Валерый Сахашчык — падчас слуханняў у Каардынацыйнай Радзе

«Каб пазбавіць Беларусь расійскага ўплыву, які практычна ўжо ператварыўся ў акупацыю, мы з вамі — дэмакратычны рух — павінны стаць магутнай ваенна-палітычнай сілай. Для гэтага неабходна пераадолець унутраныя рознагалоссі ў дэмакратычным асяроддзі. Пакуль гэтага не адбудзецца, казаць аб пераменах складана. Але я веру, што гэта магчыма. Гэта толькі пытанне часу»

@CabinetBelarus

Сёння — другі дзень слуханняў справаздач прадстаўнікоў Аб’яднанага Пераходнага Кабінета ў Каардынацыйнай Радзе

Трансляцыя будзе весціся на канале КР

Прадстаўніца па сацыяльнай палітыцы Кабінета Вольга Гарбунова выступіць са справаздачай у 13:00 (па мінскім часе), прадстаўнік па замежных справах Валер Кавалеўскі — у 15:30.

@CabinetBelarus

У Каардынацыйнай Радзе пачынаецца слуханне справаздачы Вольгі Гарбуновай на пасадзе прадстаўніцы па сацыяльнай палітыцы Аб’яднанага Пераходнага Кабінета

6 фактаў пра дзейнасць яе прадстаўніцтва:

▪️створана каманда прадстаўніцтва, якая займаецца даследаваннем праблем уразлівых груп насельніцтва, распрацоўкай канцэпцый рэформ у сферы сацыяльнай палітыкі, праграм для аказання дапамогі беларусам, якія пацярпелі ў сувязі з палітычным крызісам і рэпрэсіямі; каманда праводзіць інфармацыйную працу, каб патлумачыць грамадству праблемы ўразлівых груп і матываваць аказваць ім дапамогу;

▪️праведзена праца па вывучэнні паспяховых прэцэдэнтаў вызвалення палітзняволеных у Беларусі і іншых краінах;

▪️распрацоўваюцца падыходы да правядзення перамоў па вызваленні палітзняволеных і падтрымліваецца камунікацыя з патэнцыйнымі медыятарамі (прадстаўнікамі краін ЕС, ЗША, міжнародных арганізацый);

▪️на фінальнай стадыі запуску знаходзіцца праект платформы «Адно акно» для аказання комплекснай інфармацыйна-кансультатыўнай падтрымкі палітвязняволеным і іх сем'ям;

▪️адкрыты дабрачынны фонд «21 траўня» з мэтай пошуку і збору сродкаў для ўзмацнення працы існуючых фондаў, ініцыятыў і арганізацый, якія аказваюць дапамогу палітзняволеным і іх сем'ям;

▪️29 ліпеня 2023 года праведзены марафон салідарнасці «Нам не ўсё адно», падчас якога сабрана дапамога палітзняволеным у памеры 574 617 еўра.

@CabinetBelarus

Вольга Гарбунова — падчас слуханняў у Каардынацыйнай Радзе

«Галоўная задача на дадзены момант — выпрацаваць адзіную стратэгію па вызваленні палітзняволеных, аб якой маглі б дамовіцца асноўныя палітычныя структуры дэмакратычнага руху. Неабходна вылучыць тэму вызвалення палітзняволеных з агульнай палітычнай стратэгіі і зрабіць яе асобным прыярытэтам, знайсці пад гэта чалавечыя і фінансавыя рэсурсы»

@CabinetBelarus

Пачынаецца слуханне справаздачы Валера Кавалеўскага на пасадзе прадстаўніка па замежных справах Аб’яднанага Пераходнага Кабінета

8 фактаў пра дзейнасць яго прадстаўніцтва:

▪️распрацаваныя план дзеянняў па кроках на міжнароднай арэне па абароне тэрытарыяльнай цэласнасці і суверэнітэту Беларусі, падыходы да перагляду адносін з Расіяй – для падрыхтоўкі геапалітычнага развароту Беларусі;

▪️пасля стварэння Кантактнай групы па адносінах з Радай Еўропы, пачалася праца Кансультатыўнай групы «Беларусь – Еўрасаюз», рыхтуецца запуск Стратэгічнага дыялогу «Беларусь – ЗША»;

▪️адкрыта місія дэмакратычнай Беларусі ў Бруселі пад кіраўніцтвам намесніка прадстаўніка па замежных справах У. Астапенкі, якая за гэты час стала цэнтрам беларускай актыўнасці ў сталіцы ЕС. Місіяй праведзена больш за 30 публічных мерапрыемстваў; аднаўляе сваю працу місія ў Кіеве;

▪️вядзецца праца з міжнароднымі арганізацыямі і парламентамі па прыняцці імі рэзалюцый і справаздач па Беларусі з асуджэннем злачынстваў рэжыму, заклікам да міжнароднага ціску на рэжым і падтрымкі беларускага дэмакратычнага руху: сярод найбольш значных вынікаў – другі даклад у рамках Маскоўскага механізма АБСЕ, даклад і рэзалюцыя ПАРЕ, у перспектыве – прыняцце тэматычна ўсёабдымнай рэзалюцыі Еўрапарламента і зацвярджэнне пятай рэдакцыі Акта аб дэмакратыі ў Беларусі;

▪️распачаты і развіваецца стратэгічны праект нацыянальнага пашпарта Новай Беларусі;

▪️створана працоўная група па міграцыі ў Літве з удзелам прадстаўнікоў Кабінета;

▪️на палітычным узроўні вядзецца праца па забеспячэнні міжнароднай дапамогай грамадзянскай супольнасці, незалежных медыя і дэмакратычнага руху ўвогуле (найперш з Еўракамісіяй і Кангрэсам ЗША); 

▪️ад пачатку вайны беларускім добраахвотнікам дастаўлена дапамогі на суму больш за 200 тысяч еўра.

@CabinetBelarus

Валер Кавалеўскі — пра слуханні ў Каардынацыйнай Радзе:

«Узаемадзеянне паміж Кабінетам і Каардынацыйнай Радай мае значны патэнцыял, каб памнажаць эфект ад намаганняў усяго дэмакратычнага руху. Устойлівая, матываваная, нацэленая на вынікі Каардынацыйная Рада – адзін са складнікаў нашага агульнага поспеху. Актыўная прысутнасць Рады і пільная ўвага да дзейнасці Кабінета фарміруе нормы дэмакратычнага працэсу Новай Беларусі і рыхтуе наша грамадства да дэмакратычнага транзіту»

@CabinetBelarus

Каментарый намесніка кіраўніцы Аб'яднанага Пераходнага Кабінета Беларусі Паўла Латушкі аб увядзенні новых санкцый ЕС супраць рэжыму

«Сёння Еўракамісія апублікавала паведамленне аб увядзенні новага санкцыйнага пакета ў дачыненні да рэжыму Лукашэнкі. Гэты пакет пачаў актыўна рыхтавацца ЕС яшчэ больш за паўгода таму.

Нарэшце, намі дасягнуты вынік. Новыя сектаральныя абмежаванні галоўным чынам накіраваны на прадукцыю ваеннага і двайнога прызначэння, узбраення, авіяцыйную прадукцыю і тавары, тэхналогіі для выкарыстання ў касмічнай галіне.

З прыняццем гэтага пакета абмежавальных мер будзе зроблены істотны крок да поўнай гарманізацыі эканамічных санкцый паміж Расіяй і рэжымам Лукашэнкі.

У новым пакеце не мяркуецца ніякіх выключэнняў для беларускага калію. Гэта шмат у чым з'яўляецца вынікам нашай карпатлівай працы як з наднацыянальнымі органамі ЕС, так і дзяржавамі-сябрамі саюза, у тым ліку шматлікіх сустрэч, лістоў, аналітычных матэрыялаў, працы са СМІ.

Данясенне пазіцыі ўскладнялася розным падыходам у шэрагу дзяржаў-членаў ЕС да бачання санкцыйнай палітыкі ў дачыненні да рэжыму Лукашэнкі. Але ў выніку нам удалося пераканаць усіх нашых еўрапейскіх партнёраў прыняць дакладнае рашэнне.

Мы працягнем ціск на рэжым і пашырэнне санкцыйных захадаў у дачыненні да рэжыму Лукашэнкі, які ўяўляе сабой рэальную пагрозу для еўрапейскай бяспекі, міру і, самае галоўнае, для саміх беларусаў.

У хуткім часе таксама чакаецца прыняцце санкцый у дачыненні да рэжыму Лукашэнкі і з боку ЗША. Сам нелегітымны ўзурпатар, як і іншыя парушальнікі міжнароднага права не застануцца беспакаранымі»

@CabinetBelarus

«Пытанняў шмат і давайце шукаць адказы на іх разам». Адкрыты дыялог дэмакратычных сілаў Беларусі падчас Канферэнцыі Новая Беларусь 2023

6 жніўня а 12:00 па Мінску пачнецца анлайн-трансляцыя Канферэнцыі Новая Беларусь 2023. Канферэнцыю сумесна праводзяць Офіс Святланы Ціханоўскай, Аб'яднаны Пераходны Кабінет і Каардынацыйная Рада.

Анлайн трансляцыя мерапрыемства будзе па гэтай спасылцы: https://www.youtube.com/live/0ZD9iV-40Ks?feature=share. Далучайцеся, пішыце свае пытанні ў каментарах і дзяліцеся спасылкай на трансляцыю з сябрамі!

Калі вы зараз у Беларусі, у мэтах бяспекі не рэпосціце, не лайкайце і не каментуйце эфір са сваіх персанальных акаўнтаў.

Працягваюцца слуханні справаздач прадстаўнікоў Аб’яднанага Пераходнага Кабінета ў Каардынацыйнай Радзе

Сёння са справаздачай выступіць прадстаўнік па транзіце ўлады Кабінета Павел Латушка

Трансляцыя пачнецца ў 17:00 па мінскім часе на канале КР.

Слуханне было перанесена з 2 на 4 жніўня ў сувязі з тэрміновай працоўнай паездкай прадстаўніка ў Кіеў.

@CabinetBelarus

Павел Латушка выступае ў Каардынацыйнай Радзе са справаздачай аб дзейнасці на пасадзе прадстаўніка па транзіце ўлады Аб'яднанага Пераходнага Кабінета

5 фактаў пра дзейнасць яго прадстаўніцтва:

▪️у Міжнародны крымінальны суд перададзены матэрыялы для выдачы ордэра на арышт Лукашэнкі, прыцягнення яго і яго памагатых да адказнасці за незаконнае перамяшчэнне ўкраінскіх дзяцей; падрыхтавана справаздача для МКС аб здзейсненых рэжымам злачынстваў супраць чалавечнасці ў дачыненні да беларусаў;

▪️ запушчаны працэдуры прыцягнення да крымінальнай адказнасці саўдзельнікаў рэжыму ў рамках працэдур міжнароднага і спецыяльнага крымінальнага трыбунала, а таксама механізма ўніверсальнай юрысдыкцыі;

▪️КДБ і ГУБАЗіК прызнаныя тэрарыстычнымі арганізацыямі ў Літве і Чэхіі;

▪️распрацавана стратэгія «Эканамічны прымус», зацверджаная пастановай Кабінета «Аб працягу работы па санкцыйным ціску»; уведзены чарговыя пакеты санкцый у дачыненні да рэжыму Лукашэнкі, а таксама ажыццяўляецца процідзеянне выняткам з санкцыйных пакетаў;

▪️створана і распачата праграма «Кадравы рэзерв для новай Беларусі» для забеспячэння транзіту ўлады ў пераходны перыяд.

Разгорнутая справаздача апублікавана на сайце НАУ.

@CabinetBelarus

Беларуская асобная дэсантна-штурмавая рота, фарміраваннем якой займаецца прадстаўнік па абароне і нацыянальнай бяспецы Кабінета Валерый Сахашчык, аб’яўляе набор прафесіяналаў ваенных спецыяльнасцей

Для выканання задач па абароне тэрытарыяльнай цэласнасці Украіны падраздзяленне рэкрутуе: байцоў (стралкоў, кулямётчыкаў, сапёраў), аператараў беспілотнікаў, аператараў цяжкага ўзбраення, спецыялістаў медыцынскай службы, IT-спецыялістаў, супрацоўнікаў штаба.

Сярод задач: дэзарганізацыя кіравання і работы тылу праціўніка; барацьба з групоўкамі праціўніка на асобных напрамках; заняцце і ўтрыманне важных аб’ектаў і рубяжоў у інтарэсах групоўкі сваіх войскаў і інш.

Перавага аддаецца кандыдатам з баявым досведам, кадравым ваенным, спартсменам.

Для ўсіх байцоў прадугледжанае грашовае забеспячэнне ў залежнасці ад кампетэнцый, навыкаў, пасады і выкананых задач.

Беларуская асобная дэсантна-штурмавая рота, якую курыруе асабіста прадстаўнік па абароне і нацыянальнай бяспецы Кабінета, прытрымліваецца найноўшых стандартаў рыштунку, абароны, сродкаў сувязі, паражэння і вядзення разведкі, з мэтай захавання жыццяў байцоў.

Больш падрабязная інфармацыя — на канале вайсковага падраздзялення. Таксама атрымаць дадатковую інфармацыю можна праз бяспечны бот: @DNB_Rec_bot.

@CabinetBelarus

Прадстаўніца па нацыянальным адраджэнні Аб’яднанага Пераходнага Кабінета Аліна Коўшык прапанавала медыяцыю для пераадолення крызіснай сітуацыі вакол Беларускага Моладзевага Хаба ў Варшаве

Прадстаўнікам абодвух бакоў канфлікту — Аляксандру Лапко і Сяргею Бульбу — накіраваны ліст ад Кабінета з прапановай медыяцыі дзеля дасягнення паразумення і пераадолення крызіснай сітуацыі. У найбліжэйшы час прапанавана правесці сустрэчу з удзелам прадстаўнікоў Кабінета.

Таксама прадстаўнікамі Кабінета зроблены некаторыя непублічныя крокі ў камунікацыі з уладамі горада Варшавы.

«Мы гатовы задзейнічаць аўтарытэт і ўплыў Аб’яднанага Пераходнага Кабінета для ўрэгулявання канфлікту. Сітуацыя вакол Беларускага Моладзевага Хаба павінна быць абавязкова вырашана з улікам грамадскіх інтарэсаў, каб гэтая пляцоўка не была страчана, бо яна з’яўляецца знакавым месцам для супрацоўніцтва і ўзаемадзеяння дэмакратычнай супольнасці, месцам важных культурных і грамадска-палітычных мерапрыемстваў, часткай экасістэмы грамадскіх і культурніцкіх ініцыятыў, што працуюць на карысць беларускай грамады», — адзначыла Аліна Коўшык.

@CabinetBelarus

Павел Латушка падчас слуханняў у Каардынацыйнай Радзе звярнуўся да дзяржслужбоўцаў

«За гэтыя тры гады вы павінны былі, нарэшце, зразумець, што ў нас з вамі насамрэч агульны вораг. Яго прозвішча — Лукашэнка. З ім нам размаўляць няма пра што. Але беларусы заўжды змогуць дамовіцца з беларусамі. Калі, канешне, вы лічыце сябе беларусамі. Калі суверэнітэт Беларусі, яе незалежнасць і яе бяспека важныя для вас так, як для нас. Дзеля захавання незалежнасці і дзяржаўнасці Рэспублікі Беларусь, дзеля аднаўлення міру, бяспекі і законнасці на беларускай зямлі, мы гатовы з вамі размаўляць»

@CabinetBelarus

Вынікі першага пасяджэння Назіральнай рады па пытанні размеркавання сродкаў, сабраных падчас анлайн-марафону салідарнасці

▪️Назіральная рада заслухала выступленні 13 фондаў, арганізацый, ініцыятыў, якія дапамагаюць палітзняволеным і іх сем'ям, пазнаёмілася з заяўленымі патрэбамі на дадзены момант.

▪️Падчас марафону было сабрана 574 617 еўра — і гэта перавысіла мэту, якая была вызначана арганізатарамі, таму было прынята рашэнне размеркаваць суму ў два этапы, каб уключаныя ў працэс рэалізацыі грошай фонды маглі бяспечна даставіць сродкі таму, хто ў гэтым мае патрэбу.

▪️У найбліжэйшы час будзе выдзелена палова сумы, якую фонды, арганізацыі, ініцыятывы рэалізуюць на працягу двух месяцаў, пасля чаго зробяць справаздачу Назіральнай радзе.

▪️Пасля ацэнкі першага этапа другая частка данатаў таксама будзе размеркавана паміж фондамі, арганізацыямі, ініцыятывамі. Прынята рашэнне выпрацаваць дакладныя кірункі і крытэрыі дапамогі. Падзел сумы на роўныя долі ў дадзены момант немагчымы з-за спецыфікі працы з падтрымкай палітычных зняволеных і іх сем'яў. Таму было прапанавана вызначыць кірункі дапамогі, якія закрые кожны фонд. Гэта могуць быць медыцына, штрафы, перадачы, дапамога сем'ям, рэлакацыя і г.д. На наступнай сустрэчы Назіральная рада на падставе гэтых даных зможа прыняць прамежкавае ці канчатковае рашэнне аб размеркаванні сродкаў і механіцы справаздачы.

▪️У гэты момант фонды, ініцыятывы, арганізацыі апісваюць патрэбнасці, якія павінны быць закрыты ў першую чаргу.

У склад Назіральнай рады ўвайшлі прадстаўнікі 8 беларускіх медыя: «Белсат», «Еўрарадыё», «Радыё Ўнэт», «Зеркало», «KYKY», «Маланка», «Мая Краіна Беларусь», «Reform».

@CabinetBelarus

Заўтра ў Каардынацыйнай Радзе адбудуцца слуханні справаздачы прадстаўніка па аднаўленні законнасці і правапарадку Аб’яднанага Пераходнага Кабінета Аляксандра Азарава

Трансляцыя пачнецца ў 10:00 па мінскім часе на канале КР.

@CabinetBelarus

У Каардынацыйнай Радзе выступае Аляксандр Азараў са справаздачай аб дзейнасці па пасадзе прадстаўніка па аднаўленні законнасці і правапарадку Аб’яднанага Пераходнага Кабінета

6 фактаў пра дзейнасць яго прадстаўніцтва:

▪️праведзена сумесная са Службай Бяспекі Украіны аперацыя на ваенным аэрадроме «Мачулішчы» ў лютым 2023 года, у выніку якой быў пашкоджаны расійскі ваенны самалёт далёкага радыёлакацыйнага выяўлення і кіравання А-50;

▪️распрацаваны, карэкціруецца і рэалізуецца мабілізацыйны план «Перамога»: праводзяцца асабістыя гутаркі з удзельнікамі плана, камплектуюцца давераныя групы і ячэйкі ўнутры Беларусі, праводзіцца інструктаж, вядзецца закупка абсталявання, частка якога передадзеная групам унутры краіны;

▪️ажыццяўляецца падрыхтоўка груп спецаперацый, якія з'яўляюцца часткай плана «Перамога» і атрымліваюць баявы вопыт у складзе Узброеных сіл Украіны;

▪️вядзецца праца над стварэннем бяспечных умоў для дзейнасці беларускіх дэмакратычных сіл, а таксама праца па верыфікацыі інфармацыі па запыце беларускіх дэмакратычных арганізацый, па інфармарванні замежных партнёраў;

▪️сумесна з прадстаўніцтвам па абароне і нацыянальнай бяспецы ў 9 польскіх і літоўскіх гарадах былі створаны харугвы. Большасць з іх аб'яднаны ў самастойную структуру – «Паспалітае Рушэнне». У харугвы для выкарыстання ў навучанні перададзены рыштунак. Прадстаўніцтвам прадоўжана работа па аказанні харугвам метадычнай, кансультацыйнай і іншай дапамогі па запытах;

▪️аказана садзейнічанне місіі Упраўлення Вярхоўнага камісара ААН па правах чалавека ў частцы збору доказаў у галіне парушэння правоў чалавека ў Беларусі: пошук сведкаў з ліку былых сілавікоў і пацярпелых, перадача інфармацыі з баз даных і інш.

@CabinetBelarus

Аляксандр Азараў — падчас слуханняў у Каардынацыйнай Радзе:

«Самае галоўнае — гэта праца з людзьмі ў Беларусі. Мы працуем толькі дзеля іх, і толькі яны самі могуць зрынуць крымінальную уладу Лукашэнкі»

@CabinetBelarus

«Мы не можам сабе дазволіць растрачваць давер упустую»

Кіраўніца Аб'яднанага Пераходнага Кабінета Святлана Ціханоўская выступіла з прамовай на закрыцці слуханняў прадстаўнікоў Кабінета ў Каардынацыйнай Радзе:

«<…> Прадстаўнікі справаздачыліся не столькі перад Каардынацыйнай Радай, колькі перад народам.

У верасні мы працягнем гэтую практыку — адкрытых дэбатаў і шчырай размовы — я сустрэнуся з вамі, каб даць агульную справаздачу па працы Кабінета і нашых планах. Але я прапаную і вам, Каардынацыйнай Радзе, падрыхтаваць вашую справаздачу: што было зроблена, а што не ўдалося. <...>

Перад намі шмат працы: заўтра мы з вамі праводзім канферэнцыю «Новая Беларусь», і я хачу папрасіць прадстаўнікоў скарыстацца гэтай магчымасцю для пабудовы кантактаў, пошуку новых ідэй, якія наблізяць нас да перамогі. 

Пасля мы адзначаем гадавіну ад выбараў 2020 года. Прашу прыкласці ўсе намаганні, каб Беларусь гучала па ўсім свеце.

Наш прыярытэт — вызваленне палітвязняў. Тут няма простага адказу ці плана. Ёсць розныя шляхі — і ўсе шляхі мы павінны разглядаць. Як мінімум, трымаць гэтае пытанне высока і падтрымліваць родных.

Давайце працаваць разам, каб павялічыць дапамогу для беларускіх арганізацый і ініцыятыў, над павышэннем мабільнасці, пашырэннем практыкі выдачы віз.

Я б вельмі хацела, каб профільныя камісіі Каардынацыйнай Рады больш актыўна працавалі з камандамі прадстаўнікоў Аб’яднанага Пераходнага Кабінета. Гэта могуць быць і рэгулярныя сустрэчы для абмену інфармацыяй, і супольныя кампаніі.  

Я ведаю, што бывае цяжка дамаўляцца, але гэта адзіны правільны шлях. <...>

Спадзяюся пачуць вашыя рэкамендацыі — і на іх падставе ў найбліжэйшы час я агучу свае рашэнні па далейшай працы прадстаўнікоў Аб'яднанага Пераходнага Кабінета. Дзякуй!»

@CabinetBelarus

Напярэдадні канферэнцыі «Новая Беларусь» у Варшаве адбыўся круглы стол палітычных лідараў

Удзел у сустрэчы ўзялі больш за 50 палітыкаў і актывістаў, у тым ліку Офіса Святланы Ціханоўскай, Аб’яднанага Пераходнага Кабінета, Каардынацыйнай Рады, Народнага антыкрызіснага ўпраўлення, «Кіберпартызан», «Партыі БНФ», штаба Віктара Бабарыкі, АГП, БСДП, БХД, руху «За Свабоду», «Рабочага руху», «Рады», «ByPOL», «BelPOL», «BYSOL», «Народных Амбасадаў Беларусі», «Сумленных людзей» і іншых. 

Сустрэча была закрытая для прэсы. Падчас яе абмяркоўвалі пазіцыі і планы дэмакратычных сіл. Вынікі працы круглага стала будуць прэзентаваныя на канферэнцыі 6 жніўня.

@CabinetBelarus