#eʼtibor

Mamlakatimiz bo‘ylab keng nishonlanayotgan 9-may – Xotira va qadrlash kuni munosabati bilan keksalarni yo‘qlash, ularning holidan xabar olish maqsadida Toshkent viloyati hokimining o‘rinbosari Zuhra Mirgaziyeva, Chirchiq shahar hokimi Murodjon Abdurahimov, Chirchiq shahar prokurori Ummatbek Ablabekov va Chirchiq gornizoni boshlig’i Shovkat Mamadjanovlar bilan birgalikda shahrimizdagi Ikkinchi jahon urushi qatnashchisi 99 yoshni qarshilagan Aklima Shayxutdinovaning xonadonida bo‘lishdi.

Dastlab Prezident Shavkat Mirziyoyevning Xotira va qadrlash kuni munosabati bilan yo‘llagan bayram tabrigi o‘qib eshittirildi hamda davlatimiz rahbarining qarori bilan faxriylarga ajratilgan bir martalik 20 million so‘m pul mukofoti va maxsus esdalik sovg‘a taqdim etildi.

Suhbat davomida onaxon o‘zining hayot yo‘llari haqida yig‘ilganlarga so‘zlar ekan, bugungi dorilomon kunlarga shukronalar aytib, duolar qilishdi. Bayram munosabati bilan ko‘rsatilgan ushbu e’tibor uchun kun qahramoni va ularning yaqinlari davlatimiz rahbari va tashkilotchilarga minnatdorlik bildirdilar.

Shuningdek, Chirchiq Nuroniylar markazi tomonidan ajratilgan 1 million so’m pul mukofatini Olimjon Yo’ldashev topshirdi.

Chirchiq shahar hokimligining Axborot xizmati

💬 Telegram 🌐 Facebook
🌐 Instagram 🌎 Web-site