganingiz, umringizning yanada go'zal va mas'uliyatli bosqichiga qadam qo'yganingiz bilan samimiy muborakbod etamiz.
Kelgusi hayotingizda ulkan yutuqlar va yuksak marralarni zabt etishingizga tilakdoshmiz. Oldingizga aniq maqsad qo'yib, bor kuch-g'ayratingiz va salohiyatingiz bilan yuqori cho'qqilarga erishishingizni va el-yurt manfaati uchun xizmat qilishingizni tilaymiz. Umid va ishonch ramzi bo'lgan yetuklik shahodatnomalaringiz barchangizga muborak bo'lsin!

🌟Davlat kadastlari palatasi jamoasi

#DavKadastrPalata #muhim_sana

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

Bugun 1-iyun xalqaro bolalarni himoya qilish kuni

🌈 Yurtimizdagi barcha bolajonlarni doimo ana shunday beg‘ubor bo‘lib qolishlarini, ko‘zlari quvonchdan porlab, sho‘x-shodon kulgulari doimo yangrab turishini tilab qolamiz.

🌟 Davlat kadastrlari jamoasi yurtdoshlarimizni mamlakatimizdagi barcha bolajonlarni himoya qilib, g‘amxo‘rlik ko'rsatishga chorlab qoladi.

#DavKadastrPalata #muhim_sana

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

Aziz yurtdoshlar!

💐 Bag‘rikeng va sahovatli xalqimiz orziqib kutadigan, o'zaro mehr ulashiladigan qutlug‘ kun - fazilatli Hayit ayyomi - Iyd Al-Adha barchamizga muborak bo'lsin.

🌱 Tabarruk dinimiz va oʻlmas qadriyatlarimiz, oʻzaro hurmat, saxovat va hamjihatlik singari ulugʻ fazilatlarni mustahkamlab kelayotgan muborak Qurbon hayitining barhayot anʼanalari asrlar osha insonlarni, turli xalqlar va elatlarni birlashtiruvchi beqiyos maʼnaviy kuch boʻlib xizmat qilayotganidan faxrlanamiz.

🥀 Qurbon hayiti bayrami munosabati bilan, Sizlarga sihat-salomatlik, baxtu saodat, oilalaringizga tinchlik-xotirjamlik va fayzu baraka, kasbiy faoliyatingiz davomida olib borayotgan ishlaringizda ulkan muvaffaqiyatlar tilaymiz. Aziz yurtimizda tinchlik va barqarorlik hamisha bardavom boʻlsin!

Davlat kadastrlari palatasi jamoasi

#DavKadastrPalata #muhim_sana

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

17-iyun - Butunjahon cho'llanish va qurg'oqchilikka qarshi kurash kuni

🌐 Ushbu xalqaro sana BMT Bosh Assambleyasi tomonidan 1995-yil 30-yanvarda ta’sis etilgan bo‘lib, Birlashgan Millatlar Tashkilotining Cho‘llanishga qarshi kurash konvensiyasi qabul qilingan kun munosabati bilan tanlangan. O‘zbekiston Osiyo mintaqasidagi davlatlar orasida birinchilar qatorida BMTning Cho‘llanishga qarshi kurash konvensiyasiga a’zo bo‘lgan.

💦🌫 O'tgan yilgi ma’lumotlarga ko‘ra, bir daqiqada O‘zbekistonning 9 kvadrat metr hududi cho‘llanib boryapti. Har soniyada dunyo bo‘ylab 23 gektar cho‘llanib boryapti. Bu holat davom etaversa, 2050-yilga borib, Yer yuzining 95 foizi cho‘llanishi va bu 3 milliarddan ziyod odamni oziq-ovqat tanqisligida qoldirishi mumkin.

◼️Qurg‘oqchilik va cho‘llanishga qarshi kurash Markaziy Osiyo va O‘zbekiston uchun hayot-mamot masalasiga aylanib bormoqda. Shu sababli, Davlat kadastrlari palatasi jamoasi har bir fuqaroni tabiatga yaxshi munosabatda bo‘lishga va suv resurslaridan oqilona foydalanishga chorlab qolamiz.

#DavKadastrPalata #muhim_sana

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

27-iyun - Matbuot va ommaviy axborot vositalari xodimlari kuni

📝 Bugun jamiyatning, insonning manfaat va qiziqishlari, ijtimoiy taraqqiyot maqsadlaridan kelib chiqib, amaliyotga tadbiq etuvchi, qayta tashkil etuvchi, ta’sir ko‘rsatishda o'z o'rniga ega bo'lgan, ijtimoiy taraqqiyotning ulkan harakatlantiruvchi kuchi hisoblangan matbuot va ommaviy axborot vositalari xodimlari kuni.

✏️ Kezi kelganda insonlar o‘z fikrini to‘g‘ri ifoda eta olishga ham ojizlik qilgan bir pallada, o'z mahorati bilan nafaqat aholi o‘rtasida, balki xalqlar, mamlakatlar, millatlar o‘rtasidagi muvozanatni saqlash, axborot sohasidagi erkinlik va oshkoralikni ta'minlash hamda keng jamoatchilikka yetkazishda ommaviy axborot vositalarining o'rni beqiyos.

🫥 Ma’lum qilinishicha, 2023-yilda O‘zbekistonda 2 140 ta yoki 2016-yilga nisbatan 626 taga ko‘p ommaviy axborot vositasi faoliyat yuritgan. Anʼanaviy nashrlar bilan birga internet nashrlar ham jadal rivojlanib, ularning soni 745 taga yetgan. So‘nggi yillarda respublika nashriyotlari tomonidan 132 million nusxa badiiy kitob va boshqa adabiyotlar chop etilgan.

💐 Fursatdan foydalanib, sadoqatli va zahmatkash ommaviy axborot vositalari va soha axborot xizmati xodimlarini ushbu bayram bilan chin yurakdan tabriklab, ularga mustahkam sog‘lik, oilaviy xotirjamlik, mashaqqatli mehnat yo‘llarida muvaffaqiyatlar tilaymiz!

#DavKadastrPalata #muhim_sana

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

30-iyun - Yoshlar kuni

🌱 Yurtimizda yoshlarga qaratilayotgan e’tibor, g‘amxo‘rlik mamlakatimizda olib borilayotgan siyosatning eng ustuvor yo‘nalishidir. Zero, yoshlar bu mamlakat kelajagi ekanligi va butun jamiyatning istiqboldagi rivojlanishi ular faoliyatining boshlang‘ich sharoitlariga bog‘liqligi bilan belgilanadi.

🌏 Prezidentimiz tomonidan 2024-yilning - "Yoshlar va biznesni qo'llab-quvvatlash yili" deb e'lon qilinishi ham yoshlarimizning mamlakatimiz ravnaqi va yuksalishi, fuqarolarning farovon turmush, munosib hayotga ega bo‘lishi, jahondagi ilg‘or jamiyatlar safidan o‘rin olishi kabi maqsadlarni hayotga tatbiq etishdagi o‘rni va roli sezilarli ekanligining e’tirofi bo‘ldi, desak mubolag‘a bo‘lmaydi.

📊 2023-yil ma'lumotlariga ko'ra, respublika bo‘yicha 14-30 yoshgacha bo'lgan yoshlar soni 9 654 351 kishi tashkil etgan. Ya'ni jami aholining 26,8 foizini yoshlar tashkil etmoqda.

💐 Bugungi kun munosabati bilan respublikamizning barcha yoshlarini muborakbod etib, muqaddas zaminni asrab-avaylash, mehnatkash xalqimizning orzu-umidlarini ro‘yobga chiqarish, yurtimizni dunyoning taraqqiy etgan davlatlar qatoriga olib chiqishdek nihoyatda sharafli ishda faollik ko'rsatishlarini tilab qolamiz.

#DavKadastrPalata #muhim_sana

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

Bugun, Oʻzbekiston Respublikasi Davlat gerbi qabul qilinganiga 32 yil to'ldi

🌏 “Oʻzbekiston Respublikasi Davlat gerbi toʻgʻrisida”gi qonun 1992-yil 2-iyulda Oʻzbekiston Respublikasi Oliy Kengashining X sessiyasida qabul qilingan.

🇺🇿 Ushbu muqaddas ramzni kattayu kichik birdek qadrlaydi. Unda jonajon O‘zbekistonimizning tom maʼnodagi asl tasvirini ko‘radi. Gerbimizga har bir hamyurtimiz alohida ehtirom bilan munosabatda bo‘lishi mamlakatimizda ezgu qadriyatga aylangan.

🇺🇿Davlat gerbining soʻl tomoni rizq-roʻzimiz timsoli — bugʻdoy boshoqlaridan, oʻng tomoni esa oʻzbekning dongʻini dunyoga taratgan bebaho boyligimiz — chanoqlari ochilgan gʻoʻza shoxlaridan iborat chambarga oʻralgan. Uzoqdagi togʻlar va daryolar manzarasida gullagan vodiy uzra quyosh zarrin nurlarini sochib turadi, ayni paytda bu Oʻzbekistonning serquyosh mamlakat ekanligini ham bildiradi. Gerbning yuqori qismida esa Oʻzbekiston ozodligining ramzi sifatida sakkizburchak yulduz, uning ichki qismida yarimoy va yulduz ma`nosi mamlakat aholisining ko`p qismi islom diniga etiqod qilishi, markazida — baxt va erksevarlik ramzi — qanotlarini yozgan Humo qushi tasvirlangan.

#DavKadastrPalata #muhim_sana

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter