بناءً على طلب بتول وذوقها 💚

عيونك تشبه الغزلان .. واكبر
ومن حبك صحت الله ..واكبر
اخاف يلوح بيه الشيب .. واكبر
وتنساني وبعد ما تسأل عليه ...

انا المفروض اصليك فرض .. كون
وعشرتك مو فرض مني فرض.. كون
اريد القاضي يفرضلي فرض .. كون
ليوم القيامه تظل اليه ...

حلو اسمك حبيبي وبي.. ضمه
وجمالك لاتشوفه للناس.. ضمه
أخذ كلبي على كلبك وحيل .. ضمه
يبوسك لو ردت تزعل علي ...

منك لا شبع كلبي ولا .. مال
عدل وياك ميزاني ولا .. مال
ذهب ماريد بالدنيا..ولامال
اريد وياك نكعـد سويه ...

اكتب شما ردت تكتب .. ووردلك
بساتين بوسط روحي ... ووردلك
اغيب وابتعد وازعل .. ووردلك
لان الكلب بيدك مو بأديه ...

بعد كلشي انتهى وما منها رجعه
وخاطر ماتمر تفكيري فد يوم
من الرأس ناوي المخ اشلعه ..

أبرد من الجثه اصير من احجي بيك
وانه من كاعي التنور أحر
اسهامك الصابتني؟ ماشغلتلي بال
احجيلي رمحي بصدرك شلون استقر؟
اليثكل بلا اشرعه يلكيني روج
النرجسيه تقودك لقاع البحر
خلاف وجهك ؟ حلت بعيني الحياة
مات كلبي
و ورث لعينك سهر ...

وسلامتك 💚

جذب هالمرة ما عدت سلامات 💚🔥
واحد رحنا ما نتفارك عيون
ورجعنا ثنين نحسب بالخسارات
الحب يحتاج نتنازل وانا وياك
خسرنا ارواحنا بحرب المزاجات
انت متاني اجيلك
واني تانيت تجيني
وتعاهدنا
والعمر فات

ها يا لوعة سنين انتظاري
ماحن كلبك عليه .. ؟

تستاهل واتمنالك الخير
صح فرصه مثلها من الصعب تلكـه
خلي اذنك على صدري سمعت الصوت ؟ تسمع
فرح كلبي تسمع الصفكة
بقى عندي فرح زايد حرام ايضيع مر اخذه بطريقك ( ساعـة الفركه )
بيه تلكة ابتسامه تلكة ضحكه بصوت
انت ادخل بروحي بكيفك استنگى
انا هسه فرح بالروح ما محتاچ
مايحتاج فرحة الينوخذ حگه ، ولو راح الشماته
ببعدك يفرحون وتفز الوجوه الچانت مدنگه
ولو راح اذبل والكاك نسمه ( موت )
تاخذ من الخريف الغصن وركة
بعد حتى من اغني اجفوف الي يسمعون تهتز هزه ايد الي مالك خلكة
من ايدي الخاليه راح تعرفني الناس (وامبين عليه ويا الحزن رفكة)
دليني الهوى من تروح وين الكاه ؟
بدونك نفسي ضيك والارض خنكة
كالولي اخذ طوك النجاة وياك موج الشوك عالي والي يتعب يغركة وابد ما فكرت يمتى اوصل اعلى الراك
بس اشكد حلمت ( بروجة الملكة )

جيتك مطمئن جيه شراره ماي يفتح باب شوكي
ولهفتي اطبكة
وعلى لحظه وشفت نظره عيونك ثآر
وشفت الورده بيدك تنلگلب تفگه !
وكع منك وجه بس انت عدك خير اليدور بوجهك جم وجه يلكة ؟
ردتك تكعد اصفي الظنون واياي
ياهو النعوفه وياهو الي نشكه .. ونشطب يا حلم ونفرض وجزيت
من راحات اديه شيمسح الشبكة
كلشي بعكبك ظل بلا لون حتى لون الابيض والسما الزركة
رجعت اضحك على اسنيني الكظن وياك
وعيون الشماته بفرحتي مصدكة وشافوا ماي بيدي
توقعوا ازكيك ، مايدرون اطفي بشجره محتركة

طابعهن طبع ذكراك
راشفهن مخ راسي