ዳሸን ባንክ በሱፐር አፑ ዙሪያ ልዩ ወርክሾፕ አዘጋጀ

በኢትዮጵያ የባንክ ኢንዱስትሪ የመጀመሪያ የሆነውን መተግበሪያ (ሱፐር አፕ) ያስተዋወቀው ዳሸን ባንክ፣ በቅርቡ በዚህ መተግበሪያ ላይ በተጨማሪነት ያከለውን የሱፐር አፕ ማርኬት ፕሌስ ተጨማሪ ይዘቶችና አጠቃቀምን የተመለከተ ወርክሾፕ በንግድ ሥራ ላይ ለተሰማሩ ተቋማት ደንበኞቹ በዛሬው ዕለት በሸራተን አዲስ ሆቴል አዘጋጀ፡፡

የዳሸን ባንክ የዲጂታል ባንኪንግ ዳይሬክተር ወ/ሮ ሊዲያ በዛብህ እንደተናገሩት፣ አገልግሎት አቅራቢ ነጋዴዎች ከተለምዷዊው ይልቅ በዘመናዊ ስርዓት እንዲነግዱ የሚያስችለው ይህ በሱፐርአፕ የቀረበው አገልግሎት፣ ላጠቃቀም ቀላል የሆነ ከፋይናንስ አገልግሎት ባለፈ ግብይቶችን እንዲፈጽሙ የሚያስችል ነው ብለዋል።

ይህ ባለ ሶስት ክሊክ አገልግሎት ነጋዴዎች ምርታቸውን ዲጂታል አማራጩ ላይ አቅርበው መሸጥ የሚችሉበት አማራጭ የቀረበበት መሆኑን ያስታወሱት ወ/ሮ ሊዲያ፣ እያንዳንዱ ድርጅት በራሱ ብራንድ በዳሸን ሱፐርአፕ ቨርቹዋል ሱቅ ከፍቶ ምርቱን የሚሸጥበት ዕድል ከማመቻቸቱ ባለፈ ሸማቹም በሶስት ክሊክ ብቻ የሚጠናቀቅ የግብይት አገልግሎት አይነት እንዲፈፅም የሚያስችለው መሆኑን አስታውቀዋል።

በዛሬው ዕለት በሸራተን አዲስ ሆቴል የተዘጋጀው ወርክሾፕ በተለይም በንግድ ዓለም ላይ የተሰማሩ ደንበኞች አገልግሎታቸውን ለማስፋትና ለደንበኞች በቴክኖሎጂ መተግበሪያ የቀረቡ አገልግሎቶችን በሚገባ እንዲጠቀሙ በሚችሉበት አካሄድ ላይ ያተኮረ ነው።

#MerchantWorkshop#DigitalPayments#Innovation#LevelUpYourBusiness#Fintech#Ecommerce#EthiopianEntrepreneurs #DashenBank #SuperApp#ethiopia #ኢትዮጵያ