عصير عنب طبيعي صحي 🍇
نحتاج كوبين زبيب مغسول كلش زين نگعهم بكوبين مي حار ليلة كاملة والصبح نخليهم بمحضرة الطعام ونخلي شكر (افضل من الخلاط لأن ما راح تطحن البذور ) راح يصير القوام ثكيل نصفي العصير بمصفي من البذور ونخلي مي نخفف القوام
ملاحظه : هو عصير صحي يعني الهدف ناخذ فيتامين مو الهدف استمتاع بالطعم لأن اكو غير طريقه هذا العصير صحي
وهاي هيه الف عافيه 🍓
1🍓35
كيكه ليمون 🍋
الطريقه تقريباً مثل كيكه البرتقال
نحتاج ليمون ٢ نبرشهم ناخذ بس الطبقه الصفره بدون البياض ونقسمهم بالنص ونعصرهم
بطاسه أو لجانه ما ادري شتسموها المهم نخلي بيضتين وكوب شكر وفانليا جيس واحد نخلطهم بالخفاقه كلش زين لحد ما تقريباً يصير القوام كريمي نخلي نص كوب زيت وكوب حليب سائل نخلط المكونات مره ثانيه بعدين نخلي كوبين طحين منخول وظرفين بكينج باودر ومبروش كشر الليمون ونخلط إذا كان القوام ثكيل خففوا بمي او حليب لحد ما يصير القوام شبه خفيف نخلي بقالب وندخله للفرن
أما الصوص إذا تردون صوص ابيض ف جيبو كاسه خلو بيها كوب شكر باودر يعني مطحون ونص عصير ليمونه واخلطوا لحد ما يتجانس القوام
واذا تحبونه صوص خفيف مثل الي مسويته اني ف كوب شكر وخلو فوكا عصير نص ليمونه وخلوا ع النار ثواني بين ما يذوب الشكر نزلوا فوكا نص كوب مي مخلوط ويا خاشوكه نشأ وحركوا دقائق وطفوا النار ودخلوا الثلاجه يبرد واستخدموا فوك الكيكه
وهاي هيه الف عافيه 🍓
1🍓27
السلام عليكم
عيد مبارك مقدماً وكل عام وانتم بخير
عندي تبليغ صغير وطلب منكم هم صغير
القناة راح تتوقف عن نشر الوصفات إلى يوم ١/٧ والسبب الدراسه راح احذف التلي ويوم العوده يكون آخر يوم امتحان
الطلب هو احتاج منكم الدعاء اذكروني بصلاتكم وبدعاء بسيط هو التوفيق والنجاح
وبس هاي هيه أن شاء الله تكونون بخير🍓
عيد مبارك مقدماً وكل عام وانتم بخير
عندي تبليغ صغير وطلب منكم هم صغير
القناة راح تتوقف عن نشر الوصفات إلى يوم ١/٧ والسبب الدراسه راح احذف التلي ويوم العوده يكون آخر يوم امتحان
الطلب هو احتاج منكم الدعاء اذكروني بصلاتكم وبدعاء بسيط هو التوفيق والنجاح
وبس هاي هيه أن شاء الله تكونون بخير🍓
طبخات فطيم 🍽 pinned «السلام عليكم عيد مبارك مقدماً وكل عام وانتم بخير عندي تبليغ صغير وطلب منكم هم صغير القناة راح تتوقف عن نشر الوصفات إلى يوم ١/٧ والسبب الدراسه راح احذف التلي ويوم العوده يكون آخر يوم امتحان الطلب هو احتاج منكم الدعاء اذكروني بصلاتكم وبدعاء بسيط هو التوفيق…»
تمن بتونة
نحتاج صحن تمن صغير مطبوخ (ممكن من الي زايد من الغده )
بطاوه نخلي زيت وبصل ناعم بعدين التمن وفلفل اسود وشويه ملح واذا تحبونه سبايسي خلو فلفل بعدين خلو تونه بدون مي وقلبو المكونات ثواني وخلو بصحن تقديم تكدرون تخلون بالنهاية رشه فلفل احمر مجفف (ما يكون طعمه حيل حار بس طيب) وشريحه ليمون وخيار
وهاي هيه الف عافيه 🍓
1🍓26
كفتا دجاج
نحتاج صدر دجاج مفروم جاهز لازم ويا لية حتى لا يصير يابس وقشر ليمون وكرفس ورشه ملح وشويه فلفل اسود نخلي ويا طحين ربع كوب ونعجنه تصير عجينه متماسكه نسوي على شكل دوائر ونقلي بزيت على نار هادئة حتى يستوي من الداخل
للصلصه نحتاج ٢ عصير طماطه بدون قشر ونص راس بصل مفروم ناعم وفص ثوم مهروس وكجب ودبس رمان ومكعب ماجي دجاج ورشه فلفل اسود ومعجون
بجدر أو طاوه شويه واسعه نحمس البصل والثوم ونخلي خاشوكه معجون بعدين نخلي عصير الطماطه ودبس رمان وكجب خاشوكه ومكعب ماجي ورشه ملح وفلفل اسود وكوبين مي اول ما يفور ننصي النار ونغلق الجدر ربع ساعه يصير القوام شويه ثكيل نخلي ببايركس ونخلي صدر الدجاج المقلي تكدرون تدخلونه فرن من فوك دقائق أو لا براحتكم اني ما دخلته فرن
وهاي هيه الف عافيه 🍓
1
مندي دجاج
اول شي الدجاجه نحضر التتبيلة مالتها ونبيتها بالثلاجه ليلة كاملة
التتبيلة / بطاحونه نخلي فلفل اسود , كركم ، عود دارسين , ملح , هيل ، ورق غار نطحنهم ونخليهم ع الدجاجه مع شويه زيت حتى تسهل عمليه الدهن نشبع الدجاجه بالتتبيلة ونغطيها ونخليها بالثلاجة ليلة كاملة
ثاني يوم نحضر التمن / نخلي زيت بالجدر ونخلي بصل ناعم ونفس التتبيلة الي خليناها ع الدجاجة ونخلي التمن بدون مي ونقلب زين حتى التمن كله يصير لونه اصفر ونخلي بكاسه مي دافئ ويا مكعب ماجي ونخلي ع التمن لحد ما يصير مستوى المي أعلى من التمن بأصبعين (معلومه اول ما خلينه التمن نطفي النار)
هنا نبدي بمرحله الشوي نغلف الجدر بسليفون شوي ونجك السليفون نسوي ثقوب هواي ناعمه ونخلي الدجاجه ع السليفون ونغلف مره ثانيه الدجاجه وندخلها فرن شوي نازل ع الأرض ونشغل الفرن من تحت ومن أعلى تأكدوا انو التمن نشف رفعوها فوك وهاي العمليه تستغرق تقريباً ساعتين نشيل السليفون ونكسب الدجاجه شوي من أعلى عشر دقائق كافيه
بعد ما خلصنه شوي نطلعه من الفرن نحمي فحمه ونخليها بكاسه صغيره ونخلي زيت ونغلق الجدر حتى تصير ريحه شوي ع الفحم
وهاي هيه الف عافيه
1❤3
صلصه دقوس
بمحضره الطعام نخلي ٢ طماطه مكشره وفلفل وحده صغيره ونص خاشوكه معجون وشوي شطه وزيت زيتون وملح وفلفل اسود نخلط المكونات كلها بالمحضرة وبس صارت عدنه صلصه دقوس
وهاي هيه الف عافيه
1