Yaa’ii 15ffaa Garee biyyoota BRICS (Biraazil, Raashiyaa, Hindii, Chaayinaafi Afriikaa Kibbaa) har’a Afriikaa Kibbaatti gaggeeffame irratti kan argaman Muummeen Ministeraa Itiyoophiyaa Dr. Abiy Ahimad Itiyoophiyaan miseensa garichaa taatee filatamuun ishee injifannoo gama diiplomaasiin arganne keessaa isa ijoodha jedhan.

Jijjiiramni Itiyoophiyaa keessatti roga maraan mul’achaa jiru, guddinni diinagdeefi abdiin gara fuulduraa biyyi keenya qabdu miseensa garee kanaa taatee akka filatamtu ishee taasisee jira jedhan Dr. Abiy.

Injifannoowwan waggoota kurnan darban keessatti galmaa’an keessaa kun isa tokko ta’uu kan ibsan Dr. Abiy, wayita miseensa garee kanaa ta’uuf kaadhimamnuus ulaagaawwan hunda guunnee waan argamneefi jedhan.

Kunis, Itiyoophiyaan guddina diinagdeen, baay’ina ummataan, dhageettiin addunyaa irratti qabduufi abdiin gara fuula duraatti qabdu ilaalcha keessa galee, biyyoonni miseensa garichaa ta’an, “𝑨𝒇𝒓𝒊𝒊𝒌𝒂𝒂 𝒌𝒆𝒆𝒔𝒔𝒂𝒕𝒕𝒊 𝒃𝒊𝒚𝒚𝒂 𝒈𝒖𝒅𝒅𝒐𝒐 𝒅𝒉𝒂𝒈𝒆𝒆𝒕𝒕𝒊𝒊 𝒐𝒍𝒂𝒂𝒏𝒂𝒂 𝒒𝒂𝒃𝒅𝒖 𝒄𝒊𝒏𝒂𝒂𝒕𝒕𝒊 𝒅𝒉𝒊𝒊𝒇𝒏𝒆𝒆 𝒃𝒂𝒌𝒌𝒂 𝒃𝒖’𝒊𝒊𝒏𝒔𝒂 𝑨𝒇𝒓𝒊𝒊𝒌𝒂𝒂 𝒊𝒃𝒔𝒖𝒖 𝒉𝒊𝒏 𝒅𝒂𝒏𝒅𝒆𝒆𝒏𝒚𝒖” jedhanii waan hubataniif miseensa garee kanaa ta’uu dandeenyee jirra jedhan.

Oomisha Qamadiin, Ashaaraa Magariisaan, Misooma Magaalaafi guddina GDP waliigalaan injifannoowwan hanga ammaatti argaman irratti dabalataan har’a ammoo gama #DIIPLOMAASIIN injifannoo haaraa argame kanaan baga gammaddan jechuun gammachuu isaanii ibsaniiru.

Yaa’ii kana irratti Itoophiyaa dabalatee biyyoonni jaha (Igipt, Gamtaa Imireetota Arabaa, Arjentiinaa, Iraaniifi Sawudi Arabiyaa) miseensa haaraa garichatti dabalamanidha.
****
𝗢𝗱𝗲𝗲𝗳𝗳𝗮𝗻𝗻𝗼𝗼 𝗗𝗮𝗯𝗮𝗹𝗮𝘁𝗮𝗮 𝗔𝗿𝗴𝗮𝗰𝗵𝘂𝘂𝗳!
𝑾𝒆𝒆𝒃𝒔𝒂𝒂𝒚𝒊𝒕𝒊𝒊: www.caffeeoromiyaa.org
𝑭𝒂𝒄𝒆𝒃𝒐𝒐𝒌: https://www.facebook.com/CaffeeO
𝑻𝒆𝒍𝒆𝒈𝒓𝒂𝒂𝒎𝒂: Https://t.me/CaffeeOromia
𝒀𝒐𝒖𝒕𝒖𝒃𝒆: www.youtube.com/@caffeeoromiyaa
𝐓𝐰𝐢𝐭𝐭𝐞𝐫: https://twitter.com/CaffeeOromiyaa
𝐇𝐨𝐫𝐝𝐨𝐟𝐚𝐚!

Hoggansiifi hojjettoonni Waajjira Caffee Oromiyaa, guyyaa ‘𝑻𝒂𝒋𝒂𝒂𝒋𝒊𝒍𝒕𝒖𝒎𝒎𝒂𝒂’ sagantaawwan garaa garaan kabajan.

Itti Gaafatamaa Waajjira Caffee Oromiyaa Kab. Obbo Indaashaw Birhaanuu, tajaajila si’ataa, haqa qabeessaafi itti fufiinsa qabu lammiileef kennuun amaanaa ummataa galmaan gahuu qabna jedhan.

Rakkoo kenna tajaajilaafi bulchiinsa gaarii akka biyyaatti jiru hiikuu kan dandeenyu, rakkoon hawaasaa rakkoo kiyya miira jedhuun ilaallee, maddi gammachuu hoggansaafi hojjetaa tajaajila hawaasaaf kennuun itti quufiinsa ummataa mirkaneessuun argama jedhan. Kanaaf, hojii bara kana karoorfanne qabatamaan kan hojjiitti hiiknu ta’uu qaba. Naamusa olaanaan hojjennee, kabaja lammiifi miira tajaajiltummaa qabaannee ummata bakka nu buufate tajaajiluun ammoo tola ooltummaa osoo hin taane dirqama keenyadha jedhan.

Dura Taa’aan Koree Dhaabbii Dhimma Misooma Magaalaa Kab. Obbo Abdulqaadir Huseen, ummanni keenya kan kaleessaa caalaa waan baay’ee nurraa eega; hojiin keenya bara itti aanuus akka milkaa’uuf kutannoofi xiiqii olaanaan hojjennee rakkoo ummata keenyaa furuutu nurra jiraata. Kanaaf, ciminnis ta’e, hanqinni keenya kan waloo ta’uu hubannee, amantaa ummanni Caffeerraa qabu daran dabaluuf qindoomnee hojjechuun nurraa eegama jedhan.

Sagantaa kanarrattis, Itti Gaafatamaa Waajjira Caffeefi Daarikteroota gidduutti, akkasumas, Daarikteroonni hojjettoota waliin sirna Karoora Bara 2016 walharkaa fuudhuu raawwataniiru.

𝗚𝘂𝘆𝘆𝗮𝗮 𝗪𝗮𝗿𝗲𝗲𝗴𝗮𝗺𝗮𝗮
𝑸𝒂𝒂𝒎𝒎𝒆𝒆 2
****
Biyya Wareegama Qaalii Gootota Ijoollee Isheen Har'a Geesse Utubnee, Dhaloota Dhufu Ni Dhaalchifna!