■ UEFA Nations League ပွဲကြိုသုံးသပ်ချက်

◘ ဘယ်လ်ဂျီယံ - ပြင်သစ် (စက်တင်ဘာ ၂၉ ရက် နံနက် ၁း၁၅ နာရီ)

နှစ်သင်းစလုံး နည်းပြသစ်တွေနဲ့ တာထွက်ကောင်းခဲ့တယ်။ ပြင်သစ်အသင်းနည်းပြသစ် ဇီဒန်းအဖို့ အခုပွဲက တူရကီနဲ့ပွဲထက် ပိုခက်ခဲတဲ့စမ်းသပ်မှုနဲ့ ရင်ဆိုင်ရမှာပါ။ အမ်ဘာပေ လူစာရင်းက နုတ်ထွက်သွားလို့
အူစမန်ဒမ်ဘီလီကို အထောင်ထားပြီး အိုလီဆေး၊ ဒူအေတို့နဲ့ ပွဲထွက်လာဖို့များတယ်။ ပြင်သစ်အသင်းက ဘယ်လ်ဂျီယံနဲ့ နောက်ဆုံးတွေ့ဆုံမှု ငါးotပွဲဆက် အနိုင်ရထားတယ်။ ဘယ်လ်ဂျီယံအသင်းက မော်ရေရာ၊
ဖာနန်ဒက်ဇ်ပါတို၊ မီခါဂို့တ်၊ မာလစ်ဖိုဖာနာတို့လို လူငယ်တွေနဲ့ မျှော်လင့်ချက် ပြန်မြင့်လာတယ်။ ဘယ်လ်ဂျီယံ သရေတော့ ကစားနိုင်မယ်ထင်တယ်။

◘ တူရကီ - အီတလီ (စက်တင်ဘာ ၂၉ ရက် နံနက် ၁း၁၅ နာရီ)

သမိုင်းကြောင်းအစဉ်အလာကွာပေမဲ့ လက်ရှိကစားသမားပိုင်းနဲ့ တူရကီက အီတလီကို ကောင်းကောင်းယှဉ်ကစားနိုင်စွမ်းရှိတယ်။ အီတလီအသင်းမှာ ပရီးမီးယားလိဂ် အခြေစိုက် ခြောက်ဦးအထိ ပါဝင်ပြီး တိုနာလီ၊
ဒွန်နာရမ်မာ၊ ကာလာဖီအိုရီတို့လို ထိပ်တန်းကစားသမားတွေရှိပေမဲ့ ဘောလုံးအဆင့်အတန်းက အတော်လေးနိမ့်ကျလာတယ်။ တူရကီမြေမှာ အီတလီ အနိုင်မရလောက်ဘူး။

◘ အခြားပွဲစဉ်များ

အာမေးနီးယား - မွန်တီနီဂရိုး*
*ဂျော်ဂျီယာ - ယူကရိန်း
လတ်ဗီးယား - ဆိုက်ပရပ်စ်*
မြောက်အိုင်ယာလန် - ဟန်ဂေရီ*
ရိုမေးနီးယား - ဘော့စနီးယား*
*ဆွီဒင် - ပိုလန်

Photos - Teams' Facebook

ဘရာဇီးလ်လက်ရွေးစင်အသင်းအတွက် ပထမဆုံးဂိုးသွင်းနိုင်ခဲ့တဲ့ ဗန်ဒါဆန်ကို စာချုပ်သက်တမ်းတိုးဖို့ မိုနာကိုအသင်း စီစဉ်နေ


မိုနာကိုအသင်းဟာ ဘရာဇီးလ်လက်ရွေးစင်အသင်းအတွက် ပထမဆုံးဂိုးသွင်းနိုင်ခဲ့တဲ့ ညာနောက်ခံလူ ဗန်ဒါဆန်ကို သက်တမ်းတိုးစာချုပ်ချုပ်ဆိုဖို့ စီစဉ်နေကြောင်း သိရပါတယ်။

ဗန်ဒါဆန်(၂၅ နှစ်)ဟာ ဘရာဇီးလ်လက်ရွေးစင်အဖြစ် ၂၀၂၃ ခုနှစ်ကတည်းက ရွေးချယ်ခံခဲ့ရသူဖြစ်ပေမဲ့ (၈)ပွဲမြောက် ကစားခွင့်ရတဲ့ သြစတြေးလျနဲ့ ခြေစမ်းပွဲမှာမှ လက်ရွေးစင်ကစားသမားဘဝ ပထမဆုံးဂိုး သွင်းယူနိုင်ခဲ့တာပါ။

မိုနာကိုအသင်းက ဗန်ဒါဆန်ကို ၂၀၂၂ ဇန်နဝါရီအပြောင်းအရွှေ့မှာ ဂရီမီယိုအသင်းကနေ ယူရို(၁၁)သန်းနဲ့ ခေါ်ယူခဲ့တာဖြစ်ပြီး လက်ရှိစာချုပ်က ၂၀၂၈ ခုနှစ်အထိ ရှိနေပါတယ်။

ဗန်ဒါဆန်က မိုနာကိုအသင်းအတွက် ပြိုင်ပွဲစုံ (၁၅၄)ပွဲကစားကာ (၈)ဂိုးသွင်းယူပေးထားပြီး ဒီရာသီမှာ အသင်းရဲ့ အမာခံကစားသမားအဖြစ် ပွဲတိုင်းပွဲထွက်ကစားခွင့်ရရှိထားကြောင်း သိရပါတယ်။

ဒါကြောင့် မိုနာကိုအသင်းက စာချုပ်သစ်အတွက် ဆွေးနွေးဖို့ စီစဉ်နေတာဖြစ်ပြီး ဘာစီလိုနာနဲ့ မန်ယူအသင်းတို့က ဗန်ဒါဆန်ကို ခေါ်ယူဖို့ စိတ်ဝင်စားနေကြောင်းလည်း သတင်းထွက်ခဲ့ဖူးပါတယ်။

Photos: X