How to Apply 👆🏾

Turn off your VPN to get access to the job application site.

መልሱን በፌስ ቡክ ገጻችን የውስጥ የመልእክት መቀበያ ሳጥን ይላኩልን፡፡
ቀድሞ በተሟላ መንገድ የመለሰ የባንኩን የህትመት ውጤቶች ከሞባይል ካርድ ጋር ይሸለማል፡፡
https://www.facebook.com/dbethiopia

ማስታወቂያ

የስራ ቅጥር ማመልከቻ ቀን ለተጨማሪ ሶስት ቀናት ተራዘመ

የኢትዮጵያ ልማት ባንክ ሰኔ 27 ቀን 2015 ዓ.ም 1 ሺህ 70 በሚሆኑ ክፍት የስራ መደቦች ላይ የተቀመጠውን መስፈርት የምታሟሉ አመልካቶችን አወዳድሮ ለመቅጠር ማስታወቂያ ማውጣቱ ይታወሳል፡፡ በተለይ ለቡድን ስራ አስኪያጅ፣ ለሲኒየር ኦፊሰር እና ለኦፊሰር የስራ መደቦች የማመልከቻ የጊዜ ገደብ የሚጠናቀቀው ዛሬ ሐምሌ 7 ቀን 2015 ዓ.ም መሆኑን አስታውቆ ነበር፡፡

ይሁን እንጂ አንዳንድ አመልካቶች በማመልከት ሂደት ወቅት በተሳካ መልኩ ማመልከቻዎቻችሁን ለማስተላለፍ እንዳልቻላችሁ በፌስ ቡክ ገጻችን፣ በአስተያየት መስጫ ሳጥንና በውስጥ መስመር ስልኮቻችን በመጀመሪያዎቹ ሁለት የማመልከቻ ቀናት ከፍተኛ መጨናነቅ እንደገጠማችሁ የገለፃችሁ በመሆኑና ባንኩም የሰጣችሁትን ጥቆማዎች ግምት ውስጥ በማስገባት የማመልከቻ ጊዜውን ለሚቀጥሉት ሶስት ቀናት ማለትም እስከ መጪው ሰኞ ሐምሌ 10 ቀን 2015 ዓ.ም ድረስ ማራዘሙን እየገለፀ በተጠቀሱት ቀናት ውስጥ ማመልከት የምትችሉ መሆኑን በአክብሮት ያሳውቃል፡፡

መልካም እድል

የኢትዮጵያ ልማት ባንክ
የልማት አጋርዎ!

የኢትዮጵያ ልማት ባንክ ከኢትዮጵያ ብሮድካስቲንግ ኮርፖሬሽን ጋር በመተባበር አፍላገ ልማት የተሰኘ ሳምንታዊ የቴሌቪዥን ፕሮግራም ማዘጋጀት ከጀመረ ዓመት አስቆጥሯል፡፡ በዚህ በባንኩ በሊዝ ፋይናንስ እና ፕሮጀክት ፋይናንስ የብር አቅርቦት ስርዓት ተጠቃሚ የሆኑ ተበዳሪዎችን የስኬት ታሪክ በማቅረብ ልምድ እንዲቀሰምበት አድርጓል፡፡ የሳምንታዊ ፕሮግራማችን አካል በሆነው አዝናኝ እና አስተማሪ የሆነ ድርማ፣ የአገር ውስጥ እና የውጭ የልማት ባንኮችን የፋይናንስ ተቋማትን የተመለከቱ ጠቃሚ መረጃዎችን ስናደርስ ቆይተናል፡፡

የኢትዮጵያ ልማት ባንክ እንደ አገር እያደረገ ያለውን አስተዋጽዖ በቀጣይ ክፍሎች አሰናድቶ በማቅረብ ተጨማሪ አቅም ለመፍጠር ይሰራል፡፡

አፍላገ ልማት ፕሮግራምን መከታተል ለምትሹ ሁሉ እሁድ በኢትዮጵያ ብሮድካስቲንግ ኮርፖሬሽን በኢቲቪ ዜና ቻናል ዘወትር እሁድ ከምሽቱ 2፡50- 3፡30 በድጋሚ ማክሰኞ ከ10፡00 እስከ 10፡40 እንዲሁም በኢትዮጵያ ሬዲዮ ዘወትር ሰኞ ረፋድ ከ3፡20 – 4፡00 ላይ በመከታተል ስለ ባንካችን የበለጠ ማወቅ እና የበለጠ መጠቀም የምትችሉበት መረጃ እንድትወስዱ ተጋብዛችኋል፡፡

የኢትዮጵያ ልማት ባንክ በአገራችን መሰረታዊ የኢኮኖሚ ለውጥ ሊያመጡ የሚችሉ ፕሮጀክቶችን በሊዝ እና በፕሮጀክት ፋይናንስ የፋይናንስ አቅርቦትን በማሳደግ ዘርፈ ብዙ ተግባራትን ሲፈጽም ቆይቷል፡፡

ባንኩ የተረከበውን አገራዊ ኃላፊነት በተሻለ ለመወጣት የሚያስችለውን አሰራር በመዘርጋት፤ ራሱን ከጊዜ ወደ ጊዜ እያደራጀ እና ትርፋማ ወደመሆን እየተሸጋገር ያለ ባንክ ነው፡፡

ከ115 ዓመታት በፊት በግብርና ዘርፍ በበሬ ብድር አቅርቦት የተጀመረው የኢትዮጵያ ልማት ባንክ እንቅስቃሴ ዛሬ ላይ ትራክተሮችን፣ የትራክተር ተቀጽላዎችን፣ ኮምባይን ሃርቨስተሮችን፣ የግብርና መለዋወጫዎችንና፣ ግብዓቶችን በማቅረብ ለግብርናው መዘመን የራሱን አስተዋጽዖ እያበረከተ ይገኛል፡፡

ከዚህ ባሻገር የኢንዱስትሪ ልማት ለአገር ኢኮኖሚ መሻሻል ካለው የላቀ ፋይዳ አንጻር ለአምራች ዘርፍ ልማት ትኩረት በመስጠት ተበዳሪዎች ትኩረት አድርገው እንዲሰሩ በማበረታት የፋይናንስ ውስንነት ያለባቸውን ተቋማት አቅም በማጎልበት የራሱን አሻራ እያሳረፈ ይገኛል፡፡

በቀጣይ በተለይ ለማኑፋክቸሪንግ ዘርፍ ትኩረት በመሰጠት የሚያቀርበውን ፋይናንስ በማሳደግ እና የቴክኒክ ድጋፍ መስጠቱን አጠናክሮ የሚቀጥል ይሆናል፡፡