በኢትዮጵያ ልማት ባንክ የሊዝ ፋይናንሲንግ አገልግሎት ለማግኘት መሟላት ያለባቸዉ መስፈርቶችን በሚመለከት ዝርዝር መረጃ በዚህ የፌስ ቡክ ገጻችን ላይ ማጋራታችን ይታወሳል፡፡ ሆኖም በተደጋጋሚ መስፈረቱ ምን እንደሆነ መረጃ እንድናጋራችሁ በጠየቃችሁት መሰረት መረጃውን አጋርተናል፡፡ ለበለጠ መረጃ በአቅራቢያችሁ ወደሚገኝ የኢትዮጵያ ልማት ባንክ ዲስትሪክት እና ቅርንጫፎች እንዲሁም በዋና መስሪያ ቤት በመምጣት መረጃ ማግኘት የምትችሉ መሆኑን ለማሳወቅ እንወዳለን፡፡

የኢትዮጵያ ልማት ባንክ በ115 ዓመታት የአገልግሎት ዘመኑ ለአገር ልማት የሚጠቅሙ ግዙፍ ፕሮጀክቶችን ፋይናንስ በማድረግ አገራዊ ኃላፊነቱን እየተወጣ የሚገኝ የፖሊሲ ባንክ ነው፡፡ ባንኩ በእነዚህ ዓመታት ውስጥ በርካታ ተግዳሮቶች የገጠሙት ቢሆንም ዛሬ ላይ አገራዊ ኃላፊነቱን መወጣት የሚያስችለውን ሁለንተናዊ ብቃት በመላበስ ስኬታማ መሆን የቻለ ባንክ ነው፡፡ የኢትዮጵያ ልማት ባንክ በያዝነው በጀት ዓመት ብቻ ቆጥሮ ያስቀመጣቸውን እቅዶች ሳያዛንፍ በተሟላ መልኩ መፈጸም መቻሉ ቦርዱ፣ ማኔጅመንቱና ሰራተኛው በተናበበ መልኩ ተግባራትም ለመፈጸማቸውን ማረጋገጫ መሆኑ ግልጽ ነው፡፡ በተጨማሪ የመንግስት የልማት ድርጅቶች ይዞታና አስተዳደር ባንኩ በለውጥ ጎዳና ውስጥ መሆኑን እውቅና በመስጠት በተለይ በበጀት ዓመቱ ላስመዘገበው ስኬት እውቅና በመስጠት አገራዊ የልማት እቅዶችን በማፋጠን በኩል ገንቢ ሚና የሚጫወትና ተስፋ የሚጣልበት ባንክ መሆኑን በቅርቡ ባደረገው የአፈጻጸም ግምገማ ላይ ማረጋገጡ ይታወሳል፡፡

የኢትዮጵያ ልማት ባንክ ከአመሠራረቱ ጀምሮ በተለይ ለአርሶ አደሩ ቅርብ በመሆን የገበሬን ሥራ በሚያቀሉና ምርታማነትን በሚያፋጥኑ መላዎች ላይ አተኩሮ ሲሠራ የቆየ ነው፤ በዚህም ውጤት ማስመዝገብ የቻለ ባንክ እንደሆነ ከታሪኩ መረዳት ይቻላል፡፡

ባንኩ ባለፉት አራት የለውጥ ዓመታት ውጫዊና ውስጣዊ ተግዳሮቶችን መፍታት የሚችል ሁሉን አቀፍ የሆነ የሪፎርም ስትራቴጂ በመንደፍ አንጋፋነቱን ወደሚመጥን ለውጥ እየተሸጋገረ ይገኛል፡፡ በዚህም ከዓመት ዓመት ትርፋማ እየሆነ፣ ተደራሽነቱንም እያሰፋ የገበያ ክፍተት ባለባቸው መስኮች ላይ የሚመጡ የፋይናንስ ድጋፎችን አሠራሩን በጠበቀ መንገድ ምላሽ እየሰጠ ይገኛል፡፡

የኢትዮጵያ ልማት ባንክ ወደፊትም አገራችን በአራቱም ማዕዘን ያሏትን እምቅ አቅሞች በመጠቀም፣ ልማታችንን በማፋጠን ለአገራዊ እድገት የላቀ ፋይዳ ባላቸው ዘርፎች ላይ በትኩረት መሥራቱን ይቀጥላል፡፡

የኢትዮጵያ ልማት ባንክ
የልማት አጋርዎ!

የኢትዮጵያ ልማት ባንክ ያሳለፍነውን የ2015 በጀት ዓመት ያቀዳቸውን ከግብ በማድረስ በውጤት አጠናቋል፡፡ ለዚህም የቦርድ አመራር አባላት፣ የማኔጅመንት አባላት እና ሰራተኞች ከፍ ያለ አበርክቶት ነበራቸው፡፡

ባንካችን 2016 ዓ.ም በአገራችን በግብርናውም ሆነ በኢንዱስትሪ መስክ የተሻለ እምርታ የሚያመጡ ፕሮጀክቶች ፋይናንስ በማድረግ በሙሉ ኃላፊነት እና ቁርጠኝነት ለመስራት ዝግጅቱን አጠናቆ ወደ ትግበራ ገብቷል፡፡

ከባንካችን ጋር ለመስራት ለተዘጋጁ ሁሉ ያለውን የገበያ ክፍተት የሚሞላ፣ አገራችንን ያላትን አቅም መጠቀም የሚያስችል፣ አዳዲስና የስራ እድሎችን የሚፈጥር የስራ ሃሳብ ይዞ ለመጣ በአዳዲስ አገልግሎቶች እና በተሻለ ቅልጥፍና ደንበኞች የሚፈልጉትን አገልግሎት ለመስጠት ዝግጁ መሆናችንን በድጋሚ ያረጋግጣል፡፡

ኑ አብረን እንስራ፤ ልማታችንን በማፋጠን አገራችንን እናሻግር፡፡

የኢትዮጵያ ልማት ባንክ
የልማት አጋርዎ!

የኢትዮጵያ ልማት ባንክ ባሰለፍነው በጀት ዓመት 241,272,016 ብር በዓይነትና በጥሬ ገንዘብ ለተቋማትና ለግለሰቦች በማበርከት ማህበራዊ ኃላፊነቱን እየተወጣ መሆኑን አስታወቀ፡፡

የ2016 አዲስ አመት አስመልክቶም ባንኩ ለአቅመ ደካሞችና ለችግር ለተጋለጡ ወገኖች ከ23 ሚሊዮን ብር በላይ የገንዘብ ድጋፍ አድርጓል፡፡

ከዚህ በፊት የኢትዮጵያ የሕጻናት የልብ ህሙማን መርጃ ማዕከል ለመቄዶንያ የበጎ አድራጎት ድርጅት፣ ለሰሊሆም የአዕምሮ ሕሙማን መርጃ ድርጅት፣ ለዲቦራ ፋውንዴሽንና በቦረና ዞን በድርቅ ለተጎዱ ወገኖች ጨምሮ ነው ድጋፉን ያደረገው፡፡

በተለይም የሀገር ባለውለታዎችን ለሀገር ለአበረከቱት ሀገራዊ አስተዋጽዖ በምስጋና መልክ ላሉባቸው ጊዜያዊ ችግሮች ማቃለያ የተለያዩ ድጋፎችን አድርጓል፡፡

በአዲሱ 2016 ዓመት አከባበርን ምክንያት በማድረግም ከልብስ ስፌት ማሽን እስከ ተሸከርካሪ ድጋፎችን አድርጓል፡፡

ለወጣት ምንታምር በለጠ ግምቱ ከ1 ሚሊዮን 6 መቶ ሺህ ብር በላይ የሆነ የልብስ ስፌት ማሽን፤ በእግር ሕመም ለሚሰቃየው ወጣት አማረ አምሳሉ ከቀረጥ ነጻ ተሸከርካሪ ማስገቢያ እና ለህክምና 800 ሺህ ብር፤ ለቀድሞው የሰርከስ ስፖርተኛ ለአቶ አረጋ ታደሰ ለሕክምና ወጭ የ500 ሺህ ብር ድጋፍ፤ ለቀድሞው የባንኩ ሰራተኛና የባንኩን ረቂቃ ታሪክ ለጻፉት ለአቶ አባት ባዬ 500 ሺህ ብር በተለያዩ አካባበዎች ለተፈናቀሉ ወገኖች 19 ሚሊዮን ብር በድምሩ 23,167,500 ብር ድጋፍ አድርጓል፡፡

ባንኩ ለኢትዮጵያ የልብ ሕሙማን መርጃ ማዕከል 31,000,000 ብር፤ ለነቀምቴ ከተማ አቅመ ደካማ ሴቶች የቤት እድሳት ማሰሪያ 1,009,900 ብር፣ በተለያዩ ምክንያቶች ተፈናቅለው በወለጋ መጠለያ ጣቢያ ለሚገኙ ተፈናቃዮች አስቸኳይ የምግብ እርዳታ ድጋፍ ለማድረግ 7,000,000፣ በሌሎች አካባቢዎች ተፈናቅለው ለሚገኙ ወገኖች 12 ሚሊዮን ብር፣ ለእንሰት ምርምር ፕሮጀክት ለምርምር ቡድኑ አባላት 2,250,000 ብር በድምሩ 41,259,900 ብር ድጋፍ አድርጓል፡፡

ድጋፉን ያስረከቡት የኢትዮጵያ ልማት ባንክ ፕሬዝደንት ዶክተር ዮሐንስ አያሌው ባንኩ በማሕበራዊ ሃላፊነት ዘርፍ የሚያከናውናቸውን መልካም ተግባራት በአዲሱ ዓመትም አጠናክሮ እንደሚቀጥል ገልጸዋል፡፡

አሁን ድጋፍ የተደረገላቸው አካላት ለናሙና ባንኩ ደገፈ እንጂ በየአካባቢው ያሉ ለችግር የተጋለጡ ወገኖቻችን ሁሉም በጋራ በመረባረብ መረዳዳት ቢቻል ለብዙዎች መድረስ እንደሚቻል ዶክተር ዮሐንስ ጠይቀዋል፡፡

የሥልጠናው ዓላማ ምንድነው?

የኢትዮጵያ ልማት ባንክ ለአነስተኛና መካከለኛ ኢንተርፕራይዝ አንቀሳቃሾች ሥልጠና በመስጠት ወደ ቢዝነስ እንዲገቡ ድጋፍ የሚያደርግበት መሠረታዊ ዓላማ አለው፡፡

የዳበረ ኢኮኖሚ ባላቸው አገራት ውስጥ አነስተኛና መካከለኛ ኢንተርፕራይዞች የሥራ ዕድል ፈጠራን በማስፋት፣ ለግዙፍ ኩባንያዎች ግብዓት በማቅረብ እና የገበያ ክፍተትን በመሙላት ኢኮኖሚያዊ እድገትን የሚያፋጥኑ ናቸው፡፡ በበርካታ ያደጉ አገራት ጠቅላላ የሀገር ውስጥ ምርት እድገት ውስጥ የአነስተኛ እና መካከለኛ ኢንተርፕራይዞች ድርሻ ላቅ ያለ እንደሆነ መረጃዎች ይጠቁማሉ፡፡

የዓለምን ኢኮኖሚ እየመሩ ከሚገኙ አገራት መካከል ቻይና ተጠቃሽ ናት፡፡ ሰፊ የሕዝብ ቁጥር እንዳላት በሚነገርላት ቻይና የአነስተኛ እና መካከለኛ ኢንተርፕራይዞች በአጠቃላይ የአገር ውስጥ ምርት እድገት ያላቸው ድርሻ ከ60 በመቶ በላይ ነው፡፡ ከ75 በመቶ በላይ ያለውን የሰው ኃይል የሚሸከሙትም የአነስተኛ እና መካከለኛ ኢንተርፕራይዞች ናቸው፡፡ በጀርመን እና አሜሪካ ያለው ልምድም ከዚህ የተለየ አይደለም፡፡ በአገራችን የአነስተኛ እና መካከለኛ ኢንተርፕራይዞች ሰፊ የሥራ ዕድል በመፍጠር በኵል የላቀ ድርሻ እንዳላቸው ይታወቃል፡፡

በኢትዮጵያም ኢንተርፕራይዞችን በፋይናንስ እና በሥልጠና በመደገፍ በማኑፋክቸሪንግ ኢንዱስትሪ ላይ እንዲሰማሩ በማድረግ በኵል መንግሥት የሀገሪቱን የኢኮኖሚ ዕድገት ለማፋጠን፣ ብልጽግናንም ለማረጋገጥ ሀገር በቀል የአነስተኛና መካከለኛ ኢንተርፕራይዞችን በሊዝ ፋይናንሲንግ ሞዳሊቲ መደገፍን እንደ አንድ አማራጭ ወስዶ በከፍተኛ ትኩረት እየሠራ ነው፡፡

የኢትዮጵያ ልማት ባንክ እንደ አንድ የፖሊሲ ባንክ ለአነስተኛ እና መካከለኛ ኢንተርፕራይዞች ሥልጠና በመስጠት እና በሊዝ ፋይናንስ የብድር ሞዳሊት የፋይናንስ ድጋፍ በማድረግ ኢንተርፕራይዞች ለአገር ልማት የላቀ ሚና እንዲወጡ ለማስቻል እየሠራ ይገኛል፡፡

ባንኩ በሊዝ ፋይናንስ አገልግሎቱ አሁን ባለው የፋይናንስ ገበያ ውስጥ ዋስትና (collateral) አስይዞ ብድር ለመበደርና ሥራ ለመሥራት ዕድሉ የሌላቸውን ነገር ግን በሀገር በኢኮኖሚ ውስጥ የላቀ ትርጉም ማምጣት የሚችሉትን የኅብረተሰብ ክፍሎች (The missing middle) ለመደገፍ ትኩረት ሰጥቶ እየሠራ ይገኛል፡፡ ባንኩ ለአገር ልማት ከፍተኛ አስተዋጽዖ ባላቸው ዘርፎች ላይ ኢንተርፕራይዝ አንቀሳቃሾች እንዲሰማሩ ለማነቃቃት ከፍተኛ መዋዕለ ንዋይ መድቦ በተከታታይ እያሠለጠነ ነው፡፡

በመሆኑም የኢትዮጵያ ልማት ባንክ በአገራችን ያለውን እምቅ አቅም አሟጦ በመጠቀም ለአገር ልማት እንዲውል ለማድረግ ዘርፈ ብዙ ተግባራቱን አጠናክሮ የሚቀጥል ይሆናል፡፡

የኢትዮጵያ ልማት ባንክ የመንግስት እና የግል የቢዝነስ ፕሮጀክቶችን በፋይናንስ በመደገፍ ከአንድ ክፍለ ዘመን በላይ ለአገር ልማት የጀርባ አጥንት ሆኖ እያገለገለ የሚገኝ የፖሊሲ ባንክ ነው።

ባንኩ በእነዚህ ዓመታት በበርካታ ውጣ ውረዶች ውስጥ እያለፈ ዛሬ ላይ ተግዳሮቶቹን ነቅሎ በመጣል በስኬት ወደፊት እየገሰገሰ ያለ ባንክ ነው፡፡

የኢትዮዽያ ልማት ባንክ የሪፎርም ትግበራዎች ውጤት እያመጡ ለመሆናቸው ባንኩ በ 2015 በጀት ዓመት ያስመዘገባቸው ስኬቶች ማሳያዎች ናቸው፡፡ ባንኩ በመላ ሀገሪቱ ፍትሐዊ የፋይናንስ አቅርቦትን እውን ለማድረግ አዳዲስ ዲስትሪክቶችንና ቅርንጫፎችን ከመክፈቱ ባሻገር የአነስተኛና መካከለኛ ኢንተርፕራይዝ አንቀሳቃሾች ስልጠና በመስጠት ተደራሽነቱን እያሰፋ ይገኛል፡፡

የኢትዮጵያ ልማት ባንክ
የልማት አጋርዎ!

የኢትዮጵያ ልማት ባንክ በቱሪዝምና ጤና መስኮች ብድር በማቅረብ አገልግሎቱን እያሰፋፋ ይገኛል፡፡

የኢትዮጵያ ልማት ባንክ መንግሥት ትኩረት በሚሰጣቸው ዘርፈች ላይ ብድር በማቅረብና የቴክኒክ ድጋፍ በመስጠት የልማት አጋርነቱን በማረጋገጥ ዛሬ ላይ ደርሷል፡፡ ባንኩ በፕሮጀክትና ሊዝ ፋይናንሲንግ አገልግሎቱ እስካሁን ዘመናዊ የእርሻ ልማቶችን፣ የግብርና ምርቶች ማቀነባበሪያ እና የማምረቻ ኢንዱስትሪዎችን ፋይናንስ በማድረግ ለሀገር ልማት አስተዋጽኦ እንዲያበረክቱ እያደረገ ይገኛል፡፡

ባንኩ ባለፉት አራት ዓመታት ባከናወነው ሪፎርም አገልግሎቱን ለማስፋት እየተንቀሳቀሰ ሲሆን ከግብርናና ኢንዱስትሪ ዘርፎች በተጨማሪ በአገልግሎት ዘርፍ ደግሞ የውጪ ምንዛሪ በሚያስገኙና ከፍተኛ ማኅበራዊ ፋይዳ ባላቸው የቱሪዝምና የጤና መስኮችም ብድር በማቅረብ አገልግሎቱን እያስፋፋ ይገኛል፡፡
የኢትዮጵያ ልማት ባንክ የሚለቃቸውን ወቅታዊ መረጃዎችን ለማግኘት፡-
ዌብሳይት፡- www.dbe.com.et
ፌስቡክ፡- https://www.facebook.com/dbethiopia
ቴሌግራም፦ https://t.me/DBE1900
ትዊተር፡- https://twitter.com/DBE_Ethiopia
ሊንክድኢን፡- https://www.linkedin.com/in/dbe1900/ በመወዳጀት፣ ለሌሎች በማጋራትና ገንቢ አስተያየትዎን በመስጠት ቤተሰብ ይሁኑ፡፡

የኢትዮጵያ ልማት ባንክ
የልማት አጋርዎ!

የኢትዮጵያ ልማት ባንክ የጤናውን ሴክተር ፋይናንስ ማድረግ ያስፈለገበት ምክነያት፡-
-በሀገሪቱ የጤና አገልግሎት ሽፋን እንዲስፋፋ ያግዛል፤
-ዓለም አቀፍ ደረጃ የጠበቁ፣ እጅግ በጣም ዘመናዊ (Tertiary) ሆስፒታሎች፣ ንዑስ የህክምና (sub-specialty) አገልግሎት
-መስጫዎችን በማስፋፋት ከውጪ ወደ ሀገር ውስጥ የሚመጡ ታካሚዎችን ቁጥር ማሳደግና ውጭ ምንዛሪን ማስገኘት፤
-ሴክተሩን ማዘመንና ወደ ውጪ ሄደው የሚታከሙ ዜጎችን ቁጥር በመቀነስ የውጭ ምንዛሪ ፍጆታን መቀነስ ያስችላል፤
-በጤና ዘርፍ ያለውን የባለሙያዎች ሥራ ዕድል እንዲሰፋ፣ በመስኩ የሚሠለጥኑ ቁጥራቸው እንዲበራከት ያስችላል፤
-የግሉ ሴክተር በጤናው ዘርፍ ሚናው እንዲጎላ ማድረግ ያስችላል፤
-በተለይም በማደግ ላይ ያሉ፣ ገጠራማ፣ በረሃማ አካባቢዎች ያለውን ጤና አገልግሎት ሽፋን ማሳደግ ያስችላል፤
-የጤና አገልግሎቱን ጥራት ማሻሻል ያስችላል፤
-በሕክምና መሣሪያዎች እጥረት ምክንያት ሊፈጠሩ የሚችሉ የአገልግሎት አሰጣጥ ውስንነትን ያሻሽላል።

የኢትዮጵያ ልማት ባንክ የሚለቃቸውን ወቅታዊ መረጃዎችን ለማግኘት፡-

ዌብሳይት፡- www.dbe.com.et
ፌስቡክ፡- https://www.facebook.com/dbethiopia
ቴሌግራም፦ https://t.me/DBE1900
ትዊተር፡- https://twitter.com/DBE_Ethiopia
ሊንክድኢን፡- https://www.linkedin.com/in/dbe1900/ በመወዳጀት፣ ለሌሎች በማጋራትና ገንቢ አስተያየትዎን በመስጠት ቤተሰብ ይሁኑ፡፡

የኢትዮጵያ ልማት ባንክ
የልማት አጋርዎ!

የጤናው ሴክተር በፕሮጀክት ፋይናንሲንግ አገልግሎት ሥርዓት/ዘዴ

ባንኩ በዚህ የአገልግሎት ሥርዓት በገበያ አዋጪ የሆኑ እጅግ በጣም ዘመናዊ ሆስፒታሎችን ፋይናንስ ያደርጋል፡፡ እነዚህ ሆስፒታሎች የሜዲካል ቱሪዝምን የማስፋፋት አቅም የሚኖራቸው፣ ዓለም አቀፍ ደረጃቸውን የጠበቁ አገልግሎቶችን የሚያቀርቡ፣ አገልግሎት በሚሰጥባቸው የሕክምና ዘርፎች እጅግ ብቁ የሆኑ ጤና ባለሙያዎችን የያዙ፣ በሚያቀርቡት ልዩ የሕክምና (highly specialized medical care) አገልግሎቱ የተሻለ፣ ተመራጭ፣ ተፈላጊ የሕክምና አገልግሎት መስጠት ላይ ትኩረት ያደርጋሉ፡፡

እነዚህ በባንኩ ፋይናንስ ለመደረግ የሚቀርቡ እጅግ በጣም ዘመናዊ ሆስፒታሎች እና የግል ሪፈራል ሆስፒታሎች በሚመለከተው የመንግሥት አካልና በባንኩ የሚጠበቅባቸውን ዝቅተኛ መመዘኛዎች ያሟሉ ሆነው መቅረብ ይጠበቅባቸዋል፡፡

አዋጪ የግል ሪፈራል ሆስፒታሎች ድንገተኛና ድንገተኛ ያልሆኑ ታካሚዎች ከመጀመሪያ ደረጃ ጤና ክብካቤ(ሕክምና) ሲመሩ፣ ሲተላለፉ፣ ሪፈር ሲባሉ ለመቀበል የሚያበቃ በቂ ሀብት(አቅም) ያላቸው ናቸው፡፡ በቂ ሀብት (አቅም) ሲባል ሦስት የሙሉ ሰዓት ሐኪሞች፣ እንዲሁም እንደ አጠቃላይ ሆስፒታል ሥራ ፈቃድ ይዞ የሚገኝ ማለት ነው፡፡

ሆስፒታሎቹ ገና በማደግ ላይ ባሉ ክልሎች ማለትም ቤኒሻንጉል ጉምዝ፣ ጋምቤላ፣ አፋር፣ ሶማሌ፣ ደቡብ ምዕራብ እና ሲዳማ ክልልን በመሳሰሉ አካባቢዎች የሚገነቡ መሆን አለባቸው፡፡

ከዚህ ባሻገር ባንኩ በፕሮጀክት ፋይናንሲንግ አገልግሎት በስፋትና በጥናት የገባበት የምድኃኒት ፋብሪካ (ኢንደስትሪ) ነው። እስከ አሁን ባንኩ ያቋቋማቸው አሉ። አሁን ግን በስፋት በኢንዱስትሪ ፓርኮች ጭምር በስፋት እንዲቋቋሙ ማገዝ ነው።

የጤናው ሴክተር በሊዝ ፋይናንስ አገልግሎት ሥርዓት

ባንኩ ፋይናንስ የሚያደርጋቸው ልዩ ልዩ የሕክምና መስጫ መሣሪያዎች ማለትም የሕክምና ላብራቶሪ መሣሪያዎች (laboratory equipment)፣ የምርመራ መሣሪያዎች (diagnostic equipment) ፣ የሕክምና ንጽህና መጠበቂያ መሣሪያዎች (medical sanitation equipment) እና ሌሎች የሕክምና መሣሪያዎችን ነው፡፡

በሊዝ ፋይናንሲንግ አገልግሎት ከሕክምና መሣሪያዎች አቅርቦት ባሻገር የሕክምና መሣሪያዎችን ማምረትንም ያበረታታል። ስለዚህ በዚህ ረገድ ባንኩ ሰፊ ሥራ እየሠራ ነው።

መሠረታዊ የብቃት መስፍርቶች (Eligibility Criteria)

1. አመልካቾች በጤናና ተያያዥ ሙያዎች ከታወቁ ወይም እውቅና ካላቸው ተቋማት የሠለጠኑ መሆን ይጠበቅባቸዋል።

2.አገልግሎት ሰጪው/ተከራዩ አስፈላጊውን ሙያዊ ፈቃድ ከሚመለከተው የመንግሥት አካል ማግኘት አለበት፡፡ ይሁን እንጂ አዲስ የሊዝ አገልግሎት አመልካች አገልግሎት ለማግኘት ማመልከቻውን ባቀረበበት ወቅት የሙያ ፈቃዱን ይዞ መገኘት አስገዳጅ ላይሆን ይችላል፡፡ ነገር ግን በማስፋፊያ የሊዝ አገልግሎት ጥያቄ አቅራቢ ማመልከቻውን ሲያቀርብ የሙያ ፈቀድ ማቅረብ ይጠበቅበታል፡፡

3.አመልካቹ ከቀረጥ ነጻ አገልግሎት ተጠቃሚ ለመሆኑም ከሚመለከተው የመንግሥት አካል የድጋፍ ድብዳቤ ማስገባት ይኖርበታል፡፡

በጤና ክብካቤና ንጽህና አጠባበቅ ለሚሰጡ አገልግሎቶች ዋነኛ ዘርፎች የሚባሉት፡-

• በሕክምና አገልግሎት (Medical services)፦ የሕክምና ላብራቶሪ መሣሪያዎችን ፣ የምርመራ መሣሪያዎችን፣ ሌሎች የሕክምና ቁሳቁስ

• በህክምና መስክ የቆሻሻ ማስወገጃ አገልግሎት (Waste Disposal services) ፦ በሕክምና አገልግሎት ሂደት በቆሻሻ ማስወገድ አገልግሎቶች ላይ ጥቅም የሚሰጡ የንጽህና አጠባበቅ መሣሪያዎች ናቸው፡፡

የባንኩ ማበረታቻዎች

አንደኛ፦ ባንኩ ማስያዣ አይጠይቅም። ማስያዣው የሚሆነው ፕሮጀክቱ ራሱ ነው። ነገር ግን በዘርፉ ለመሰማራት የሚፈልግ አካል 25 በመቶ መዋጮ ማምጣት ይኖርበታል። 75 በመቶውን ባንኩ ፋይናንስ ያቀርባል።

ሁለተኛ፦ ማበረታቻ ወለድ ነው። የኢትዮጵያ ልማት ባንክ ፋይናንስ የሚያቀርበው በዝቅተኛ ወለድ ነው፡፡ ባንኩ እስከ 20 ዓመታት የሚያበድር ሆኖ የሚያስከፍለው ወለድ11 ነጥብ አምስት በመቶ ነው። ይሄ ዝቅተኛ የሚባል ወለድ ነው። ዋናው ዓላማ የግል ሴክተሩ አትራፊ ሆኖ ገበያ ክፍተት በሚሞሉ ሥራዎች እንዲገባ እንዲሁም ኢንቨስትመንት እንዲስብም ለማድረግ ስለሆነ ወለዱ ዝቅተኛ ነው፡፡

ሦስተኛ፦ ሰፊ ክትትልና ድጋፍ ያደርጋል። ክፍተቶች በሚታዩበት ቦታ ላይ ቴክኒካዊ ድጋፍ ይሰጣል። ምክርና ሥልጠና ይሰጣል።

የኢትዮጵያ ልማት ባንክ በአነስተኛና መካከለኛ ኢንተርፕራይዝ ፋይናንሲንግ የቱሪዝም ጤናና ሌሎች ክትትል ዳይሬክቶሬት

ስልክ: +251 115549746 የኢትዮጵያ ልማት ባንክ የሚለቃቸውን ወቅታዊ መረጃዎችን ለማግኘት፡-

ዌብሳይት፡- www.dbe.com.et
ፌስቡክ፡- https://www.facebook.com/dbethiopia
ቴሌግራም፦ https://t.me/DBE1900
ትዊተር፡- https://twitter.com/DBE_Ethiopia
ሊንክድኢን፡- https://www.linkedin.com/in/dbe1900/ በመወዳጀት፣ ለሌሎች በማጋራትና ገንቢ አስተያየትዎን በመስጠት ቤተሰብ ይሁኑ፡፡

የኢትዮጵያ ልማት ባንክ
የልማት አጋርዎ!

የኢትዮጵያ ልማት ባንክ ለማዕድን አልሚ ደንበኞች ለማዕድን እና ኮንስትራክሽን ግብዓት ስራ ማሳለጫ የሚያገለግሉ ሎደር ማሽነሪዎችን አስረከበ፡፡

ብዛታቸው 15 የሚሆኑ ሎደሮችና ሌሎች ማሽነሪዎች በ44 ሚሊዮን ብር በባንኩ ወጪ ተደርጎ የተገዙ ናቸው፡፡

የኢትዮጵያ ልማት ባንክ የሀገራችን ኢኮኖሚ የጀርባ አጥንት የሆነውን ግብርናን ለማዘመን የተለያዩ የግብርና ማሽነሪዎችን በማስመጣት ለደንበኞቹ በማቅረብ ላይ ከመሆኑም በላይ በአምራች ኢንዱትሪው እና በአግሮ ፕሮሰሲንግ ዘርፉ የተሰማሩ አልሚዎችን ከመደገፍ በተጨማሪ በማዕድን ዘርፉም ይህንን አገልግሎት እየሰጠ ይገኛል፡፡

ባንኩ በዚህ ዘርፍ ለተሰማሩ ከ110 በላይ ደንበኞች ከ1.4 ቢሊዮን ብር በላይ ፋይናንስ በማድረግ ለማዕድን ልማት ዘርፉ ማደግ እየሰራ መሆኑም በርክክብ መርሃ ግብሩ ወቅት ተገልጿል።

በእለቱ ማሽነሪዎችን ያስረከቡት የኢትዮጵያ ልማት ባንክ የአነስተኛና መካከለኛ ኢንተርፕራይዝ ፋይናንሲንግ ምክትል ፕሬዝዳንት አቶ አስፋው አበራ ባንኩ የማዕድን ዘርፍ ልማትን በመደገፍ ለሀገራዊ ዕድገት የበኩሉን አስተዋጽኦ እየተወጣ እንደሚገኝ ገልጸዋል፡፡

መንግስት የዘርፉን ኢንቨስትመንት ለማሳደግ ትኩረት ሰጥቶ የተለያዩ ተግባራትን በማከናወን ላይ ይገኛል ያሉት አቶ አስፋው በተለይም ወርቅ፣እምነበረድና የተለያዩ ማዕድናትን ለውጭ ገበያ በማቅረብ አበረታች ውጤቶች መታየታቸው በማዕድን ዘርፉ ጠንክረን ብንሰራ በኢኮኖሚያችን ላይ አዎንታዊ ለውጥ ማምጣት እንደምንችል አመላካች ነው ብለዋል፡፡

ለማዕድን ልማት የሚያግዙ ማሽነሪ አቅራቢ የሆኑት  አቶ አብይ አበበ በበኩላቸው ሀገራችን እምቅ የማዕድን ሀብት ያላት በመሆኑ በዘርፉ ተጠቃሚ ለመሆን ባንኩ ዘመናዊ ማሽነሪዎችን ለደንበኞቹ ማቅረቡ ኢኮኖሚው እንዲያድግ የበኩሉን ለመወጣት ከማገዙም በላይ  ለስራ እድል ፈጠራ ፋይዳው የጎላ ነው ብለዋል።

ባንኩ ያቀረባቸውን ሎደር ማሽኖችን ለመረከብ ከተለያዩ የሀገሪቱ አካባቢዎች የመጡ ደንበኞች በበኩላቸው በየአካባቢያቸው የሚገኙ ማዕድናትን ለማልማት የማሽኖቹ መኖር ወሳኝ መሆኑን ጠቁመው የኢትዮጵያ ልማት ባንክ በአጭር ጊዜ ማሽነሪዎቹን ማስረከቡ እንዳስደሰታቸው ገልፀዋል።

የኢትዮጵያ ልማት ባንክ የመንግስት የልማት ትኩረት የሆኑ የኢኮኖሚ ዘርፎችን ፋይናንስ የሚያደርግ ተቋም እንደመሆኑ የማዕድን ዘርፍ ልማትን በፋይናንስ በመደገፍ ለሀገራዊ ዕድገት የበኩሉን አስተዋጽኦ እየተወጣ ይገኛል፡፡