မအလ အောက်မှာ နေရင်
ဒီဇယား နဲ့ နေရမယ် ..

တော်လှန် ပုန်ကန်မှ
ငါတို့လွတ်လပ်မယ် ..

အကြမ်းဖက် စကစ နဲ့
ပတ်သက်နေတဲ့သူမှန်သမျှကို
ရတဲ့နည်းနဲ့ ဆန့်ကျင်ကြပါ ။

ရန်ကုန်တိုင်း အဖမ်းအဆီးဖြစ်စဉ်များ (ဖေဖော်ဝါရီလ၊ ၂၀၂၅)
•••••••••••••••®•••••••••••••••
၂၀၂၅ ခုနှစ်၊ ဖေဖော်ဝါရီလထဲ ရန်ကုန်တိုင်းအတွင်း အကြမ်းဖက်စစ်တပ်မှ ပြုလုပ်ခဲ့သည့် အဖမ်းအဆီးဖြစ်စဉ်များအနက် ဖြစ်စဉ် ၉၆ ခုကို သိရှိခဲ့ရပြီး ၎င်းတို့အနက် ၂၆ ခုကို အတည်ပြုနိုင်ရန် စုံစမ်းနေဆဲဖြစ်သည်။
(ဖြစ်စဉ်များကို တွက်ချက်ရာတွင် အတည်ပြု သိရှိခဲ့ရသည့် ဖြစ်စဉ် အခု ၇၀ ကိုသာ ယူထားသည်။)

ဖေဖော်ဝါရီလအတွင်း ကနဦးဖမ်းဆီးခံလိုက်ရသူ စုစုပေါင်း ၂၃၃ ဦး ရှိခဲ့ပြီး ၎င်းတို့အနက် ၅၄ ဦး ပြန်လွတ်လာခဲ့ကာ ၈ ဦးကိုမူ ပြန်မလွှတ်ပေးတော့ကြောင်း အတည်ပြု သိရှိရသည်။ ၁၇၁ ဦးမှာ ဖမ်းဆီးခံရပြီးနောက် ပြန်လည်လွတ်မြောက်ခြင်း ရှိ မရှိ နောက်ဆက်တွဲကို မသိရှိရပါ။

လမ်းမပေါ် တွေ့ရာ လိုက်ဆွဲ၍ ပါသွားသူ ဦးရေမှာ ၁၀၆ ဦး ရှိသည်။ ဧည့်စာရင်းစစ်ပြီး ဖမ်းခေါ်ခံရသူ ၅၉ ဦး၊ သတင်းအတိအကျဖြင့် ရှာဖွေဖမ်းဆီးခံရသူ ၆၃ ဦးနှင့် ဖမ်းဆီးသည့်ပုံစံ မသိရပဲ ချုပ်နှောင်ခံထားရသူ ၅ ဦး ရှိခဲ့ကြောင်း သိရသည်။

စစ်ရေးလှုပ်ရှားသူများ၊ သပိတ်လှုပ်ရှားသူများဟု စွပ်စွဲ၍ ဖမ်းဆီးခံရသူ လူငယ် ၃ ဦး ရှိခဲ့ကြောင်း သိရသည်။ အဆိုတော် လင်းလင်း၏ ရောင်နီသီချင်း လမ်းဘေးတွင် တီးခတ်နေခြင်းကို အားပေးအားမြောက်လုပ်၍ဟုဆိုကာ ၅ ဦး ဖမ်းဆီးခံရသည်။ စစ်မှုထမ်းအတွက် သန်လျင် ရေတပ်သင်္ဘောပေါ် ဖမ်းဆီးထားရာမှ ၂ ဦး ခုန်ချထွက်ပြေးခဲ့သော်လည်း ပြန်လည်ဖမ်းမိသွားသည့်ဖြစ်စဉ်လည်း ရှိခဲ့သည်။

ဖေဖော်ဝါရီလ ၁၇ ရက်နေ့တွင် အကြမ်းဖက်စစ်တပ်မှ စစ်မှုထမ်းသင်တန်း အမှတ်စဉ် ၁၀ စတင်ခဲ့ပြီး အဓမ္မစုဆောင်းထားသူ လူ ၅၀၀ ကျော်ကို တိုက်ကြီးမြို့နယ်နှင့် လှည်းကူးမြို့နယ်ရှိ စစ်သင်တန်းကျောင်းများသို့ ပို့ဆောင်ခဲ့သည်။

(ဤပုံစံကားချက်ပါ အချက်အလက်များသည် RSN သို့ ပေးပို့လာသည့် သတင်းများ၊ ချိတ်ဆက်အဖွဲ့အစည်းများထံမှ သိရှိရသည့် သတင်းများ နှင့် မီဒီယာ သတင်းများကို ကိုးကား၍ ပြုစုတွက်ချက်ထားခြင်းဖြစ်ပြီး လက်တွေ့မြေပြင်အခြေအနေမှာ ဤထက် ဆိုးရွားသည်။)

05 Mar 2025
#arrest #RangoonScoutNetwork