នៅរសៀលថ្ងៃទី២៦ ខែកក្កដា ឆ្នាំ២០២៤​ លោក លី សុធារ៉ាយុត្តិ អគ្គលេខាធិការគណបក្ស ភ្លើងទៀន បាន​អញ្ជើញ​ជួប​សួរសុខទុក្ខ និងផ្ដល់ការសំណេះសំណាល​ជាមួយ​សមាជិក​ សមាជិកាក្រុមប្រឹក្សា​ខេត្ត​ ក្រុង​ ស្រុក​ និង​ឃុំ សង្កាត់​ មកពី​គណបក្ស ភ្លើងទៀន/ឆន្ទៈខ្មែរ នៅខេត្ត​បន្ទាយមានជ័យ នា​ទីស្នាក់ការ​គណបក្ស​ខេត្ត​ ក្នុងក្រុងសិរីសោភ័ណ។ វត្តមានចូលរួមក្នុងឱកាសនោះដែរ រួមមាន លោក ជា ស៊ីណា​ តំណាង​ខុទ្ទកាល័យ​ប្រធានគណបក្ស ភ្លើងទៀន/ឆន្ទៈខ្មែរ និង​លោក-លោកស្រី​ជាថ្នាក់ដឹកនាំ​គណបក្សខេត្ត​បន្ទាយមានជ័យ សរុប​ប្រមាណ​ ៨០នាក់។

នៅព្រឹកថ្ងៃទី២៧ ខែកក្កដា ឆ្នាំ២០២៤ លោក សេង ម៉ារឌី អនុប្រធានគណបក្ស ឆន្ទៈខ្មែរ និងជាសមាជិកព្រឹទ្ធសភា រួមជាមួយលោក លី សុធារ៉ាយុត្តិ អគ្គលេខាធិការគណបក្ស ភ្លើងទៀន អមដំណើរដោយលោក ជា ស៊ីណា តំណាងខុទ្ទកាល័យប្រធានគណបក្ស ភ្លើងទៀន ឆន្ទៈខ្មែរ បានអញ្ជើញចូលរួមជាគណៈអធិបតីក្នុងកិច្ចប្រជុំគណបក្ស ភ្លើងទៀន ឆន្ទៈខ្មែរ ខេត្តបាត់ដំបង នៅទីស្នាក់ការគណបក្ស ខេត្តបាត់ដំបង ក្នុងក្រុងបាត់ដំបង។

សមាសភាពចូលរួមក្នុងកិច្ចប្រជុំ រួមមាន លោក-លោកស្រីថ្នាក់ដឹកនាំគណបក្សខេត្ត ក្រុង ស្រុក និងលោក-លោកស្រីសមាជិក សមាជិកាក្រុមប្រឹក្សាខេត្ត ក្រុង ស្រុក និងឃុំ សង្កាត់ សរុបប្រមាណ ១៥០ នាក់៕