7 yil avval bizning bir orzuimiz bor edi. Bugun esa u haqiqatga aylandi.

Shu 7 yil davomida islomiy bank xizmatlari uchun Markaziy bank tomonidan tartibga solish mexanizmlari yaratildi, zarur soliq o‘zgarishlari qabul qilindi va qariyb 10 million inson ilk islomiy bankni kutishda davom etdi.

Biz esa bu vaqt davomida shunchaki kutmadik.

Har kuni 300 nafardan ortiq mutaxassis IMAN ustida ishladi: texnologiyalarni yaratdi, yangi mahsulotlarni ishga tushirdi, kuchli jamoani shakllantirdi va aynan bugungi kun uchun tayyorgarlik ko‘rdi. Shu yillar davomida biz 8 ta mahsulotni o‘zida jamlagan superilovani yaratdik, qariyb 2 million foydalanuvchini birlashtirdik va bugungi muhim bosqich uchun zarur bo‘lgan barcha ishlarni amalga oshirdik.

Va bugun mamnuniyat bilan e’lon qilamiz:

🏆Adl Neobank endi rasman IMANUM tarkibida ishga tushdi.

IMANUM ilovasining yangi versiyasi allaqachon foydalanishga tayyor. Uni hoziroq yangilang, yangi imkoniyatlarni birinchilardan bo‘lib sinab ko‘ring va taassurotlaringizni biz bilan albatta ulashing. Sizning fikr-mulohazalaringiz biz uchun juda muhim — aynan ular yordamida IMANUM’ni yanada mukammal qilamiz.

Bizga ishonganingiz, kutganingiz va bu yo‘lni biz bilan birga bosib o‘tganingiz uchun rahmat.

Bu hali faqat boshlanishi✨