退路只有死——史太林227號命令（上）

1941年，納粹德軍展開巴巴羅薩行動（Operation Barbarossa），入侵蘇聯。喺一年之內，納粹用閃電戰（Blitzkrieg），由德蘇邊境，進攻超過一千公里到莫斯科門前，圍堵列寧格勒（Leningrad，今聖彼得堡），向北高加索進發。喺經過一年嘅血腥戰鬥之後，史太林面臨紅軍嘅崩潰，作出咗表面殘酷，但係果斷而且有效決定勝局嘅一個命令：「一步不退！」（Ни шагу назад!）

要明白當中原因，就要先睇下背景。德軍閃電戰打亂紅軍陣腳，紅軍一開始就節節敗退，處於劣勢。由於大部分士兵都係新兵甚至未完成訓練，所以即使總戰鬥人數比德軍高介乎四成五至三倍，戰力仍然比較低下。經過一年嘅戰爭，「撤退」慢慢成爲一種風氣。好多時候見到敵人，第一反應唔係守住據點，而係因爲驚其他部隊棄守會令自己被包圍，所以儘快撤退。呢種大規模嘅非戰略式撤退，喺1941至1942年之間亦都造成合共大約四百萬戰力被擄成戰俘（紅軍喺1942年六月總戰力約九百三十五萬、德軍三百七十二萬）。

史太林喺1942年7月28日宣佈第227號命令，命令寫出：
「在聽信了製造恐慌的人的謠言後，沒有認真地阻止敵人的進攻，已經放棄了羅斯托夫、諾沃切卡斯克。」
「國家的人民[…]現在開始對紅軍感到失望，開始失去了對紅軍的信心。很多人詛咒紅軍向東逃跑，把我們的人民遺棄在德國的奴役下。」

呢種大規模撤退，係咪好耳熟能詳？（納粹對戰俘嘅待遇雖然唔係文章範圍，不過可以自己Google下） #227號命令 #史太林

退路只有死——史太林227號命令（下）

史太林指出軍中貿然撤退嘅散水論，係嚟自對國土面積嘅虛假信任。佢哋認爲點樣撤退，都會有下一場戰事，下一次機會，下一餐糧食。但係事實上，烏克蘭係蘇聯最主要嘅糧食產地之一，而北高加索就係主要原油產地，而東邊只有寸草不生嘅西北利亞凍原。三軍未發，糧草先行；所有車同機動武器亦需要燃料推動。

「如果我們繼續撤退，就意味着我們將摧毀自己，也將摧毀我們的祖國。」

史太林清楚咁講出蘇聯嘅絕地——退路只有死，因爲最重要嘅嘢奉送比敵人之後，紅軍唔會再有任何資源、任何機會去反擊。而呢個時候，勝利只有一個方向，前方。

香港人受散水論影響至今五年，逃兵已經令我方賠上大量戰力，兼且失去我哋生爲人嘅自由。喺宜家支共生物戰之下，我方人民如果仍然不斷妥協，不斷放棄，我哋只會失去更多，甚至被一舉殲滅。無論係街頭戰，定係罷工，香港人只可以「一步不退」。

1942年8月，德軍進攻史太林格勒（Stalingrad，今伏爾加格勒）。士兵受第227號命令影響同啓發，先守後攻，最後摧毀進攻德軍，攞返人數優勢同進攻主導權，係1942年底第二次世界大戰最大轉折點。

延伸閱讀：https://youtu.be/JOKAIDpOY80 #227號命令 #史太林