አንተ “ሪሞት ኮንትሮል” ነህ ወይስ ወንድ⁉️
•••••••••••••••••••••••••••••••••••••
(ከፈላስፋው ጭሰኛ)

ስማኝ አንተ የገዛ ስሜቱን መግዛት ያቃተው ሰው፣ አገርን መግዛት አይችልም ። አካላዊ ጉልበት አለኝ ብለህ ትመካለህ፤ ነገር ግን አንድ ሰው በነገር መርፌ ሲወጋህ እንደ ፊኛ የምትፈነዳ ከሆነ፣ አንተ ወንድ ሳትሆን በባትሪ የሚሰራ አሻንጉሊት ነህ ። ማንም ሰው ቁልፍህን (Button) ሲጫን የምትጮህ ከሆነ፣ የስሜትህ ባለቤት አንተ ሳትሆን ያበሳጨህ ሰው ነው።

ከዚህ “የስሜታዊነት ባርነት” ወጥተህ ወደ ብስለት ዙፋን ለመውጣት እነዚህን 4 የብረት ህጎች ተግብር፦

1. ዝምታ የመልሶች ሁሉ ንጉስ ነው❗️
ለሚጮህ ውሻ ሁሉ መልስ አትስጥ፤ ውሻ ስለጮኸብህ አብረህ ብትጮህ ውሻ መሆንህ ነው ። ዝምታ ጥበብና ትልቅ ጉልበት ነው ። አንድ ሰው ሊያናድድህ ሲሞክር አይን አይኑን እያየህ ዝም በለው፤ ያኔ ያንተ ግርማ ይጨምራል፣ የእሱ ደካማነት ደግሞ ይጋለጣል ። አጸፋ መመለስ የደካሞች ስራ ሲሆን፣ ምላሽ አለመስጠት ግን የብልሆች መታወቂያ ነው ።

2. ሪሞትህን ለማንም አሳልፈህ አትስጥ❗️
አንተን የማናደድ፣ የማስደሰት ወይም የማሳዘን ስልጣን ለሰዎች አትስጥ ። አንድ ሰው ሰድቦህ ከተናደድክ፣ ያ ሰው ተቆጣጠረህ ማለት ነው ። እውነተኛ ወንድ እንደ አለት (Rock) ነው፤ ዝናብ ቢዘንብ፣ ፀሐይ ቢወጣና ንፋስ ቢነፍስ አለትነቱ አይቀየርም ። ሁኔታዎች ስሜትህን እንዲዘውሩት አትፍቀድ ።

3. በስሜት አትወሰን❗️
በጣም ደስ ሲልህ ቃል አትግባ፣ በጣም ሲከፋህ ደግሞ ውሳኔ አትወስን ። ስሜት ልክ እንደ አየር ሁኔታ ተለዋዋጭ ነው፤ ዛሬ ያለው ስሜት ነገ ላይኖር ይችላል ። በጊዜያዊ ስሜት ተነሳስተህ ዘላቂ ጉዳት አታምጣ ። “ቆይቼ እወስናለሁ” ማለት የወንድነትና የብስለት ምልክት ነው ።

4. ብስለት ማለት ማስተዋል ነው❗️
አሸናፊ ወንድ ጠላቱን ይረዳል እንጂ በጠላቱ አይበሽቅም ። አንድ ሰው ቢሰድብህ “ለምን ሰደበኝ?” ብለህ ማስተዋል ጀምር፤ ምናልባት ቀናተኛ ወይም ችግር ያለበት ሊሆን ይችላል ። ሰዎችን መረዳት ስትጀምር መናደድ ታቆማለህ ። በስሜት የሚነዳ ወንድ መኪናውን ገደል እንደሚከተው ሹፌር መሆኑን አትዘንጋ ።

የጭሰኛው መደምደሚያ ⛔️⚠️

ወንድሜ… ራስህን ግዛ፣ አንደበትህን ሰብስብ፣ ልብህን አረጋጋ ። ያኔ አለም ሁሉ አንተን ለማዳመጥ ፀጥ ይላል ። መጮህ ይብቃ፤ ዛሬውኑ ሪሞትህን በእጅህ አድርግ ።
ከዚህ የስሜታዊነት ማዕበል ወጥተህ የረጋ መርከብ ለመሆን ከወሰንክ፣ ኮሜንት ላይ ቃል ግባ 👇

🧘 “እራሴን እገዛለሁ! ስሜቴ ባሪያዬ እንጂ ጌታዬ አይደለም!” 🧘

"በጣም ስለወደድኩት አጋራዋቹህ"

የኒውክሌር ኃይል ምንነትና ዝርዝር መረጃዎች
++++++++++++

መሠረታዊ ምንጩ፦ የኒውክሌር ኃይል መሠረቱ ሰውን ጨምሮ ሁሉም ቁስ የተገነባበት 'አተም' (Atoms) ነው። ኃይሉ የሚገኘውም በአተም እምብርት (Nucleus) ውስጥ ነው።

የኃይል አመራረት ሂደት፦ የተሰነጠቁ አተሞች በሚለቁት ከፍተኛ ሙቀት ውሃን በማፍላት እንፋሎት ይፈጠራል። ይህ እንፋሎት ግዙፍ ተርባይኖችን እና ጀነሬተሮችን በማንቀሳቀስ ኤሌክትሪክ ያመነጫል።

የነዳጅ ዓይነት፦ በብዛት ጥቅም ላይ የሚውለው 'ዩራኒየም-235' የሚባለው ንጥረ ነገር ነው። ዩራኒየም በውስጡ የያዘው የኃይል መጠን በጣም ከፍተኛ በመሆኑ፣ አንዴ በሚሞላ ነዳጅ ለሁለት ዓመታት ያህል ያለመቆራረጥ የኤሌክትሪክ አገልግሎት ይሰጣል።

ኃይል የሚለቀቅባቸው መንገዶች፦

አቶምን መሰንጠቅ፦ አንድ ከባድ እና የማይረጋ ኑክሊየስ (እንደ ዩራኒየም-235 ያለ) በኒውትሮን ሲመታና ወደ ሁለት ትናንሽ ኑክሊየሶች ሲከፈል የሚፈጠር ኃይል ነው።

አቶሞችን ማዋሃድ፦ ሁለት ቀላል ኑክሊየሶች (እንደ ሃይድሮጅን ያሉ) በከፍተኛ ኃይል ተጋጭተው በመዋሃድ አንድ ነጠላና ከባድ ኑክሊየስ (እንደ ሂሊየም ያለ) ሲፈጥሩ የሚለቀቅ ኃይል ነው። ይህ በፀሐይ ላይ የሚካሄድ ሂደት ነው።

የአየር ንብረት ጥቅሙ፦ የኒውክሌር ኃይል ማመንጫዎች ልክ እንደ ከሰል ወይም ጋዝ ካርቦን ዳይኦክሳይድ (CO2) ወደ አየር አይለቁም። ይህም ለአየር ንብረት ለውጥ መፍትሔ ተመራጭ ያደርገዋል።

የኃይል እፍጋት፦ አንድ ትንሽ የዩራኒየም ክኒን (Pellet) ከ1 ቶን የድንጋይ ከሰል ወይም ከ149 ጋሎን ነዳጅ ጋር እኩል ኃይል የመስጠት አቅም አላት።

ደኅንነትና ተረፈ ምርት፦ ከጥቅሙ ጎን ለጎን የኒውክሌር ኃይል የራዲዮ አክቲቭ ዝቃጭ ስለሚፈጥር ለሺህ ዓመታት በጥንቃቄ መቀመጥ ይኖርበታል።

ምንጭ፦ የኢኖቬሽንና ቴክኖሎጂ ሚኒስቴር፣ ዓለም አቀፉ የኒውክሌር ኃይል ኤጀንሲ (IAEA) እና የአሜሪካ የኢነርጂ መሥሪያ ቤት (DOE)።

በአማን ረሺድ
ከፌስቡክ የወሰድኩት
+++++++++++++++++++++++++++++++++++
@ጋዜጣ_ፕላስ
#ጋዜጣ_ፕላስ #ኒውክሌር_ኃይል #ሳይንስና_ቴክኖሎጂ #ንጹሕ_ኢነርጂ #ዩራኒየም #ኢኖቬሽን #ኢትዮጵያ #NuclearEnergy #Science #GreenEnergy


CompuTech©

የቅርብ ጊዜ አጫጭር የቴክኖሎጂ ዜናዎች
🚀 የቴክ ዜና | አዲስ
• 📱 Samsung አዲሱን Galaxy S26 ስማርትፎን በAI የተሻሻለ ካሜራ እና ፍጥነት ሊያሳይ  ነው ተባለ።
• ⚠️ Microsoft Windows በአዲስ update በአንዳንድ ኮምፒውተሮች ችግኝ ፈጥሯል።
• 🤖 በAI በአሁን ሰዐት ቪዲዮ እና ሙዚቃ በቀላሉ በራሱ መፍጠር እየቻለ ነው።
• 💡 Nano-LED ቴክኖሎጂ አዲስ የዘመነ የስክሪን ጥራት  ሊጀምር ነው።
• 🎮 Nintendo Switch 2 ዋጋ ሊጨምር ይችላል ተብሏል።
• 📈 NVIDIA የGPU ዋጋ መጨመር ገበያው ላይ ተጠናክሮ ቀጥሎዋል።

#ኢትዮጵያ #ቴክ #ሳይንስና_ቴክኖሎጂ


CompuTech©

💡 የቴክ ምክሮች

🧷 📱 ስልክህን ፈጣን አድርግ – የማትጠቀማቸውን መተግበሪያዎችን ሰርዝ፣ background apps ዝጋ።
🧷 🔋 ባትሪ እንዲቆይ – Location, Bluetooth, Hotspot እየተጠቀምክበት ካልሆነ አጥፋ
🧷 🔐 ደህንነት – 2-Step Verification በTelegram ፣ Gmail ፣ በሌላ ጠቃሚ መተግበሪያ ላይ አብራ።
🧷 ☁️ ፋይል እንዳይጠፋብህ ክላውድ ላይ አስቀምጥ – Photos፣ Files፣ ዶክመንት ።፣ በGoogle Drive ወይም Telegram Saved Messages አስቀምጥ።
🧷 🚀 ኢንተርኔት Browser ላይ cache በየሳምንቱ አጽዳ።

#ቴክ #ሳይንስና_ቴክኖሎጂ #ኢትዮጵያ #Privacy #techinfo

CompuTech©

🗼በኢራን አብዮታዊው ዘብ ጃም የተደረገው ስታር ሊንክ ኢራናውያንን እየደለለ ነው

MFM| የዓለማችን ቁጥር አንድ ሀብታም ኢላን መስክ ንብረት የሆነው የሳተላይት ኢንተርኔት አቅራቢው ስታርሊንክ፤ ኢራን ውስጥ ከክፍያ ነጻ የሆነ የኢንተርኔት አገልግሎት አቀረበ።

ቢቢሲ የኢራን መንግሥት በአገሪቱ ውስጥ ያለውን የኢንተርኔት አቅርቦት በማቋረጡ ምክንያት በሳተላይት የሚሠራው ለስታርሊንክ ወርሃዊ ክፍያ እየፈጸሙ ይጠቀሙ የነበሩ ኢራናውያን አገልግሎቱን በነጻ እንዲያገኙ ፈቅዷል የሚል ዘገባ ይዞ ወጥቷል።

ከኢራን የሳይበር ተቋማት ጋር እልህ ውስጥ የገባው ኤሎን መስክ ለኢራናውያን ኢንተርኔት በነጻ አቅርቤያለሁ ቢልም የኢራንን የሳይበር ሴኩሪቲ ማለፍ የማይታሰብ ሆኖበታል።

አለም በሳይበር ሴኩሪቲ አቅሙ የሚመጻደቅበት ስታር ሊንክ ኔት ወርክ በተራቀቁት የኢራን ቴክኖሎጂዎች 80 በመቶ ጃም መደረጉን መዘገባችን ይታወሳል።

★ ★ ★
CompuTech©


🌟🌟🌟🌟🌟🌟🌟

#የቱርክ መከላከያ ኢንዱስትሪ በቴክኖሎጂው ዘርፍ ያለውን የበላይነት የሚያሳይ አዲስ ፈጠራ ይፋ አድርጓል።

«ትራኮን ላይት 134» (Tracon Lite 134) የተሰኘውና ለድሮን መከላከያ ተብሎ የተሰራው ይህ ዘመናዊ መሳሪያ እጅግ ከፍተኛ የሆነ የተኩስ ፍጥነትና ኃይል እንዳለው ተገልጿል። ይህ መተኮሻ በደቂቃ ውስጥ እስከ 3,000 ጥይቶችን የማዝነብ አቅም ያለው ሲሆን ይህም በሰማይ ላይ የሚንቀሳቀሱ ትናንሽና ፈጣን ድሮኖችን በቀላሉ ለመምታት ያስችለዋል።

መሳሪያው ሰው ሳይጠጋው በሩቅ መቆጣጠሪያ (Remote Control) የሚታዘዝ በመሆኑ ወታደሮች ለአደጋ ሳይጋለጡ ጥቃቶችን እንዲመክቱ ይረዳል። በቅርብ ጊዜ በጦርነቶች ላይ ትልቅ ስጋት እየሆኑ የመጡትን "ሰው አልባ አውሮፕላኖች" ለመመከት በልዩ ሁኔታ የተገጠመ የራዳር እና የዒላማ መቆጣጠሪያ ዘዴ አለው።

ቱርክ ይህንን መሳሪያ ይፋ ማድረጓ፣ በዓለም አቀፍ የጦር መሣሪያ ገበያ ላይ ያላትን ተወዳዳሪነት ከፍ የሚያደርገው ሲሆን፣ በተለይም የድሮን ቴክኖሎጂ ስጋት በጨመረበት በዚህ ወቅት ለብዙ አገራት ተመራጭ መከላከያ እንደሚሆን ተገምቷል።


CompuTech©

😂😂 ስለወደድኩት አጋራዋቹ።

  የተለመዱ  የኮምፒዩተር ችግሮችን ለማስተካከል የሚረዱ ምክሮች 💻🛠️

💻 የኮምፒዩተር  ማስተካከያ መፍትሔዎች
1️⃣ ኮምፒዩተርህ እየተንቀራፈፈ ከሆነ
✔ ኮምፒዩተሩን እንደገና አስነሳ(restart)
✔ የማትጠቀማቸውን ፕሮግራሞችን ዝጋ(End)
👉Ctrl + Shift + Esc → Processes - right click End task
✔ Startup ፕሮግራሞችን አጥፋ
👉 Ctrl + Shift + Esc → Startup
2️⃣ ኢንተርኔት አይሰራም? 🌐
✔ Router እንደገና አስነሳ
✔ Network adapter አጥፋና እንደገና አብራ
✔ Network Troubleshooter ተጠቀም
3️⃣ ኮምፒዩተርህ እየዘገመብህ  ነው? ❄️
✔ የRAM አጠቃቀም መርምር
✔ ትልቅ ቦታ የያዙ መተግበሪያዎችን ዝጋ
✔ በአንቲ ቫይረስ ስካን አድርግ
4️⃣ Hard disk (Storage) ሞልቷል? 💾
✔ Temporary files ሰርዝ
👉 Win + R → temp → delete
✔ ያልተጠቀሙ ፕሮግራሞችን አስወግድ
5️⃣ ኮምፒዩተር አይነሳም? ⚡
✔ የኤሌክትሪክ ገመድ መርምር
✔ ሌላ ሶኬት ላይ ሞክር
✔ USB መሳሪያዎችን አስወግድ
6️⃣ Keyboard / Mouse አይሰራም? ⌨️🖱️
✔ የተሰኩትን ነቅለህ  እንደገና ሰካቸው
✔ ሌላ USB ፖርት ሞክር
✔ Driverህን አዘምን
7️⃣ Blue Screen Death  ሰማያዊ (🟦) ስክሪን ላይ በተደጋጋሚ ይፈጠራል?
✔ ኮምፒዩተሩን እንደገና አስነሳው
✔ Driver አዘምን
✔ አዲስ የተጫነ ሶፍትዌር ካለ አስወግድ
8️⃣ ኮምፒዩተር በጣም ይሞቃል? 🔥
✔ የፋን አካባቢ  አጽዳው
✔ Laptopህን ፋኑ ባለበት በኩል ክፍተት ሳታደርግ አታስቀምጥ
✔ ከቻልክ Cooling pad ገዝተህ ተጠቀም
✅  ማጠቃለያ  ምክር
Windows እና Drivers ማዘመን = ከፍተኛ ችግሮችን አስቀድመህ ለመከላከል ሞክር


#techinfo #ሳይንስና_ቴክኖሎጂ #TechTips # Windows

CompuTech©

የፌስቡክ፣ ኢንስታግራም እና ዋትስአፕ እናት ኩባንያ የሆነው ሜታ (Meta)፣ በሶስቱ ታዋቂ የማህበራዊ ትስስር መተግበሪያዎቹ ላይ የክፍያ ወይም "ፕሪሚየም" የአገልግሎት አማራጮችን ለመሞከር ዝግጅት ማጠናቀቁን አስታወቀ።

ሜታ ጥር 26 ቀን 2026 ለቴክክራንች እንዳረጋገጠው፣ ይህ አዲስ የክፍያ አማራጭ ምርታማነትን፣ የፈጠራ ችሎታን እና አርቴፊሻል ኢንተለጀንስ (AI) አቅምን የሚያጎለብቱ ልዩ አገልግሎቶችን ለተጠቃሚዎች ይከፍታል። ይሁን እንጂ ኩባንያው መደበኛዎቹ እና ዋናዎቹ የአፕሊኬሽኖቹ አገልግሎቶች ለሁሉም ተጠቃሚዎች በነጻ ክፍት ሆነው እንደሚቀጥሉ አረጋግጧል።

ለእያንዳንዱ መተግበሪያ የተለየ የክፍያ ፓኬጅ እንደሚዘጋጅ የተገለጸ ሲሆን፣ ለኢንስታግራም ይለቀቃሉ ተብለው ከሚጠበቁት የ"ፕሪሚየም" ጥቅማ ጥቅሞች መካከል፡-

- ያልተገደበ የተመልካች ዝርዝር፣
- ተመልሰው "ፎሎው" ያላደረጉ ተከታዮችን የመለየት አቅም፣ እና
- የሌሎችን "ስቶሪ" ባለቤቱ ሳያውቅ በድብቅ መመልከት የሚሉት ይገኙበታል።

ሜታ በቅርቡ በ2 ቢሊዮን ዶላር እንደገዛው የሚነገርለትን "ማነስ ኤአይ" እና "ቫይብስ" የተሰኘውን የኤአይ ቪዲዮ መሥሪያ ቴክኖሎጂ በዚሁ የክፍያ አገልግሎት ውስጥ ለማካተት ማቀዱም ተገልጿል።

በተያያዘ ዜና፣ ኤል ፓይስ እንደዘገበው፣ ሜታ በዋትስአፕ ስታተስ እና ቻናሎች ላይ የሚታዩ ማስታወቂያዎችን ለማስቀረት የሚያስችል የክፍያ አማራጭ ላይ እየሰራ መሆኑን ጠቁሟል።
ይህ ሙከራ በሚቀጥሉት ወራት ተግባራዊ መሆን እንደሚጀምር ኩባንያው ገልጿል።

ቴክኖሎጂ መረጃ

አሜሪካ ሚሳኤል ሳተኩስ የኢራንን ራዳር ጥቅም አልባ ማድረግ ትችላለች

የአሜሪካ ጦር ያለምንም ሚሳይል ጥቃት የኢራንን የአየር መከላከያ ራዳሮች እና ሴንሰሮች ሰብሮ በመግባት የማሰናከል እና የመጥለፍ (Hack የማድረግ) ከፍተኛ የቴክኖሎጂ ብቃት እንዳለው ወታደራዊ ተንታኞች ገለጹ።

​እንደ ዘገባዎች ከሆነ፣ አሜሪካ 'Suter' የተባለ ሚስጥራዊ የቴክኖሎጂ ፕሮግራምን በመጠቀም የጠላትን የተቀናጀ የአየር መከላከያ መረብ ሰብራ በመግባት፣ የራዳር ሲግናሎችን የመቆጣጠር አልፎ ተርፎም አሜሪካዊያን የጦር አውሮፕላኖች በራዳር እንዳይታዩ የማድረግ አቅም አላት።

​ከዚህም በተጨማሪ EA-18G Growler የተባሉ የኤሌክትሮኒክ ውጊያ አውሮፕላኖች አዳዲስ የሲግናል ማወኪያ (Jamming) ዘዴዎችን በመጠቀም የኢራንን መከላከያ አይን እና ጆሮ ማሳወር እንደሚችሉ ተጠቁሟል።

ይህም የኢራን ጦር ጥቃት ሳይሰነዘርበት መከላከያው እንዲልቆም ወይም የተሳሳተ መረጃ እንዲያምን ያደርገዋል።

​ይህ የቴክኖሎጂ የበላይነት አሜሪካ በቀጥታ ጦርነት ውስጥ ሳትገባ የኢራንን ወታደራዊ መዋቅር እንድታዳክም ትልቅ እድል እንደሚሰጣት ይታመናል።

​መሰል ወቅታዊ መረጃዎች እንዲደርስዎ ቻናላችንን Follow ያድርጉ፤ ለሌሎችም እንዲደርስ Share ያድርጉልን!

#TechTips #ሳይንስና_ቴክኖሎጂ
#techinfo

CompuTech

🧷 ሳይበር ቴክ መረጃ

የእስራኤል ጠቅላይ ሚኒስትር ቤንጃሚን ኔታንያሁ የሞባይል ስልካቸው ካሜራዎች ስቲከር /በማጣበቂያ ተሸፍነው ሲጠቀሙ የሚያሳዩ ምስሎች በስፋት ተሰራጭተዋል። ይህ ድርጊት በዋናነት የሚከተሉትን ምክንያቶች ይይዛል፡
                                                                                                                                                                                                     
 👉🏽የደህንነት ጥንቃቄ :- እንደ ጠቅላይ ሚኒስትር ከፍተኛ ሚስጥራዊ የሆኑ ሰነዶች እና መረጃዎች የሚያዙ በመሆኑ፣ ስልኩ ቢጠለፍ እንኳ በካሜራው በኩል ምስል ወይም ቪዲዮ እንዳይቀረጽ ለመከላከል የተወሰደ ጥንቃቄ ነው።

👉🏽የተለመደ አሰራር:- ይህ በስሱ የደህንነት ተቋማት ውስጥ ስልክ ሲገቡ ካሜራዎችን የመሸፈን ወይም የማስ ወገድ (Cam-block) የተለመደ አሰራር አካል ነው።

👉🏽የሰላዮች ስጋት:- በቅርብ ዓመታት የስልክ ቫይ ረሶችን በመጠቀም የሀገር መሪዎች ላይ የስለላ ጥርጣሬዎች መኖራቸው ተዘግቧል፣ ይህም እንደዚህ አይነት ጥንቃቄዎችን አስፈላጊ ያደርገዋል።
                                                                                                                                                             
   ስለዚህ፣ ኔታንያሁ ካሜራቸውን በቴፕ የሸፈኑት ለግል ደህንነት እና ከፍተኛ ሚስጥራዊ መረጃዎችን ለመጠበቅ ተብሎ ነው።


#techinfo #TechTips #TechEthiopia

CompuTech©

⚠️ ማሳሰቢያ

የሳይበር ደህንነት ከINSA የተሰጠ መረጃ

በዋትሳፕ፣ በቴሌግራም እና በሌሎች የመልዕክት መላላኪያ ፕላትፎርሞች የሚፈጸሙ የሳይበር ጥቃቶችን አስመልክቶ የቀረበ የጥንቃቄ መልዕክት

የኢንፎርሜሽን መረብ ደህንነት አስተዳደር (ኢመደአ)፤ በሀገራችን የዲጂታል ትስስር መስፋፋትን ተከትሎ በዋትሳፕ (WhatsApp)፣ በቴሌግራም (Telegram) እና በሌሎች የመልዕክት መላላኪያ ፕላትፎርሞች አማካኝነት በዜጎች ላይ የሚሰነዘሩ የሳይበር ጥቃቶችና የማጭበርበር ድርጊቶች በአሳሳቢ ሁኔታ እየጨመሩ መምጣታቸዉን በተለያዩ መንገዶች ማረጋገጥ ችሏል።

በአሁኑ ወቅት በሀገራችን የሚካሄዱ የተለያዩ ሲምፖዚየሞችን፣ ዓለም አቀፍ መድረኮችን እና የኦንላይን ስብሰባዎችን እንደ መልካም አጋጣሚ በመጠቀም፣ የሳይበር ወንጀለኞች የእነዚህን ኩነቶች ስም ለሀሰተኛ ድርጊቶቻቸው መጠቀሚያ እያደረጉት ይገኛሉ።

እነዚህ አካላት የማህበረሰቡን የግል መረጃ ለመስረቅ፣ የባንክ ሂሳቦችን ለመመዝበር እና የዲጂታል ደህንነትን ለማናጋት በተቀናጀ መልኩ እየሰሩ መሆኑን አስተዳደሩ በክትትልና በምርመራ አረጋግጧል።

እነዚህ የሳይበር ጥቃቶች የሚፈጸሙት ማህበረሰቡ ትኩረት የሚሰጣቸውን "ተፈላጊ" እና "ወቅታዊ" የሆኑ ጉዳዮችን መነሻ በማድረግ በተዘረጋ ስልታዊ የማታለያ ዘዴ ነው።

አጭበርባሪዎቹ "ለሲምፖዚየሙ ተሳታፊዎች የተዘጋጀ ነጻ የኢንተርኔት ፓኬጅ"፣ "ልዩ የስራ ቅጥር" ወይም "ይህ የስብሰባ መሳተፊያ ሊንክ ነው፤ ከፍተው ይግቡ" የሚሉ አሳሳችና ማራኪ መልዕክቶችን በማሰራጨት ተጠቃሚዎች በመልዕክቱ ውስጥ የተካተተውን ሊንክ (Link) እንዲጫኑ ያደርጋሉ።

ይህ ድርጊት ተጠቃሚው ሳያውቀው ወደ አጥፊ ተልዕኮ ወዳላቸዉ ድረ-ገጾች እንዲያመራና ለጥቃት ተጋላጭ እንዲሆን የሚያደርግ የመጀመሪያው የወንጀለኞች እርምጃ እንደሆነ አስተዳደሩ ይገልጻል።

ጥቃት አድራሾቹ የአንዳንድ ግለሰቦች የግንዛቤ እጥረትና ትኩረት ማጣት የተነሳ የሚላኩላቸውን ሊንኮችና መልዕክቶች በጥንቃቄ የመመርመር ዕድላቸው አነስተኛ መሆኑን ተከትሎ ወንጀለኞቹ ይህን ሁኔታ እንደ ምቹ አጋጣሚ እየተጠቀሙበት ይገኛሉ።

ይህ አይነቱ ጥቃት ከግለሰቦች መረጃ ስርቆት ባለፈ፣ በእጃቸው የሚገኙ ሚስጥራዊ መረጃዎች በጠላፊዎች እጅ እንዲወድቁ በማድረግ በሀገር ደህንነትና ሉዓላዊነት ላይ ከፍተኛ አደጋ የሚጋርጥ መሆኑን አስተዳደሩ በጥብቅ ያሳስባል።

በዚህም ተጠቃሚዎች የተላከላቸውን ሊንክ ሲጫኑ ወይም የተጠየቁትን መረጃ ሲሞሉ፣ የዋትሳፕ ወይም የቴሌግራም አካውንታቸው ወዲያውኑ በጠላፊዎች ቁጥጥር ስር እንዲዉል ያደርጋል።

ወንጀለኞቹ አንዴ የአንድን ሰው አካውንት ከተቆጣጠሩ በኋላ፣ የተጠለፈውን አካውንት በመጠቀም በተጎጂው ስም ለቅርብ ወዳጅ ዘመዶቹና ለስራ ባልደረቦቹ "ድንገተኛ ችግር አጋጥሞኛል" የሚሉ የሀሰት የገንዘብ ድጋፍ ጥያቄዎችን ይልካሉ።

ይህም ድርጊት በማህበረሰቡ መካከል ያለውን መተማመን ከመሸርሸሩ ባለፈ፣ ከፍተኛ መጠን ያለው ገንዘብ በማጭበርበር እንዲመዘበር በማድረግ መጠነ-ሰፊ የኢኮኖሚና የስነ-ልቦና ጉዳት እያደረሰ ይገኛል።

ከላይ የተጠቀሱና መሰል የሳይበር ደህንነት ስጋቶችን ለመቀነስ፣ የመንግስትና የግል ተቋማት እንዲሁም ማህበረሰቡ ከመቼውም ጊዜ በላይ ከፍተኛ ጥንቃቄ ሊያደርጉ እንደሚገባ ኢንፎርሜሽን መረብ ደህንነት አስተዳደር ያሳስባል።

ከማይታወቁ ወይም ካልተረጋገጡ አድራሻዎች በዋትሳፕ፣ በቴሌግራም እና በሌሎች መድረኮች የሚላኩ ሊንኮችን ካለመክፈት ባለፈ፣ አጠራጣሪ መልዕክቶች ሲደርሱ ወዲያውኑ "Report" እና "Block" በማድረግ የጥቃቱን ስርጭት መግታት ይገባል።

በተጨማሪም ማንኛውንም አይነት ሚስጥራዊ የይለፍ ቃል ወይም በስልክ የሚላክ የማረጋገጫ ኮድ (Verification Code) ለማንም አካል አለመስጠት ለዲጂታል ደህንነታችን ወሳኝ መሆኑን አስተዳደሩ በድጋሚ ያስገነዝባል።

አስተዳደሩ እያንዳንዱ ተጠቃሚ በተለይም ማህበረሰቡ በመተግበሪያዎቹ ላይ የሁለትዮሽ ማረጋገጫ (Two-Step Verification) በአስቸኳይ እንዲተገብር ይመክራል።
ይህ የቴክኖሎጂ የመረጃ ጠላፊዎች የግለሰቦችን አካውንት በቀላሉ እንዳይቆጣጠሩ የሚያደርግ እና ተጨማሪ የደህንነት ቁልፍ የሚፈጥር አስተማማኝ የመከላከያ ዘዴ ነው።

ዜጎች ይህንን ቀላል ግን ውጤታማ የሆነ የደህንነት ጥንቃቄ ተግባራዊ በማድረግ፣ ራሳቸውን በቴክኖሎጂ ከታገዙ የማጭበርበር ድርጊቶች ሊታደጉና የሳይበር ወንጀለኞችን ሴራ ሊያከሽፉ እንደሚገባ ኢንፎርሜሽን መረብ ደህንነት አስተዳደር ይመክራል።

በመጨረሻም፣ የኢንፎርሜሽን መረብ ደህንነት አስተዳደር እነዚህን የሳይበር ወንጀለኞች በህግ ተጠያቂ ለማድረግ ከሚመለከታቸው የጸጥታና የፍትህ አካላት ጋር በቅንጅት እየሰራ ይገኛል።

ማህበረሰቡ ማንኛውም የሳይበር ጥቃት ሙከራ ሲያጋጥመው ወይም አጠራጣሪ እንቅስቃሴዎችን ሲመለከት በነጻ ስልክ መስመር 933 በመደወል ለኢመደአ ጥቆማ እንዲሰጥ ጥሪ እናቀርባለን።

የሳይበር ደህንነትን ማስጠበቅ የአንድ ተቋም ብቻ ሳይሆን የሁላችንም የጋራ ሀላፊነት በመሆኑ፣ የቴክኖሎጂ አጠቃቀማችንን በንቃትና በጥንቃቄ በመምራት የሀገራችንን ሰላምና ደህንነት በጋራ እንጠብቅ።
ይለናል።



#cybersecurity #ደህንነት #intelligence #insa #techinfo #Privacy


CompuTech©

🧷🧷🧷

በቲክቶክ አዲስ የአሠራር ለውጥ ምክንያት የተጠቃሚዎች ቁጥር በከፍተኛ ሁኔታ ማሽቆልቆሉ ተነገረ

ታዋቂው የማህበራዊ ትስስር ገጽ ቲክቶክ (TikTok) በቅርቡ ተግባራዊ ያደረገው የአሠራር ደንብ (Algorithm) ለውጥ፣ በመድረኩ ላይ በሚንቀሳቀሱ የይዘት አዘጋጆች እና ተመልካቾች ዘንድ ከፍተኛ መነጋጋሪያ ሆኗል።

ይህ አዲስ አሠራር በተለይ በኢትዮጵያ ውስጥ በርካታ ተከታዮች ያላቸውን ታዋቂ ግለሰቦች የቪዲዮ እይታ በከፍተኛ ሁኔታ እንዲቀንስ ማድረጉ የታወቀ ሲሆን፣ መተግበሪያውን ከስልካቸው ላይ የሚያጠፉ (Uninstall) ሰዎች ቁጥርም እስከ 150 በመቶ ማደጉ ተመልክቷል።

ለዚህ የተመልካች ቁጥር መቀነስና የተጠቃሚዎች መስተጋብር መውረድ በዋናነት የተጠቀሰው መድረኩ ረዘም ያሉ ቪዲዮዎችን እና ፍጹም አዲስ (Original) የሆኑ ይዘቶችን ብቻ ቅድሚያ እየሰጠ መሆኑ ነው።

ይህም በቀድሞው መንገድ ይንቀሳቀሱ የነበሩ አካውንቶች የእይታ ቁጥራቸው እንዲያሽቆለቁል ምክንያት ሆኗል።

በተጨማሪም ቲክቶክ የውሸት (Fake) እና ሥራ ያቆሙ አካውንቶችን በብዛት የማጥፋት እርምጃ መውሰዱ በአጠቃላይ የእይታ ቁጥሮች ላይ ተጽዕኖ ማሳረፉ ተገልጿል።

ከመድረኩ የሚገኘው ገቢ መቀነስና የይዘት ውድድሩ መክበድ በርካታ ታዋቂ የይዘት አዘጋጆች መድረኩን እንዲለቁ እያደረጋቸው ሲሆን፣ ይህ ለውጥ በቀጣይ በቲክቶክ ተጠቃሚዎች ብዛት እና በይዘት ጥራት ላይ የሚያመጣው ተፅዕኖ በቅርበት የሚጠበቅ ይሆናል።

#techinfo #TechTips #TechEthiopia #ቴክ


CompuTech©